DALA INSIDE

🇰🇿⚡️ Қазақстан мен Ресей басшыларының жүздескен сәті. Путиннің жүзі жылы. Жуасып қалыпты. Батыс санкциялары сабасына түсірген сынды. Президентіміздің есімін де жаңылыспай, жөндеп айтқандай естілді. https://t.me/dalainside

🏦Jana емес, Dala болатын болды "Сбербанк Қазақстан" 18-ші тамызда ресми түрде "Бәйтерек" холдингіне сатылды деп жазады, Kapital.kz Басылымның екі бірдей дереккөзі осы ақпаратты растаған. Сол күні Сбербанк dalabank.com.kz домендік атауын тіркеген. Осыған қарағанда, банктің жаңа атауы "Dalabank" болмақ. Оның алдында Nege.kz порталы "Бәйтерек" холдингінің Сбербанкке бірнеше атау қарастырып жатқанын, және оның ішінде "Jana bank" атауына бүйрегі бұрып тұрғанын жазған еді. Dala атауы осы DALA INSIDE телеграм каналында, онымен аффирленген Dalanews.kz ақпараттық сайтында бар. Бірақ Сбербанктің Dala атауын алуға қарсы емеспіз. Әзірге болашақ "Dalabank" DALA INSIDE серіктестерінің қатарына кірмейді. Қазақтілді телеграм нарығына ірі халықаралық компаниялар, онымен бірге жергілікті ойыншылардың да қызығушылығы біртіндеп артып келеді. Ашығын айтсақ, бұл нарық енді ғана көтеріліп келе жатыр. Әзірге қазақша телеграм арналардың ішінен тек DALA INSIDE қана Huawei, Home credit bank сынды халықаралық алпауыттармен ресми келісім-шартқа отырды. Ендігі басты сұрақ - мемлекет "Бәйтерек" холдингі арқылы Сбербанкті қаншаға сатып алды? Және ол елімізге тиімді ме? Осы орайда Ресейдің Альфа-банкін 100 миллион долларға сатып алған ЦентрКредит банкінің осы қадамнан қазірдің өзінде 130 миллион доллар пайда көргенін жазған болатынбыз. "Бәйтерек" дәл солай пайда тапса құба-құп болады. Ал егер шығынға ұшыраса, холдинг басшылығына болашақта үлкен сұрақтар туындап, кейін тіпті қылмыстық іске де жетелеуі мүмкін. https://t.me/dalainside

Киноға 2 тегін билет! Кино емес, концерт, театрға барамын десеңіз оны да алып береміз. Баратын күнін, шараны да өзіңіз таңдайсыз! Құрметті оқырмандарым! Ол үшін не істеу керек? "Үйде жатпа!" телеграм арнасына жазылыңыз. Ссылкасы төменде. Бүгін сағат 18-00де сол жерде викторина ойнатылады. Қатысыңыз, себебі жолыңыз болады! https://t.me/uidezhatpa

Huawei 2022 жылдың бірінші жартыжылдығындағы нәтижесін жариялады Компания қызметінің ортақ нәтижелері болжамдарға сәйкес келеді. 2022 жылдың бірінші жартыжылдығында Huawei компаниясының сатудан түскен табысы 301,6 миллиард юаньға жетті. Бұл шамамен 44,7 миллиард АҚШ долларын құрайды. Оның ішінде таза пайда маржасы 5 пайызды құрады. Телекоммуникация қызметінің кірісі 142,7 миллиард юаньға, кәсіпорынның кәсіптік кірісі 54,7 миллиард юаньға, терминалдық құрылғылардың кірісі 101,3 миллиард юань көрсетті. «Біздің терминалдық құрылғылар бизнесіне сыртқы жағымсыз әсерлер болғанына қарамастан, АКТ инфрақұрылымының өндірісі өзінің қарқынды өсуін сақтап қалды», - деді, Huawei төрағасы Кен Ху. «Алдағы уақытта біз тұтынушыларымыз бен серіктестеріміз үшін құндылықтар жасауды жалғастыра береміз, әрі сапалы дамуды қамтамасыз ету үшін цифрландыру және декарбонизация үрдістерін пайдаланамыз». Huawei – инфокоммуникация және инфрақұрылымдық шешімдердің, сондай-ақ смарт құрылғылардың жетекші жаһандық ойыншысы. Қазіргі таңда компания жаһандық прогреске итермелейтін іргелі зерттеулерге қаржы бөліп отыр. Huawei - 1987 жылы құрылған жеке компания. Акцияларына өз қызметкерлері иелік етеді. Компанияда әлемнің 170-тен астам елінде 188 мыңнан астам қызметкер жұмыс істейді. https://t.me/dalainside

