Abdurahmon Meshayan

МУСЪАБ ИБН УМАЙР РОЗИЯЛЛОҲУ АНҲУ ШЕЪРНИ ЎҚИШ УЧУН МАТН УСТИГА БОСИНГ!👈

​​​​#МАСЖИД#КАБУТАРИ #Абдуллоҳ#ибн#Зубайр#розияллоҳу#анҳу “Масжид кабутари” “Масжид кабутари”- Сени Асмо бирла Зубайр кутган. Гўдак чоғинг икки олам сарвари, Хурмо чайнаб бериб оғзингга тутган! Намоздаги ҳушунг тилларда достон, Сендек саҳобага ким қилмас хавас? Бир куни сен тоат қилаётган он, Уй аҳлинг “илон!” деб чиқардилар сас. Намозин бузарди биздайин авом, Сен эса ортингга бир қайрилмадинг. Тағин этавердинг тоатда давом, Гўзал хулқингданда ҳеч айрилмадинг! Вужуд кўп тоатга чоғланганидан, На рукудан ва на саждадан толдинг. Соф қалбинг масжидга боғланганидан, “Масжид кабутари” лақабин олдинг! Жангларда шижоат кўрсатмоқликка, Сени Хақнинг Ўзи айлади қодир. Аёндир ёв томон борганинг тикка, Ифриқиййя ғазот(и) бўлганда содир! Бурбур саркардаси Жаржир найлади? Найларди чодирга қилди у хужум. Сўнгра мўминларни асир айлади, Мусулмонлар қолди қамалда гавжум. Жаржир аскарлари-юз йигирма минг, Жангда йигирма минг мусулмон ул дам. Ўттиз отлиқ билан Абдуллоҳ ўзинг, Жаржир томон бординг шиддат-ла илдам. Душман эса сени элчи деб ўйлаб, Жойидан жилмади бирор бир лаҳза. Кейин бир иш қилдинг...юрибмиз сўйлаб, Муттаҳам Жаржирга санчидинг найза! Бошин узиб илдинг найза учига, Баланд сасда айтдинг: Аллоҳу Акбар! Душман ишонмасдан ўзин кучига, Қочди...мусулмонлар қучдилар зафар! ...Бир муддат халифа бўлганинг аён, Ҳижоз ва Хуросон, Яман ва Ироқ- Сенга байъат берди, рост айлай баён, Бошингдан кулфатлар кетмади бироқ... Дунёда яшаркан одамзот кўрар, Турфа кун ва тунни яхши ва ёмон. Одамлар сотилиб берганча зарар, Ўтгач Ҳажжож Юсуф Сақафий томон- Онанг Асмо бирла қилдинг маслаҳат, У хам ўгит берди: “Бўл собитқадам! Хақ узра жон бериб, ўлсанг ўл фақат, Хақдан ташқарига чиқмагин бир дам” Бир кун шаҳид бўлдинг қолиб наилож, Шоирга кўп оғир ох ёзмоқ буни. Сендек саҳобани аямай Ҳажжож, Тап тортмай ўлдирди чоршанба куни. “Масжид кабутари”... “Масжид кабутари”... Сўнг Маккада турдинг уч кун осилиб. Холатимга боқсам мен борган сари, Йиғлашга тайёрман...қалбим эзилиб... О азиз Абдуллоҳ ибн Зубайр, Бугун хам кўп бизни янчаётганлар. Бизнинг Ақсомизда қилганча сайр, Тинмаяпти тиғин санчаётганлар. Маним орзум надир тўкмай кўз ёшин, Кўпайсин шижоат қиладиганлар. Сениндек ёв сафин ёриб, ёв бошин- Найзанинг учига иладиганлар! Санинг онанг Абу Бакринг қизи, Отанг-хаворийси Расулуллоҳнинг. Бизни учраштирсин жаннатда Ўзи, Мўъжизаси кўпку Буюк Аллоҳнинг! Қандоқ бахт гуноҳим Аллоҳ кечириб, Жаннатга кир деса мендек фақирга. Бўлсам Расулимиз Кавсар ичириб, Саҳобалар бирла жаннатда бирга! @A_meshayan 11:08-20.10.2020 Абдураҳмон Мешаян

