SIYOSIY FANLAR AKADEMIYASI

⚽️Siyosiy lider - qiyin damlarda xalqni boshqara oladigan, muhim qarorlar qabul qila oladigan va mas'uliyatni o'z zimmasiga oladigan shaxs. 💡 Misol - Nelson Mandela. Zamonaviy siyosiy liderning eng yorqin misollaridan biri.O'nlab yillar davomida irqiy kamsitishlarga qarshi kurashib, uzoq yillik qamoqxonalar va ulkan bosimlardan so'ng u mamlakat prezidenti bo'ldi va o'zidan eng kam kutilgan narsani - qasos olishni emas, balki yarashishni uddaladi. 👉Uning yetakchiligi shaxsiy avtoritetni siyosiy kapitalga aylantira olganligida yaqqol namoyon bo'ldi, u Janubiy Afrikani irqiy segregatsiyadan demokratiyaga tinch o'tish uchun foydalangan. Shunday qilib, siyosiy lider shunchaki mavqe yoki maqom emas, balki birlashish, yo'naltirish va qaror qabul qilish qobiliyatidir. 👉🏻@uz_sfa

⚽️Политический лидер — это человек, который способен вести за собой народ, принимать важные решения и брать на себя ответственность в трудные моменты. 💡 Пример — Нельсон Мандела в Южной Африке. Один из самых ярких примеров политического лидера современности. После десятилетий борьбы с расовой диксриминацией, долгих лет в тюрьме и колоссального давления, он стал президентом страны и сумел сделать то, чего от него меньше всего ожидали — не мстить, а примирить. 👉 Его лидерство проявилось в том, что он смог превратить личный авторитет в политический капитал, который использовал для мирного перехода ЮАР от расовой сегрегации к демократии. Таким образом, политический лидер — это не просто должность или статус, а умение объединять, направлять и решать. 👉🏻@uz_sfa

Ўзбекистон Республикаси Президенти Шавкат Мирзиёев Мустақил Давлатлар Ҳамдўстлиги Давлат раҳбарлари кенгаши йиғилишида кўп томонлама ҳамкорлик самарадорлигини ошириш ҳамда мамлакатлар иқтисодиёти барқарорлигини мустаҳкамлашга қаратилган бир қатор амалий таклифлар билан чиқди. Жумладан: – глобал беқарорлик шароитида МДҲ формати барқарор ва зарур тузилма сифатида ўзини намоён этаётганини таъкидлаб, эътиборни ҳамкорликнинг амалий йўналишларига қаратишни таклиф қилди; – барча транспорт турлари билан интеграциялашган ахборот-логистика марказларини яратиш ҳамда транспорт соҳасида давлат-хусусий шериклик масалалари бўйича МДҲ мамлакатлари конференциясини Ўзбекистонда ўтказиш ташаббусини илгари сурди; – махсус иқтисодий зоналарни қўллаб-қувватлаш ва ривожлантириш бўйича “йўл харитаси” тайёрлашни, шунингдек, МДҲ Венчур платформасини яратиш орқали стартаплар ва инновацияларни илгари суришни таклиф қилди; – Ўзбекистон Тошкент шаҳрида «ИННОПРОМ» кўргазмаси доирасида МДҲ инновацион саноат форумини ўтказишга тайёрлигини маълум қилди; – МДҲ энергетика секторини инновацион ривожлантириш дастурини ишлаб чиқиш ва анъанавий ҳамда “яшил” энергетика бўйича қўшма лойиҳаларни амалга ошириш таклифини билдирди; – Рақамлаштириш ва сунъий интеллект соҳасида кўп томонлама амалий ҳаракатлар режасини ишлаб чиқиш, шунингдек, фан, таълим ва маданият соҳаларида ҳамкорликни кенгайтиришни таклиф қилди; – Дипломларни ўзаро тан олиш бўйича янги давлатлараро келишувни тайёрлаш, шунингдек, Хива шаҳрида МДҲ Ёшлар форумини ўтказиб, Ёшлар инновация лабораториясини ташкил этиш ташаббусини илгари сурди; – хавфсизлик масалаларига тўхталиб, МДҲ мамлакатлари ташқи сиёсат идоралари ва махсус хизматлар ўртасида мувофиқлаштирувни кучайтириш, шунингдек, Афғонистондаги вазиятга алоҳида эътибор қаратиб, ушбу мамлакатдаги инфратузилма лойиҳаларида биргаликда иштирок этишни таклиф қилди. 👉🏻@uz_sfa

Президентимиз 10 октябрь куни Мустақил Давлатлар Ҳамдўстлиги Давлат раҳбарлари кенгашининг йиғилишида иштирок этди.

