Abdurahmon Meshayan

Саломим етказинг Пайғамбаримга Эй чиндан тотганлар иймон мазасин, Кўз ёшим тўлдирди соғинч ҳавзасин. Зиёрат қилганда набий равзасин, Бу ҳам бахт мендайин кўнгли яримга, Саломим етказинг пайғамбаримга. Деманг:"Шеъринг арзон, яроқсиз байтинг, Тоат қабул бўлиб Ватанга қайтинг. Мендек гуноҳкорга бир хабар айтинг, Ох қалби ошнолар Қуръон(и) Каримга, Саломим етказинг пайғамбаримга. Дилдан ғуборларим буткул кеткизинг, Лағу лашкарларин қатл этказинг. Расулим шаҳридан мужда етказинг, Шодликлар қайтсин деб охир бағримга, Саломим етказинг пайғамбаримга. Мени имлар гоҳи дорнинг оғочи, Шум ўйни қуваман кет деб ёлғончи. Ахир қўйгандирман жаннатга совчи, Қалбни ўраб шеърий гулчамбаримга, Саломим етказинг пайғамбаримга. Дилни қаро эмас бўядим оққа, Балки якун оздир бизнинг фироққа? Бир куни ҳаяжонда Мадина ёққа, Ўзим боргунимча ҳалол заримга, Саломим етказинг пайғамбаримга. 18:34-12.12.2025 Абдураҳмон Мешаян Манзилимиз: @A_Meshayan

— Ассалому алайкум ва роҳматуллоҳ, азизлар соғ-омонмисизлар? Ҳаётда ҳар ким оғир кунларни бошидан кечиради. Кимдир шундай синовлар қаршисида қолган бир пайтда, ёрдам қўлига муҳтож бўлиб қолади. Ойлар бўлиб кетди-ки ҳечкимни эҳсон постини жойламадим. Айни пайтда ёрдамга муҳтож бўлган бир толиби илм акамиз бор, мадраса талабаси. Оилавий шароити оғир, ўқиш масалалари ва ҳоказо эҳтиёжлар билан бироз қарзга кириб қолган. Эҳтиёжлари учун 10.000.000 сўм атрофида ёрдам керак. Ўзим бу оғамизни яхши биламан. Ҳозирда аҳволлари оғирроқ. Иккинчи минг йилликнинг алломаси Имом Раббоний айтадилар: Толиби илмга қилинган бир дирҳамлик ёрдам минглаб камбағалларга қилинган миллионлардан афзалдир. Азиз толиби илмга ёрдамни Аллоҳ таоло Ўзининг хос севган мухлис бандаларигагина насиб қилади. Сизу бизни шундай бандаларидан қилсин. Пул йиғилаётган карта рақами: 9860160616538981 Карта Баходиров С. номида “Эҳсоннинг мукофоти фақат эҳсондир” (Ар-Роҳман сураси, 60-оят) Аллоҳ ҳар бир қилган яхшилигингизни ўз баракасини бериб мукофотласин. Камида далолат қилинг, савобда шерик бўлинг. Батафсил маълумот ва учрашувга эҳтиёж сезилса ушбу ботга алоқага чиқинг: @toshqandiyga_murojaatbot

УМР Ҳамма юз ўгирган дам, Қўлимдан тутди Бир Зот, У Буюк Тангрим экан... Минг еридан ярадор, Бу қандайин қуш десам, Кўнгилдек қумрим экан... Ёнгинамдан нимадир, Шуввв этиб ўтиб кетди, Қарасам умрим экан. @A_meshayan Абдураҳмон Мешаян