АБДУЛЛОҲ ИБН ҲУЗОФА رضي الله عنه ГА АТАЛГАН ШЕЪРИМНИЎҚИШ УЧУН МАТН УСТИГА БОСИНГ!👈

САЛМОН ФОРСИЙ РОЗИЯЛЛОҲУ АНҲУ ҲАҚЛАРИДА УЗОҚ КУТИЛГАН ШЕЪРИМ ЎҚИШ УЧУН МАТН УСТИГА БОСИНГ!👈

#Жулайбиб_розияллоҳу_анҳу

​​ЖУЛАЙБИБ (РОЗИЯЛЛОҲУ АНҲУ) Қорачадан келган, Бўйи паст. Уйи ҳам йўқ, Оддий либосли. Егуликка недир топса ер, Топмаса – Рўзадор! Ихлосли! Тўшаги – ер, Осмон – ёпинчиқ, Ёстиғидир икки ковуши. Масжидун-Набавий ёнида, Суффада кечарди турмуши. Бир кун ўтираркан саҳобалар-ла, Биз уммати бўлган ул азиз Ҳабиб. Тилда зикр, дилда чин тавбалар-ла, Уларнинг олдидан ўтмиш Жулайбиб. “Анави ким биласизларми? Расулуллоҳ бермишлар савол. “Анави ким биласизларми?” Жавоб йўқдир, саҳобалар лол. Чунки саҳобалар кўзлари, Бу кимсага тушмаган эди. Сўнгра Пайғамбарнинг ўзлари, "Бу зот асли Жулайбиб", деди! Сўнгра Жулайбибни ёнига чорлаб, Саволга тутдилар Пайғамбаримиз: Бир гўзал сўровга жуфтладилар лаб, Энтикиб кетамиз тинглаб баримиз: “Эй Жулайбиб, уйланмайсанми? Оғиздан қуш каби учмади нолиш, Бош эгилиб, Ёшланмади кўз. Янграмади асло даркор тан олиш, “Қийналиб қолганман”, деган сўз. Фақат деди: "Ё Расулуллоҳ, На моли бор, на мансаби бор. Жулайбибга ким хам қизини Берар эди? Ким ҳам бунга зор?" Бу ҳол бўлгач икки бор такрор, Расулуллоҳ сўз бошлаб секин: Дедиларки: "Бир ансорим бор, Уйига бор ва шундай дегин: “Расулуллоҳ айтдилар салом, (Овозлари бўлгандир майин) Қизингизни менга турмушга, Бермоқликни қилдилар тайин”... Ансорий саҳоба не дейишга лол, Қизи ансория аёллар аро. Энг гўзали эди ҳам соҳибжамол, Йигитнинг-чи юзи кўримсиз қаро, Ахир бу не ҳолат ахир бу не ҳол Йигитда йўқ эди на чирой, на мол... Ансор деди: "На иш, на молингдир бор, Қандоқ қилиб сенга берадирман қиз?" Ансорнинг ёри ҳам айларди такрор: “Шу Жулайбибга қиз берармизми биз?” Ортга қайтармоқчи бўлишди уни, Аммо шу он деди пок солиҳа қиз: Эй отажон! эй онажоним! Қандоқ ортга қайтарадурсиз, Расулуллоҳ номидан совчи Бўлиб келган бу йигитни сиз? “Аллоҳга қасамки, мен шу инсонга Турмушга чиқаман. Қиз қилганди аҳд. Қаранг эътиқодга, қаранг иймонга, Расулнинг сўзига кирмоқ бунча бахт? Дуч бўлинг ибратнинг бир нечасига, Ибрат олмоқликни истасангиз гар. Тўй ўтди. Висолнинг илк кечасига, Яқин қолган чоғда жарчи солди жар: “Динингизнинг ҳимояси учун чиқинг! Динингизнинг ҳимояси учун чиқинг! Асли Мадинада энг гўзал қизни, Берилмай энг ширин лаҳзаларига. Қолдирди.. Нафсига букмасдан тизни, Жулайбиб қўшилди аскар сафига. Жангда мусулмонлар қучдилар зафар, Аммо ўлди баъзи саҳобалар ҳам. Жанг кечган майдонга келиб бу сафар, Муҳаммад соллаллоҳу алайҳи васаллам: Бир бир изладилар саҳобаларни... – Фалончи ўлибди... – Эҳ, фалончи ҳам... – Ҳатто фалончи ҳам тирик қолмади. Аммо бирор киши ҳатто ушбу дам, Жулайбибни тилга олмади... Ўшанда Муҳаммад алайҳиссалом, Жулайбибнинг ғамин едилар. Ҳабибни, яъники бир содиқ дўстни, Йўқотмадингизми дедилар? Саҳобалар ҳайрон. Мутлақо ҳайрон! Урушда жон берган душман йиқишган. Эдиларда ахир қалб бўлиб вайрон, Ҳамма саҳобани санаб чиқишган. Сўнг дедилар: "Ким у сиз айтётган дўст, Эй Ҳақ Расули?.." Ёш сидирмоқдаман... Сўзладилар Ҳақнинг энг буюк қули: “Дўстим Жулайбибни қидирмоқдаман”... Жулайбиб жасадин қидириб топиб, Динга бўлгани-чун чин камарбаста. Унинг бошин қўйиб тиззаларига, Шу сўзни Пайғамбар айтдилар аста: “Сен Мендансан ва Мен сенданман” “Сен Мендансан ва Мен сенданман” “Сен Мендансан ва Мен сенданман”... Бироз ўтгач пок Расулуллоҳ, Бошларин бошқа ён бурдилар. Бир ҳикмат бор бунда ё Аллоҳ, Қуръон-ла хулқланиб юрдилар. Пайғамбарга бўлганди аён, Ҳеч тафаккур қиласизларми? Сўнг дедилар: “Бошим бошқа ён Нега бурдим биласизларми”? Ҳаққа қасам, ул Жулайбибнинг, Ҳурдан бўлган пок хотинлари. Уни бағир босмоқлик учун, Талашганча келарди бари. Сўнгра юзим бурдим бошқа томонга, Жулайбибнинг рашки ёдимга тушиб”. Сўнгра юзим бурдим бошқа томонга, Жулайбибнинг рашки ёдимга тушиб”... О азиз Жулайбиб, шаҳид Жулайбиб, Мендек бир қул эса эсини еган. Кибрланар.. Гўё унга ҳам Ҳабиб, “Сен Мендансан ва Мен сенданман”, – деган. Ўз ўзимга энди шудир дуоим: Ерда мени майли уч кимса билсин! Энди шудир мақсад шу муддаоим, Роббим осмонида таниқли қилсин! 20:54-01.02.2020 Абдураҳмон Мешаян

