Laylo Rustamova

Азиз каналим обуначилари, дўст ва яқинларим! Барчангизни янгиланиш айёми Наврўз билан муборакбод этаман. Яратгандан шу муқаддас кунларда ўзимга тилаган энг эзгу ниятларни тилайман. Юрагингиз тубидаги орзу ва мақсадларингиз ижобат бўлсин. Кўнглингизга бахт, кўзларингизга қувонч, ҳаётингизга хотиржамлик хамрох бўлсин. Топганингизни баракасини бериб, ҳаётингиз тўкин ва фаровонликда ўтсин! Яратган бахт талабларга бахт, фарзанд талабларга фарзанд, беморларга шифо берсин! Айёминглар муборак бўлсин🌸🌸🌸

«У бир пайтлар унга китоб ўқиб берадиган робот ҳақида орзу қиларди…» Бугун эса технологиялар бу ишни одамлар ўрнига бажариб, кўзи ожиз инсонларга нафақат китоб ўқиш, балки ишлаш ва рақамли оламда бемалол ҳаракатланиш имкониятини бермоқда. Лекин бу етарлими? Мен доим Абдулло ака каби инсонлар бизнинг шукрона қилишимиз учун яратилган деб ўйлар эканман... Гўё улар тақдирнинг биз соғлом эканимиз учун миннатдор бўлишимиз кераклиги ҳақида бир эслатмасидай. Лекин бу интервью мени чуқурроқ ўйлаб кўришга ундади. Уларнинг ҳаёти бизнинг шукроналик ҳиссимиз учун эмас.. Интервьюдан қилган хулосам аслида бу инсонларга биздан ачиниш ва ёрдам бериш эмас, аксинча ҳеч кимнинг ёрдамига муҳтож қилмайдиган жамият керак. Ҳақиқий инклюзия – бу ачинмай, тенг кўриш ва ҳеч ким ўзини “ўзгача” ҳис қилмайдиган дунё экан. Суҳбатдошим Абдулло ака Доцент, халқаро эксперт, Ўзбекистон ногиронлар ассоциацияси раиси ўринбосари жуда ҳам кенг тафаккур ва билимга эга инсон. Болалигида одамлардан китоб ўқиб беришлари учун пул беришга ҳам мажбур бўлган. Оталари раҳматли Ички ишлар тизимида фаолият юритиб ярим тунда келганларига қарамай ўғлининг илтимосини ерда қолдирмай китоб ўқиб берган эканлар. Ота-онанинг саъй-ҳаракатлари билан Абдулло ака бугун шундай илмга эгаликлари учун ота-оналарига тасанно айтдим. Абдулло ака билан Ўзбекистондаги рақамли инклюзивлик, рақамли технологиялар ёрдамида ногиронлиги бор инсонларнинг ҳаётини яхшилаш имкониятлари, мавжуд муаммо ва тўсиқлар ҳақида суҳбатлашдик. https://www.youtube.com/watch?v=oaTyAaPMHN8&t=791s

Болалигимизда ҳаво иссиқми совуқми болалар кўчаларда ўйнашарди. Бир-бирини эшикдан, ойнадан чақиришарди. Лафта, арқонда сакраш, бекинмачоқ, қувламачоқ ўйинлари… Ростан ҳам телефонсиз зўр пайтлар эди… Ҳозир кўчалар бўм-бўш назаримда болалар ўйнашмаяпти… Сиз томонда ҳали ҳам борми шундай ўйинлар ўйнаётган болалар?

100 nafar yoshlar uchun 1 yil davomida ingliz tili va zamonaviy kasblardan bepul ta'lim olish imkoniyati! Cambridge LCvaNajot Ta'limo'quv markazlari umumiy qiymati 2,2 mlrd so‘m bo'lgan “Kelajak yoshlari” grant dasturini e'lon qildi. Unda kam ta'minlangan, boquvchisini yo'qotgan 16 dan 24 yoshgacha bo'lgan yigit va qizlar qatnashishlari mumkin. Grant doirasida 100 nafar yigit qiz 1 yil davomida ingliz tili va zamonaviy kasblardan BEPUL ta'lim olishi mumkin bo'ladi. ✅Grant doirasida: — 100 nafar yigit-qiz 1 yil davomida bepul ta'lim oladi; — Yo'nalishlar: Ingliz tili + dasturlash yoki grafik dizayn; — 50 ta joy — Toshkent filiallari uchun; — 30 ta joy — Farg'ona filiali uchun; — 20 ta joy — Samarqand filiali uchun; Roʻyxatdan oʻtish uchun arizalar 2025-yil 20-mart soat 23:59 gacha qabul qilinadi. 🔗«Kelajak yoshlari» grantiga ro'yxatdan o'tish ☎️ 78-888-9-888

