Oʻzbekoyim

#Alisher_Navoiy_tavalludining_584_yilligi Birovkim qilsa olimlarg’a ta’zim Qilur go’yoki payg’ambarga ta’zim Bugun qoldirgan ijodiy merosi cheksiz ummonga qiyoslanadigan, bu ummondan butun dunyo ahli bahramand bo’lishda davom etayotgan Mir Alisher Navoiy hazratlarining tavallud kuni. Ikki kundan buyon Navoiy shahrida “Alisher Navoiy va Sharq Renessansi” nomli IV xalqaro simpoziumi bo’lib o’tmoqda. Unda “Yangi O’zbekiston” universiteti ijodkor talaba va xodimi bilan birga ishtirok etmoqdamiz. Ushbu simpoziumga chet el va respublikamizning turli chekkalaridan 350 dan ortiq navoiyshunos, adabiyotshunos, jamoat arboblari, yozuvchi-shoirlar, olimlar tashrif buyurishgan. Ushbu simpoziumda ma’ruza qilingan maqolalar alohida mavzu. Turli mavzudagi maqolalarni eshitarkansiz, Navoiy ijodini o’rganish hech qachon tugamasligiga, uning asarlari zamon va makon tanlamasligiga amin bo’lasiz. Xususan, ushbu simpoziumga 1500 dan ortiq maqola kelib tushgan bo’lib, ularning ichidan eng saralari III jildli kitobga kiritilibdi. Prezidentimiz Shavkat Miromonovich Mirziyoyevning kecha simpozium ishtirokchilariga shaxsan o’zlari tabrik yo’llaganlari ham bugungi kunda adabiyotga, ilm-fanga berilayotgan e’tiborning yuksak darajada ekanini ko’rsatadi. 2025-yil Navoiy viloyatida “Alisher Navoiy yili” deb e’lon qilingan. Bugungi ayyom munosabati bilan Navoiy viloyatining bir qator hokimlari hazrat g’azallari ijrosida noan’anaviy mushoira qilishibdi. Bu adabiyotning xalqqa, xalqning esa adabiyotga yanada yaqinlashganini ko’rsatadi. @Uzbekxonim

#ilm Bundan bir hafta avval O’zbekiston Yozuvchilar Uyushmasidan telefon qilishib, kelib ketishim zarurligini aytishgandi. Bir tarafdan o’sha kutganim uyushma a’zoligi berilarmikan deb o’yladim, ikkinchi tarafdan Ijodkor ayollar maslahat kengashi sabab degan xayol ham o’tdi. Qo’shimcha o’rnida aytib o’tsam, 9-yanvar kuni O’zbekiston Yozuvchilar Uyushmasi qoshida Ijodkor ayollar maslahat kengashi tashkil etildi va men ham unda kengash a’zosi bo’ldim. Kengash adabiyotda, san’atda va ilmda ilg’or bo’lgan o’zbek ayollaridan tarkib topgan, O’zbekiston xalq shoirasi Fariza Afro’z boshchiligida tuzildi. 15-yanvar sanasida esa 1518-raqam ostida O’zbekiston Yozuvchilar Uyushmasi a’zosi bo’ldim. Domla Sirojiddin Sayyid ta’kidlaganidek, bu a’zolikka Abdulla Oripov, Erkin Vohidov, Ozod Sharafiddinov, Odil Yoqubov, Said Ahmad, Pirimqul Qodirov kabi adabiyotimizning katta figuralari qabul qilingan. Endi ularning safida bo’lish yelkamga yanada ulkan mas’uliyatlar yuklaydi. Soham tarixiy manbashunoslik bo’lishiga qaramasdan, adabiyotga bo’lgan mehrim o’z yo’nalishimga bo’lgan mehrdan oz emas. O’sha kuni uyushmaga qabul qilingan eng yosh a’zo o’zim edim, tadbirda tilshunoslarning katta ustozi Nasimxon Rahmonov domlaning ham uyushmaga a’zolikka qabul qilinganlari, ular bilan turkiy malikalar, Turkon xotin haqidagi subbatimiz qisqa esa-da, juda mazmunli bo’ldi. Tadbirdan chiqib yo’lda yozuvchimiz Ma’mura Zohidova, dilbar shoira Farida Afro’z va yosh ijodkor Shohsanam Nishonovalarni uchratdim, Farida opa shunda uyushmaga a’zo bo’lgan ayol ijodkorlar soni 411 taga yetganini aytdilar. Bu safning yaqin yillarda kengayishiga ishonchimiz komil. Uyushmaga a’zo bo’lishga ariza va hujjatlarni ijod maktabida direktor bo’lgan vaqtlarimda topshirgandim. Roppa-rosa 15 oy o’tib, haqiqiy guvohnomani qabul qilib oldim. Va a’zolik ilmga va faol ilmiy ijodga qaytishim kerakligini yana bir bor esimga soldi. @Uzbekxonim

