Teacher Azam

Oxxxoooooo, bu safar nima bo‘ldi ekan Oxirgi paytlar Yandex Split’dan noodatiy yondashuvlar ko‘ryapman. Bu safar ular Tashkent City’da, nima qilishyotgan bo‘lsa endi? Menga qiziq. Kimda tahminlar bor? @teacherazam

📉 Dunyoning yashirin iqtisodiyoti biz o‘ylaganimizdan ancha katta — trillionlab mablag‘ davlatga ko‘rinmaydi. AQShdan tortib Hindistongacha, har bir mamlakatda iqtisodiyotning hisobga olinmaydigan tomoni mavjud. Yashirin iqtisodiyotni oddiy qilib aytsam: do‘kon bor, lekin u soliq organida ro‘yxatdan o‘tmagan. Sotgan narsasiga chek bermaydi, terminal ishlatmaydi. Pulni hammasini naqd oladi, hech qayerda ko‘rinmaydi. Mana shu yashirin iqtisodiyotga kiradi. Yana bir misol: kimdir uyida shirinlik pishirib sotyapti yoki uyma uy yurib telefon ta’mirlaydi, lekin o‘zini MChJ yoki o‘zini-o‘zi band qilgan shaxs sifatida ro‘yxatdan o‘tkazmagan, soliq to‘lamaydi, daromadini hech qayerda ko‘rsatmaydi. Rasmiy hujjat yo‘q, shartnoma yo‘q. Bu ham yashirin iqtisodiyot. Bunday iqtisodiyotda ishlayotgan odamlar ko‘pincha huquqiy himoyasiz bo‘ladi: shartnoma yo‘q, sug‘urta yo‘q, pensiya jamg‘armasiga pul tushmaydi. Davlat esa soliq ololmaydi, byudjetga kamroq pul tushadi, natijada yo‘l, maktab, shifoxona uchun mablag‘ kamroq bo‘ladi. Trillionlab mablag‘ soyada harakatlanib, global YaIMning ko‘zga ko‘rinmas qismini namoyon etadi. 🇺🇸 Grafikda ham ko‘rishingiz mumkinki AQShda $29,18 trillion yalpi ichki mahsulotning $1,4 trillioni yashirin iqtisodiyotga to‘g‘ri keladi. 🇨🇳 Xitoyda esa bu raqamlar juda ham katta. $18,74 trillion YaIMning $3,6 trillioni yashirin iqtisodiyotga kiradi. Bu juda ham katta raqamlar @teacherazam

🔥 Ingliz tilini mustaqil o'rganishni bepul o'rganing! Master-klassimizning 3-kuni boshlandi! Telegramda ham ko'rishingiz mumkin Qo'shiling 👉@teacherazam_mr_mike_masterklass

Oltin qiymati uzoq muddat saqlanadigan boyliklardan biri bo‘lib qolmoqda va markaziy banklar uni rekord darajada to‘plashni davom ettiryapti. 📈 Bu 2025-yilda oltinning narxi rekord darajaga ko‘tarishiga ham sabab bo‘ldi. Ushbu xarita qaysi mamlakatlarning eng ko‘p oltin zaxirasi borligini ko‘rsatadi. Ushbu ma’lumotlar global markaziy banklarning oltin zaxiralarini kuzatib boruvchi BullionVault kompaniyasidan olingan. Umumiy hisobda, AQSH va Yevropa barcha oltin zaxiralarning 60 foizdan ortig‘iga egalik qiladi. Germaniya (3352 tonna), Italiya (2452 tonna) va Fransiya (2437 tonna) birgalikda 8200 tonnaga yaqin oltinga ega va bu AQSHning o‘zi egalik qiladigan ko‘rsatkichga teng. 🇨🇳 Xitoyning oltin zaxiralari 2019-yildagi 1948 tonnadan 2024-yilda 2280 tonnagacha ko‘paydi, chunki Pekin AQSH qimmatli qog‘ozlaridan voz kechib, yuanni xalqarolashtirish yo‘lidan boryapti. 🇮🇳 Hozirda dunyoning beshinchi yirik iqtisodiyotiga aylangan Hindiston 876 tonna oltinga ega. 🇺🇿 O‘zbekiston 383 tonna bilan ro‘yxatda 14-o‘rinni egallagan. @teacherazam

Professor – “Vatikan” deb atalgan sirli daho “Qog‘oz bino”dagi barcha qahramonlar shahar nomlarini taxallus sifatida olgan, faqat Professor bundan mustasno. Muxlislar esa unga o‘zcha nom berishgan — “Vatikan”. Chunki u sir saqlaydi, bilimning qal’asida yashaydi va aql bilan himoyalanadi. Bu laqab uning obrazini yanada ramziy qiladi: tinchlik, strategiya va sirlarga to‘la bir boshqaruvchi. Serialdagi eng sokin qahramon aslida eng xavfli kuchga ega. 🔗https://youtu.be/pLRu7qd-RwU

