#HaSab

Antimicrobial Resistance (AMR) Awareness Week Did you know the Current Data on AMR ? 📊Statistics on AMR • Over 700,000 deaths globally each year are linked to drug-resistant infections. • In some countries, up to 50% of antibiotics prescribed in healthcare settings are unnecessary. • Agricultural use accounts for nearly 80% of all antibiotics sold in some regions, contributing significantly to resistance. • By 2030, it is projected that AMR could lead to an economic burden of up to $100 trillion globally. Let’s take action now to combat AMR for a healthier future! 💪#AMRAwareness#FightAMR#OneHealth Join us: Telegram | Instagram | Linkedln

#Remembering_One_Health_Day https://t.me/Campus_Voice_2015 https://t.me/Campus_Voice_2015 https://t.me/Campus_Voice_2015

🌟 Meet the Vicuna: The Smallest Camel in the World! 🌟 Standing at just 90cm (30 inches) and weighing a mere 50kg (110lbs), this adorable creature once roamed freely across the high plains of the Andes. 🏔 But due to over-hunting, their numbers dwindled dangerously low. Thanks to dedicated conservation efforts, the Vicuna is making a comeback! 🎉✨ 🌍 Facts: • Native to Argentina, Bolivia, Chile, Ecuador, and Peru. • Adapted to survive harsh conditions with a thick coat that traps warm air. • The national animal of Peru, proudly featured on their coat of arms! 🇵🇪 • Unique among ungulates, their lower incisors grow continuously like a rodent's! 🦷 💚#Vicuna#WildlifeConservation#campusvoice

