Kitobxonlar Davrasi (rasmiy kanal)

​​Одамлар баъзан ўз нуқсонларини, жамият камчиликлари сифатида эътироф этишади. Ўзларини қандай тузатишни билмаганликлари учун эса бутун шахарларни қайта ўзгартиришмоқчи бўлишади. Айзек Азимов - "Пўлат ғорлар"

​​#тавсия Стефан Цвейг. Шахмат новелласи. Шу асардаги Чентович образи ҳаётда бор инсон. Тўғри, мен билган у одам шахмат чемпиони бўлмасада аммо Чентович образига жудаям ўхшайди. У одам ҳам шахматни зўр ўйнайди аммо... Стефан Цвейг асарлари машҳурлигининг боиси ҳам шу. Чунки, унинг асарларида инсонлар руҳияти муфассал очиб берилади. Бу асарни инсон иродаси ҳақидаги асар десак ҳам бўларкан. Асар қаҳрамонинг нон ушоқларидан шахмат доналарини ясаши... хуллас ўқиб чиқишни тавсия қиламан. Ушбу асар жаҳон адабиёти журналининг 2012 йил 1 сони эълон қилинган. Google'дан юклаб олсангиз бўлади. Асар кўп катта эмас. Бор йўғи 45 бетдан иборат. S. Shamsiddinov Kanal: @kitobxonlar_d

#kun_tavsiyasi Rahmat Fayziy “Hazrati inson” Bu asar ijodkor umridagi shoh asar bo’lsa ajab emas. Chunki Rahmat Fayziy nomini eshitsam, xayolimda shu roman gavdalanadi. Ushbu romanda 2-jahon urushi davridagi o’zbeklar hayoti tasvirlangan. Asarga o’sha davrning qahramonlari hisoblangan temirchi Shoahmad Shomahmudov va uning turmush o’rtog’i Bahri Akramovalarning urush tufayli qarovsiz qolgan turli millat vakili hisoblangan 13 bolani o’z tarbiyalariga olishgani asos qilib olingan. (Ularga atab “Xalqlar do’stligi” san’at saroyi oldida haykal qo’yilganidan xabaringiz bor) Yurt boshiga kulfat tushgan bir vaqtda insonlarning birdamligi, mehr-muruvvati, topganini boshqalar bilan baham ko’rishi kabi yuksak fazilatlarining badiiy talqiniga guvoh bo’lasiz. 2-jahon urushi davridagi Toshkent hayoti, insonlar fojiasi, bolalar taqdiri haqidagi asar bu. Asarda insonlar o’rtasidagi tenglik haqidagi fikrlarni ushbu dialogdan bilib olishimiz mumkin: “- Bizam, birortasini bag’rimizga olsakmikin, deb keluvdik, - dedi Mahkam aka... - O’g’il bolami yo qizcha olmoqchimisiz? - Baribir. - Yoshroq bo’lsinmi yo eslikrog’imi? - Baribir, qizim. - Qaysi millat bolasi bo’lgani ma’qul? Mahkam akaning a’zoyi badani titrab ketdi. Rangi oqardi. Juvon buni payqadimi, yo’qmi, qo’lidagi daftarga allanimalarni yozishdan to’xtamadi. - Qizim, - dedi o’zini bosib Mahkam aka, - men mol bozoriga kelganim yo’q. Tushundingizmi? - Axir, otaxon... - Axir-paxiri yo’q! Indamasam oriqmi-semizmi, kemshikmi-puchuqmi, qorami-sariqmi deb so’raydiganga o’xshaysiz! - Voy otaxon, millatini so’rasam siz... - Hamma millat bolasi bir! Hamasini xudo yaratgan! Hammasi odam bolasi! Tushundingizmi? - Kechirasiz, - juvon Mahkam akaning vajohatidan qo’rqib ketgan, qo’lidagi daftar qaltirardi. - Odam bolasini oq-qoraga ajratmang. Dunyoda bitta shunaqa ablah chiqib, ne kunlarni sovotti odamlar boshiga. Hali jazosini tortadi. Bularning ko’z yoshi ko’r qiladi...” O’zbek adabiyotiga qiziqqan ko’pchilikning bu asardan xabari bo’lsa kerak. O’qimaganlarga esa tavsiya qilaman! Sadoqat Xolmonova Kanal: @kitobxonlar_d

Қора китоб: эзгулик ва ёвузлик ўртасидаги сўнмас кураш Назар Эшонқул бугунги ўзбек адабиётида ўзгача фалсафий йўналишдаги асарлари билан ажралиб туради. Аслида бу йўналишдаги асарлар жаҳон адабиётида янгилик эмас. Шунинг учун ҳам адиб асарлари, фикрлари сизга бевосита А. Камю, Достоевский, Фрейд ва Ницше каби файласуф-ёзувчилар ижодини, фикрларини эслатиб юборади. Шунга қарамай, ўзбек адабиётида бундай ўзгача йўналиш вакиллари камлиги учун ҳам Н.Эшонқул асарларини эътироф этса арзийди. Унинг "Қора китоб" қиссаси ҳам шундай асарлардан. Тўлиқ Канал: @kitobxonlar_d

