Sof.uz | Соф хабарлар

Хива шаҳри "Йилнинг ислом мероси дестинацияси" деб эътироф этилди! Батафсил: https://sof.uz/kp6 Энг сўнгги хабарларга обуна бўлинг:👉 @sofuzb

Норасмий бандликни қисқартиришга қаратилган Қонун маъқулланди Хусусан, якка тартибдаги тадбиркор билан меҳнат муносабатларида бўлган жисмоний шахслар томонидан ижтимоий солиқ суммасининг амалдаги базавий ҳисоблаш миқдорининг 50 фоизидан, эндиликда йиллик базавий ҳисоблаш миқдорининг камида бир баробари миқдорида солиқ тўлаши белгиланмоқда. Шунингдек, киритилаётган ўзгартишга кўра, чорвачилик (қорамол, қўй, эчки, от ва бошқалар), иссиқхона, паррандачилик (бедана, курка, ғоз, ўрдак), қуёнчилик, асаларичилик, балиқчилик, боғдорчилик, лимончилик, гулчилик фаолият турлари билан шуғулланаётган фуқароларга уларга тегишли бўлган томорқа ер участкаси майдони ёки улар томонидан парвариш қилинаётган уй ҳайвонлари ва паррандаларнинг сонидан қатъий назар ихтиёрий тартибда ижтимоий солиқни тўлашгарухсат этилиши белгиланмоқда. Энг сўнгги хабарларга обуна бўлинг:👉 @sofuzb

АҚШ 39 йил ичида банклардан депозитларнинг энг катта чиқиб кетишини қайд этди АҚШ банклари 2023 йилнинг биринчи чорагида 1984 йилдан бери энг катта депозит оқимига дуч келди. Бу ҳақда АҚШнинг депозитларни суғурталаш бўйича федерал корпорацияси (FDIC) ҳисоботида айтилади. Сўнгги 39 йилдаги энг катта маблағлар мамлакатнинг йирик молия институтларининг банкротлиги фонида содир бўлди. FDIC таъкидлашича, пасайиш асосан 250 000 доллардан ортиқ суғурталанмаган омонатларга боғлиқ. Таъкидланишича, омонатларнинг умумий ҳажми 472 миллиард долларга камайган, бу рекорд даражадаги 2,5 фоизни ташкил этади. Шу билан бирга, FDIC, умуман олганда, банк секторидаги фойда бир хил даражада сақланиб қолганлигини хабар қилди. Бундан ташқари, депозитларнинг чиқиб кетиши жорий йилнинг биринчи чорагида 14,4 фоизга ўсган улгуржи молиялаштириш ҳажмининг ўсиши ҳисобига қопланди. Энг сўнгги хабарларга обуна бўлинг:👉 @sofuzb

Апрелда 0,6 минг тонна колбаса маҳсулотлари ишлаб чиқарилган Статистика агентлигининг дастлабки маълумотларига кўра, Ўзбекистонда 2023 йилнинг январь-апрель ойларида фақатгина йирик корхоналар томонидан 2,7 минг тонна колбаса маҳсулотлари ишлаб чиқарилган. Колбаса маҳсулотларини ишлаб чиқариш ҳажми 2022 йилнинг мос даври билан солиштирилганда 13,6 фоизга ошган. Ўзбекистонда 2023 йилнинг апрель ойида йирик корхоналар томонидан 0,6 минг тонна колбаса маҳсулотлари ишлаб чиқарилган. Энг сўнгги хабарларга обуна бўлинг:👉 @sofuzb

Ўзбекистон 23 та давлатга мош экспорт қилган Статистика агентлигининг дастлабки маълумотларига кўра, 2023 йилнинг январь-апрель ойларида Ўзбекистон 23 та давлатга қиймати 35,1 млн АҚШ долларига тенг бўлган 45,5 минг тонна мош экспорт қилган. Мош экспорти ҳажми 2022 йилнинг мос даври билан солиштирилганда 2,4 минг тоннага ошган. Ўзбекистон энг кўп мош экспорт қилган давлатлар: — Хитой – 42 минг тонна — Покистон – 1,0 минг тонна — Қозоғистон – 588 тонна — Тожикистон – 559 тонна — Россия – 257 тонна — Нидерландия – 191 тонна — Туркия – 163 тонна — Корея – 48 тонна Энг сўнгги хабарларга обуна бўлинг:👉 @sofuzb