Multipurpose Court Project Bishoftu,Ethiopia Construction on the new basketball court at Hibret (Tokuma) Elementary School is progressing smoothly and is nearly halfway complete. We're excited about the progress and are on track to achieve our goal. Your support is crucial to ensure the project's successful completion. Our goal is to create a vibrant playground for the children of Hibret School. Play is not a privilege; it's a life skill. Every child deserves a place to play! To contribute and support us please contact us at: [email protected] #Playground#AllDeserveToPlay #Rotaract_Kuriftu #Rotary #100yearsofserviceinafrica #Rotaract #District9212 #RotaractEthiopia Follow Us: Facebook | Twitter | Instagram | Telegram | LinkedIn

Death in the air! አብዛኛዎቻችን 911 ንን እናውቀዋለን የ2001 የመንታ ህንፃዎች ጥቃት። በዚህ ጥቃት ማግስት ከ23 አመት በፊት ልክ በዛሬው ቀን በአሜሪካ የ5 ሰዎች ህይወት የቀጠፈ የሞት ደብዳቤ ለሴናተሮች እና ለሚዲያ ባለሞያዎች ደርሶ ነበር። ደብዳቤው ሞትን የሚያረዳ ሰይሆን እጅግ አሰቃቂ ሞትን በውስጡ የያዘ ነበር። የአንትራክስ ስፖሮችን! አንትራክስ፤ ባሲለስ አንትራክስ በተባለ ባክቴሪያ አማካኝነት የሚመጣ ከባድ ተላላፊ በሽታ ነው። ባክቴሪያው ለመራባት እና ለመኖር ምቹ ያልሆነ ሁኔታ ውስጥ ሲሆን ራሱን በጠንካራ ሽፋን በማልበስ ህይወቱን ያቆያል። ይሄ ዘዴ ' Sporulation' በመባል ይታወቃል። በዚህ ስልት ራሱን Dormant አድርጎ እስከ 40 አመታት ሊቆይ ይችላል። ብዙውን ጊዜ ጎርፍ እና ድርቅ በሚከሰትበት ወቅት ለእኚህ ስፖሮች ከብቶች ተጋላጭ ስለሚሆኑ በበሽታው ይጠቃሉ። ሰዎች በአንትራክስ የሚጠቁት እኚህን ስፖሮች ወደ ሳንባቸው ሲተነፍሱ ፣ ከሚመገቡት ምግብ ጋር አብረው ወደ ሰውነታቸው ሲያስገቡት፣ ወይንም በአንትራክስ ስፖር የተበከለ ወሃ የጠጡ እንደሆን አልያም ክፍት በሆነ የቆዳ ክፍል ውስጥ ዘልቆ የገባ እንደሆን ነው። ባሲለስ አንትራክሲስ ወደ ሰውነት ከገባ በኋላ ' Activate' ይሆናል። በፍጥነት በመባዛት እና ወደ ሰውነት ውስጥ በመሠራጨት መርዝ ይረጫል። ይህ እስከሞት ለሚያደርስ ከባድ የህመም ስቃይ ይዳርጋል። ወደ አሜሪካ የተላከው የሞት ደብዳቤ የያዘው እንግዲህ እኚህን ስፖሮች ነው። ደብዳቤውን ላይ ለእስራኤል እና አሜሪካ ሞትን የሚመኝ ጽሑፍ ሰፍሯል ደብዳቤው የተከፈተበት ስፍራ አየር በገዳይ ስፖሮች ተበከሏል። ደብዳቤውን ከከፈቱት መካከል 5ቱ ህይወታቸው አለፈ 17 የሚሆኑት ደግሞ በጽኑ ታመሙ። ይህ በአሜሪካ ታሪክ እጅግ ውስብስብ ከሆኑ የወንጀል ምርመራ ፋይሎች ውስጥ አንዱ ነው። ብዙ ሰዎች ተጠርጥረውበታል። ተጠርጣሪዎች በFBI ዱካቸው ሲጠና ራሳቸውን አጥፍተዋል ወይንም ተገድለው ተገኝተዋል። እስካሁን ግን የዚህ ትቃት ጠንሳሽ እና ፈጻሚ ማንነት እንቆቅልሽ ሆኖ 'Amerithrax' በሚል የወንጀል ምርመራ ፋይል ውስጥ ሳይፈታ ተቀምጧል። ስለ ባዮሎጂካል የጦር መሣርያዎች ካነሳን አይቀር ጣልያን ሀገራችንን ለማንበርከክ የሞከረችበትን ሌላ የባዮሎጂካል የጦር መሣርያ ማንሳት ግድ ይለናል። Rinderpest! (የደስታ በሽታ) በሽታው በከብቶች ላይ ከሚያሳያቸው ምልክቶች መካከል አንዱ እንደ መፈንጠዝ ያለ ነውና የሀገሬ ሰው ደስታ ፣ ወተቴ እያለ ይጠራዋል። በቅኝ ግዛት ሙከራ ወቅት ጣልያን የባዮቴሬሪዝምን በሀገራችን ላይ እንዳደረሰች ይነገራል። በአፍሪካ ምድር የማይታወቀው Rinderpest ጣልያን ከኢትዮጵያ ጋር ለነበራት ውግያ ለወታደሮቼ ከቀለብ በሚል ሰበብ ካመጣቻቸው ከብቶች ጋር አብሮ ገባ። ይህ ሆን ተብሎ የተደረገ እንደሆነ የሚያምኑ ፤ የለም ድንገቴ ነው የሚሉም አሉ። እኛ ጉዳቱ ለአላማቸው በር የከፈተ ነው እና የታቀደበት ነው እንላለን። በሽታው በአፍሪካ በ19ተኛው ክፍለ ዘመን መባቻ እጅጉን ተስፋፋ ለጣልያን እንዳሰበችው የኢትዮጵያ እግር ለማንበርከክ ከግዛቶቿ መካከል ካርታዋን ለመዶል ባይረዳትም ከአድዋ ማግስት ለተከሰተው የ "ክፉ ቀን" ረሃብ ግን የደስታ በሽታ ትልቅ ሚና ተጫውቷል።የቅኝ ግዛት ቀንበርን ሰባብሮ ከጦር ጀብዱ የተመለሰው አርበኛ ገበሬው ነውና የእርሻ ቀንበሩን የሚያሳርፍበት የጦር ዜማውን እያዜመለት የሚያርስበት በሬው ተረፈረፈበት። በዚያ ዘመን እርሻ ያለ በሬ እንዴት ይሆናል? ጦርነት ነበር እና ጎተራም ሙሉ አይደለም። ሌሎች ችግሮች ተጨማምረው ቸነፈር ህዝቡን ገረፈው። ይህ የደስታ በሽታ ወደ አፍሪካ መግባት ሌሎች የአፍሪካ ሀገራትን ለቅኝ ገዢዎች ቀኝ እጅ ለአርበኞች ደግሞ ራስ ምታት ሆኖባቸው ነበር። ትግላቸው ከአፈ ሙዝ ከሚወጣ እሳት ጋር ብቻ አልነበረም። በጋሻቸው ከማይመክቱት ድንበር ከማያሰምሩለት ረቂቅ ተዋሲህ ጋር ጭምር እንጂ። በRinderpest በሚሊዮን የሚቆጠሩ ከብቶች አለቁ። ከብቶቹ በነበሩ ወቅት የሚሰማሩባቸው ጥጆች የሚፈነጩባቸው መስኮች ቁጥቋጦ ወረሳቸው። ቁጥቋጦው ለቆላ ዝንብ ሁነኛ መራቢያ ሆነ። በእንቅርት ላይ ጆሮ ደግፍ እንዲሉ የቆላ ዝንብ በአፍሪካ ምድር የገንዲ በሽታን አዳረሰች። ሌላ ጉዳት ሊላ ሰቆቃ! ይህ አፍሪካን ለመቀራመት አውሮፓውያኑ ያሳረፉት አርፎ ሲነሳ ሰንበሩ ብቻ የሚታይ ረቂቅ ጅራፍ ነው! የሆነ ሆነ እና በሦስት በበሽታው የተያዙ ከብቶች ወደ ሀገራችን የገባው Rinderpest በሀገራችን ተመራማሪ ፕሮፌሰር ጥላሁን ይልማ የክትባት ግኝት አማካኝነት ከአለም ጠፍቷል። የክትባት ዘመቻውን የሚያስታውስ ሃውልትም በቢሾፍቱ በሚገኘው የብሔራዊ የእንሰሳት ጤና ኢንስቲትዩት ተሰርቶለታል።

