Kitobxonlar Davrasi (rasmiy kanal)

Xudoyberdi To‘xtaboev-Mungli ko‘zlar

Тақризлар танлови-3 #Асарлар #тақриз_танлов Ҳаммага салом! Демак, тақризлар танловини бошлаймиз!! Дастлабки саралаш босқичи учун берилган асарларни кутиб олинг! 1. Жаҳон адабиёти бўйича Иван Тургенев ижодининг чўққиси саналган "Оталар ва болалар" асари берилади. Асар ўз даврининг янгича фикрловчи, эски ақийдаларга танқидий қаровчи нигилист Базаров ва унинг бошқалар билан муносабатлари ҳақида ҳикоя қилади. 2. Ўзбек адабиёти бўйича эса Худойберди Тўхтабоевнинг оилавий муносабатлар ва мол-дунёга ружу қўйишнинг фалокатли ҳолатлари ёритилган "Мунгли кўзлар" асари берилади. Сиз исталган бирига тақриз ёзиб танловда иштирок этишингиз мумкин. Тақризларни #тақриз_танлов хештеги билан гурухга пост қилинг. Тақризлар 2 сентябргача қабул қилинади. Танлов ғолиби ​​«Asaxiy Books» электрон китоблар дастуридан китоб сотиб олиш учун 150 минг сўмлик кўпонга, 2-ўрин соҳиби 100 минг сўмлик, 3-ўрин соҳиби эса 50 минг сўмлик купонларга эга бўлади. Ҳар бир босқич ғолибига ҳам китоблар тақдим қилинади. Ҳар иккала асарнинг ўзбекча электрон варианти гурух файлларига ва Телеграмдаги @kitobxonlar_d каналига жойланади.

Тақризлар танлови-3 #тақриз_танлов Демак, тақризлар танловини яна давом эттирамиз. Шартлар билан танишинг. Танлов умумий 4 босқичдан иборат бўлади. Дастлабки босқич саралаш босқичи бўлиб унда барча иштирок этиши мумкин бўлади. Саралаш босқичидан кейин 10 нафар(ёки бироз кўпроқ) иштирокчи танлаб олинади. Кейинги босқичларда айни шу иштирокчилар ўзаро чемпионат тарзида баҳс олиб боришади. Иштирокчиларнинг барча босқич баллари қўшиб борилади. 4 та босқич якунига кўра энг юқори балл тўплаган иштирокчи ғолиб ҳисобланади. Тақризларни олдиндан белгиланган хакамлар гурухи баҳолаб боради. Ҳар бир хакам тақризни максимал 10 баллгача бахолаши мумкин. 4 та ҳакам бахосидан келиб чиқиб, иштирокичиларниг ўртача балли чиқарилади. Ҳар бир босқичда олинган ўртача баллар қўшиб борилади ва рейтинг тарзида ҳисоб юритилади. Иштирокчиларга ҳар бир танлов босқичида тақриз ёзиш учун 1 та жаҳон ва 1 та ўзбек адабиёти асарлари айтилади. Иштирокчи исталган битта асарни танлаб тақриз ёзиши мумкин. Тақризлар гурухга #танлов_тақриз хештеги билан пост қилинади. Тақризларга айни бир талаблар йўқ, аммо асар ёзилиши ҳақида маълумотлар бўлиши, асарнинг таҳлил қилиниши ва иштирокчининг шаҳсий хулосалари берилиши мақсадга мувофиқ. Ҳар бир босқичда тақриз ёзишга 15-20 кун вақт берилади ва танлов ноябр ойигача давом этади. Ҳакамлар жамоаси билан танишинг: 1. Садоқат Ҳолмонова 2. Отабек Джўрахўжаев 3. Илёс Сафаров 4. Уктам Уринтаев Танловнинг бош ҳомийси - «Asaxiy Books» жамоаси. Танлов ғолиби ​​«Asaxiy Books» электрон китоблар дастуридан китоб сотиб олиш учун 150 минг сўмлик кўпонга, 2-ўрин соҳиби 100 минг сўмлик, 3-ўрин соҳиби эса 50 минг сўмлик купонларга эга бўлади. Шунингдек, ҳар бир босқичда энг юқори баллни қўлга киритган ва ҳакамлар эътирофига сазовор бўлган бир иштирокчига китоб совға қилинади. Марҳамат, ажойиб совғаларга эга бўлиш учун ҳаракатни бошланг!! Тез кунда танлов учун асарларни эълон қиламиз ва танловни бошлаймиз!!