🏦Қазақстандық банк ресей банкінің барлық сөлін сығып алды Атауы «Eco Center Bank» болып өзгерген бұрынғы ресейлік "Альфа-банк" (оның Қазақстандағы еншілес банкі) өзінің жаңа акционері - "Банк ЦентрКредитке" 2015-2021 жылдар үшін тағы 30 миллиард теңге дивиденд төлемек. Ол туралы KASE выпискасынан белгілі болды. Өткен маусым айында Eco Center Bank ЦентрКредитке 50 миллиард теңге көлемінде дивиденд берген еді. Осымен бұрынғы Альфадан жаңа қожайыны 80 миллиард теңге шығарып алды. Ал барлық капиталы сорып алынғаннан кейін, Eco Center Bank жойылып, ол түбегейлі ЦентрКредит банкіне қосылатын болады. Ресейлік "Альфа-банк" биыл 6-шы сәуірде АҚШ санкцияларына ұшырады. Сол кезден бастап ол әр елдегі еншілес ұйымдарын сата бастаған еді. Қазақстандағы активін тиімді бағамен Бақтияр Бәйсейітов иелік ететін ЦентрКредит банкі сатып алды. https://t.me/dalainside

💸Жаңа бизнес: Wildberries Қазақстан экономикасын 0,7%-ға арттыра алады Алматылықтар мен астаналықтар Ресейге Wildberries арқылы тауар сатуын күрт арттырды. Болашақта бұл бағыт бюджетке салық түсімдерін арттырады деп болжанып отыр. Wildberries үшін де Қазақстан өсудің жаңа нүктесі болмақ. Сондықтан ол компания Нұр-Сұлтандағы логистикалық орталықтың аумағын 2,5 есеге ұлғайтып үлгерді. Және Ақтөбе мен Семейде сұрыптау орталықтарын ашпақ. Осы жылдың 5 айында отандық кәсіпкерлердің Wildberries арқылы тауар сатуы 584%-ға (яғни 6 есе) артып кеткен. Оның ішінде азық-түлік тауарлары 747%, кеңсе тауарлары 382%, спорттық жабдықтар 233%, ыдыс-аяқтар 134%, косметика және парфюмерия 130%-ға өскен. Бұл Қазақстанға пайдалы ма? Ия. ИП-сы бар адамдар табыс табудың жаңа көзін ашып отыр. Есесіне, арадағы ақша айналымы ашық жүретіндіктен, болашақта салық түсімдері көбейетін болады. Жеке адамдар айналысып жүргендіктен, Қытайдан тауар алып, Ресейге сату санкция тудырмайды. Бастысы мұнымен ірі компаниялар айналысып кетпесе болғаны. Енді Wildberries-тің Қазақстан арқылы жаңа канал тапқанын көрген OZON сынды Ресейдің ірі ойыншысы да біздің кәсіпкерлерге ыңғайлы жағдай жасамақ. https://t.me/dalainside

😭Көлік бағасы арзандамайды! Назарбаевтың қызы “утильсбордан” әлі күнге үлес алып отыр... Әлия Назарбаева әлі күнге дейін утиль алымнан түскен ақшаның қызығын көріп келеді. Бұдан бөлек ол Қазақстандағы қоқыс жинау әрі өңдеумен айналысатын компаниялардың қожайыны. Бұл туралы “Гиперборей” арнасына сұхбат берген журналист Дмитрий Шишкин айтыпты. Әріптесіміздің мәлім еткеніндей, Жаңа Қазақстан орнай сала утиль алымды алып тастауды талап еткен белсенділердің әрекеті зая кеткен. Әлия Назарбаева әрбір утильденген көліктен өзінің “Жасыл даму” компаниясы арқылы 130 мың теңге табыс тауып отыр. Қаңтар қырғынынан кейін утиль алымға бақылау жүргізетін пәрменінен айырылған Назарбаева көлікті утилизациялау механизмі мен оны әрі қарай темір-терсекке өткізудегі ықпалын сақтап қалған. “Ол елдегі полигондарды, қоқыс өңдейтін зауыттарды уыстан шығармай ұстап отыр. Алысқа бармай-ақ, Астананы мысалға алайықшы. Елордадағы қоқыс өңдеу саласын Назарбаеваға тиесілі Green Future Managеment компания меншіктеп алған. Әлия осы компанияның жалғыз құрылтайшысы. Green Future -ден тарайтын тағы сегіз компания бар. Олар да Елбасының қызына тиесілі. Бұлар Қазақстандағы қоқыспен байланысты барлық жұмысты атқарады. Қоқысты жинау, өңдеу, қоқыс таситын полигондарына дейін бар. Назарбаева тек Нұр-Сұлтан қаласымен ғана шектелмеген. Астанадан тыс жерде, өзге өңірлерде де оған тиесілі компаниялар жетіп артылады”, – дейді Шишкин. Бұдан бөлек Елбасының ерке қызы өзіне қарасты қор арқылы “Халықаралық жасыл технологиялар орталығын” су тегінге (5 млн теңге, ред.) сатып алған. Әріптесіміздің айтуынша орталықты “асырауға” мемлекет есебінен соңғы екі жылда 1 млрд. 600 млн теңге бөлінген. “Екі жылдың ішінде ұйымның бітірген ісі шамалы. Орталық мамандары болашақ ұрпаққа арнап экологияға қатысты баяндамалар әзірлеген”, – дейді Шишкин. https://t.me/dalainside

🏗️Құрылыс лоббиі: Құрылысшылар қауымдастығы мен Құрылысшылар одағы Үкіметті бопсалауын күшейте түспек Шілде айында баспананы сатып алу-сатудың 30 939 мәмілесі тіркелді. Бұл былтырғы шілдеден 34,3% төмен. Ал алдынғы маусым айынан 2 пайызға аз. Тренд айқындалды: жылжымайтын мүлікке деген сұраныс тұрақты түрде азайып келеді. Жалпы, сұраныстың азаюы мен бағаның төмендеуі арасында нақты байланыс бар. Бірақ ол "кейінге қалатын әсер" формуласы арқылы жүзеге асады. Яғни, қазір сұраныс төмендесе, бағаның құлдырауын біз 3-4 айдан кейін күту керекпіз. Сондықтан, шілде айында бастапқы тұрғын үйдің 0,5%, қолданыста болған баспананың 0,8%, ал пәтер жалдау ақысының 0,4%-ға қымбаттағанын көрдік. Бұл құрылыс компаниялардың "болашақ табыстан айрылып қаламыз" деген үрейін үдетіп отыр. Сондықтан олар онсыз да белсенді жүргізіп жатқан лоббиін одан әрі күшейтуге шешім қабылдады. Бұл лобби қалай жүзеге асуда? Құрылыс компаниялары өздерінің қауымдастық/одақтары арқылы апта сайын Ақорда, Үкіметке хат жолдап, құрылыс саласы тоқырауға ұшыраса мыңдаған адамның жұмыстан айрылатынын алға тартып, бопсалап келеді. Сұрайтыны - субсидияланған ипотекалардың жалғаса беруі (сұраныс болу үшін), үлестік құрылысқа да ипотека беру, ипотекамен берілетін сома көлемін тағы 10 миллион теңгеге дейін ұлғайту және заңнамалық тұрғыдан преференция беру. Көп ретте мемлекет құрылыс компанияларына көмектесіп келген болатын. Бірақ олардың тек қана Астана мен Алматыға үй салғысы келетін әрекеті, осы қалалардағы инженерлік жүйелердің, көлік кептелісінің проблемаларын ушықтырып отырғаны жергілікті билікке де, халыққа ұнамай отыр. Дәл осы кезде, аймақта баспананың жетіспеушілігі байқалады. Ал құрылыс компаниялары өңірлерге аттап баспайды. Себебі, ол жақта шаршы метрдің бағасын көтере алмағандықтан, үстінен еселеп пайда табу қиын. Отандық құрылыс компаниялары мемлекеттен сұрап үйреніп қалған. Бар армандары бюджетті де, Ұлттық қорды да үздіксіз сору. Бірақ, осы ірі компаниялар экономикаға ешқандай үлес қосып жатқан жоқ. Мысалы, BI Group, Базис, РАМС сынды алпауыттар "салықтық жүктеме коэффиценті" төмен компаниялар тізімінде. Бұл олардың обороты көп, төлейтін салығы аз дегенді білдіреді. Осы компаниялар тіпті нарықтан кетіп қалса да, одан экономиканың ештеңе жоғалтпасы анық. Сондықтан оларды керемет санап, табынудың еш қажеті жоқ. Егер компания банкрот болса, онда ол өз жұмысын дұрыс жүргізбеді, басшылары да, қызметкерлері де тиімді қызмет етпеді. "Мен банкрот болайын деп жатырмын, маған Үкімет көмектессін" деген феноменалды принцип тек біздің елде ғана бар. Және осы принциптен тез құтылмасақ, экономика алға жүрмейді. https://t.me/dalainside