Миллионлаб одамлар олмаларнинг ерга тушишини кўрган, аммо фақат Нютон нима учун шундай бўлишини ўйлаган эди. Бернард Барух * * * * * * Миллионы людей видели, как падают яблоки, но только Ньютон спросил почему. Бернард Барух 👉🏻Каналга уланиш @uz_sfa

Исломов И.Н., Хамдамов А.Қ., Ялгашев Б.А., Сиёсий фанлар ва касблар каталоги – Т.: «Complex Print», 2024. 👉🏻@uz_sfa

Тўйчиев Б., Омонов Б. Сиёсий маданият. Монография. Тошкент, Tafsir Books, 2024. – 224 бет. Ушбу монография замонавий жамиятимизда тобора долзарблашиб бораётган сиёсий маданият масаласини янги руҳ ва амалий ёндашув билан очиб беради: сиёсий маданиятнинг тушунчаси, мақсад-моҳияти, турлари, даражалари ва моделларидан тортиб, унинг шахс, жамият ва давлат ҳаётидаги ўрни, модернизация ҳамда глобаллашув шароитида юзага келаётган мураккабликларигача тизимли таҳлил қилинади. Асарда ёшлар сиёсий маданиятини такомиллаштиришнинг аниқ усул ва механизмлари таклиф этилиб, ҳар бир талабага, магистрантга, изланувчи олимга ва ўқитувчига фақат билим эмас, балки масъулият ва илҳом ҳам улашади. Китобни ўқинг — фикрда аниқлик, позицияда собитлик, фаол фуқароликда янги қадам қўйишга чорлов оласиз. 👉🏻@uz_sfa

СИЁСИЙ МАДАНИЯТ Сиёсий маданият – сиёсий ҳокимият ва сиёсиё ҳаётга бўлган муносабат, уни идрок этишдаги сиёсий тафаккур ва сиёсий фаолият маданиятидир. Сиёсий маданият фанини ўргатадиган машҳур олий ўқув юртларидан бири Гарвард университетидир. Бугунги кунда Гарвард университетида «Давлат департаментининг сиёсий маданияти», «Сиёсий маданият ва демократик назария» ва «Қиёсий сиёсий маданият» каби курслар ўқитилади. Умуман олганда, сиёсий маданият фанини бўлажак сиёсатшунос мутахасиссларга ўқитиш орқали, уларда сиёсий ҳаётдаги фуқароларнинг хулқ меъёрлари ва хатти-ҳаракат қоидаларини аниқлаш ҳамда белгилаб олишга хизмат қилади. 👉🏻@uz_sfa

Президентимизнинг “Марказий Осиё – Россия” форматидаги иккинчи саммитдаги нутқи ... Терроризм, экстремизм, радикализм, уюшган жиноятчилик, одам савдоси ва наркотрафикларга қарши курашда махсус хизматлар ва ҳуқуқни муҳофаза қилувчи органларнинг яқин ҳамкорлигини янада кенгайтириш муҳим, деб ҳисоблаймиз. ... Янги кибертаҳдид ва хавф-хатарларга қарши курашиш бўйича биргаликда чора-тадбирларни ишлаб чиқишни таклиф этамиз. ... Афғонистон билан ҳамкорликни ривожлантириш ва ушбу мамлакатни ижтимоий-иқтисодий жиҳатдан тараққий эттиришга кўмаклашиш бўйича ёндашувларни мувофиқлаштириш мақсадида юқори даражадаги маслаҳатлашувларни ўтказиш имкониятларини кўриб чиқишни таклиф этамиз. Хавфсизлик соҳасида ўзаро ҳамкорлик, ушбу мамлакатда барқарорлик ва тараққиётни таъминлашга қаратилган иқтисодий лойиҳаларни амалга ошириш масалалари ушбу учрашувлар кун тартибига киритилиши мумкин. 👉🏻батафсил танишиш учун: 👉🏻Каналга уланиш @uz_sfa

Германия империясининг 1-рейхсканцлери Отто фон Бисмарк. (1815-1898) Сиёсат – бу мумкин бўлган нарсани амалга ошириш санъатидир. Отто фон Бисмарк * * * * * * Политика — это искусство возможного. Отто фон Бисмарк 👉🏻Каналга уланиш @uz_sfa