Россиялик олимлар сув ўтлари ва чиқиндилардан бионефть ишлаб чиқди Иммануил Кант номидаги Болтиқбўйи федераль университети мутахассислари бионефть синтезининг янги технологиясини ишлаб чиқди, дея хабар беради Kazinform mir24.tv сайтига таяниб. Моддани сув ўтлари ва биологик чиқиндилардан ажратиб олиш таклиф қилинмоқда ва технология табиий муҳитда содир бўладиган жараёнга асосланган. Бионефтни олиш учун йирик сув ўтлари, кўп миқдорда лой, канализация лойи ва ёғоч чиқиндилар талаб қилинади. Кейин масса автоклав типидаги реакторга жойлаштирилади ва 260-300 даражада иситилади, бу эса босимнинг 3-6 МПа га ошишига олиб келади. Катта органик молекулаларда қайта ишлаш жараёнида боғланишлар бузилади, бунинг натижасида нефтга ўхшаш моддалар ҳосил бўлади. Олимларнинг таъкидлашича, ана шундай жараёнлар Ернинг қадимги океанларида содир бўлган ва бу табиий нефть пайдо бўлишига олиб келган. Янги технология бир қатор экологик муаммоларни ҳал қилади. Бу органик чиқиндиларни йўқ қилишга, иссиқхона газлари чиқиндиларини камайтиришга ёрдам беради. Шунингдек, углерод синтетик нефть табиий нефтни ўрнини босиши мумкин. Тадқиқот муаллифлари биринчи марта нефть ҳосил бўлишида катализатор бўлган бир қатор оғир металлар катионларини ажратиб олди. Бу кашфиёт бионефть синтези саноатини янада ривожлантириш учун муҳим аҳамиятга эга, дейилади хабарда. Энг сўнгги хабарларга обуна бўлинг:👉 @sofuzb

Долларнинг расмий курси яна пасайди Марказий банк 1 июндан хорижий валюталарнинг сўмга нисбатан расмий қийматини белгилади. Унга кўра: 1 АҚШ доллари – 11 400,17 сўм (-5,67); 1 Евро – 12 170,82 сўм (-55,10); 1 Россия рубли – 141,89 сўм (+0,85). Энг сўнгги хабарларга обуна бўлинг:👉 @sofuzb

Қозоғистонда атом энергетикасини ривожлантириш стратегияси ишлаб чиқилмоқда Қозоғистонда атом энергетикасини ривожлантириш стратегияси ишлаб чиқиляпти. Бу ҳақда Қозоғистон Энергетика вазири ўринбосари Жандос Нурмағанбетов маълум қилди. «Вазирликка атом саноатини ривожлантириш стратегияси бўйича топшириқлар берилди. Вазифани бажаришни бошладик. Ҳозирда стратегия тайёрлаяпмиз. Биз хавфсизлик технологияси, атом саноатида аниқ технологияни танлаш, энергия баланси таркибида ядро ишлаб чиқариш ҳажми билан боғлиқ масалаларни ёритамиз ва уларга тегишли жавоб берамиз. Ҳужжатни Ҳукумат кўриб чиқиши учун тақдим этамиз», – деди Ж. Нурмағамбетов Марказий коммуникациялар хизматида бўлиб ўтган матбуот анжуманида. Энг сўнгги хабарларга обуна бўлинг:👉 @sofuzb

Мамлакатимизда концерт ташкилотлари сони қанча? Статистика агентлиги маълумотларига кўра, 2023 йилнинг 1 январь ҳолатига республикамизда фаолият юритаётган концерт-томоша фаолиятини амалга оширувчи ташкилотлар сони 70 тани ташкил этган. Ҳудудлар кесимида фаолият юритаётган концерт ташкилотлари сони: Қорақалпоғистон Р. — 2 та Андижон вилояти — 3 та Бухоро вилояти — 1 та Жиззах вилояти — 1 та Қашқадарё вилояти — 3 та Навоий вилояти — 2 та Наманган вилояти — 2 та Самарқанд вилояти — 2 та Сурхондарё вилояти — 2 та Сирдарё вилояти — 2 та Тошкент вилояти — 2 та Фарғона вилояти — 5 та Хоразм вилояти — 1 та Тошкент шаҳри — 42 та Энг сўнгги хабарларга обуна бўлинг:👉 @sofuzb