"Таълим – бу дунёни ўзгартириш учун ишлатишингиз мумкин бўлган энг кучли қуролдир." Нелсон Мандела Эрталаб катта қизим Ширин немис тилидан оғзаки имтихон топшириб келди, Худо хохласа ўтиб олса В1 даражасини олади. Қизим мактабида немис тилини ўрганади, бунга ҳам қониқмай немис тилидан алоҳида устоздан дарс олади. Шунингдек Инглиз тилидан ҳам курсларга қатнаб билимларини ошириб боради. Бундан ташқари у замонавий касбларни ўрганиш учун График дизайн курсига қатнаяпти. Буларни у ўзи истаб, ҳеч қандай мажбурлашларимсиз бажаради. Ҳозир 10-синфда ўқиётган қизим насиб қилса, бир эмас иккита хорижий тилни ҳамда замонавий касбларни билиб мактабни битириб чиқади Худо хохласа. Нима учун бу ҳақда ёзяпман. Ҳеч бир ота-она йўқки, фарзандининг келажаги порлоқ бўлишини истамаса. Жумладан мен ҳам шундай оналарданман. Болалар айниқса қиз бола албатта илмли бўлиши керак деб ҳисоблайман. Фарзандларимни ўқишга қиғиқтириш учун қўлимдан келганича қўллаб-қувватлашга ҳаракат қиламан. Буни назорат орқали эмас, қизиқтириш орқали амалга ошираман. Хўш, сиз фарзандларингизни ўқишга қизиқтириш, қўллаб-қувватлаш учун нималар қиласиз? Унинг келажакда ўз ўрнини топиши учун қандай қадамлар ташлаяпсиз? Фарзандингизни ўқишига қандай мотивация берасиз? Фикрларингизни изоҳларда қолдиринг. Энг қизиқарли тажрибаларн алоҳида пост қилиб бўлишаман!

Классик Журналистика принципида биз ўқиётган пайтда ит одамни тишлагани янгилик бўлмайди, одам итни тишлаб олса ҳақиқий ЯНГИЛИК бўлишини ўргатишган. Ҳозир битта ёш, жудаям умидли бошқа ёшларга кўрсатиб намуна қилишга арзигулик қаҳрамон топиб ундан бошқа ёшларга ҳам йўл йўриқ намуна бўлиш мақсадида интервью беришини сўрадим. Менга у билан интервью нашрга ва вақтига қараб 300 доллардан юқори туришини айтишди. Қарийб чорак асрлик фаолиятим давомида бундай ҳолатга илк бор дуч келдим. Ва бу мен учун ҳақиқий ЯНГИЛИК бўлди! Майли нима ҳам дердик, янги тренд шекилли 😳

#NoodatiyVakansiya LinkedIndagi antiqa "vakansiya" Erta tongda LinkedIn ijtimoiy tarmog'ida juda aktual va qiziqarli "vakansiya"ning noodatiy e'loniga ko'zim tushdi. Kanalimiz qizlari uchun ham bu vakansiya qiziqarli bo'lishi mumkin. Yangi ish haftasini yaxshi kayfiyat bilan boshlash uchun sabab😀

Qisqa videoda bir olam hayajon…

"Онам 2 йил давомида ойлик маошларини ҳаммасини менинг шартнома пулимга тўлаганлар", — бугун "Зулфия" Давлат мукофотига сазовор бўлган қизларимиздан бири Умматой Йщлдошева онажонисининг унинг илми ва бугунги ютуқлари йўлидаги ана шу захматини эслади. "Қаранг онажон, яхшиям ўшанда ўқитган экансиз, ҳозир сиз 1 йил қийналиб тўлаган пулингизни 1 ойда қийналмасдан топяпман", деб онажонимга раҳмат айтаман. Мукофотни олганимни билганларида онам менга: "Раҳмат юзимни ёруғ қилдинг қизим, барча қийинчиликларим ортда қолди. Сенга ишонардим", деганларида мендан бахтиёр инсон йўқ эди. Фарзанд учун ота-онасини орзусини амалга ошириши ва уларнинг кўзидаги қувонч ва бахтни кўриш ўзгача туйғу бўлар экан. Умматой IT Investments Center Next Up hub Start-Up Studio лойиҳа менеджери ва “Anora” лойиҳаси асосчиси INHA университети битирувчи ва «Yangi O‘zbekiston» университети магистранти. У илк бор Давлатимиз томонидан АйТи йўналишида ҳам берилган "Зулфия" Давлат мукофотига сазовор бўлган қизларимиздан. Биз эса у каби илмли қизларимиз сафи кўпайишининг тилакдошимиз. Ҳар бир қизга насиб қилсин бу мукофот. #ҚизингизгаПулТикинг #ТаълимгаИнвестиция