JЕK LONDON: HAYOT VA IJODI haqida qisqacha Jek London amerikalik yozuvchi, publitsist, jamoat arbobi, mashhur hikoyalar va romanlar muallifi. U yigirma yilga yaqin vaqt mobaynida 200 dan ortiq hikoya, 20 ta roman va 3 ta sahna asari yozdi. Jek Londonning “Shimol Odisseyasi” turkumidagi “Ajdodlar daʼvati” “Oq qoziqtish” qissalari, “Hayot qonuni”, “Hayotga muhabbat” va “Gulxan” nomli hikoyalari ancha mashhur. London nasri aniq va jonli boʻlib, XX asrning koʻplab adiblari, xususan, Xeminguey, Oruell, Meyler, Keruaka ijodiga sezilarli taʼsir koʻrsatgan. Ismi oʻzgargan bolakay Jek London (Jon Griffit Cheyni) 1876 yilning 12 yanvarida San-Fransiskoda tugʻilgan. Uning onasi Flora Vellman musiqa oʻqituvchisi boʻlib, astrolog Uilyam Cheyni bilan yashardi. Avvaliga hammasi yaxshi edi. Biroq Floraning homilador boʻlganini eshitgan Cheyni bolani oldirib tashlashni talab qila boshladi. Ayol buni qatʼiy rad etdi, Cheyni turib olgach, chorasiz qoldi va oʻz joniga qasd qilishga urindi. Baxti bor ekan, oʻq uni yengil jarohatladi, xolos. Oʻshanda gazetalar rosa shov-shuv koʻtarib (masalan, “Kronil”da “Tashlab ketilgan ayol” maqolasi bosildi), professor Cheyni nomi badnom qilindi. Alal-oqibat bu Cheynining otalikdan voz kechishiga sabab boʻldi (1899 yili Jek London Cheyniga bir nechta xat yozib, bu masalaga aniqlik kiritishga harakat qilgan, ammo professor uning otasi ekanligini rad etib turib olgan). Flora yosh goʻdagini maʼlum vaqt sobiq choʻrisi Virjiniya Prentissga qoldirib ketgandi. 1876 yilning oxirida AQSHdagi fuqarolar urushi nogironi va faxriysi Jon Londonga turmushga chiqqach, bolasini qaytarib oldi. Oradan sakkiz oy oʻtgan edi. Onasining boshqa kishi bilan turmush qurgani bois, bolaning ism-sharifi Jon Cheynidan Jon Griffit Londonga oʻzgardi. Yaʼni, boʻlajak yozuvchi Jon London deb nomlandi (Jek — kichraytirilgan shakli). Londonlar oilasi San-Fransiskodagi ishchilar hududiga joylashdi. Urush faxriysi Jon London ikki qizini ham olib kelgandi, ularning toʻngʻichi Eliza butun umr Jekning sodiq doʻsti boʻlib qoldi. Jonning oʻzi ham oʻgay oʻgʻlini turtkilamagan, unga mehr koʻrsatib, otalarcha munosabatda boʻlgan. Uch yuz dollar qarz Bu vaqtda mamlakat 1873 yili boshlangan shafqatsiz iqtisodiy boʻhronni boshdan oʻtkazar, yuz minglab odam ishidan ayrilgan, ozgina boʻlsa-da pul ishlash uchun shaharma-shahar izgʻib yurishardi. Jekning oʻgay otasi tezda boyish ishtiyoqidagi xotinining maslahatiga koʻra, bir necha bor fermerlik bilan shugʻullanib koʻrdi va ishi oʻngidan kelmadi. Ularning oilasi muhtojlik tufayli bir joydan ikkinchisiga koʻchishga majbur boʻlardi. Nihoyat San-Fransiskodagi Oklend shahriga joylashib, London boshlangʻich maktabni shu yerda oʻqib tugatdi. Yetishmovchilik tufayli Jek London mehnat faoliyatini ancha erta boshladi. U oʻquvchilik davridayoq tonggi va kechki gazetalarni sotar, dam olish kunlarida kegli oʻynaladigan joyda soqqalarni keltirib berish evaziga pul ishlar, shuningdek, istirohat bogʻidagi pivoxonalarda yugurib-yelib xizmat qilardi. Boshlangʻich maktabni tugatgan Jek oʻn toʻrt yoshida konserva fabrikasiga ishchi boʻlib joylashdi. Ammo bu yerda ish juda ogʻir edi, har qancha harakat qilmasin, oʻsmir bardosh bera olmadi. Natijada fabrikadan ketdi. Shundan soʻng Virjiniya Prentissdan uch yuz dollar qarz olib, kichikroq yelkanli kema xarid qildi va “molyuskalar qaroqchisi”ga aylandi. U San-Fransisko koʻrfazida noqonuniy ravishda mollyuskalar tuta boshladi. Keyin esa ushbu faoliyatiga teskari ish tutdi — baliqchi patrulida xizmat qildi (“Baliqchi patrulning hikoyalari”). Jek Londonning mehnat faoliyati yana davom etgan. 1893 yili u Yaponiya va Bering qirgʻoqlaridan dengiz mushuklarini tutuvchi “Sofi Sazerland” ovchilik kemasiga matros boʻlib yollandi. Birinchi suzish Londonda yorqin taassurot qoldirdi va shu mavzudagi turkum hikoyalari hamda romanlari (“Dengiz boʻrisi” va boshqalar) uchun mavzuga aylandi. https://telegra.ph/Jek-London-hayoti-va-ijodi-haqida-qisqacha-06-13

