Teacher Azam

Great Place to Work va Forune o‘zining ishlash uchun Top 25 kompaniya ro‘yxatini e’lon qildi. 👨‍💻 Bu so‘rovnoma 60 ta yopiq va ish joyidagi tajriba haqida ikkita ochiq savolni o‘z ichiga olib, rahbariyatning ishonchliligini, hurmat va adolatni, faxrlanish hissini, hamjihatlikni, xodimlarning farovonligini va umumiy ishonchni o‘lchaydi. 👨‍💼 Shuningdek, kompaniyalar ijobiy ish muhitini yaratish bo‘yicha o‘z dasturlari va strategiyalari haqida ma’lumot taqdim etishlari shart. Dunyoning eng yaxshi ish joylaridan biri sifatida tan olinish uchun kompaniyalar butun dunyo bo‘ylab kamida 5000 xodimga ega bo‘lishi va o‘tgan yili yirik mintaqalarda besh yoki undan ortiq mintaqaviy eng yaxshi ish joylari ro‘yxatlarida o‘rin egallagan bo‘lishi kerak. 👩‍💼 Umuman olganda, Great Place to Work dunyoning turli burchaklaridan 9 milliondan ortiq xodimning javoblarini tahlil qiladi va 25 milliondan ziyod kishiga ta’sir ko‘rsatadigan ish joyi amaliyotlarini o‘rganib chiqadi. Ishtirok etish ixtiyoriy bo‘lganligi sababli, natijalar faqatgina so‘rovnomada qatnashishni ma’qul ko‘rgan kompaniyalarni ko‘rsatadi. Bizda ham shunday so‘rovnomalar qilinsa, qaysi kompaniyalar ishlash uchun eng yaxshi deb topilishi mumkin? Manbaa @teacherazam

🇺🇸 2025-yilda AQShda besh yoshgacha bo‘lgan bolani tarbiyalashning o‘rtacha yillik xarajatlari 27 743 dollarni tashkil etgan. 💸 Ishlayotgan er-xotinning qo‘shimcha uy-joy, oziq-ovqat, transport, sog‘liqni saqlash, turli xarajatlar va bola parvarishini o‘z ichiga olgan bu xarajatlar 2024-2025-yillar oralig‘ida 4,5 foizga ko‘paydi va shu davrdagi 2,82 foizlik inflyatsiya darajasidan biroz yuqori bo‘ldi. Biroq, oila yashayotgan shtatga qarab, xarajatlar har ikki tomonga o‘n minglab dollargacha farq qilishi mumkin va ba’zi shtatlarda bir yil ichida bolani tarbiyalash xarajatlari sezilarli darajada o‘zgargan. 💵 Shularni hisobga olgan holda, SmartAsset besh yoshgacha bo‘lgan bolani ta’minlash uchun ikki ishlaydigan katta yoshli insonga kerak bo‘ladigan taxminiy yillik qo‘shimcha daromad asosida 50 ta shtatni reytingga kiritdi. 🤑 Massachusets (44 ming dollar), Konnektikut (42 ming dollar) va Vermont (38 ming dollar) bola tarbiyasi uchun eng qimmat shtatlar bo‘lib, bu asosan qo‘shimcha uy-joy, bola parvarishi va sog‘liqni saqlash xarajatlarini o‘z ichiga oladi. Missisipida bola tarbiyalash Massachusets’ga qaraganda 2 barobar arzonroq. (19 ming dollar) Erinmagan amerikaliklar shuniyam hisoblab chiqibdi. 🤔 O‘ylab qoldim, mana shunaqa statistikalar chiqishi oila instituti inqiroziga ozgina bo‘lsa ham sabab bo‘lmayaptimi? Chunki odamlar xarajatdan qo‘rqib, farzandli bo‘lishdan voz kechib yuborishmaydimi? Manba @teacherazam