Assalamu alaykum va rahmatulloh! Salomatmisizlar? Dunyoda ham oxiratda ham filiali bor bir bank bor bu — Ehson Sadaqa bankidir. Siz unga bu dunyoda omonat qo’yasiz va oxiratda qaytarib olasiz. Mana shu bankga mablag’ qo’yish vaqti keldi. Bugun sizlarga haqiqiy ehsonga muhtoj bo‘lgan bir oilaning holatini yetkazmoqchimiz. 5 farzandning Onasi bo’lgan, bir Opamiz bugun siz azizlarning yordamingizga muhtojlar. Ko’krak sohasida tez o’suvchan, o’ta og’ir darajada o’simta turi aniqlangan. Rak o’simtaning eng og’ir darajasida ekanlar. Zudlik bilan himiya olib chet elda davolanish kerak ekan. Bunga esa oilada mablag’ yetarli emas. Bu oila bugun siz-u bizning e’tiborimizga, mehrimizga, yordamimizga muhtoj. Rasululloh ﷺ marhamat qiladilar: “Kim bir musulmonning dunyoviy mushkulini yengillatsa, Alloh unga Qiyomat kuni mushkulini yengillashtiradi.” (Muslim rivoyati) Azizlar! Bu farzandlar yetimlikni tatib bo‘lishgan… Endi Onasiz ham qolmasinlar. Bugun biz qo‘l cho‘zmasak — ertaga kech bo‘lishi mumkin. Davolanish uchun yetmayotgan summa — 20 million so’m! 9860120151383706 Humo 5614681913320945 Uzcard 4916990325154968 Uzum card 4790912216468431 Visa Qo’shimcha savollar, isbotlar, yanada ko’proq ma’lumot kerak bo’lsa @azxariy_bot'ga yozib qoldirishingiz mumkin!

#Яна_битта_Ўзбекистон_топилмайди! Кўчгим келса Америка очур қучоқ, Лондон томон йўл олсамда мойдир пичоқ. Московда ҳам қозон қайнаб ўчмас ўчоқ, Кетгим келса чегаралар ёпилмайди, Лек яна бир Ўзбекистон топилмайди. Ўзбекдирман ярашмайди бўлмоқ фожир, Ёт юртларда йиллаб яшаб бўлиб тожир. Қайтгач юртга билганим шу эй мухожир- Ватан битта у бозорда сотилмайди, Яна битта Ўзбекистон топилмайди. Машаққатлар юки бордир ҳар елкада, Юртим ёмон десам ғамдан бўлиб зада- Камчилик йўқ қайси халқу қай ўлкада Қалбда ўсган ишқ ниҳоли чопилмайди, Яна битта Ўзбекистон топилмайди. Қайси фарзанд отасидан кўргач зулм, Воз кечадир падаридан айтгил гулим? Ётай юртим қучоғида келса ўлим, Жигар қолиб дил ўгайга отилмайди, Яна битта Ўзбекистон топилмайди. Ўз юртимда хонман, бекман, тўрадирман, Бир муслимман, мўминларга жўрадирман. О Ватаннни жондан яхши кўрадирман, Халқни севмоқ даркор элни қопилмайди, Яна битта Ўзбекистон топилмайди. @A_meshayan 19:37-03.12.2025 Абдураҳмон Мешаян

​​Қамамаслик керак эди. Дин ривожи учун зарни- Аямаслик керак эди. "Дода" деб эски раҳбарни- Атамаслик керак эди. Бугун бу халқ очмидир тўқ, Ғиринг деса урарлар дўқ. Қодирийнинг кўксига ўқ- Қадамаслик керак эди. Ўзи Ватан тўла қашшоқ, Амриқодан келди машшоқ. Думбасига очиб қучоқ- Қарамаслик керак эди. Қалблар тўла адовату, Ўлиб бўлган адолату. Кимга бундай разолату- Ярамаслик керак эди? Юрса майибдир темир от, Буйруқ бериб ўшал заҳот. Ўнқир-чўнқир йўлни наҳот- Ямамаслик керак эди. Халқиммз чекур заҳматни, Ё олдик тавқи лаънатни? Билмам... Мубашшир Аҳмадни- Қамамаслик керак эди. @A_meshayan 21:45-27.11.2025 Абдураҳмон Мешаян