Tabriklaymiz! Toshkent Prezident maktabi oʻquvchilari ayni vaqtda BAA boʻlib oʻtayotgan Zayed Sustainability Prize sovrindori boʻldi! BAA ushbu loyihani amalga oshirish uchun jami hisobda 150 ming AQSh dollari miqdorida pul mablagʻlarini taqdim etadi. Videoda Oʻzbekiston Prezidenti jamoamiz vakilini qutlamoqda. Taʼsirli va faxrlantiradigan daqiqalar🇺🇿❤️ @hilola_umarova

#ilm Bir yili akademik Ubaydulla Karimov konferensiyasining toʻplamini nashrga tayyorlash jarayonida muqovasiga rasm tanlayotgandik. Shunda Fargʻona shahrining Loʻmbitepa yodgorligidan topilgan 7-8 asrga oid koʻzadagi yozuvning rasmini bergan edik. Yozuvni professor f.f.d Qosimjon Sodiqov: “ikki umr kechir (uzoq umrli boʻl), ikki kishilik umr yasha, narigi dunyoying ham rohatli boʻlsin” ,deya oʻqigan edilar. Shu kunlarda Andrey Kubatinning kitobini varaqlab, olimning ikkinchi umri uning kitob va maqolalari ekanligiga amin boʻlmoqdaman. Hurmatli ilm yoʻliga kirgan yoshlar, ikkinchi umringiz uzun boʻlishini istasangiz, birinchi umringizda soxtalik qilmang. Feruza Djumaniyazova: “Andreyning ikkinchi umri uzoq yillarga xizmat qilgay. U har bir maqolasini alohida mehr bilan yozardi”. @Uzbekxonim

Сталин даври қатағон қурбонлари ва уларнинг оқланиши Азим Маликовнинг мақоласи шу ҳақида. Пост-совет Ўзбекистони, Каримов ва Мирзиёев даврларида қатағон қурбонларининг хотирланиши, реабилитация қилиниши кўрилган. Мақолада урғуланган жойларидан - реабилитация ишларининг ҳудудийлик тамойили асосида кетиши. Ўзбекистон ичида, ўзбеклардан ташқари бошқа миллат вакилларининг ҳам давлат расмий нарративларида тилга олиниши, ишларининг кўрилиши. Айни пайтда, Ўзбекистон ташқаридаги ўзбеклар (ЎЗССР ташқарисда яшаган;колхозлаштириш, қулоқлаштириш, "катта қирғин" йиллари қурбонлари, сургун қилинганлар ва дунёнинг турли бурчакларига муҳожирликка кетган ўзбеклар)га ўрин берилмаслиги. Эътибор берилган яна бир томони (балки энг муҳими ҳам) Сталин қатағонлари (умуман совет даври бўйича ҳам) қурбонларининг ишлари кўрилишида, дискуссияларда фақат бир ёндашув, расмий ҳокимият кўзқарашларининг бошқа фикр, тортишмаларга ўрин бермаслигидир. Зотан, маълум бир қисқа даврларни айтмаса, қатағон ишлари бўйича расмий архив манбаларига эришиш чекланган. Совет хавфсизлик органлари архивлари ҳам тор доирагагина очиқдир. Сўнгги йилларда амалга оширилаётган оқлов судларига материаллар ҳам "Қатағон қурбонлари хотираси давлат музейи" томонидан тайёрланади (музейнинг ўзи ВМ/ҳокимият қошидаги тузилма). Мақолада тўхталинмаган, мустақил Ўзбекистонда икки президент даври қатағон қурбонлари хотирасига ёндашувда кўзга ташланадиган жиҳат - совет даври Ўзбекистон бюрократлари, раҳбарияти (қатағон қурбони бўлсин, бўлмасин)га нисбатан Ш.Мирзиёв даври давлат расмий қарашларида, тарихчилик ва медиада очиқлик келганлиги. Мавзу бўйича кўпроқ фикрлар мақолада. @turkiston_kutubxonasi