Автомобилсозлик соҳасида ҳақиқий рақобат пайдо бўлади “Tashkent city”даги “Congress Hall” мажмуасида Тадбиркорлар ва ишбилармонлар ҳаракати – Ўзбекистон Либерал-демократик партиясининг ўн биринчи съезди бўлиб ўтди. Партиядан Ўзбекистон Республикаси Президентлигига номзод Шавкат Мирзиёев сайловолди дастури билан таништирди. Тўртта нуфузли хорижий компаниянинг лойиҳалари ишга туширилиб, автомобилсозлик соҳасида ҳақиқий рақобат пайдо бўлиши ва ишлаб чиқариш ҳажми йиллик 1 миллион донага етказилиши (ҳозир 350 минг) қайд этилди. Бунда йилига 300 мингта электромобиль ишлаб чиқарилади. Умуман, саноатда қўшилган қиймат ҳажми 20 миллиард доллардан 45 миллиард долларга етказилади. Юқори қўшилган қийматли, экспортбоп маҳсулотлар ишлаб чиқаришни қўллаб-қувватлаш мақсадида Саноатни ривожлантириш жамғармаси ташкил этилади ва унга 1 миллиард доллар ажратилиши таъкидланди. Энг сўнгги хабарларга обуна бўлинг:👉 @sofuzb

Апрель ойида 2545 та “Onix” автомобили ишлаб чиқарилган Статистика агентлиги маълумотларига кўра, автомобил ишлаб чиқариш саноатида 2023 йилнинг апрель ойида ишлаб чиқарилган енгил автомобиллар сони: —“Cobalt” - 9 965 дона —“Lacetti-Gentra” - 9 531 дона — “Onix” - 2 545 дона —“Damas” - 2 197 дона — "Tracker" - 1 958 дона —“Nexia T-250” - 142 дона —Махсус енгил автомобиллар - 985 дона Энг сўнгги хабарларга обуна бўлинг:👉 @sofuzb

16-20 октябрь кунлари Бутунжаҳон туризм ташкилоти Бош Ассамблеясининг юбилей сессияси Самарқандда ўтказилади Бутунжаҳон туризм ташкилоти (UNWTO)нинг Мадрид шаҳридаги қароргоҳида 16-20 октябрь кунлари ташкилот Бош Ассамблеясининг юбилей сессиясини Самарқандда ўтказиш бўйича Ўзбекистон ҳукумати ва ташкилот ўртасида битим имзоланди ва тадбирни юқори савияда ташкил этиш масалалари муҳокама қилинди. Учрашувда UNWTO Бош котиби Зураб Пололикашвили, Маданият ва туризм вазирининг биринчи ўринбосари Улуғбек Аъзамов ҳамда “Ипак йўли” халқаро туризм университети ректори Азиз Абдуҳакимов Самарқанд шаҳрида UNWTO Халқаро туризм академиясини ташкил этиш юзасидан меморандум имзоладилар. Айтиш керакки, мамлакатимиз тарихида илк маротаба БМТ оиласига кирувчи халқаро ташкилот Бош Ассамблеясини қабул қилиш йўлида яна бир муҳим ташламоқда. Бош Ассамблея нафақат Ўзбекистоннинг бой маданияти, туризм салоҳияти, инвестицион жозибадорлигини жаҳон ҳамжамиятига кенг намойиш этади ва балки халқаро туризм индустрияси учун янги даврни очиб берувчи тадбирга айланади. Аслида бу ташаббус хусусида Шавкат Мирзиёев ва ташкилот Бош котиби ўртасида кечган учрашувда илгари сурилган ва Президент томонидан қўллаб-қувватланган эди. Ўз навбатида Самарқандда Халқаро туризм академиясининг ташкил этилиши UNWTO ва Ўзбекистон ўртасидаги 30 йиллик ҳамкорликни янада мустаҳкамлаб, туризм соҳасида халқаро миқёсдаги мутахассисларни тайёрлаш имконини яратади. Энг сўнгги хабарларга обуна бўлинг:👉 @sofuzb