IT news | Tg Bots

INFINIX SMART 7 энди Ўзбекистонда! Infinix Mobility компанияси 5000 mAh сиғимли аккумулятор ва 64 Гб хотирага эга, янги бюджетли INFINIX SMART 7 смартфонини тақдим этди. Қурилма HD 6,6 дюймли IPS дисплей билан жиҳозланган. Энди бу ажойиб смартфон сизнинг кундалик вазифа ва ўйинларингизда ишончли ёрдамчи бўла олади. 📣IT news| ©Terabayt.uz 31.03.2023

E3 – yangi o'yinlar taqdim qilinadigan dunyodagi eng katta tadbirlaridan birining bu yilgi soni bekor qilindi Geyming olamidagi eng katta tadbirlarning biri, har yili bo'lib o'tadigan E3 (Electronic Entertainment Expo) 2019-yildan beri ilk marta oflayn tarzda qayta tashkillanishi kutilayotgan edi, lekin so'nggi xabarlarga ko'ra u bekor qilingan. 📣IT news| ©Terabayt.uz 31.03.2023

U qaytdi! Meizu kompaniyasi rasman o'zining yangi flagmanlarini taqdim qildi! Orada bir yillik tanaffusdan so'ng Meizu o'zining yigirma yillik yubileyida yangi logotip bilan yana telefonlar biznesiga qaytdi. Kompaniya o'zining Meizu 18 seriyasidagi smartfonlaridan keyin Meizu 19 qatorini o'tkazib yubordi va kecha Meizu 20 smartfonlarini rasman taqdim qildi. 📣IT news| ©Terabayt.uz 31.03.2023

PUBG MOBILE o‘yini 5 yoshda! O‘zbekiston, Toshkent – dunyodagi eng ommabop mobil o‘yinlardan biri bo‘lmish PUBG MOBILE shu oy o‘zining 5 yilligini nishonlamoqda. 2018-yilning 190mart sanasida ishga tushirilgan PUBG MOBILE o‘sha paytdan beri butun dunyo bo‘ylab 1 milliarddan ko‘proq marotaba yuklab olingan. Ushbu hodisani nishonlash maqsadida PUBG MOBILE o‘z o‘yinchilarining so‘nggi besh yil davomidagi misli ko‘rinmagan yutuqlari haqida so‘zlab beradi. 📣IT news| ©Terabayt.uz 30.03.2023

1000 dan ortiq taniqli shaxslar gigant sun’iy intellekt loyihalarini to‘xtatib turish uchun ochiq xatni imzoladilar Texnologiyalar olamida 2023 yilni shubhasiz "sun’iy intellekt va neyrotarmoqlar" yili deb nomlash mumkin, chunki joriy yil boshidan beri ChatGPT, Midjourney va shu kabi boshqa SI platformalar Internetda deyarli har kuni katta muhokamalarga sabab bo‘lmoqda. Bir tomondan bunday texnologiyalarning rivojlanishi insoniyatning katta yutug‘i bo‘lsa, boshqa bir tomondan bu juda katta xavf bo‘lishi ham mumkin – 1000 dan ortiq taniqli shaxslar sun’iy intellekt loyihalarining tez sur’atda rivojlanishi jamiyatga chuqur salbiy ta’sir yetkazishini qo‘rquvi ostida ushbu tajribalarni vaqtinchalik to‘xtatib turishni talab qiladigan ochiq xatga imzo qo‘yishdi. 📣IT news| ©Terabayt.uz 30.03.2023

Apple o'zining bu yilgi WWDC konferensiyasi qachon o'tkazilishini rasman e'lon qildi Google'ning I/O (10-may), Microsoft'ning esa Build (23-24-may) tadbirlaridan keyin Apple'ning ham dasturchilar uchun mo'ljallangan WorldWide Developer Conference (WWDC) konferensiyasining bu yilgi soni qachon o'tkazilishi rasman e'lon qilindi – kupertinolik kompaniya o'zining WWDC23 tadbirini 5-iyundan 9-iyunga qadar o'tkazadi. 📣IT news| ©Terabayt.uz 30.03.2023