#repost#ulashing 11 yoshli yurtdoshimiz Jahongirning koʻzlari ojiz, lekin u ishonch va qat’iyat bilan orzulariga erishish yoʻlidan bormoqda. U bilan istalgan mavzuda suhbat qura olasiz, ham tarixga, ham siyosatga, ham sportga, ham san’atga befarq boʻlmagan Jahongir xalqaro tanlovlar gʻolibi boʻlishga ham ulgurgan. U hozirda Samarqand shahridagi 59-sonli “Nurli maskan” maktab-internatining faxrli oʻquvchisi va hamma yutuqlariga birinchi navbatda oʻz onasini sababchi deb biladi. Madinaxon farzandi va uning kelajagi uchun oʻz umrini bahshida qilayotgan qahramon ona. Shu sababdan, biz ularga haqli ravishda “Xalq ta’limi a’lochisi” koʻkrak nishonini topshirdik. Yurtimizda qahramon onalar koʻpligiga ishonamiz. Biz bunday e’tiroflarni an’anaga aylantirmoqchimiz. Qahramonlarimiz haqida kichik film tayyorladik, umid qilamizki, film Jahongirning tengdoshlari va koʻplab onalar uchun manfaatli boʻladi. @hilola_umarova

#universitet Kecha juda tig’iz kun bo’ldi. Ertalabdan “Yangi O’zbekiston” universitetiga biriktirilgan Olmazor tumanidagi 16-umumta’lim maktabida bo’ldik. Suhbatlashgan o’quvchilarimiz asosan 10-11 sinf bo’lganliklari uchun tabiiyki asosiy mavzu oliy ta’limga kirish, o’z yo’nalishlarini to’g’ri tanlash, imtihonlarga tayyorgarlik ko’rish bo’ldi. Shu bilan birgalikda, universitetimiz xodimlari o’quvchilar bilan turli interaktiv o’yinlar, suhbatlarni olish borishdi. O’quvchilar va maktab kutubxonasiga 10 dan ortiq turli badiiy adabiyotlar sovg’a qilindi. Maktabda chiqib, Oliy ta’lim, fan va innovatsiyalar vazirligi matbuot kotibi Nazokat Azim bilan uchrashdik. Ikki ziyoli uchrashganda albatta asosiy mavzu kitobxonlik, mutolaa madaniyati, sifatli tarjima kabi masalalarga boy bo’ladi. So’ngra suhbatimiz davomi “1000 Kitob” loyihasining katta taqdimotiga ulanib ketdi. Bir yil avval ushbu loyihaga saralab olingan 100 ekspertning ichida edim, kecha ana shu loyihaning ilk sarhisobi bo’lib o’tdi. Tadbir tadbirga ulanib ketgani uchun “Wikistipendia” loyihasiga qololmadik. Xuddi shu kuni, soat 15:00 da Respublika oliy ta’lim muassasalari o’rtasida “Zakovat” intellektual o’yinining turli yo’nalishlari bo’yicha Final bahslari bo’lishi kerak edi. Bunda “Yangi O’zbekiston” universiteti jamoasi Breyn-ring o’yinining Jahon iqtisodiyoti va diplomatiya universiteti jamoasi bilan finalchilar bo’lishgandi. Men esa soat 16:00 da yetib bora oldim. Ungacha onlayn translyatsiya orqali kuzatib bordim. Jamoamiz juda yaxshi ishtirok etdi. Hali endi birinchi bitiruvchilarini kuzatayotgan yangi universitet uchun Respublikaning TOP 5 talik reytingiga kirish alohida faxr tuyg’usini uyg’otdi. Qo’shimchasiga, Shaxsiy o’yin yo’nalishida universitetimiz talabasi Nurbek Xo’jayev faxrli 3-o’rinni qo’lga kiritdi. Ushbu yutuqlar umumiy hisobda 70 million so’mni tashkil qiladi (Breyn-ring uchun 60 million, Shaxsiy o’yin uchun 10 million). Jahon iqtisodiyoti va diplomatiya universiteti jamoasi 3 yildan beri g’oliblik ostonasidan qaytgan bo’lgan va so’ngida o’zlari ko’zlagan maqsadga erishdi. “Yangi O’zbekiston” universiteti jamoasi esa hali ilk urinishlardayoq yaxshi va esda qolarli natijaga erishgani tahsinga sazovor. Ijod maktabida direktor bo’lgan vaqtlarimda “Abdulla Qodiriy ijod maktabi direktori kubogi” nomli Zakovat intellektual musobaqalari muntazam o’tkazilardi. Kechagi o’yinlardan keyin ham universitetda shunday turnirlarni o’tkazishni niyat qilib qaytdim. @Uzbekxonim

