DATA HUB Қазақша

Қазақстанда азық-түлік дефляциясы бар деп жазғанымыз естеріңізде ме? Бұл ретте мониторинг жасалған барлық азық-түлік өнімдерінің бағасының өзгеру қарқыны туралы айтып отырғанымызды ескергеніңіз жөн. Егер кейбірін бөлек қарастырсақ, онда көрініс аса қатты қуантпауы мүмкін. Кем дегенде картопты қарастырайық. Оның бағасы алты апта бойы жоғары қарқынмен өсіп келеді. Атап айтқанда, 28 мамырдан 4 маусымға дейін көкөніс 4,4%-ға, ал мамыр айында 18%-ға қымбаттады. Әрине, бағаның өсуі маусымдық кезеңге байланысты: көктемнің соңында картоп әрдайым қолжетімді бола бермейді. Алайда, 18% — бұл факторды ескергеннің өзінде айтарлықтай көп. Салыстырыңыз: алдыңғы бес жылда картоп мамырдың қорытындысы бойынша, орта есеппен, 7,5%-ға қымбаттаған. Қалаларды жекелеп зерттегенде картоп бағасы бір аптада Жезқазғанда (+19,9%), Астанада (+11,3%) және Ақтөбеде (+11,0%) ең көп өскенін атап өтейік. Бағаның төмендеуі тек үш қалада тіркелген - Көкшетауда (-0,6%), Павлодарда (-2,3%) және Қонаевта (-3,3%). @DataHub_FCBK

Кеше әлемде Қоршаған орта күні атап өтілді. Бұл экология мәселелеріне көңіл аударуға арналған ерекше күн. Демек, қауіпті деректерді келтірудің орайы туды: 6,2 млн-ға жуық қазақстандық, еліміздегі халықтың шамамен 30%-ы осы жылдың басын ауа өте жоғары немесе жоғары деңгейде ластанған жағдайда өткізген. Қазгидрометтің мониторинг* деректері бойынша I тоқсанда жалпы халқы 4,4 млн-ға жуық алты қала өте жоғары деңгейде, ал 1,8 млн-ға жуық халқы бар тағы да 14 елді мекен жоғары деңгейде ластанған аймаққа кірген. Бірінші тізімге Қарағанды, Алматы, Астана, Талғар, Сәтбаев, Лисаковск кірсе, екіншісіне Орал, Түркістан сияқты қалалар кірген. Жалпы ауаның ластану дәрежесі белгілі бір жерде немесе басша жерде өзгеруі мүмкін, бірақ кейбір жағдайларда тұрақты да болады. Соңғы толық бес жылда ауаның тұрақты түрде жоғары деңгейде ластануы Алматы, Қарағанды, Астана, Жезқазған, Теміртауда байқалған. Онда 4,5 млн адам тұрады. *2024 жылы 70 елді мекен өткізіледі Халық саны — ҚР СЖРА ҰСБ деректерi @DataHub_KZ

Қытай жүктерінің Қазақстан арқылы ЕО-ға транзиті екі есеге жуық төмендеді 2023 жылы көлемі 975,5 мың тоннаны* құрады және 45%-ға төмендеді (жылдан жылға). ҚР ҚМ МКК деректеріне сүйенсек, қазіргі мәні төрт жылдағы ең төмені болып тұр. Қытай екінші жыл қатарынан…

Қытай жүктерінің Қазақстан арқылы ЕО-ға транзиті екі есеге жуық төмендеді 2023 жылы көлемі 975,5 мың тоннаны* құрады және 45%-ға төмендеді (жылдан жылға). ҚР ҚМ МКК деректеріне сүйенсек, қазіргі мәні төрт жылдағы ең төмені болып тұр. Қытай екінші жыл қатарынан Қазақстан арқылы ЕО-ға жөнелтуді азайтқан. Ал осыдан бірнеше жыл бұрын ғана көрсеткіші қарқынды түрде өсіп отырған еді. 2014 жылдан 2021 жылға дейін жыл сайын, орта есеппен, 195% қосты... Бұған қарамастан, Қытай Қазақстанның логистикалық мүмкіндіктеріне деген қызығушылығын мүлдем жоғалтып алды деп айтуға болмайды. Тіпті, бәрі керісінше. Бір жылда ол жақтан келетін транзиттік жүктердің жалпы көлемі үштен бір есе, 12,6 млн тоннаға дейін өсті. Бұл ретте өсімнің негізгі бөлігі екі межелі елге тиесілі болды – Ресей мен Өзбекстан. Олар бірге 60%-ды құрады, яғни 7,5 млн тонна. Жалпы, Қытай Қазақстанның кедендік статистикасында көрініс табатын транзиттік жүктерді жөнелтетін жалғыз ел емес. Алайда, қалғандарының барлығы біріккеннің өзінде көрсеткіштері әлдеқайда аз - 6 млн тонна. *барлық көлік түрлері, брутто @DataHUB_KZ