🔼 Ushbu grafik 2026-yil yanvar holatiga ko‘ra bozor kapitallashuvi bo‘yicha dunyodagi eng qimmat 10 ta aktivni ko‘rsatadi, bu esa bugungi kunda global boylik qayerda to‘planganligini bildiradi. 🥇 Reytingda oltin katta ustunlik bilan 1-o‘rinda bo‘lishda davom etmoqda, texnologik kompaniyalar va rivojlanayotgan raqamli aktivlar esa ro‘yxatning qolgan qismini tashkil qiladi. 🧠 Kompaniyalar orasida Nvidia sun’iy intellekt chiplarining o‘sib borayotgan talabi tufayli peshqadamlik qilmoqda, undan so‘ng Apple ikkinchi o‘rinda turmoqda. Alphabet (Google), Microsoft va Amazon kabi boshqa texnologiya gigantlari global iqtisodiyotda raqamli platformalar, bulutli hisoblash va ma’lumotlarga asoslangan bizneslarning tobora ortib borayotganini ko‘rsatib bermoqda. Bitkoin top-10 likdagi yagona kriptovalyuta sifatida ajralib turib, uning asosiy aktiv sifatida tan olinishi ortib borayotganini anglatadi. Manba @teacherazam

Rage bait 2025-yil so‘zi bo‘ldi degan post qilgan edim. Keyin esa Instagram’ga qoʻygan videomda yana 2 ta yil so‘zlarini aytib berdim. Bu postda esa qolgan yil so‘zlarini sizlarga tushuntirib beraman. 1️⃣ Agentic - bu so‘z psixologiya va sotsologiyada insonning mustaqil harakat qilish qobiliyati, tanlov qila olishi, atrof-muhitini o‘zgartirish va unga ta’sir o‘tkazishi ma’nosida ishlatiladi. Lekin 2025-yilgi kontekstda agentic so‘zi sun’iy intellektga ko‘chib o‘tdi. Oddiy misol agar men: “Menga 3 kunlik kontent-reja tuz, uni Google Sheetga joyla, post matnlarini yoz, va eslatma qo‘y” deb unga buyruq bersam. shu buyruq asosida menga har bitta taskni bajarib beradi. 2️⃣ Broligarchy - bro so‘zi odatda ishonsa bo‘ladigan erkaklarga nisbatan ishlatiladi, oligarchy so‘zi esa ozchilik qo‘lida jamlangan hokimiyatga nisbatan ishlatiladi. Bu so‘z 2024-yilda ommalasha boshlagan edi. Bu haqida mana bu postimda to‘liq tushuntirib berganman. 3️⃣ Clanker - 2025-yilda AI, chatbot, avtomatlashtirilgan servislar haqida gap ketganda ishlatilishi ommalashdi. Bu so‘z clank so‘zidan olingan bo‘lib, temirning jaranglashidan kelib chiqib, oldin “Star Wars” franshizasida droid robotlarini haqoratlash uchun qo‘llanilgan. Bu so‘z ommalashishiga sabab esa AI tez kundalik hayotga kirib kelgani va odamlarning asabi buziladigan xabarlar: ishni olib qo‘yishi, unga turmushga chiqish/uylanish, u bilan do‘st bo‘lish ko‘paygani bo‘ldi. 4️⃣ Kiss cam - bu so‘z ommalashishiga 2025-yil 16-iyulda bo‘lgan voqea sabab bo‘ldi. Unda Astronomer kompaniyasining rahbarlari Andy Byron (CEO) va Kristin Cabot (HR/Chief People Officer) kiss cam’da birga ko‘rinib qoladi. Ular kamerani ko‘rgan, darrov yashirinishga harakat qilishgan. Ma’lumot uchun Andyning oilasi bor edi. Bunda ko‘pchilik inflyuyenserlar ham foydalanishgan, ko‘plab kulguli mem’lar paydo bo‘lgan edi. 5️⃣ Overtourism - bu so‘z haddan tashqari turizm qilish degan ma’noni bildiradi. Bu so‘z turistik infratuzilmalarga odamlar birdan borishi va ularning atrofini chiqindilarga to‘ldirib tashlashi boshlanganidan keyin ommalashdi. Bunga misol Venetsiyada shaharga, Yaponiyada Fuji tog‘iga kirishda to‘lov joriy qilinganini keltirish mumkin. Chunki bu 2 mamlakat turistlar bu zonalar atrofini chiqindilarga to‘ldirib tashlayotgani, atrof-muhitga zarar yetkazyotganini sabab qilib keltirgan. @teacherazam

