Laylo Rustamova

Ҳеч қачон бошидан бошлашга қўрқманг! Бу сафар сиз нолдан эмас, тажрибадан бошлайсиз! Ажойиб мотивация сўзлари шундай эмасми?! Одатда инсон ҳар доим янгиликдан қўрқади, масалан янги иш бошлашдан, янги ҳаёт бошлашдан ва ҳоказо... Ахборот технологиялари соҳасига киришдан олдин менда ҳам ўзим учун мутлақо янги соҳани тушуниб, жамоатчиликка унинг аҳамиятини етказа олармиканман деган қўрқув бўлган албатта... Лекин барбир янги иш бошлашдан қўрқмаганман... Ижтимоий журналистикадан, автосаноат PRга, Автосаноатдан халқ таълимига, Таълимдан эса Ахборот технологиялар соҳасига... Мен учун янгилик доим қизиқ бўлган. "Комфорт ҳудудидан" чиқишга қўрқмаганман, ана шу ҳудуддан чиқишни билсаккина биз муваффақиятга эриша оламиз. Ҳар қандай соҳада фаолият юритаётган инсонлар билан танишиш, суҳбатлашиш орқали унинг таг замирига кириб бориш мумкин. Нима учун бугун кўпчилик IT соҳасининг бир бўлагига айланишни истайди? Бу соҳа нимаси билан барчани ўзига жалб қиляпти? Ўтган ҳафта мен учун ажойиб тажриба даври бўлди. Ўзбекистоннинг АКТ соҳасидаги энг йирик ва муҳим тадбири ICT WEEK UZBEKISTAN 2024 ҳафталигининг ҳам ташкилотчиси ҳам иштирокчиси сифатида Рақамли ҳукуматдан тортиб, ўйин ва анимация саноатигача бўлган IT соҳасининг деярли барча йўналиши билан танишиб, соҳада муваффақиятга эришаётган инсонлар билан нетворкинг қилиш имкониятига эга бўлдим. Ҳафталик баҳона 4 кун давомида соҳанинг бу бошидан кириб, у бошидан чиқдим. Ҳафталик доирасида ташкил этилган 20 га яқин турли мавзулардаги Форум ва конференцияларнинг бирортасини ҳам ўтказиб юбормасликка ҳаракат қилдим. Халқаро ҳамкорлик Форумлари, ITда таълим, фрилансинг фаолияти, аёллар ва имконияти чекланган шахсларнинг соҳадаги ўрни барчаси мен учун жуда қизиқарли ва муҳим аҳамиятга эга мавзулар бўлди. 4 кун давомида ҳафталикка 20 минг нафар меҳмон ташриф буюргани ҳам соҳанинг нақадар барча учун қизиқарли эканлигини кўрсатиб турибди. Англаганим, АйТининг имкониятлари биз ўйлагандан анча КАТТА ва унда исталган касб эгалари ўз ўрнини топиши мумкин. Ҳафталикда олган энг асосий хулосам шуки, соҳада жуда ҳам кўплаб мутахассисларга талаб жуда юқори! Айтайлик, Рақамли ҳукумат Форумида мутасаддилар Маълумотлар базаси билан ишлайдиган мутахассилар етарли эмаслиги ҳақида кўп гапиришди, Анимация форумида Ўзбекистонда бор йўғи 40 нафар аниматор борлиги айтилди, ногиронлиги бўлган шахслар билан ўтган учрашувда ногиронлик АйТига кириб келиш учун ҳеч қандай тўсиқ эмаслиги ҳақида шундай инсонларнинг ўзидан кўриб, гувоҳ бўлдим. Демак, агар сиз шу соҳада ўзингизни ўрнингизни топмоқчи бўлсангизу иккиланаётган бўлсангиз, қўрқманг, киришинг, ўз устингизда ишланг, тил ўрганинг "Комфорт ҳудудидан" чиқиш осон эмас, лекин ҳаракат билан албатта ҳар қандай тўсиқларни енгиб, муваффақиятга эришишнинг имкони бор. Мен эса АйТи соҳасида кашф этган янги мавзуларим бўйича сизларга қаҳрамонларни кашф қилиб, улар орқали соҳанинг жозибадорлигини кўрсатишда давом этаман... 50 дан ортиқ давлатдан 200 дан хорижий ва маҳаллий компаниялар иштирок этган, майдони 10 минг квадрат метрни ташкил қилган, 300 дан ортиқ юқори мартабали меҳмон ташриф буюрган АКТ соҳасидаги шундай йирик тадбирнинг ташкилотчиларидан бири сифатида яна бир улкан тажриба учун Яратгандан миннатдорман! #Алҳамдулиллаҳ #Менкасбимнисеваман #ITкелажак