ЯЛДО ТУНИДА 21 декабрдан 22 декабрга ўтар кечаси Шаби Ялдо ёки Ялдо кечаси дейилади. Бу туннинг энг узун пайти ҳисобланади. Шаби Ялдо ҳақида ўтмиш шоирларининг шеърларида маълумотлар мавжуд. Шу кечаси одатда дўстлар йиғилиб, тарвузхўрлик қилишади. Кузда қўюлган қонлар суюлади ва буйракдаги тошу қумлар эриб тушади. Қиблагоҳим Махдум Восилий (Мулла Ҳасанжон ибн Мулла Муҳаммад Иброҳим, 1898-1979) Бухорода Мир Aраб мадрасасида ўқиб юрганларида (1920 йиллар) талабалар билан тарвузхўрлик қилар эканлар. Биз ҳам шу кунга атаб ҳар йили уйимизда тарвуз сақлаб қўямиз. Барча шоду хандон Ялдо тунида, Дўстлар азиз меҳмон Ялдо тунида. Кўнгилнинг тубида дўстликнинг ҳисси, Муҳаббат намоён Ялдо тунида. Тарвузнинг бағрида ёқути аҳмар,¹ Қуёшдек чароғон Ялдо тунида. Тарвуз билан кириб келади дўстлар, Тарвуз мисоли кон Ялдо тунида. Ширин сўзлар учар ҳар битта лабдан, Ҳар бири сухандон Ялдо тунида. Хонтахта устида анвойи неъмат, Тўкиндир дастурхон Ялдо тунида. Қўй ёғу қўй гўштда етилган палов, Ўртада нигорон Ялдо тунида. Девзира етилиб, оёғин чўзган, Гўшт билан ёнма-ён Ялдо тунида. Томоғи соғларга деймиз, тарвуз е, Соғлиққа имтиҳон Ялдо тунида. Қонимиз суюлар тарвуз сувидан, Томирда қон равон Ялдо тунида. Буйракни тарк этар қум ила тошлар, Дейдилар "ал-амон"² Ялдо тунида. Тошларни янчади тарвуз шарбати, Гўёки тегирмон Ялдо тунида. Тарвузга қўрқмайин пичоқ солар дўст, Мисоли қаҳрамон Ялдо тунида. Бунда шеър ўқилар, тилаклар ила, Тиловати Қуръон Ялдо тунида. Марҳаматга қилинг марҳамат дўстлар, Сиз меҳмон, биз мезбон Ялдо тунида. Эй Махдум, барчага бахт ато қилсин, Раҳийму ҳам Раҳмон Ялдо тунида. Маҳмуд ҲАСАНИЙ ------------- ¹Ёқути аҳмар - қизил ёқут, бу ерда тарвузнинг қизил эти назарда тутиляпти. ² Ал-амон - омонлик беринг, қутқаринг, деб дод солиш. @Uzbekxonim