Yilni maqsadlar haqida boshlamoqchiman. Bir qiziq ma’lumot o‘qib qoldim. ✏️ Yangi yildan oldin ko‘pchilik turli rejalar qiladi, mana shu yildan zo‘r odam bo‘laman deb o‘ziga aytadi. Lekin hamma ham oxirigacha bormaydi. Misol uchun shunday reja qilganlarning 75 foizi yilning birinchi 30 kunidayoq, eski holatiga qaytadi, rejalari haqida unutadi. Yil oxirigacha esa 10 foizdan ham kamroq odamlargina o‘z qo‘ygan maqsadlariga erishadi. Niyatingiz qanchalik yaxshi bo‘lmasin, ularning o‘zi natijaga erishishga yetmaydi. O‘zi o‘tgan 2025-yilda nimalar qilmoqchi edingiz-u, lekin qila olmadingiz? ✍️ Bu post esa sizga planner bo‘lsin va izohga bu yil nimalar qilmoqchi ekanligingizni yozing, keyingi yil mana shu sanada nimalarni bajarganligingizni tekshirasiz. @teacherazam

2️⃣0️⃣2️⃣6️⃣ 🥳 2025-yilning oxirgi soatlarida turibmiz. Ozgina vaqtdan keyin 2026-yil kirib keladi Bu yil yaxshi yutuqlarga, ajoyib natijalarga boy bo‘ldi. 🫂 Yaqinlar bilan o‘tkazilgan qadrli lahzalar, o‘z ustimizda ishlash, xatolardan saboq olish va yangi marralarni ko‘zlash bilan bu yil bizni ancha pishitdi. Har bir qiyinchilik ortidan tajriba, har bir kichik g‘alaba ortidan esa ishonch paydo bo‘ldi. Sizlarga kelayotgan 2026-yilda sog‘liq, baxt, omad tilayman. Oldingizga qo‘ygan barcha maqsad va rejalaringizga erishing. 🙂 2026-yil sizlar uchun yangi imkoniyatlar, dadil qarorlar va ichki xotirjamlik yili bo‘lsin. Qadamlaringiz ishonchli, tanlagan yo‘llaringiz barakali bo‘lsin. Yangi yil har biringizga o‘zingiz istagan hayotni qurish uchun yetarli kuch va iroda olib kelsin. Yangi yilingiz muborak bo‘lsin @teacherazam

📄 Ipsos 2025-yil 27-oktyabrdan 4-noyabrgacha 30 mamlakatda 75 yoshgacha bo‘lgan 23 642 nafar katta yoshli shaxslar orasida so‘rov o‘tkazdi. So‘rov natijalariga ko‘ra, ishtirokchilarning 50 foizi 2025-yilni o‘zlari va oilalari uchun yomon yil bo‘lganini ta’kidlagan. Milliy darajada esa, so‘rovda qatnashganlarning 66 foizi 2025-yilni o‘z mamlakatlari uchun yomon yil bo‘lganini aytishdi. Bunda eng yuqori ko‘rsatkichlar Fransiya (85%), Janubiy Koreya (85%) va Turkiyada (80%) qayd etildi. 😟 Ishtirokchilarning 71 foizi 2026-yil 2025-yilga nisbatan yaxshiroq bo‘lishiga umid bildirdi. Eng yuqori umid darajasi Indoneziya (90%), Kolumbiya (89%) va Chilida (86%) kuzatilgan bo‘lsa, eng past ko‘rsatkichlar Fransiya (41%), Yaponiya (44%) va Belgiyada (49%) qayd etildi. Iqtisodiy bashoratlarga kelsak, so‘rovda qatnashganlarning 49 foizi 2026-yilda jahon iqtisodiyoti kuchayishini kutayotgan bo‘lsa, 51 foizi esa ahvol yomonlashishini taxmin qilmoqda. 🦠 Hisobotda, shuningdek, 2020-yilda dunyo bo‘ylab o‘rtacha respondentlarning 90 foizi o‘z mamlakatida yomon yil kechirganini aytgani qayd etilgan, bu esa COVID-19 pandemiyasining eng yuqori nuqtasini aks ettirgan. Hozirgi kunga kelib, optimizm darajasi hali ham 2022-yilgacha bo‘lgan ko‘rsatkichlardan pastligicha qolmoqda. ✍️ Siz uchun 2025-yil qanday bo‘ldi va 2026-yilni qanday bo‘ladi deb o‘ylaysiz? @teacherazam

