Калькасыз қазақ тілі. Назгүл Қожабек

❌ бір жаққа сапар ✅ бір жаққа барған / баратын / барып-келген / барып-келетін сапар

❌ дүниежүзілік / әлемдік тарих ✅ дүниежүзі тарихы

❌ мынаны армандаймыз, ананы емес ✅ ананы емес, мынаны … Енді қызық айтайын. Армандау - салт етістік.

❌ арқамен бұрылу ⁉ повернуться спиной ⁉ екі контексте айтылады, тиісінше қазақшада да екі түрлі нұсқасы бар ✅ "ты повернулся ко мне спиной в трудную минуту" дегендей болса - "сырт айналдың", "теріс қарадың", "ту сыртыңды бердің" ✅ "повернуться спиной к человеку с оружием" дегендей болса - "арқаңды тосу"

❌ тыныштықта тамақтанайық ⁉ поедим в тишине ✅ тыныш отырып тамақ ішейік

менің сіз үшін бірнәрсе ойнағанымды қалайсыз ба Хотите, чтобы я сыграл что-нибудь для вас? Сізге бірдеңе тартып берейін бе?

КАСПИДІҢ АУДАРМАСЫ НЕГЕ ҚАТЕ? Kaspi bank қолданбасы аудармасының мәселесі аударманың өзінен емес, алғашқы үйрену тілінен туындайды. Kaspi app'ты игергенде алғаш қолданған тіліңіз орыс тілі (мектеп, ауылда қай тілде оқығаныңыз бұнда маңызды емес). Сіздің миыңыз үшін Kaspi’дің норма тілі орыс тілі боп бекітіліп қалады. Сосын қазақшаға ауысайын десеңіз, үйреніп қалған орысша нормаңыз қорғаныс реакциясын білдіре бастайды. Ол реакцияның салдары - қазақша аударма қате сияқты көріне бастайды. Басқаша айтсақ: бірдеңе үйрену барысында әуелі дағды қалыптасады (мұнда көз дағдысы), содан кейін ғана мағыналар байланысы бекітіледі. Яғни Kaspi аудармасында туындаған қиындық - қазақ тілінің я аударманың емес, нейрондық дағдының мәселесі. ❗️Оны қалай өзгертесіз? Kaspi’дегі қазақ тіліне миыңызды қайта дағдыландыруыңыз қажет. Әдетте нейрондық дағдыны қалыптастыруға 2-3 апта жеткілікті. Кейбіреуі 21 күн дейді. Бірақ қазақтың көбі соған да шыдай алмай жүр.

Тәуелсіздік жылдарындағы қазақ тілінің басты жетістіктері 1. Мемлекеттік тіл мәртебесі нақты бекітілді 1991 жылдан кейін қазақ тілі мемлекеттік басқаруда, білім беруде, құжат айналымында қарқынды түрде қолданыла бастады. Бұрын формальды болған талаптар нақты механизмдерге ие болды. 2. Қазақша дубляж жаңа деңгейге шықты "Болашақ" қоры 2011-2021 жылдары аралығында 38 фильмнің қазақша дубляжына қаржы бөлген. 2024 жылдан бері Дисней студиясы өз фильмдерінің қазақша дубляжын өзі қаржыландырып келеді. 3. Қазақша Уикипедия пайда болды Қазақ Уикипедиясы 2002 жылы пайда болды. 2011 жылы WikiBilim қоғамдық қорының бастамасымен қазақша мазмұн көлемі күрт ұлғайып, мақала саны 200 мыңнан асты. Қазір мақала саны 241 мыңға жуық. Мақала саны бойынша қазақ Уикипедиясы 49-орында тұр (357 тілдің ішінде). ЖАЛҒАСЫ

❌ Ағаш атпен жүгірем деп жүріп ✅ Ағаш атқа шабам деп жүріп Қазақ тілінде етістіктердің көөөөөөөбі көмектес септік жалғаулы есім сөзді меңгермейді ше.

❌ ағылшын тіліндегі кітаптарды іздеп жүрсіз бе? ✅ ағылшынша кітап іздеп жүрсіз бе?

Сәлем бердім, құрметті оқырмандарым! Осы каналда он алты мыңға жуық оқырман бар екен. Сол он алты мыңның бәрі болмаса да, 10-20 пайызы осы каналды жақсы қолданып, пайдаланып отырсыздар. Жұмыстарыңызға сеп болатын білім алып отырсыздар, диссертацияға материал…

Десем, ешкім сенбейді. Ал мен... "Ораманы майонезбен жағыңыз" дегенді көрген соң айтам ғой...