የሁለት ፕሬዚዳንቶች ወግ የእናት ክለባችን Rotary Club of Addis Ababa 2024/25 ፕሬዚደንት ሮታሪያን ዶ/ር ካሊፋ ጋር በቢሾፍቱ ኢስት ጌት ሆቴል ያስቀረነው ምስል🤗 ታሪክ ተጋርተናል እና እዚህ ጋር ይቀመጥ በነገራችን ላይ የአዲስ አበባ ሮታሪ ክለብ በኢትዮጵያ የመጀመርያው እና ለ70 አመት የዘለቀ አንጋፋ ክለብ ነው። የኩሪፍቱ ሮትራክት ክለብ ፤ ይህ ክለብ እናት ክለባችን በመሆኑ እንኮራለን🔥 ስለ ክለባችን የበለጠ ለማወቅ👇 https://t.me/rac_kuriftu

ፍርሃታችሁን ድፈሩት! ማድረግ የምትፈልጉትን ማድረግ እስኪሳን የሚቆጣጠር ፍርሃት ጤናማ ነው ብዬ አላምንም። በዘርፉ ያጠኑ ባለሞያዎች በዚህ ጉዳይ ብዙ የሚሉት ያለ ይመስለኛል። እኔ ላብቃ! ሎኦ ፔኢቴ

መገናኛን እንደ ጦር እፈራው ነበር! (birthday eve confession) ያ ጊዜ አልፎ አሁን የማልፍ የማገድምበት ቦታ መሆኑን ሳስብ ፈገግ እላለሁ።...ነገሩ እንዲህ ነው። ከሦስት አመት በፊት ገና ወደ አዲስ አበባ ዩኒቨርስቲ እንደገባሁ ፤ ወቅቱ ለእኔ አስደሳችም ከባድም ነበር። ስመኘው እና ስተጋለት ወደነበረው ዩኒቨርስቲ ገብቼ መማር መቻሌ፣ በማህበራዊ ትስስር ገጽ (ፌስቡክ) የተዋወኳቸውን ወዳጆቼን በአካል እያገኘሁ ጥሩ ጊዜ ማሳለፍ መቻሌ እና ስቋምጥላቸው በነበሩ የጥበብ ድግሶች በተለይ በዋልያ መጽሐፍ በየሳምንቱ ይዘጋጅ የነበረው ከደራሲያን ጋር የመተዋወቅ እና መጽሐፍ የማስፈረም ዝግጅት ላይ መታደም መቻሌ ወቅቱን አስደሳች ያደረጉልኝ ጉዳዮች ናቸው። በሌላ በኩል ደግሞ ለከተማው አዲስ መሆኔ ፣ የታክሲ ሰልፍ እና ትርምስ ፣ የአየር ሁኔታው ከነበርኩበት ቆላማ ከባቢ አንፃር ከባድ ብርድ ያዘለ መሆኑ ፣ በኮቪድ 19 የተዘጉ በሮች እንደተከፈቱ የገባን ባቾች በመሆናችን የባከነ ጊዜን ለማካካስ የነበረው የትምህርት መደራረብ እና ጥድፍያ 'የፍሬሽ ማን' ህይወቴን ከባድ አድርገወታል። በዛ ላይ 'ሲንየር' ተማሪዎች ቀለል ያለ የሚሉት ለእኔ ግን አሁን ሳስበው እስኪያስቀኝ ድረስ ያስደነበረኝ ግጭትና ግርግር ግቢ ውስጥ ተፈጥሮ ስለነበር የሚሰማኝ ስሜት ድብልቅልቅ ያለ ነበር። ላለው ይጨመርለታል የሚባለው ነገር ለእኔ የሰራው በመጥፎ እስኪመስለኝ ድረስ ያለብኝ ድብልቅ ያለ ስሜት ሳያንስ ከጓደኞቼ ጋር ደባሪ በሆነ መልኩ ስልኮቻችንን እና በእጃችን የያዝነውን ገንዘብ ተዘረፍን። ጩቤ ምናምን ነበረው