Калькасыз қазақ тілі. Назгүл Қожабек

❌ редакциялық алқа ⁉ редакционная коллегия ✅ редакция алқасы

❌ күмәнмен қарау ⁉ смотреть с сомнением ✅ күмәндана қарау

❌ гугл дәлелмен толып тұр ⁉ гугл полон чем? ✅ гуглда дәлел толып тұр ғой

❌ қызымды босандым, ұлымды босанғанда ⁉️ босану - табыс септіктегі сөзді меңгермейтін етістік ⁉️ тексеру үшін “босану” сөзінің орнына “бояну, жуыну, киіну, ісіну” деп қойып көріңіз ✅ қызыма босанғанда, ұлыма босандым 😅 негізі, ✅ дегенім - узус, әйелдің бала тапқанына қатысты ғана. әйтпесе босану - шығыс септіктегі сөзді меңгеретін етістік қой 😅

❌ қызымды босандым, ұлымды босанғанда ⁉️ босану - табыс септіктегі сөзді меңгермейтін етістік ⁉️ тексеру үшін “босану” сөзінің орнына “бояну, жуыну, киіну, ісіну” деп қойып көріңіз ✅ қызыма босанғанда, ұлыма босандым 😅 негізі, ✅ дегенім - узус, әйелдің…

"Сүйегімді елге апарып қойыңдар". Осыдан-ақ адам өзі өлгеннен соңғы әрекетке өсиет айтып отырғаны белгілі. Қазақ танымында "мүрде, мәйіт, дене" деген сөздер (қазіргі "труп" сөзін аударып қолданып жүрген) айтылмайды. Сүйек. Өлген адам сүйекке айналады. Bones емес, ❌кости емес. Сүйек. ❌ өлі денесі табылды ✅ сүйегі табылды ❌мәйітті жуды ✅ сүйекті жуды

❌ біреудің жерлеуіне бардық ⁉ похороны чьи? ⁉ президенттің / депутаттардың сайлауы деген тектес қате ⁉ жерлеу қалайша адамның меншігі болады? ✅ біреуді жерлеуге бардық. Біреуді жерлеп келдік. Біреудің жаназасына барып келдік (жаназа болды деген сөз, адамды жерледі деген сөз ғой) ✅ Жерлеу дегеннің өзінің қазақша баламасы - қою. "Біреуді қойып келдік". Есті қазақ осыдан-ақ өлген кісіні айтып отырғанын біледі. "Атамызды апамыздың қасына қойдық" дейді.

❌ көреалмаушылық ⁉️ зависть ✅ іштарлық

журналистер назарына: қазақта племянник деген бөлек ұғым жоқ. • ағамның, інімнің балалары — іні-қарындастарым • ал әпкемнің, сіңлі/қарындасымның балалары — жиендерім өтірік «жиені, жиені» деп ұра бермеңдерші. біздің қоғамда жиеннің рөлі бөлек, іні-қарындастың, «өз қаныңның» рөлі бір бөлек.

❌ табыс қысқарып ⁉ доходы сокращаются ⁉ орыс тілінде "уменьшаются" деп айтпау үшін бе екен, әйтеуір қысқарта салады ✅ қазақшада "табыс азаяды" деген дұрыс

❌ соңғы сапарға шығарып салу ⁉ проводить в последний путь ✅ қазақ өлген кісіні шығарып салмайды, аттандырады

Жамбыл атындағы Қазақ филармониясының құрылғанына 90 жыл! 90 жыл бойы музыка төгіліп, шабыт шарықтап, ұлы есімдер аталып келеді. 🎼 Мұнда Ахмет Жұбанов, Дина Нұрпейісова, Жүсіпбек Елебеков және ұлттық өнерді биікке көтерген өзге де ұлы тұлғалардың шығармашылығы бастау алған. (күмәнді дерек, тек менің мұндағы мақсатым - тек сөйлем құрылымын жөндеу болды) Бүгінде филармонияда симфониялық оркестр, хор капелласы, фольклорлық-этнографиялық оркестр мен жаңа ұжымдар бірігіп, ел мұрасы мен заманауи үрдістерді бір сахнада тоғыстырып келеді. 🎉 Мерейтой маусымының концерттеріне kino.kz сайтынан ғана билет алыңыздар. 📲 Репертуар, концерт күндері, билеттер — бәрін бір басып көресіз. 🌟 «Жамбыл атындағы Қазақ филармониясы. Шабытқа толы 90 жыл. Мерейтойды бірге қарсы алайық.»