Abdurahmon Meshayan

​​Тошкентнинг чанги Онамнинг оғзида Тошкентнинг чанги, Боламгинг бўғзида Тошкентнинг чанги. Қайтаринглар эски Ўзбекистонни, Ўзбекистон шуми сиз айтган янги? Гўёки безабар уммон наханги, Халқни заҳарлаюр Тошкентнинг чанги. Чинорлар қотилин биладир барча, Ҳаммаёқ пакана фойдасиз арча. Хонамга ёприлиб кирадир тўзон Нафас олай дея бир очсам дарча. Лой туфлаб ўзгарди юзимнинг ранги, Халқни заҳарлаюр Тошкентнинг чанги. Оқшом тўзонлидир, бўронли саҳар. Дард тутган хотиндек безовта шаҳар... Хатто бешикдаги ётган гўдак ҳам Ўпкасинтўлдириб ютмоқда заҳар. Қулоқ берсам секин юрак оханги Халқни заҳарлаюр Тошкентнинг чанги. Нахот каттаконлар кўрмаслар раво, Меҳнаткаш миллатга топ-тоза ҳаво. Ифлос чанг дастидан шифохоналар, Лиқ тўлиб халқ излар дардига даво. Юртимда бўлдими нима лой жанги, Халқни заҳарлаюр Тошкетнинг чанги. Шу чангга кўллару булоқлар тўлган. Ёш тўккан кўзлару қулоқлар тўлган. Ўлсам ёзиб қўйинг қабртошимга, Шўрлик жангда эмас чанг ютиб ўлган. Шеърим яп-янгидир деманг қачанги, Халқни заҳарлаюр Тошкентнинг чанги. @A_meshayan 13:44-22.11.2025 Абдураҳмон Мешаян

Qoriya singlimizning muolajasiga yordam kerak! Bemorligi: Sepsis 2-daraja. Oilaviy holati: bitta bolasi bilan ajrashgan, otasi yo'q, yaqinlari to'liq ta'minlay olmaydi. Muolaja turi: 2-3 oy muntazam davolanish kerak. Oyiga 25–30 mln so'mgacha ketadi. Zarur mablag': 30–40 mln so'm. Men bemorning hujjatlari bilan tanishib chiqdim. Ishonchli, haqdor. Tushgan pullarni bemorga yetkazilishiga kafilman. Imkon qadar yordam qilaylik, azizlar. Karta raqam: HUMO: 9860170105241146 VIZA: 4195 2500 5069 5590 O'z nomimda. G'iyosiddin Yusuf #ulashamiz

​​"Дадасиз қайтиш" Дада, дам олиш кун борардик боғга, Икковимиз бирга отимиз миниб. Ҳеч нарса тенг эмас у гўзал чоғга, Шомда қайтар эдик меҳнатдан тиниб. Темир тулпор миниб элтар эдингиз Нонуштадан кейин мактабга мени. Ўқишинг тугагач сим қоқ дердингиз: "Ўзим олиб кетгум мактабдан сени". Сўнгра йиллар ўтди бундоқ эсласам, У онлар ўхшайди энг ширин тушга. Дада, ростин айтсам Аллоҳга қасам, Миниб." Boing" деган бир темир қушга- Сиз билан Умрага борганларимни, Ёд этсам бир титроқ кирар баданга. Қандоқ бирга кетган бўлсак ўшандоқ, Дада, қайтган эдик бирга Ватанга. Хотира занжири эмасдир мўрт ип, Эсласам кўзимда чақнай бошлар ўт. Сиз билан мингандик гоҳ Нива, гоҳ Жип Мотоцикл, поезд, метро, сомолёт Ҳамма уловларга мен билан миниб, Тобут уловига битта ўзингиз- Миндингиз мен эса қаламдек синиб, Эслаб ўтирибсан ширин сўзингиз. Чопонингиз ҳидлаб унга ёш тўкдим Дардимни боғдаги қушларга айтдим. Улар тушунмади, дардга тиз чўкдим, Бугун илк бор уйга дадасиз қайтдим. Бугун илк бор уйга дадамсиз қайтдим... @A_meshayan 16:30-26.10.2025 Абдураҳмон Мешаян