🔥Boshlayapmiz! 20:00 da start! Qo'shiling 👉@teacherazam_mr_mike_masterklass

🧑‍💻 Buyuk tadbirkorlar dunyoning istalgan burchagidan yetishib chiqishi mumkin, biroq ayrim universitetlar kelajakdagi kompaniya asoschilari uchun yetakchi markazlarga aylanib ulgurgan. "PitchBook" kompaniyasining har yilgi universitetlar reytingi so‘nggi o‘n yil ichida venchur sarmoya jalb qilishga erishgan bitiruvchi-tadbirkorlar sonini hisoblab chiqish orqali oliy ta’lim muassasalarini bir-biri bilan taqqoslaydi. 👨‍💻 Mazkur reyting PitchBook ma’lumotlariga asoslangan bo‘lib, 173,000 dan ortiq venchur sarmoyadorlar tomonidan qo‘llab-quvvatlanayotgan asoschilarga oid tahlilga tayanadi. 🇺🇸 Ushbu yil ham UC Berkeley va Stanford universitetlari ro‘yxatning yuqori pog‘onasini egallab turibdi. Garvard, Pensilvaniya universiteti va MIT esa 2025-yilning eng kuchli beshtaligini yakunlamoqda. 🇨🇦 AQShdan tashqaridagi universitetlar ham reytingda o‘z o‘rinlarini yaxshilashda davom etmoqda. Xususan, Toronto va Kalgari universitetlari kabi Kanada oliy ta’lim muassasalari o‘tgan yilgi ro‘yxatga nisbatan o‘z mavqeini sezilarli darajada mustahkamladi. Shimoliy Amerikadan tashqarida, Isroilning Texnion universiteti ham, Hindiston texnologiya institutining turli filliallari bilan bir qatorda, 2024-yilga nisbatan reytingda ancha yuqoriga ko‘tarilgan. Manba @teacherazam

🥩 Dunyoning turli mintaqalarida o‘nlab hayvonlar go‘sht sifatida iste’mol qilinadi. - Ot (Fransiya, Italiya, Germaniya va Yaponiya va boshqalar); - Itlar (Xitoy, Janubiy Koreya, Vetnam va Arktika mintaqalari); - Mushuklar (Xitoy, Peru); - Dengiz cho‘chqalari (And tog‘lari mintaqalari); - Kitlar va delfinlar (Yaponiya, Alyaska, Sibir, Kanada, Farer orollari, Grenlandiya, Islandiya va Sent-Vinsent). 🍖 Ammo hozirgi davrda insonlar ko‘proq chorva mollari, tovuq, kurka, o‘rdak va boshqa parrandalarning parranda go‘shti, cho‘chqa go‘shti, qo‘y va qo‘zi go‘shti yeyishadi 🇦🇷 Bugungi kunda Argentina eng ko‘p mol go‘shti iste’mol qiladi, har yili kishi boshiga taxminan 39,9 kilogramm. Yevropa Ittifoqining 27 mamlakati va Xitoy eng ko‘p cho‘chqa go‘shti iste’mol qiladi, aholi jon boshiga taxminan 35,5 va 30,4 kilogramm. Eng ko‘p parranda go‘shtini Isroil iste’mol qiladi - aholi jon boshiga yiliga 64,9 kilogramm. 🇰🇿 Qozog‘iston eng ko‘p qo‘y iste’mol qiladi, har yili kishi boshiga 8,5 kilogramm. 🇺🇳 Birlashgan Millatlar Tashkilotining Oziq-ovqat va qishloq xo‘jaligi tashkiloti (FAO) ma’lumotlariga ko‘ra, 1990-2009-yillarda dunyoda go‘sht iste’moli deyarli 60 foizga, aholi jon boshiga esa deyarli 25 foizga oshgan. Dunyoda go‘sht iste’moli o‘sishda davom etmoqda va 2025-yilda taxminan 453 million tonnani tashkil etdi. Ko‘rib turganingizdek ko‘p go‘sht yeyotgan mamlakatlar ichida O‘zbekiston yo‘q. @teacherazam

“Jonli yozilgan” serial Ko‘pchilik seriallar avval to‘liq suratga olinadi, keyin efirga chiqadi. Ammo “Qog‘oz bino” mutlaqo boshqacha yo‘l tutgan — har bir yangi qism avvalgisidan keyin yozilgan. Mualliflar tomoshabinlarning reaksiyasini kuzatib, syujet yo‘nalishini o‘sha fikrlarga qarab o‘zgartirgan. Bu yondashuv serialni yanada jonli, lekin shu bilan birga — xavfli tajribaga aylantirgan. 🔗 To‘liq tahlil: https://youtu.be/pLRu7qd-RwU