#Tavsiya_etamiz 📚 Tarix fanlari bo'yicha falsafa doktori Hilola Nazirova yozuvchi Xondamir Qodiriyning “Turkistonda ocharchilik, qahatchilik yut” asarini tavsiya etadi. 📘 Kitobda XIX asr oxirida Turkiston o'lkasida chop etilgan gazetalarda fanga hali ham ma'lum bo'lmagan ocharchilik, inqiroz holati, mustaqillik haqidagi maqolalar to'plangan, chor Rossiyasi va bolsheviklar hukmronligi davrida Turkiston xalqining og'ir hayoti, jadid-ma'rifat harakati, Turkiston bilan Janubiy Kavkaz, Ozarbayjon o'rtasidagi aloqalar o'z aksini topgan. Asarda tasvirlangan Turkiston o'lkasida ro'y bergan mudhish voqealar bugungi yoshlarimiz uchun ham ayni ibratdir. Manba: Gazeta.uz Rasmiy sahifalarimiz👇 Telegram | Instagram | Facebook | YouTube

Markaziy Osiyoning eng sermahsul tarjimoni – Ogahiy faoliyatiga chizgilar 19 ta tarjima asarining 3 tasi hozirgacha topilmagan. Batafsil:https://oyina.uz/uz/article/3301 Rasmiysahifalarimiz👇 Telegram | Instagram | X | YouTube

📢Yilning eng kutilgan kechasi - "Qo'rboshilar qo'shig'i" she'riyat spektakliga marhamat! 🎙️ She’riyat va adabiyotga oshufta qalblar uchun, O‘zbekiston Yoshlar ishlari agentligining “Mutolaa” loyihasi hamda O‘zbekiston Milliy kutubxonasi hamkorligida “MUTOLAA’DA SHE’RIYAT” teatrlashtirilgan kechasini taqdim etadi. ➡️ Dastur bosh qahramoni: yosh va iste'dodli shoir Najmiddin Ermatov ➡️ Dastur mehmoni: taniqli aktyor va shoir Erkin Bozorov 🔖So‘z va adabiyot muxlislarini 12-dekabr (kuni) soat 18:00 da O‘zbekiston Milliy kutubxonasida kutib qolamiz. 👇Ro’yxatdan o’tish uchun: https://forms.gle/JXuWztq9yywF8wbNA 👤Yilning eng eksklyuziv tadbirini aslo o'tkazib yubormang! Telegram | Instagram | YouTube

Talabalarimiz ko‘plab yutuqlarga erishib kelishmoqda 💫 “Yangi O‘zbekiston” universiteti yoshlari yil davomida ko‘plab tanlovlarda munosib ishtirok etib kelishmoqda. 💥 Yaqinda o‘tkazilgan President Tech Award tanlovida Mikro-SaaS va AdTechdagi texnologik yechimlar yo‘nalishida universitet talabalari tomonidan ishlangan OYGUL dasturi birinchi o‘rinni oldi. ✅ Shuningdek, talabalarimiz Zakovat, Shaxmat va turli sport o‘yinlarida faxrli o‘rinlarni egallashmoqda. ⚡️ Bu haqida bugungi anjumanda Yoshlar masalalari va ma'naviy-ma'rifiy ishlari bo‘yicha prorektor Hilola Nazirova xabar berdi. 🔁English ➖➖➖➖➖➖➖➖➖➖➖➖➖ #matbuot_anjumani ⬇️ Biz ijtimoiy tarmoqlarda: Veb-sayt | Telegram | Instagram | Facebook