📚 Ulug'bek Hamdamning "Sabo va Samandar" romanidan 📚 * Faqat muhabbatgina insonga quyoshga yuzlanib turish jasoratini, undan bahra olish huquqini beradi... * Muhabbat kishiga baxt keltirishi kerak, yo'qsa, aql-idrokka suyanib undan voz kechiladi. Axir, ikki kishi sevsa-yu, bu tuyg'u ularga faqat kulfat, g‘am keltirsa, buning nimasi yaxshi? * Xayoliy husningni ko'rmayin deya, Xushimdan ketdim... Ayt, o'zing nechun men vaslingga yana Tushimda yetdim... * Orzu qilmaslikdan qo'rqardim bir vaqt, Endi orzulardan qochgim ko'p yiroq. Ishqsiz hayot yo'qdir, derdim men faqat, Endi ishqning o'zi qotildir ko'proq... * Muhabbatim yo'llari Bunchalar chigal bo'ldi. O'ylab ko'rsam, taqdirim Shu yo'llarda hal bo'ldi. Yuraberib ulardan O'rgimchak to'r etibman. Qandoq qilay, ichida O'zim qolib ketibman... * Misralarga, so'zlarga, Ohanglarga joylanib. Ulug' o'lmas ma'noni, Aytib-aytib yasharman. O'lib ketsam, qayg'urmang, Mendek yuragi yoniq, Odamlarning qalbida, Qaytib-qaytib yasharman!.. Kiyishjon Alimova

​​📖 Истанбулдаги ғалати скамейкалар. Ҳар бир "китоб" энг қизиқарли жойда очиқ турибди, саҳифалардаги матнлар, ҳақиқий 18 хил турк ёзувчисининг иборалари ҳисобланади. Канал: @kitobxonlar_d

t.me/kitobxonlar_d

t.me/kitobxonlar_d

Тақризлар танловининг 2-босқичи учун асарларни эълон қиламиз: 1. Ўзбек адабиётидан Хайриддин Султоновнинг "Кўнгил озодадир" асари қўйилади. Асар ёзувчи йигит ҳаёти ва жамият аҳволи ҳақида ҳикоя қилади. 2. Жаҳон адабиётидан француз файласуфи ва ёзувчиси Вольтернинг "Задиг ёки тақдир" асари қўйилади. Вольтер бу асарида ҳам бир йигитнинг ҳаёти мисолида ўзига ҳос юмор ва киноя билан маиший муаммолар, турли фалсафий қарашлар устидан кулади. 2-босқичга тақриз ёзиш учун муддат 25-сентябргача белгиланади. Танловни 11 иштирокчи давом эттиради. Ҳар иккала асарнинг ўзбекча электрон варианти гурух файлларига ва Телеграмдаги @kitobxonlar_d каналига жойланади. Канал: @kitobxonlar_d

Дастлабки босқичдаги барча тақризлар билан қуйидаги гурухнинг Телеграм канали орқали линкларда танишиб чиқиш мумкин. Телеграмдаги @kitobxonlar_d расмий каналимизга аъзо бўлинг. Гурухдаги сара постлар ва тақризлар ўша ерда ҳам бериб борилади. Иштирокчилар 1. Лайло Эралиева https://t.me/kitobxonlar_d/59 2. Мафтуна Нурбоева https://t.me/kitobxonlar_d/61 3. Гуласал Қодирова https://t.me/kitobxonlar_d/64 4. Ойдин Юсупова https://t.me/kitobxonlar_d/71 5. Нигора Хон https://t.me/kitobxonlar_d/72 6. Фотима Қўзимуродова https://t.me/kitobxonlar_d/73 7. Беҳзод Ҳамдамов https://t.me/kitobxonlar_d/74 8. Навруз Атажанов https://t.me/kitobxonlar_d/75 9. Расул Собиржонов https://t.me/kitobxonlar_d/76 10. Раҳимжон Қудратов https://t.me/kitobxonlar_d/77 11.Раҳматова Машҳура https://t.me/kitobxonlar_d/78 12. Дилдора Ўроқова https://t.me/kitobxonlar_d/79 13. Артиков Рустам https://t.me/kitobxonlar_d/80 14. Фирдавсий Шойдуллавев https://t.me/kitobxonlar_d/81 15. Зебинисо Сапарова https://t.me/kitobxonlar_d/82

​​Ҳаммага салом! Ниҳоят Тақризлар танловининг 1-босқичини ҳам якунладик. Дастлабки босқичда умумий 15 та тақриз ёзилди. Турли туман фикр эгалари, айниқса янги иштирокчилардан келган тақризлар кўпчилигимизда яхши таасурот қолдирди. Баъзиларнинг энди биринчи марта тақриз ёзишгани сабабли ҳам, маълум бир камчиликлар кузатилди. Умуман бу танлов уларга тажриба бўла олади деб ҳисоблаймиз. Дастлабки босқичда тақризларни 3 та хакам Отабек Жўрахожаев Ilyos Safarov ва Уктам Уринтаев баҳолаб бордик. Sadoqat Holmonova афсуски баъзи сабабларга кўра танловда ҳакамлик қилолмадилар. Эндиликда улар ўрнида кейинги босқичдан 4-хакам сифатида ўтган сафарги танлов ғолиби Муштари Мамадалиева баҳолаб борадилар. Натижалар қўйидаги келтирилган. 9-11 ўриндаги иштирокчилар баллари бир ҳил бўлиб қолгани сабабли юқори ўриндаги 11 киши билан танловни давом эттиришга қарор қилдик. Мафтуна Нурбоева тақризи 1-босқичда ҳакамларга энг ёққан тақриз сифатида баҳоланди. Менга мурожаат қилинг, сизга китоб совға қилинади. Эндиликда танлов оҳиригача шу 11 киши чиқиб кетмай, баллари қўшиб борилади. Иштирокчиларга танлов якунигача омад тилаб қоламиз! Кейинги босқич асарлари тез орада эълон қилинади. Эслатиб ўтамиз, танлов ғолиби ​​«Asaxiy Books» электрон китоблар дастуридан китоб сотиб олиш учун 150 минг сўмлик кўпонга, 2-ўрин соҳиби 100 минг сўмлик, 3-ўрин соҳиби эса 50 минг сўмлик купонларга эга бўлади.