🧠 Sun’iy intellekt sekin-asta dunyodagi eng ko‘p suv talab qiladigan sohalardan biriga aylanib bormoqda. 💧 So‘nggi tadqiqotlar shuni ko‘rsatmoqdaki, ma’lumotlar markazlari va sun’iy intellekt tizimlari bir yilda yuzlab milliard litr suv sarflashi mumkin. Bu miqdor butun dunyo bo‘yicha shisha idishlardagi ichimliklar uchun sarf bo‘ladigan suvdan ancha ko‘p. Hozirgi hisob-kitoblarga ko‘ra, sun’iy intellektning 2025-yildagi suv sarfi 312 dan 765 milliard litrgacha bo‘lgan. Mutaxassislar esa bu raqamlar feyk bo‘lishi, asl raqamlar bundan ham katta bo‘lishidan ogohlantirmoqda. 🔫 Hukumatlar, korporatsiyalar va madaniy sanoat sun’iy intellekt texnologiyalarini qo‘llayapti, lekin bu kengayish odamlarni qo‘rqitishni boshlagan. Suv tanqisligi bor hududlarda AI infratuzilmalarini qurish, suv uchun kurashni yanda keskinlashtirib yuborishi mumkin. 🤠 Bu esa texnologik o‘zgarishni potensial ekologik va ijtimoiy ziddiyatlar manbayiga aylantirib qo‘yadi. @teacherazam

🥳 Yangi yil soni uchun qilingan podkastimizni oldinroq chiqaryapmiz Sababi bayram shukuhini ayni 31-dekabrda emas, bu sanadan 2 kun oldin ham his qilishingizni istadik 😅 Bu podkastimizda 2025-yil voqealari haqida gapalshdik, kulishdik, bahslashdik, tortishdik, lekin urishmadik )) Podkast juda ajoyib bo‘lgan, iloji bo‘lsa, yaqinlaringiz bilan ko‘ring xa-xa, xi-xi qilib. ✍️ Podkastning kommentariyasida esa biz muhokama qilgan savollarga o‘zingizning javoblaringizni ham yozib ketishingiz mumkin Men o‘qib chiqaman, har bir javob qiziq. Podkastni ko‘rish: https://youtu.be/EjzS6FaSa-Q @teacherazam

Eng ko‘p sotilgan o‘yinlar 🎮 48,2 million nusxa bilan Animal Crossing: New Horizons reytingda yagona peshqadam bo‘lib turibdi. O‘yin 2020-yil 20-martda, aynan dunyoning ko‘p qismi COVID-19 pandemiyasi tufayli yopila boshlagan paytda chiqarildi. Shu bois, Animal Crossing turkumining so‘nggi qo‘shimchasi global noaniqlik va harakatsizlik davrida vaqt o‘tkazish uchun eng qulay vosita bo‘lib xizmat qildi. 💊 Rasmdagi jadvalda 2020-yildan 2025-yilgacha eng ko‘p sotilgan 20 ta eng yaxshi o‘yinning to‘liq reytingi keltirilgan. Ikkinchi o‘rinda 34,0 million nusxa sotilgan "Hogwarts Legacy" turibdi. Birinchi va ikkinchi o‘rinlar o‘rtasidagi farqni 14,2 million nusxa. "Hogwarts Legacy"ning afzalligi shundaki, u dunyodagi eng mashhur franshizalardan biri - Garri Potter bilan bog‘liq bo‘lib, ko‘plab muxlislar yillar davomida kutgan ochiq dunyodagi sehrgarlik tajribasini taqdim etdi. 4️⃣ Shundan so‘ng yetakchilar jadvalida to‘rtta nomzod bor va ular 30,0 million nusxada sotilgan (bular "Elden Ring", "Cyberpunk 2077", "Call of Duty: Black Ops Cold War" va "Call of Duty: Vanguard"). Manba @teacherazam

Bu xabarni yaxshilab o‘qing. Bunaqasi birinchi marta bo‘lyapti 🥳 O‘zbekistonda ta’lim rivojiga hissa qo‘shib, karyerasini aynan Englify’da boshlamoqchi bo‘lganlar uchun yangiligimiz bor. Biz o‘z jamoamizni kengaytirmoqchimiz, shuning uchun 30-dekabr, soat 11:00 da jobfest tashkil qilyapmiz. Bizga 18-26 yosh orasidagi mas’uliyatli, tirishqoq, o‘z ustida ishlashni yoqtiradigan yoshlar kerak. Jobfest’da biz bilan ishlamoqchi bo‘lganlarni sotuv bo‘limimizning pre-sale pozitsiyasiga saralab olmoqchimiz. Sotuvda tajribangiz bo‘lishi shart emas, o‘zimiz o‘rgatamiz Jobfest haqida to‘liq ma’lumot olish uchun pastdagi havola orqali ro‘yxatdan o‘ting. Biz o‘zimiz sizga bog‘lanamiz 👉Ro‘yxatdan o‘tish @teacherazam