ዝርፍያው። ሌቦች ዘርፈውን ሲያመልጡ ፖሊሶች ደረሱ። መሳርያቸውን አቀባብለው እጃችንን ወደላይ አንስተን ጀርባ ለጀርባ ተደጋግፈን እንድንቆም ካደረጉ በኋላ የተዘራፊ ሳይሆን የዘራፊ 'ትሪትመንት' ሰጡን! ሃዬ👍 ለተወሰኑ ደቂቃዎች እየወተወትን ተዘራፊ መሆናችንን ማስረዳት ነበረብን። መታወቂያ ባንይዝ ኖሮ ዱላ ሳንቀምስ የምንቀር አይመስለኝም። ወደ ፖሊስ ጣብያ ስናመራ በሚገርም ሁኔታ "ከተዘጋው ዶሴ" ላይ መቅረብ የነበረባቸው የዝርፍያ ታሪኮች ከራሳቸው ከፖሊሶቹ እየተተረከ ቀላል ነገር እንዳጋጠመን እና እንድናመሰግን ተነገረን። ይባስ ብሎ አንዱ ፖሊስ ማጅራቱ ላይ እጁን እንደ ዱላ እያሳረፈ እንዴት ሃንግ እንደተሰራ አጫወተን። ሃዬ👍 ብቻ ተዘርፈን ፣ ብዙ ተንገላተን ያቀን አለፈ።(ፖሊሶቹ እንዳሉን በሰላም አለፈ) ከዛ በኋላ ከግቢ መውጣት እየደበረኝ መጣ። በፊት የምስቅባቸው የዝርፍያ 'ሜሞች'ን በቀልድ መልክ ማየት አቆምኩ። አስገዳጅ የሆኑ ከግቢ የሚያስወጡ ጉዳዮች ሲኖሩ ደግሞ አጠገቤ የቆመን ሰው ሁሉ እንደሌባ የማይ ጠርጣራ ሆንኩ። ጥርጣሬው ከጥንቃቄ ከፍ ያለ ነበር። አሁን ላይ ሆኜ ሳስበው እጅግ ተራ የሆኑ ነገሮች ሁሉ ያስፈሩኝ ፣ ያስጨንቀኝ ነበር። ስሜቱ ቀላል አልነበረም። የልብ ትርታዬ እስኪዛባ፣ እስኪያልበኝ እና አተነፋፈሴም ልክ እስካይሆን ድረስ ነበር። ከሰፈሮች ሁሉ መገናኛን በተለየ ጠላሁት። እንደጦር እፈራው ጀመር። ቀጠሮዬ መገናኛን ከነካ መሰረዝ ልማዴ ሆነ። በዚህ ስሜት ውስጥ እያለሁ የመጀመርያ መንፈቅ አመት ተጠናቀቀ እና የትምህርት መስኬን ለይቼ ወደ ውቢቷ ቢሾፍቱ(ደብረዘይት) ተዘዋወርኩ። አንዳንድ ስሜቶች ልክ እንደ ረመጥ ናቸው። የጠፉ የመሠሉ ነበልባሎች! አመዳቸውን እፍ የሚል ሲገኝ የሚነዱ፤ የሚንቦገቦጉ! የሐይቅ ከተማዋ ቢሾፍቱ እርጋታ ፣ ነፍስን የሚዳስስ ነፋስ እና ያለሁበት ኮሌጅ መጠነኛ ተማሪ ያነው ስክን መሆን ሁሉን ነገር አስረስቶኝ ነበር። ለመገናኛ ያለኝን ጥላቻ እና ፍራቻን እፍ ብሎ ድጋሚ ያቀጣጠለው ወደዛ የሚወስደኝ ተደጋጋሚ ቀጠሮ ሲመጣ ነው። ችግሬን የሚያውቅ የለም። እስቲ አስቡት?! ምንስ ብዬ መገናኛ መሄድ እፈራለሁ! እዛ ያለ ሰው ሁሉ ሌባ ይመስለኛል! እላለሁ? እንዳልምል አብሮኝ የተዘረፈው የልብ ወዳጄ በመጠኑ ይህን ስሜቴን ያውቃል! በዚህ ልክ የገዘፈ መሆኑን መረዳቱን ግን እጠራጠራለሁ። ብቻ ቀጠሮዎቼን ከግቢ ጓደኞቼ አንዱ ወደ መገናኛ የሚያስኬደው ጉዳይ ሲኖር ከእሱ ጋር ትይዩ እያደረኩ አብሬው እሄዳለሁ። ግራ ቀኜን እየተገላመጥኩ፣ እያንዳንዱ ከሰዎች ጋር ያለኝን ንክኪ እየቆጠርኩ የልብ ምቴ ተዛብቶ ደርሼ እመለሳለሁ። ብቻዬን መሄድ ይደብረኛል እያልኩ ያለ እቅዳቸው ይዣቸው መገናኛ የተገኙ ወዳጆቼም ነበሩ። እንዲህ እንዲህ እያለ ሰው ማስቸገር ፣ ግፋ ሲልም መለማመጥ እየሰለቸኝ መጣ። ቆም ብዬ ሳስብ ይህ ፍርሃት ችላ ካልኩት ሊወሳሰብ እንደሚችል ገባኝ። በነገራችን ላይ ይህንን ገጠመኜን እንድጽፍ የገፉኝ "የአማኑኤል ሆስፒታል ተረኮች" የተሰኘው የዶ/ር ዮናስ ላቀው መጽሐፍን ሳነብ ያየኋቸው እንደ ቀልድ ጀምረው ችላ በመባላቸው ወደ ውስብስብ ህመም የተቀየሩ የፍርሃት ታሪኮች ናቸው። ስለ አእምሮ ጤና በተለያዩ አጋጣሚዎች አንብቤ ባውቅም በእውነተኛ ታሪክ የተዋዛው ይህ መጽሐፍ ብዙ እንዳስብ አድርጎኛል።(እንድታነቡት ግብዣዬ ነው) ወደ መገናኛ እንመለስ?! ይህን መጠን አልባ ፍርሃቴን ለማሸነፍ የወሰንኩት እሾህን በእሾህ በሚለው መርህ ነው። ብቻዬን በድፍረት ወደ መገናኛ በመሄድ! ዝም ብሎ እግሬ እስኪዝል በፍርሃት ቀጠናዬ በመዞር!! ያ ቦታ የፍርሃቴን ያክል ከባድ እንዳልሆነ ልቤ ያውቀዋል ፤ ቀልቤ እንዲያምነው ግን ማሳየት ነበረብኝ። መሐመድ እንድሪስ ካሳ አንድ የምወዳት ግጥም አለችው: እርግጥ ነው ቁስልህ በርክቷል እንዳሸዋ ዘር ግን አይበጅህም ደዌ መዘርዘር። ሂድ ወደ ቁስልህ ዝለቅ ቀውስጡ እዛ ነውኮ እነ ብርሃን እነበረከት የተቀመጡ። እኔም ከፍርሃቴ ለመዝለቅ ወሰንኩ። የወሰንኩ ቀን ምሽት እንቅልፍ አልወሰደኝም። ጠዋት ወደ መነሃሪያ ስሄድ እያላበኝ ነበር። ለማንኛውም ብዬ በኪሴ በዛ ያለ ብር ይዣለሁ(ትንሽ ከተደናበርኩ ራይድ ለመጥራት እኮ ነው።😂) ስልኬን በ bottom ስልክ ቀይርያለሁ። (ቢጠፋም ይሄ ይጥፋ ነው ነገሩ) የጓደኞቼን ስልክ እንደ ድሮ ዘመን በወረቀት ጽፌ ይዣለሁ። ምንም የማደርገው ሳይኖረኝ መገናኛ ደረስኩ። በቃ አዙሪት እንደያዘው ሰው ዞርኳት። ይኸው ይሄ ነው መገናኛ እላለሁ ለራሴ። ቀስ በቀስ ፍርሃቴ ሲለቀኝ ታወቀኝ። የልብ ምቴ እስኪስተካከል ፣ መድከም እና መራቤ እስኪታወቀኝ ዞርኩ። እልህም፣ ደስታም ውስጤን ተሰማኝ። የሆነ አይነት እርካታ ነበረው። ድክም ሲለኝ ለጓደኛዬ ደውዬ የአራት ኪሎ ታክሲ የቱ ጋር እንደሚያዝ ባውቅም ሰው ደጋግሜ እየጠየኩ በራሴ ላይ ድል በመቀናጀት መንፈስ የፍርሃት ቀጠናዬን ተሰናበትኩ። የፍርሃት ረመጤ ላይ ወሃ ቸለስኩበት። መገናኛ እንደማንኛውም ሰፈር ሆነኝ። ይህ በህይወቴ የማልረሳው ታሪኬ ሆኖ ተጻፈ። መጠኑ እና ሁኔታው ቢለያይም በእንደ እኔ አይነት አጋጣሚ ያለፈ ወይንም እያለፈ ያለ ሰው ይኖራል። ሌሎች በቀላሉ የሚያደርጉት ነገርን ለማድረግ ከልኩ ያለፈ ፍርሃት ካላችሁ ቆም ብላችሁ ማየት ያለባችሁ ይመስለኛል። እኔ የስነ ልቦና ባለሞያ አይደለሁም። ነገር ግን ያልጠበቅናቸው ገጠመኞች ሳይታወቀን 'ትሮማታይዝ' እንደሚያደርጉን ከገጠመኜ ተምርያለሁ። እንዲህ እንዲህ አድርጉ የማለት ድፍረቱ ባይኖረኝም። ሲያጋጥም ግን ለቅርብ ወዳጅ ማማከር እና መፍትሄ መፈለግ እንደ ረመጥ አለባብሶ እና አፍኖ ከማስቀመጥ ይሻላል ባይ ነኝ።