Калькасыз қазақ тілі. Назгүл Қожабек

❌4-күндік тренинг ⁉4-дневный - четырехдневный ✅ 4 күндік

Келісемін. тек.... "Балалардың бойында отансүйгіштікті дамыту" деген сияқты мембағдарламаларды қайда жібереміз? 😅

#Пси ЭРОТИКАҒА ҰЛАСПАСЫН Отанды (ұлтты, елді) "сүю" деген де "любить Родинудан" калька шығар иә? 1930 жылға дейін шыққан мәтіндерде (әлі орысша конструкциялар әсер ете қоймаған) осы – Отанды (ұлтты, елді) "сүю" дегенді кездестіргендер бар ма? "Сүю" деген бәрібір де – тек қарсы жыныстылардың сезіміне қатысты сөз сияқты. Бір, қазаққа жат тұрпайылық бар әйтеуір, осы сөздің Отанға қарата айтылуында. "Елімнен садағамын", "жерім үшін жан пида" деген шығар да, ілкідегі қазақ. Кейін қақсайтындардың ішінен тек Елбасыма жарасатын.

❌ тунец (балық) Бұл - орысша атауы. Өзгелер оны tuna дейді.

❌ соңғы уақытта ⁉️ в последнее время ✅ кейінгі кезде

❌ актерлік құрам ⁉ актерский состав ✅ актерлер құрамы

❌ сарапшылық кеңес ⁉ экспертный совет ✅ сарапшылар кеңесі ❌ әдістемелік кеңес ⁉ методический совет ✅ әдіскерлер кеңесі

❌ тұтынушылық талап ✅ тұтынушылар талабы

❌ істеп жатсың ба? ✅ істеп жатырсың ба? ❌ жатырған ✅ жатқан ❌отқан ✅ отырған Төрт қалып етістіктің осы екеуіне келгенде, біз екеуін де бір формаға тыққымыз келіп жанталасамыз. Біресе "отырдың" -ыр дегенін алып тастағымыз келеді, біресе "жат" дегенге артық -ыр қосып тастағымыз келеді. Бұлар осы күйінде бар. Болды. Соны мойындап, қабылдап, үйреніп, жаттап аламыз да, тыныш өмір сүре береміз. Жат(ыр) қалып етістігі өзі бір уникум. Неге? Етістік ретінде оның түбірі - ЖАТ (бұйрық рай). Отыр - отыр болғанда, біреуге "Жатыр!" деп бұйыра алмаймыз. Сондықтан, есімше мен көсемше "жатыр" емес, "жат" формасынан жасалады. Жатырып емес, жатып, жатырған емес, жатқан. Бірақ: отырып, отырған, мұны да анаған қаратып "отқан" деуге келмейді. Екеуін бір формаға тығып әуре болмайық. Енді, "Бірдеңе істеп жатырсың ба?" дегенді бұлқынып тұрып, "бірдеңе істеп ЖАТСЫҢ ба?" дегіміз келіп тұрады. ОК. екінші жақта осылай істедік делік. Ал қалған екі жағын қайда қоямыз? Мен бірдеңе істеп жатпын ба? Ол бірдеңе істеп жат?????????? Бұл етістік осы шақта үшінші жақта "жатыр" болып жіктеледі. Демек, бірінші жақта - жатырмын, екінші жақта - жатырсың. Осы екеуіне өз бетімен, бар күйінде өмір сүруге мүмкіндік берейікші, жарай ма?

Сынайтын кім? Баян. Олай болмасын десе, кім сынайтынын көрсетіп қою керек. Нақты анау деп айта алмайтын жерде, "жұрт" не "біреулер" деп қосқанның еш сөкеттігі жоқ.

Қашан сен -ный дегеннің бәрін -лы -лі -ды -ді -ты -ті деп аудара бересің, сонда “кофейный” осындай болып кетеді.

Шыда, шырағым, сынақ қой Шырағым - қаратпа сөз. Екі жағынан үтір қойылады Сынақ қой - бөлек жазылады