🇹🇲Оңтүстік коридор: Тоқаевтың әдемі жүрісі Ешқандай экономикалық пайдасы жоқ мешіт шуынан бас көтере алмай қалған қоғам - шын мәнінде біз үшін аса маңызды екі жаңалықты елемей, өткізіп жіберді. Біріншісі. Түркіменстан біздің болашағымызды нығайтатын қадам жасады. 9-шы тамызда Түркіменбашы-Гарабогаз-Қазақстан шекарасы тас жолының бойында Қара-Боғаз-Гөл шығанағы арқылы өтетін жаңа автомобиль көпірінің іргетасы қаланды. Осы көпір "Солтүстік-Оңтүстік" халықаралық көлік дәлізін жаңа деңгейге шығарады, былайша айтқанда, Қазақстаннан келген жүк Түркіменстан арқылы Иранға өтіп, ары қарай Түркия арқылы Еуропаға немесе Парсы шығанағы арқылы Үндістанға кете алады. Сердар Бердімұхаммедовтың транзиттік жобаларға бет бұруы түркімен экономикасында трансформациялық процесстердің басталғандығынан хабар беріп отыр. Бұл ретте, шығысты жауып тұрған Қазақстан және оның артында тұрған Қытайсыз түркімен логистикасын дамыту мүмкін емес. Сондықтан президент Сердар көпірді тез арада салып, 2024 жылы іске қосуға тапсырма беріп отыр. Осы транзиттік коридор Қытай үшін Иранға жетудің ең тез жолы. Ал Қазақстан үшін өз көшін Ресей арқылы емес, оңтүстік бағытпен бұрып, солтүстік көршінің экономикалық шантажын болашақта болдырмау қажет болып отыр. Екіншісі. Рейтерс агенттігі "КТК құбыры арқылы экспортталып жатқан мұнайдың бір бөлігін Қазақстан Баку-Джейхан құбырына артты" деген инсайд таратты. Артынша біздің Энергетика министрлігі оны ресми түрде жоққа шығарды. Бірақ бұл ретте, Рейтерсті пайдаланып, Ақорданың Кремльге әдемі сигнал жібергенін білуге болады. "Ия, КТК құбырынсыз бізге қиын, бірақ онсыз да мұнай сата алатын басқа құбырлар бар" деген сигналды Ресей айна-қатесіз қабылдағаны сөзсіз. Сонда Президент Тоқаев екі жақтан сигнал жіберді: ол құбыр бойынша және құрлық транзиті бойынша. Қытай Қазақстан арқылы Иранға шыға алса, онда Қазақстандағы миллиардтаған долларға салған инфрақұрылымдық нысандарын және болашақ инвестицияларын барлық жолмен Ресейден қорғайтын болады. Тоқаев екі факторды ұштастыра білді. Қытайдың сауда стратегиясына Қазақстанды теңдессіз ойыншы ретінде кіргізді. Баку-Тбилиси-Жейхан сынды сандықта жатқан "джокерді" қайтадан оңай алып шықты. Сондықтан, транзиттік диверсификацияға шындап бет бұрған Қазақстан аймақтық логистикалық державаға айналады. Және өзіне Үндістан сынды жаңа нарық ашып алады. Біз оның қызығын 2024 жылдан бастап көре бастаймыз. https://t.me/dalainside

