Калькасыз қазақ тілі. Назгүл Қожабек

Сәлем бердім, құрметті оқырмандарым! Осы каналда он алты мыңға жуық оқырман бар екен. Сол он алты мыңның бәрі болмаса да, 10-20 пайызы осы каналды жақсы қолданып, пайдаланып отырсыздар. Жұмыстарыңызға сеп болатын білім алып отырсыздар, диссертацияға материал алып жүрсіздер... Канал - тегін. Бірақ... Маған қазір істеп жүрген жұмысым пайдасыз емес екенін, жұртқа керек екенін көретіндей бір сигнал керек болып тұр. Әйтпесе, кей жағдайлардың кесірінен, істеп жүрген жұмысым не өзіме, не өзгеге көрінбейтін, көлеңкедегі бірнәрсе көрініп бара жатыр. Сол сигналды мен ақшалай өлшеп отырмын. Осы каналды қолданып жүрген, осы жерден білім алып жүрген әр адам өзі қалаған сомасына DONATION жіберсінші 🙏🙏🙏 https://pay.kaspi.kz/pay/9zm7z0xi Терапияның бір құрамдасы ретінде, мен қазір өнімімді, қызметімді барынша қымбатқа сатуым керек болып тұр, ал бұдан өзге сататын өнімім жоқ 🙈 Түскен ақшадан бір тиынын қалдырмай салық төлеймін 😅 Назгүл Қожабек тіленіп кетіпті дейтіндер (кім екенін де білемін) - дей берсін 😅

Түсінген қызға… Мына жігіт бір-ақ үтірмен быт-шытын шығарып тұр ғой. Сол. Адамзат баласы тыныс белгісін бекер ойлап шығарды деп пе едіңдер?

❌ Бәленше бауырлар ⁉ братья Баленше ✅ ағайынды Бәленшелер

Қашан мен осындай қазақша контент көремін, сошан мен өзімді ит сезінемін. Маған "мә" деп жуынды төге салғандай, құрттап кеткен ет бергендей, шандыры да қалмаған сүйек тастай салғандай күйге түсемін.

Қазақша сөздер. Тек… Қисын - нөл Мағына - нөл Грамматика - нөл

❌ бірнеше табысты компанияға иелік ететінін айтқанбыз ⁉ владеет қой ✅ бірнеше компанияның иесі екенін айтқанбыз

❌ баланы анасы арқылы кеуде сүтімен тамақтандыру ✅ бала емізу

Beine.Pro интернет журналының редакциясы фактчек ботын жасап шығарған екен. Telegram-дағы бір қазақша арнаның мәтінін алып, тексеріп көрдім. 1. Мына сілтемені көшіріп алып, аккаунтыңыз қосылып тұрған браузерден ашқаныңыз дұрыс: 2. Бір материалды тексермек болсаңыз, Beine.Pro Check-ке контент тұрған сайтты емес, материалдың (мәтіннің) өзін салғаныңыз дұрыс; 3. Әуелі верификация, жауапкершілік, бейтараптық сүзгісі бойынша, кейін тағы тереңірек (IMVAIN) талдайды. Мәтінге соның нәтижесіне қарай баға беріледі. Ары қарай тепе-теңдігі, әділдігі қалай, сыңаржақтығы не — сол тексеріледі; 4. Мәтіндегі тұжырымдарды бөліп көрсетеді; 5. Мәтіндегі фактілерді жеке-жеке тексеріп, үкімін айтады (мен тексерген мәтіндегі фактілердің бәрі рас болып шықты); 6. Халықаралық фактчекиң стандарты бойынша жалпы үкім шығарады; 7. Ашық дереккөздерді тексеріп-зерттейтін халықаралық практикадан (Bellingcat) ұсыныс-кеңес береді (мәтінде айтылатын деректерге қарай); 8. Мәтінді қалай жақсартуға болатынын айтады.

❌ Сол үшін жылайды ма екен? ✅ Соған бола жылай ма екен?

Маған өте өкінішті Мне очень жаль БОЛМАЙДЫЫЫЫЫЫЫЫЫЫЫЫ

Ассоциированный профессор қауымдастырылған болса… Онда… былай дейміз бе? Мына сөз сенде немен қауымдастырылады?

❌ құпиялылық ✅ құпиялық Қазақта “құпия” деген сөз бар, “құпияЛЫ” деген сөз жоқ