Асмо бинти Язид розияллоҳу анҳо Асли Асмо бинти Язиддек аёл, Пайғамбарин жуда яхши кўрарди. Ансориялардан фақатгина у, Жуърат қилиб мудом савол сўрарди. "-Хомиладор бўлар асли аёллар, Эркаклар жамоат намозин ўқир. Ҳам қиларлар Аллоҳ йўлида сафар, Аёлларда бундай имтиёз йўқдир. Эркаклар сафарга кетган дамларда, Бизлар қўриқлармиз мол, боласин денг. Эркакларнинг ортар даражалари, Уларга савобда аёлларми тенг?" Пайғамбар бир боқиб саҳобаларга, "Дини тўғрисида яхши бир савол- Берган аёл сўзин эшитдингизми?" Сўнг Асмо томонга юзланиб дарҳол. Дедилар:"Ортдаги аёлларга айт, Ким эрига яхши хотин бўлса энг. Розилигин истаб яхшиликларга- Эргашса савобда эри билан тенг" Худайбиядаги дарахт остида, Ризвон байъатини илк берган аёл. Пайғамбарнинг айтган гапи ростида, Дўзахга тушишни қилмасин ҳаёл. @A_meshayan 01:06-24.02.2026 Абдураҳмон Мешаян

Бугун жуда кўп йиғладим. Таровеҳнинг деярли бошидан охиригача. Кейин яна, кейин яна. Ундан олдин Рисолат аяни кўрган пайтимда. Рамазонда бирозгина хотиржам тортганимга, онам тириклигига, Аллоҳ мендан иймонни олиб қўймаганига таъсирландим. Ўзи рози бўлмагунича жонимизни олмасин дебмас Ўзи рози бўлиб жонимизни олсин деб дуо қиламан энди.

Асмо бинти Язид розияллоҳу анҳо хақидаги шеърим битди. Бугун қийналдим. Беморлигим боисидан ёзолмайман, чарчоқ кучлилик қилади деб ўйлаган эдим. Аллоҳ ташлаб қўймади. Беҳисоб шукр. Сахарликка яқин ўқийсизлар ИншаАллоҳ.