Lev Tolstoyning "TIRILISH" asari 20 iyundan sotuvga chiqadi! Oldindan 10% chegirma bilan sotib olishga shoshiling Batafsil bu yerda👉http://bit.ly/2X1p9A6

#diqqat! #diqqat! Assalomu alaykum, guruhdoshlar! Hali bir uchrashuvning taassurotlari tugamay turib, kitobxonlarning navbatdagi uchrashuviga tayyorgarlikni boshlab yubordik. Facebook ijtimoiy tarmog’idagi “Kitobxonlar davrasi” va “Zamonaviy xorazmliklar” guruhlari hamkorlikda shu yilning 23-iyun (yakshanba) kuni kitobxonlar yig’ilishini Xivada o’tkazmoqchimiz. Ushbu uchrashuvga shu kungacha “Biz bora olmayapmiz, bizga yaqinroq joyda ham uchrashuv tashkillashtiringlar” deb yurgan qoraqalpog’istonlik va xorazmlik kitobxon do’stlarni, shuningdek, ajoyib sayohat va samimiy davra suhbatida ishtirok etmoqchi bo’lgan barcha yurtdoshlarimizni taklif etamiz!

#diqqat! #tanlov Hurmatli guruhdoshlar! Hayotingizda qaysidir kitobni juda o’qishni xohlab, unga yetguncha qandaydir qiyinchiliklarni boshdan o’tkazganmisiz? Unda bu tanlov siz uchun! Bugundan siz qaysidir kitobga qiyinchilik bilan yetishganingiz va bu yo’lda qanday to’siqqa uchraganingiz haqida #qidirgan_kitobim heshtagi bilan post qo’ying va 8-iyun kuni generator yordamida g’olib aniqlanib, ajoyib bir kitobga ega bo’ling. Hammaga omad!))) — with Duygu Özkan.

https://telegra.ph/Bu-gado-olimi-edi-na-biror-tantani-marosim-bolayotgan-edi-na-marhumning-biror-qarindoshi-na-biror-kuzatuvchi-na-biror-dost-yori--05-23

Ajoyib ingliz yozuvchisi, dunyoga ko'plab qiziqarli asarlar taqdim etgan inson - Artur Igneyshus Konan Doyl 1859-yil 22-mayda Edinburgda dunyoga kelgan. Uning asarlari ko'p martalab ekranlashtirilgan, bundan keyin ham qayta qayta ekran yuzini ko'rishi tabiiydir. Hayoti davomida Doyl ko'plab janrlarda ijod qilib ko'rgan. Eng mashxur ijodi, Sherlok Xolms sikli hisoblanadi. Konan Doyl haqidagi qiziqarli faktlar: - Uning detektivga bo'lgan qiziqishiga Edgar Allan Poening "Zolotoy Juk"i katta ta'sir o'tkazgan; - Konan Doylning otasi ruhiy kasallikdan aziyat chekkan va alkogolik bo'lgan, shu sababdan oila moliyaviy jihatdan ancha qiynalgan. Bir oz vaqtdan keyin u ruhiy kasallar kasalxonasiga tushgan va o'sha yerda umri oxiriga qadar qolgan; - Konan Doylning hayoti boshqacha bo'lishi mumkin edi, biroq boy qarindoshlari uning ta'lim olishiga katta yordam berishgan; - Uning birinchi hikoyasi universitet jurnalida chop etilgan; - Olgan ta'limi bo'yicha Konan Doyl shifokor; - Mototsiklni birinchilardan bo'lib sinab ko'rganlardan hisoblanadi Konan Doyl; - Sherlok Xolmsni vaqt o'tgan sari yomon ko'rib qola boshlaganini muallif tan olgan. Sababi, muxlislari Yana va Yana davomini so'rashgan, Konan Doyl esa o'z navbatida jiddiyroq asarga qo'l urmoqchi bo'lgan. U hatto qahramonni o'ldirgan va muxlislar talabiga ko'ra uni qayta tiriltirgan; - 20-asr boshida Sherlok Xolms va Baskervil iti asarlari chop etilganidan keyin, Konan Doyl dunyodagi eng narxi baland yozuvchilardan bo'lgan. Hozirda huddi shu o'rinda Stiven King turadi; - U uylangan bo'lishiga qaramay boshqa ayolni sevib qolgan va o'sha ayolga oradan 10yil o'tganidan so'ng, ya'ni rafiqasi o'limidan so'ng uylangan; - Konan Doylning eng to'liq biografiyasi uning o'g'li, Adrian qalamiga mansub "Истинный Конан Дойл" asarida ko'rsatilgan.