Истисқо Бутун умр илм тарқатган- Имомга қилганлар ҳамлани. Юрт бошига қайғу келган дам, Аввал эсга олар домлани. Қилгани-чун Хақ йўлга даъват, Буюради: "Қаманглар уни" Сўнгра яна эслайди албат, Отасининг жаноза куни. Нокас тегса салгина мансаб, Диндорланинг кўзин ўяди. Аллоҳ айлаб сўнг қахру ғазаб, Кўкдан ёмғир ёғмай қўяди. Динга қарши курашган тубан- Ичи кирлар қилиб истисно. Дерлар: "Майли бермоқдамиз тан, Ёмғир чўраб ўқинг истисқо" Яна керак бўлиб қолар дин, Беш фарзидан қочганларгада. Шайтонларча Аллоҳга қарши- Қўрқмай уруш очганларгада. @A_meshayan 21:20-27.11.2025 Абдураҳмон Мешаян

​​Масхарабозлар. Буқаламун бўлмай сўзладим чинни, Ниқоб айламадим энг гўзал динни. Ногоҳ кетиб қолса мен тўғримда гап: Бутун ҳалойиқ дер бу ўзи жинни. Менинг халқни ўйлаб ақлим толгандир, Кўнглимга меҳрни Аллоҳ солгандир. Соғлом аммо лоқайд оламон дер бу- Жонкуярнинг томи кетиб қолгандир. Ҳасратлар элимдан кўпки кетишмас, Аммо улар балиқ ҳеч миқ этишмас. Ўзлари маддоҳлик ичинда яшаб, Дерлар: Бу ростўйга сал-пал етишмас. Кўрсатиб яшадим йиллаб томоша, Қаҳ-қаҳ отиб кулди томошабинлар. Саҳнанинг ортидан пардалар оша- Боқсам калтабинлар ярми худбинлар. Кўзгуга боқаман гриммхонада, Кўз остим сиёҳранг, лаблар қип-қизил. Юзимда ҳам бўёқ шу баҳонада, Халқ дардини сўзлаб қиламан ҳазил. Бошлайман: Ер остим лиқ тўла олтин, Ва лекин уйимда нон йўқ егани. Таржимасин ўқинг кулишдан олдин, Юзсиз, бўлар асли "артист" дегани. Ҳаммани кулдириб, бахтдан қилиб маст, Уйга йиғлаб қайтган масҳарабозлар. Қадимдан вазир ё девонбегимас, Хонга ростин айтган масхарабозлар. @A_meshayan 17:09-30.12.2024 Абдураҳмон Мешаян

Юртимиз балога гирифтор бўлди, Куз кузга, ўхшамас қишлар ҳам қиша. Чунки мамлакатга ўғрилар тўлди, Шундай деб ўғрини айблар фохиша. Ўғри дер: "Оғзингга қараб гапир сал, Фақат мени эмас бошқаниям кўр. Халқ чанг ичра қолиб бўлмоқда касал, Чунки бу заминда кўпайди судхўр. Судхўр дер:"Жим ўтир ярамас ўғри- Туҳматлар сўйлабсан сен менга доир. Энди мени тингла гапимдир тўғри, Ҳаммасига айбдор бир гала шоир. Шоир ҳам жим турмай шеърларида дер: "Порахўр келтирган улкан хатарчи? Ўлкада зулмнинг кўпайганига, Менимча гуноҳкор бир тўп отарчи. Шу тахтит этади айблашлар давом: Халқ хаққин еган дер:" Ким ҳам емайди? " Хамма кир ахтарар бир-бировидан, Ҳеч кимса айбдор менман демайди. Аслидп хақиқат якка-ягона, Ўлиб кетган бизнинг ҳамиятимиз. Сен тўғри, мен тўғри, у тўғри бўлса, Унда ким бузмоқда жамиятимиз? @A_meshayan 11:18-25.11.2025 Абдураҳмон Мешаян