📈Кредит нарығы жабылады. Инфляцияның қиыр шегіне жеттік пе? Кей нарықтарда бағаның өсуі тоқтады. Шілденің статистикасы бар және ол көңіл көншітпейді. Бірақ тамыз айының ортасындағы экономикалық белсенділік динамикасына қарап, адамдар қымбат заттарды (үй, көлік) сатып алуды тоқтата бастағанын байқаймыз. DALA INSIDE сұрау салған нарық ойыншылары да тұжырыммен келісіп отыр. Инфляцияның тоқтауының басты факторлары: 1. Ұлттық Банк саясаты Яғни - проценттік канал. Ол базалық ставканы 14,5%ға өсірді, тиісінге теңге құны қымбаттады. Демек, кредит алу пайызы кем дегенде 18-19% болды. 2. ҚНРДА саясаты Қадағалаушы агенттік адамдардың жөн-жосықсыз кредит алуын тоқтатпақ. Ол үшін банктерге қарыз коэффицентін есептеуді қатаңдату жоспарланып отыр. 3. Қаржы министрлігінің саясаты Министрлік тез арада Банкроттық туралы Заңды қабылдатпақ. Одан кейін, банктер кредит бергенде ойланатын болады. Кімдер инфляцияны үдетуі мүмкін? Олар: адамдар, банктер мен құрылыс компаниялары. Адамдар кредит алып келген күшті заманнан айрылғысы келмейді. Банктер үшін кредит - ең басты табыс көзі. Олар да осы нарықты бере салуға дайын емес. Көбік үрлеп, үстіне бірнеше есе маржамен табыс тауып үйреніп қалған құрылысшылар да байбалам сала бастады. Бірақ системалық оңалу үшін кредиттік нарықты реттемесе болмайды. Сондықтан, кредит беру азайса, инфляцияның бірден 8-10% деңгейге төмендейтінін болжауға болады. https://t.me/dalainside

🤌5 жыл кредит алмайсың. Соттан тыс және сот арқылы банкрот болу Мемлекеттік кірістер комитеті қоғамдық талқылауға түсіп жатқан "Банкроттық туралы" заңның негізгі постулаттарын түсіндіріп берді. Заң жобасы халықаралық тәжірибені ескеріп жасалған. Жалпы, жеке адам банкроттығының 3 әдісі болады. 1 әдіс. Соттан тыс банкроттық Егер адамның банк (микроқаржы, коллектор) алдындағы қарызы 1600 АЕК-тен аспаса осы әдіс қолданылады. Биыл 1600 АЕК - 4,9 миллион теңгеге тең. Соттан тыс банкроттық рәсімі тек қана банктер, микроқаржы ұйымдары мен коллекторлар алдындағы қарыз бойынша жүргізіледі. 2 әдіс. Сот арқылы банкрот деп танылу Қарыз 4,9 миллион теңгеден асса, және тек банк (микроқаржы, коллектор) емес, басқа да қарыз берушілер болғанда азаматтар сот арқылы банкроттық рәсімін қолдана алады. Бұл рәсім барысында борышкердің мүлігі сатылуға жатады. Түскен қаражат, белгіленген тәртіппен кредиторлар алдындағы қарыздарды өтеуге жұмсалады. Сотты банкроттық рәсімін қаржылық басқарушылар жүргізеді, олардың құрамына: • Оңалту және банкроттық саласындағы әкімшілер; • Кәсіби бухгалтерлер; • Заң кеңесшілері; • Аудиторлар кіруге құқылы. Сотты банкроттық рәсімі барысында қаржылық басқарушылар кредиторлар тізімін қалыптастырады, борышкердің мүлкі, міндеттемелері туралы ақпарат жинайды және тағы басқа қызметтер атқарады. 3 әдіс. Төлем қабілеттілігін қалпына келтіру Бұл рәсім егер тұрақты кіріс бар болса, қарызды өтеуге бөліп төлеу (рассрочка) мүмкіндігін береді. Мерзімі 5 жыл. Қалпына келтіру жоспары қаржылық басқарушы мен бірге әзірленеді және сотта бекітіледі. Бұл үшін екі жақтың (борышкердің және кредитордың) келісімі қажет. Банкроттықтан кейін азамат мынадай шектеулерге тап болады: 1) 5 жылға дейінгі мерзімде қарыз алуға тыйым салынады; 2) қайта банкроттықты тек 7 жылдан кейін қолдана алады; 3) банкроттықтан кейін 3 жыл ішінде қаржылық жағдайы бақылауға алынатын болады. Сонымен қатар, банкрот деп танылған адам бір жыл ішінде міндетті түрде қаржылық сауаттылықты арттыру курсын өтуі тиіс. Қазақ тілінде қаржылық сауаттылыққа баулитын ресурстар көп емес. Ресми ресурс деп ҚНРДА ашқан fingramota.kz, бейресми деп dauletten.kz және осы DALA INSIDE телеграмын ғана айтуға болады. https://t.me/dalainside

