SIYOSIY FANLAR AKADEMIYASI

Президентимизнинг "Ўзбекистон Республикаси давлат мустақиллигининг 35 йиллигини кенг нишонлашга тайёргарлик кўриш ва уни ўтказиш тўғрисида"ги Қарори қабул қилинди. P.S.: Ушбу қарор мустақилликнинг 35 йиллигини юксак савияда нишонлаш, миллий ғояларни тарғиб қилиш ва жамиятда бирдамлик ҳамда тараққиётни мустаҳкамлашга қаратилган чора-тадбирларни белгилайди. Бугун мустақиллигимизнинг 35 йиллиги остонасида ҳар биримиз ўзимизга шундай савол беришимиз керак: мен бу муқаддас неъматни мустаҳкамлаш учун нима қиляпман? Чунки мустақиллик – фақат байрам эмас, у ҳар бир фуқаронинг қалбидаги масъулият, ҳаракат ва садоқат билан яшайдиган буюк қадриятдир. ✅Kanalga ulanish: 👉🏻@uz_sfa

Қайси бир сипоҳий туз ҳақи ва вафодорликни унутиб, хизмат вақтида ўз соҳибидан юз ўгириб, менинг олдимга келган бўлса, ундай одамни ўзимга энг ёмон душман деб билдим. Амир Темур ✅Kanalga ulanish: 👉🏻@uz_sfa

🎓Magistratura: ishlab chiqarishdan ajralmagan holda ta’lim imkoniyati 😀O‘zbekiston Respublikasi Prezidenti huzuridagi Davlat siyosati va boshqaruvi akademiyasida davlat boshqaruvi tizimida faoliyat yuritayotgan mutaxassislar uchun ishlab chiqarishdan ajralmagan holda kechki va masofaviy shaklda ikki yillik magistratura dasturlari joriy etildi. Nomzodlar kontingenti davlat buyurtmasi asosida Boshqaruv samaradorligi agentligi tomonidan shakllantirildi. Ushbu shakllantirilgan nomzodlar Akademiyaning rasmiy https://qabul.dsba.uz onlayn platformasi orqali ro‘yxatdan o‘tkazish ishlari amalga oshirildi. 📚 Mutaxassisliklar va qabul kvotasi: — Davlat boshqaruvi (25 ta grant, 25 ta to‘lov-kontrakt) — Hududlarni kompleks rivojlantirish (25 ta grant, 25 ta to‘lov-kontrakt) — Inson resurslarini rivojlantirish (10 ta grant, 10 ta to‘lov-kontrakt) Umumiy – 120 nafar 🗣 Qabul jarayoni: Test va suhbat bosqichlarida 2025/2026 o‘quv yili uchun kunduzgi ta’lim shakliga tasdiqlangan dastur asosida o‘tkaziladi. 📚Imtihon: 2026-yil 9-aprel soat 14:30 da Ijtimoiy va siyosiy fanlar institutida bo'lib o'tadi. (nomzodlar shaxsni tasdqilovchi hujjat bilan soat 14:00 dan kechikmay kelishlari lozim). 📌Manzil: https://yandex.uz/web-maps/-/CPF2BDzK 🎤Suhbat o'tkazish sanasi va boshqa ma’lumotlar nomzodlarning shaxsiy akkauntlariga xabarnoma shaklida yuborilishi bildiriladi. ☎️Batafsil va qo‘shimcha ma’lumotlar uchun : +998 (71) 232-60-70 +998 (71) 232-61-44 raqamlari orqali murojaat qilishingiz mumkinligi ma’lum qilinadi

Кеча Президентимиз жамоатчилик вакиллари билан биргаликда дарахт экди. P.S.: Президент Шавкат Мирзиёев иштирокчилар билан биргаликда Миллий дендрология боғининг илк 5 гектар майдонида манзарали кўчатлар экди. Бу билан бир вақтда республикамизнинг барча ҳудудларида 21 мингга яқин юртдошимиз яна 164 гектар майдонда 88 минг туп кўчат ўтқазди. ✅Kanalga ulanish: 👉🏻@uz_sfa

Президентимиз Шавкат Мирзиёев 1 апрель куни мамлакатимизда ташриф билан бўлиб турган “БMT Туризм” бош котиби Шайха Носир Ал Новайсни қабул қилди. P.S.: Сўнгги 8 йилда юртимизга келган сайёҳлар сони 6 баробар кўпайиб, қарийб 12 миллион нафарга етган. 2030 йилга қадар уларнинг сонини 20 миллионга, туризмнинг мамлакатимиз ялпи ички маҳсулотидаги улушини эса 7 фоизга етказиш режалаштирилган. ✅Kanalga ulanish: 👉🏻@uz_sfa