БИЛИБ ОЛАМИЗ! Сиёсий мессеж – бу сиёсий субъект (давлат, ҳукумат, етакчи ёки партия) томонидан амал, баёнот ёки қарор орқали бошқа сиёсий субъектларга йўлланадиган позиция, ният ёки муносабатни ифода этувчи рамзий сиёсий сигнал, яъни сиёсий коммуникация орқали муайян фикр ёки ахборотни етказиш воситаси. Мисол: Молдова 2035 йилгача ҳарбий стратегиясини қабул қилди ва унда Россияни хавфсизликка энг катта таҳдид сифатида кўрсатди. Бу билан расмий Кишинёв Европа комиссиясига “мана, биз қатъиян сиз биланмиз” деган мессеж жўнатди. 👉🏻@uz_sfa

8 октябрь куни Россия Давлат думаси АҚШ билан 2000 йилда имзоланган қуролбоп плутонийни утилизация қилиш ҳақидаги келишувни бекор қилди. Маълумот учун: қуролбоп плутоний – ядро қуролини тайёрлашда ишлатиладиган плутонийнинг 239-изотопи. Шартномадан мақсад нима эди? АҚШ ва Россия ўртасида 1991, 1993, 2002 ва 2010 йилларда Стратегик ҳужумкор қуролларни қисқартириш шартномалари имзоланган. Унга кўра томонлар ўз ядровий арсеналини белгиланган миқдоргача қисқартиришлари лозим эди. Лекин, бу орада тушуниб етишдики, ядровий каллаклар демонтаж қилингани билан, улардан ажратиб олинган портловчи модда – плутоний асосида янги каллаклар ясаб олиш қийин иш эмас. Шу сабабли, Вашингтон ва Москва жами 34 тонна плутонийни АЭС учун ёқилғи (уранга қўшилади) ҳолатига ўтказиш ва шу йўл билан унинг қуролсозликда қайта ишлатилмаслигини таъминлашга келишдилар. Келишув қачон ва нега бузилди? 2010 йилларда. Плутонийни ёқилғига айлантириш учун Россия Краснояр ўлкасида, АҚШ эса Жанубий Каролинада завод қуришга киришади. Ҳаммаси шундан бошланди. Руслар қурган завод “Росатом”, яъни давлатга қарашли бўлса, америкаликлар қурилишни хусусий секторга топширди. АҚШда дастлаб лойиҳа 4-5 млрд долларга баҳоланган бўлса, қурилиш давом этгани сари қиймат ҳам шишиб борди ва 2016 йилга келиб 17 млрд долларга етди. Рақамларни ошириб гапиришни хуш кўрувчи Д.Трамп маъмурияти 2018 йилда лойиҳа қиймати 50 млрд.га етиб борганини билдирган. 2013-2014 йилларда АҚШда лойиҳа битмаган, Оқ уй эса Москвага плутонийни бошқа йўл билан утилизация қилиш (ерга кўмиш) таклифи билан чиқди. 13-14 йиллик узоқ муддат давомида завод ишга тугмаганини кўрган руслар бу ҳолатни келишувнинг жиддий бузилиши деб баҳолайди ва кўмилган плутонийнинг қайта қуролга айлантирилмаслигини кафолатлаш учун уни ёқилғига айлантиришни талаб қилади. Бу орада Қрим воқеалари юз беради, АҚШ санкциялар қўллайди, россиялик мутахассисларни ядровий объектларга киритмай қўяди. Аксарият ўзаро келишувлар музлайди. 2016 йилда Россия президенти В.Путин келишувни тўхтатиб туриш тўғрисида фармон чиқаради. 2018 йилда эса АҚШ ҳам завод қурилишини молиялаштиришдан узил-кесил воз кечади. Хулоса 8 октябрь куни бекор қилинган келишув, АҚШдаги завод нархининг муттасил оширилиши оқибатида ҳеч қачон тўлақонли ишламаган. Ҳуқуқий жиҳатдан ҳам 2016 йилдан бери таъсирга эга эмас эди. Думанинг бу ҳаракатини эса АҚШнинг Украинага “томагавк” ракеталарини бериши борасидаги дискурс фонидаги сиёсий мессеж деб қабул қилиш мумкин. P.S.: сўнгги маълумотларга кўра, ядровий зарядни зарарсизлантириши лозим бўлган заводлар ҳозирда 180°га тескари фаолият – ядровий зарядлар ишлаб чиқариш билан шуғулланмоқда. 👉🏻@uz_sfa