⚡"Нығматуллин дәуірі" аяқталды Мәжілістің бұрынғы спикері Нұрлан Нығматулин мен оның егіз інісі Ерлан Нығматуллиндер рейдерлік әрекетке қатысты қылмыстық іс фигуранттары атанды. Бұл туралы ҚазТАГ жазады. «Балқаш оқиғасына келсек, екі ірі кәсіпкердің (Қуат Сұлтанбеков пен Ерлан Нығматулин – ҚазТАГ) қарым-қатынасы жемқорлыққа қарсы қызметтің орталық аппараты тергеп жатқан қылмыстық іс аясында қаралуда. Ол 2022 жылдың сәуірінде қозғалды. Осы іс аясында Сұлтанбеков жәбірленуші деп танылды. Тергеу тобы құрылды. Бұл істің бір бөлігі ретінде Нығматулиндердің қатысы, олардың ықпалы, патронаттығы дәл солай бағаланып, тергелуде», - деді астаналық адвокаттар алқасының адвокаты Мәулен Әлімбаев. 2012 жылы Ерлан Нығматулинмен болған жанжалдан кейін балқаштық кәсіпкер Қуат Сұлтанбеков түрмеге жабылып, жалпы 21 жылға бас бостандығынан айырылды. Оның 10 жылын кәсіпкер түрмеде отырып шықты. Қарағанды ​​облысы Кәсіпкерлер палатасының өңірлік кеңесінің мүшесі Николай Абттың айтуынша, кәсіпкер мен Нығматулин арасындағы кикілжің Сұлтанбековтың 2011 жылы қаладағы жемқорлық мәселесін белсенді түрде көтеруінен басталған. Балқаш қаласының прокуратурасы қаланы абаттандыру бойынша тендерлерді өткізуде өрескел заң бұзушылықтарды анықтаған. Осыдан кейін 2012 жылдың 27 қаңтарында Балқаштан Астанаға келе жатқан жолда Сұлтанбеков заңсыз қару сақтады және алып жүрді деген күдікпен ұсталды. Тергеу алты күнде аяқталып, кәсіпкер 3,5 жылға бас бостандығынан айырылды, кейін ол 21 жылға айналып кете берді. Себебі, жазасын түзеу мекемесінде өтеп жүрген Сұлтанбековке қатысты тағы бес қылмыстық іс қозғалды. 2022 жылы 10 жыл түрмеде отырғаннан кейін кәсіпкерге қатысты үш қылмыстық іс қаралып, ол ақталып, босатылды. Жәбірленушінің адвокаты Юлия Джафарованың айтуынша, Сұлтанбековке қатысты барлық айыптар ойдан шығарылған. https://t.me/dalainside