Амир Темур фақат маҳаллий муаллифларнигина рағбатлантирмай, балки ўз пойтахтига чет эл олимлари ва шоирларини ҳам жалб этди ҳамда уларнинг ҳаммасига ҳотамтойларча мукофотлар ҳадя этар ва ўз шахсий эътибори ва ҳомийлиги билан уларни қўллаб-қувватларди. Ана шу олимларнинг айримлари Амир Темур салтанатида ўз ватанидагидан кўпроқ таъминланган эди. Г. Вамбери ✅Kanalga ulanish: 👉🏻@uz_sfa

ПРОКСИ УРУШ (proxy war, прокси война) – билвосита уруш, яъни қудратли давлатлар томонидан қўзғатилган, бироқ уларнинг ўзи бевосита (расман) иштирок этмаётган қуролли кураш; бегона қўллар ёрдамида амалга ошириладиган уруш (Дуайт Эйзенхауэр). Карл Дойч томонидан берилган классик таърифга кўра, прокси уруш “Учинчи давлат ҳудудида юз бераётган қуролли ҳаракатлар ёрдамида ва унинг ресурсларидан фойдаланган ҳолда ҳамда ушбу давлатдаги ички конфликтни ҳал этиш ниқоби остида ўз мақсадларига эришишга интилаётган икки давлат ўртасидаги халқаро конфликт”. Прокси уруш “миллий мақсадларга эришишнинг энг арзон йўли” (Эйзенхауэр), деб таърифланади. Чунки бевосита қуролли тўқнашувдан фарқли ўлароқ, прокси уруш иқтисодий ва молиявий жиҳатдан камхаражат ҳамда расмий ҳукумат учун жиддий сиёсий оқибатларга эга бўлмайди. Учинчи давлат, одатда, дунё ёки минтақанинг қудратли давлати, ўзининг геосиёсий манфаатларига эришиш йўлида муайян бир ички конфликт томонини ҳарбий, молиявий ва сиёсий жиҳатдан қўллаб-қувватлайди. Бугунги кунда прокси урушлар дунёда юз бераётган замонавий қуролли конфликтларнинг характерли хусусияти ҳисобланади. Афғонистон, Ироқ, Сурия, Украина ва Ямандаги қуролли конфликтлар бунга мисол бўла олади. Миллий ва халқаро хавфсизлик. Луғат-маълумотнома / И.И.Бобоқулов. Қайта ишланган ва тўлдирилган иккинчи нашри. – Тошкент: Олий мактаб, 2025 – 173 б. ✅Kanalga ulanish: 👉🏻@uz_sfa

Президентимиз 31 март куни мамлакатимизга расмий ташриф билан келган Қозоғистон Республикаси ташқи ишлар вазири Ермек Кошербаевни қабул қилди. P.S.: Бугунги кунда дунё тобора мураккаблашиб бораётган бир пайтда, қўшни давлатлар, жумладан Қозоғистон билан яқин ва самарали ҳамкорликни янада мустаҳкамлаш ҳар қачонгидан ҳам муҳим аҳамият касб этади. Шунингдек, Қозоғистонда Конституцияга ўзгартишлар референдум орқали амалга оширилгани ҳам бу давлатда ислоҳотлар изчил давом этаётганини кўрсатади ва ўзаро ҳамкорлик учун янги имкониятлар яратади. ✅Kanalga ulanish: 👉🏻@uz_sfa

Президентимиз Наманган вилоятини ривожлантириш юзасидан йиғилиш ўтказди. Наманганда сўнгги саккиз йилда 40 мингдан зиёд янги корхона иш бошлаб, ишлаб чиқариш ҳажми 6 баробарга ошиб, 40 триллион сўмга етгани ҳудуддаги ислоҳотларнинг амалий натижасини яққол кўрсатади. Йиғилишда Шавкат Мирзиёев томонидан вилоятни янада юқори босқичга олиб чиқишга қаратилган устувор вазифалар белгилаб берилди. P.S.: Бу ислоҳотлардан кўзланган мақсад жуда катта – нафақат иқтисодий ўсишга эришиш, балки аҳоли турмуш даражасини яхшилаш, янги имкониятлар яратиш ва Наманганни янада ривожланган ҳудудга айлантиришдир. ✅Kanalga ulanish: 👉🏻@uz_sfa

1 апрелда ҳазил бир кун давом этади, сиёсатда эса — узлуксиз.😁