♾Samarqandda IT bo‘yicha bilim va malakangizni rivojlantirishga imkon beruvchi to‘rt kunlik oromgoh ish boshlaydi 💡Qizlar, bu tadbir siz uchun! 🛌Boshqa viloyatdan kelgan qizlar maktab yotoqxonasida 4 kun davomida bepul yashashlari mumkin bo’ladi 11-14-mart kunlari Samarqandda IT bo‘yicha bilim va malakangizni rivojlantirishga imkon beruvchi to‘rt kunlik oromgoh ish boshlaydi. Unda siz IT sohasiga kirish va o‘z o‘rningizni topish, mehnat bozoriga yoki frilansga chiqish uchun zarur bo‘ladigan asosiy digital-kompetensiyalarni o‘zlashtirish, qolaversa, o‘zingizga bo‘lgan ishonchni oshirishni o‘rganishingiz mumkin. 📌 Sizni nima kutmoqda? ✨ IT sohasida yetakchilik, loyihalarni boshqarish, portfolio va karyera yaratish haqida seminarlar. 🎯 O‘ziga nisbatan ishonchni oshirish va kasbiy o‘sish bo‘yicha interaktiv mashqlar. 📑 Mutaxassislar tomonidan rezyume tuzish, uni tahlil qilish va mukammallashtirish bo‘yicha amaliy mashg‘ulotlar. 💡 Frilans platformalari tahlili: digital sohada buyurtmalarni qanday topish va rivojlanish. 👥 ЅTEM da xotin-qizlar jamoasi va volontyorlik imkoniyatlari haqida sessiyalar. Malakali murabbiylardan ko‘plab amaliyotlar, muloqotlar va foydali insaytlar kutilmoqda. 📅 11-14-mart 📍 School 21, Samarqand shahri, Ibn Sino ko‘chasi, 17A 🏡 Yashash maktab yotoqxonasida 🖍 O‘rinlarlar soni chegaralangan 👉Havola orqali ro‘yxatdan o‘tish lozim 📢8-mart kuni biz saralashning birinchi bosqichi natijalari va ishtirokchilar ro‘yxatini e’lon qilamiz. Yangiliklarni va pochtani kuzatib boring – balki ro‘yxatda aynan sizning ismingiz bo‘lar!

Ҳар бир оила кўриши шарт бўлган кўрсатув! "Субъектив"нинг навбатдаги сони ҳар бир ота-она фарзанди билан ва ҳар бир ўқитувчи кўриши шарт бўлган кўрсатув бўлибди. Унда эшшак миниб 8 километр йўл босиб мактабга илм олиш учун бораётган ва бахтли келажагига ишонаётган болача Рамазон ҳикояси, ҳаётимизни ўзгартираётган устозлар билан интервьюлар ва таълимга доир оғриқли ва қизиқарли фактлар ўрин олган. Рамазоннинг ҳикояси айниқса ҳар куни эрталаб ота-онаси иссиқина машинасида мактабни эшиги тагигача ташлаб кетадиган бироқ илм олишни истамайдиган болалар кўришлари керак. Кўрсатувда кўтарилган оғриқли хожатхона масаласи борасида бир ўй ўтди ҳаёлимдан, юртимизда жуда кўп бойлар бор Масжидлар барпо қилаётган, улар ҳар бир ҳудудда бугун чиройли Масжидлар барпо қилишяпти. Шу саховатли бойларимиздан болаларимизга хожатхона қуриб беришларини сўраган бўлардим. Кўрсатув ижодкорлари унинг якунида #UstozSizgaRahmat челленджига мен ҳам қўшилиб, бошланғич синф устозим, раҳматли Юлдуз опага раҳмат айтмоқчиман. Ва таълимимиз "ЎРТАнча эмас ЭНГ олий даражада бўлиши учун ҳар биримиз максимал даражада ҳаракат қилишимизни тилаб қоламан🤲 Хуллас бу кўрсатувни кечқурун оила даврасида фарзандларингиз билан албатта кўринг! https://www.youtube.com/watch?v=c73U7_i5yBQ #UstozSizgaRahmat