ҚР-да доллармен орташа жалақы 30 жыл ішінде ең жоғары деңгейге жетті (иә, әрине, нюанстары бар) Бүгін ҚР СЖРА ҰСБ еңбекақы төлеу көрсеткіштері бойынша жылдық деректерді жариялады. 2023 жылдың қорытындысы бойынша, жалпылама, орташа жалақы 364,3 мың тг деңгейінде…

ҚР-да доллармен орташа жалақы 30 жыл ішінде ең жоғары деңгейге жетті (иә, әрине, нюанстары бар) Бүгін ҚР СЖРА ҰСБ еңбекақы төлеу көрсеткіштері бойынша жылдық деректерді жариялады. 2023 жылдың қорытындысы бойынша, жалпылама, орташа жалақы 364,3 мың тг деңгейінде болды. Доллармен есептегенде ол ресми түрде 798 долларға жетті - сегіз жүздік психологиялық межеге екі доллар ғана жетпей қалды. Номиналды түрде қазіргі деңгейі статистикада көрсетілген 1993 жылдан бері барлық кезеңдегі ең жоғары деңгей болып табылады. Бұдан бұрын ең жоғары деңгей 2013 жылы, курс еркіне жіберілмеген кезде тіркелген еді. Ол кезде доллардағы жылдық көрсеткіш $717 болды, яғни қазіргі мән 11%-ға жоғары. Бірақ содан бері доллар біршама құнсызданғанын ұмытпайық. Толық көрініс үшін түсіндіре кетейік: АҚШ-тың осы валютасындағы "өзінің туған" тұтынушылық инфляция бойынша қайта есептесек, 2013 жылдың желтоқсанындағы бұл $717, шамамен, 2023 жылдың желтоқсанындағы $944 тең болады. Мұндай межеге дейін бізге әлі де алыс. Бірақ динамика 2022 жылмен салыстырғанда жақсырақ - плюс 19%. Бұл 2007 жылдан бері ең жақсы қарқын, бірақ жақында ғана, яғни 2021 жылы, нәтиже осы шамалас болды, +18%. @DataHUB_KZ

Ұлттық банктің қазақстандық ЕДБ сәуір айын қалай өткізгені туралы деректері келіп жетті. Сонымен, маңызды ақпараттарды қысқаша түрде атап өтейік: 🔸Барлық ЕДБ оң нәтижемен жұмыстарын жалғастыруда, жүйеде шығынға ұшыраған ұйымдар жоқ. 4 айдағы жалпы пайда 776,7 млрд тг құрады, бұл өткен жылмен салыстырғанда 12%-ға артық. 🔸Жиынтық активтер 2024 жылы екінші рет төмендеп тұр, алайда жүйедегі төмендеуі аса көп емес – 1%-дан аз. Қазіргі көрсеткіші - 52,4 трлн тг. 🔸 Бұл орайда несие портфелі бір айда +1,5%-ға өсті, қазіргі деңгейі 30,7 трлн тг жетіп тұр. 🔸 Жүйе бойынша жеке тұлғалардың салымдарының көлемі, жалпы алғанда, аздап өскен (+1%, 20,5 трлн-ға дейін), ал заңды тұлғалардікі 3,44%-ға, шамамен 15 трлн-ға дейін төмендеген. Бір қызығы, сәуірде бизнестің тартылатын депозиттері бойынша орташа алынған мөлшерлеме аз да болса өскен, ал жеке тұлғалар сегментінде төмендеген. Банктер туралы толығырақ ақпарат - суреттерде. @DataHUB_KZ

«Сенбейтін боларсыз» атты айдарымыздағы жаңалықпен бөлісейік. Қазақстанда - азық-түлік дефляциясы. Мамырда сәуірмен салыстырғанда азық-түлік тауарлары 0,2%-ға арзандады. ҚР СЖРА ҰСБ деректеріне сүйенсек, 2020 жылдың тамызынан бері мұндай жағдай байқалмаған болатын. Бағаның төмендеуін ішінара маусымдық кезеңмен байланыстыруға болады. Сонымен, қияр 29% –ға, қырыққабат 19,1%–ға, қызанақ 15,4%–ға, жұмыртқа 9,8%-ға қол жетімді болды. Сонымен қатар қарақұмық (-3,3%), күнбағыс майы (-2,1%) арзандады. Айтпақшы, өндірісі баяулап бара жатқан қант бағасының бір айлық өзгеруі туралы ресми статистика тіс жармай отыр.🤨 Азық-түлік емес тауарлар мен ақылы қызметтер бағытында дефляция туралы сөз жоқ. Бір айда біріншісі 0,5%–ға (-0,2 п.т.), екіншісі 1%-ға (+0,3 п.т.) қымбаттады. Нәтижесінде, айлық инфляция 0,4% деңгейінде қалыптасып, сәуірге қарай 0,2 п.т. баяулады. Бағаның қазіргі өсу қарқыны 2020 жылдың қыркүйегінен бері ең төмені болып табылады. Жылдық инфляция туралы айтпай қайда барамыз? Қазіргі мәні - 8,5%. Дәл осындай төмен деңгейде ол соңғы рет 2022 жылдың қаңтарында болған еді. @DataHUB_KZ