Lenovo o'yindan chiqdi: kompaniya ortiq geyming smartfonlari ishlab chiqarmaydi PUBG, Genshin Impact kabi o'yinlar ommalashgani sari geyming smartfonlariga bo'lgan talab so'nggi yillarda ancha oshdi. Tabiiyki, bunday turdagi smartfon ishlab chiqaruvchilari ham ko'paya boshladi: Asus (ROG), Nubia (Red Magic), Xiaomi (Black Shark) va Lenovo (Legion). Xuddi o'yinlardagidek, ushbu bozorda ham "o'yinchilar" bir-birlari bilan raqobatlashishadi va kimdur g'olib bo'lsa, kimdur mag'lub bo'ladi. Ehtimol, bu mag'lubiyat emasdir, lekin Lenovo kompaniyasi geyming smartfonlar bozoridan ketayotganligini e'lon qildi. 📣IT news| ©Terabayt.uz 29.03.2023

Flagman emas, lekin flagmanlardek texnik xususiyatlarga ega: Redmi Note 12 Turbo bilan tanishing! Xiaomi'ning Redmi brendi bugun o'zining Note 12 seriyasidagi smartfonlari qatoriga yana bir modelni qo'shdi. Garchi o'rta sinf smartfonlar oilasiga mansub bo'lsa ham, yangi smartfon flagmanlardek yuqori texnik xususiyatlarga ega. Quyida Redmi Note 12 Turbo smartfoni bilan batafsil tanishishingiz mumkin. 📣IT news| ©Terabayt.uz 28.03.2023

Endi O'zbekistonda ham Apple smartfonlari 5G ni qo'llab-quvvatlaydi Endi O'zbekistondagi iPhone egalari ham 5G tarmog'idan foydalanishlari mumkin. O'zbektelekom AK (Uztelecom) aloqa operatori Apple kompaniyasi bilan hamkorliklarda O'zbekistonda birinchi marta iPhone smartfonlarining 5G funksiyasi ochilganligini e'lon qildi. 📣IT news| ©Terabayt.uz 28.03.2023

Samsung'dan yaxshi va yomon yangilik: Galaxy S23 FE "atmen", lekin yangi turdagi buklamafon bor! Yangi hafta va texnologiya olamida yana yangi mish-mishlar: Galaxy S23 FE smartfoni chiqarilmasligi mumkin. Samsung kompaniyasining ushbu Fan Edition smartfoni o'rta flagman bo'lib, u S20 seriyasi bilan boshlangan edi. Afsuski, bir-ikki avlod o'tgach, Galaxy S21 FE dan keyin Samsung haligacha yangi Fan Edition smartfon chiqarmadi va chiqarmoqchi emasga ham o'xshaydi. O'tgan yilning o'zidayoq Samsung ortiq Fan Edition brendi ostida smartfon chiqarmasligi mish-mish qilingan edi. Biroq, vaqt o'tib, Galaxy S23 FE haqidagi mish-mishlar Samsung muxlislariga umid bag'ishladi. Endi esa Samsung yana bir marotaba FE smartfon chiqarmasligi haqida xabar paydo bo'ldi. 📣IT news| ©Terabayt.uz 27.03.2023

WhatsApp foydalanuvchilari tez orada o'z xabarlarni yangicha ko'rinishda yuborishlari mumkin bo'ladi Meta kompaniyasining ko'pchilikka tanish bo'lgan WhatsApp messenjerida siz boshqalar bilan matnli va ovozli xabarlar yoki video qo'ng'iroq orqali suhbatlashishingiz mumkin. Tez orada esa siz video xabar yuborish imkoniga ham ega bo'lasiz. 📣IT news| ©Terabayt.uz 25.03.2023

Politsiyachilardan aqlli yurish: AQSH federal agentligi Apple AirTag qurilmalaridan kuzatuv vositasi sifatida foydalanyapti O'tgan yilning may oyida AQSH chegarachilari Shanxaydan (Xitoy) kelgan ikkita paketni topib olishadi. Birining ichida kukunni tabletka dori shaklida presslab beradigan mashina, ikkinchisida esa bir nechta dori bo'yoqlari bor edi. Ular noqonuniy giyohvand moddalar ishlab chiqaruvchisiga yuborilgan deb o'ylagan holda chegarachilar Narkotiklarga qarshi kurash agentligini chaqirishadi. Agentlik tergovchilari esa qurilmalarni tekshirgandan so'ng uni musodara qilish yoki pochtani qabul qiluvchining oldiga borish o'rniga ular kukunni presslovchi mashina ichiga Apple'ning AirTag qurilmasini yashirishadi. Endi ular pochtani kuzatishlari mumkin. 📣IT news| ©Terabayt.uz 25.03.2023