ОНАМГА ТИЛАК 🎤 Муҳаммад Юсуф ✍ Абдураҳмон Мешаян Манзилимиз:t.me/A_Meshayan

​​БУНЧА УЯЛМАСАНГ ЎЗБЕКЛИГИНГДАН? Майли, саккиз тилни билганинг яхши, Хорижий юртларда бўлганинг яхши. Аммо, бир ишинг деб ўлганинг яхши, Бунча уялмасанг ўзбеклигингдан? Минг йил чирансангда сендан чиқмас рус, Сочингга берсангда бўяб сариқ тус. Товуққа ҳам тақлид қиларми товус? Бунча уялмасанг ўзбеклигингдан? Хўп, замонавий бўл, тўплагин олтин, Сен ўхшаш истаган ўшал зотлар чин. "Бисмиллоҳ" ҳам айтмас таомдан олдин, Бунча уялмасанг ўзбеклигингдан? Сенинг бобонг Темур! Грозный эмас, Сен "чистый" миллатсан "грязный" эмас. Руслар учун "мразь"сан, ўзбек учун "мараз", Бунча уялмасанг ўзбеклигингдан? Сен учун отанг "пахан", онанг "мамашка", Мойчечак ҳам сен учун оддий "ромашка". Ўзи "қўй" экансан, йўғе "барашка", Бунча уялмасанг ўзбеклигингдан? Бу кетишда охир сендайин нокас, Ислом динидан кечиб чўқинмасанг бас! Виномиш қўлингда шароб, мусаллас. Бунча уялмасанг ўзбеклигингдан? Жуда димоғдорсан инглизлардек, Дидинг ҳам нозикдир танноз қизлардек. Сўзлашга уялма ҳудди бизлардек, Бунча уялмасанг ўзбеклигингдан? Миллатчимасман-у учига чиққан, Бу ифлос одатинг айт кимдан юққан? Сени Наташамас, Ҳалима туққан! Бунча уялмасанг ўзбеклигингдан? Масхара қиласан дўппи саллани, "Колыбель" атайсан ҳатто аллани. Қўй гўштига қўшиб ейсан "салани" Бунча уялмасанг ўзбеклигингдан? Сен учун ўзбекнинг ҳаммаси "харип", Бизлар бобоймишмиз қолганмиз қариб. Гитлер ҳам қолмаган бунча ўзгариб, Бунча уялмасанг ўзбеклигингдан? Етти ёшга тўлди фарзандинг Қудрат, Ҳалигача уни қилмадинг суннат. Падарингга эмас, ўзингга лаънат! Бунча уялмасанг ўзбеклигингдан? Сени ким деб атай, бир ажнабийми? Бир сен ижобий-у, ҳамма салбийми? Алишер дейми ё, Алёша дейми? Бунча уялмасанг ўзбеклигингдан? Дейсан "уч юз кўкин" сенга тўларман, "Напиши мне стих" , мухлиси кўпман. Сендай отарчига шеър ёзиб бўбман! Бунча уялмасанг ўзбеклигингдан? Ўзбеклар ёввойи "дикий" деяпсан "Ромкангдан" чиқяпсан", "дерзкий кетяпсан" Уятсиз! Ўзбекнинг нонин еяпсан, Бунча уялмасанг ўзбеклигингдан? Бор, бошқа безовта қилмагин мани, Ўзбекча сўкиш ҳам уволдир сани, Ёнимдан тур йўқол! пашол на... қани, Бунча уялмасанг ўзбеклигингдан? Майли, не қилсанг қил, тинч ҳам қўяйлик, Фақат ўлсанг айтчи, қандай кўмайлик? Ё санинг қабрингга хоч ўрнатайлик? Бунча уялмасанг ўзбеклигингдан? Тилим қичийдида, шоирнинг шеъри, Ёлғондан наридир, алдовдан бери, Ўрис бўлмаганку, онангнинг эри, Бунча уялмасанг ўзбеклигингдан? @A_meshayan 21.10.2014 Абдураҳмон Мешаян