Атига 1 сониялик иши учун 300 АҚШ долларигача маош оладиган касб эгалари ҳақида эшитганмисиз? Бу соҳада 2023 йилда 411 млрд АҚШ доллар маблағ айланган. 2024 йилда айланма маблағ 587 млрд АҚШ долларга чиқиши прогноз қилинган. Бу АНИМАЦИЯ соҳаси эгалари! Ўзбекистонда бу соҳани биладиган зўр мутахассилар 40 нафаргина экан. Эртага ICTWeek Uzbekistan 2024 ҳафталиги доирасида Анимация куни бўлиб ўтади! Унда дунёнинг машҳур Walt Disney анимация студиясининг анимация директори Jeff Gordon иштирок этади… Jeff Gordon ижодий фаолияти давомида"Animaniacs", "Pinky & the Brain", "Road Rovers", "The Mummy" ва кўплаб севимли Disney мультфильмлари, жумладан "Mickey Mouse Mixed-up Adventures", "Jake and the Neverland Pirates" va "Chip and Dale's Nutty Tales" каби лойиҳаларда иштирок этган. 📆 19-сентябрь ⌛️ Соат 15:30-16:00 🎤 Креатив саноатда йўл топиш имкониятини қўлдан бой берманг! Анимацияга қизиқадиган барчани таклиф қиламиз! Дарвоқе тадбирга БЕПУЛ автобуслар йўлга қўйилган. Автобуслар қуйидаги манзиллардан жўнайди: https://t.me/ictweekuzbekistan/1106

Машҳур IT ўқув марказларида бепул таълим олишни истайсизми? Кеча бир ўқитувчимиз бир савол билан мурожаат қилдилар: “ICTWeek Uzbekistan 2024 ҳафталигига ўқитувчи ва ўқувчиларни таклиф қилмайсизларми?” деб. Албатта таклиф қиламиз! Айнан эртага ҳафталикнинг сиз учун муҳим куни “IT таълим ва фрилансинг” форуми бўлиб ўтади. Унда ўқувчи ёшлар IT таълим лойиҳалари, муваффақиятли фаолият олиб бораётган фрилансерлар билан учрашувларда қатнашиш билан бирга машҳур IT ўқув марказларида бепул таълим олиш учун ваучерлар ютиб олиш имкониятига бўладилар. Бунинг учун сиз Digital.Edu Рақамли таълимни ривожлантириш Марказининг павильони олдига келиб, бир нечта саволлардан иборат тестдан ўтишингиз керак бўлади. Имкониятни қўлдан бой берманг! Форум соат 10:00 дан 15:00 га қадар давом этади. Форумга келишингиз қулай бўлиши учун шаҳарнинг 5 нуқтасидан бепул автобуслар ташкил қилинган: https://t.me/ictweekuzbekistan/1106 Батафсил маълумот: https://t.me/digitaledu_uz/602

Bilasizmi, IT o'quv markazlarini tamomlaganlar qancha maosh olyapti? 📊2024-yil uchun IT kurs bitiruvchilarni ishga joylashtirish tahlillari: 🟢Ishga joylashish ko‘rsatkichi: Jami 15,393 nafar bitiruvchilardan 4,995 nafari ishga joylashgan, bu esa umumiy 32.47% ko‘rsatkichni beradi. Bu raqobatbardosh mehnat bozorini yoki ijobiy ish bilan ta'minlash imkoniyatlarini ko‘rsatmoqda. 🌍 Ishga joylashgan bitiruvchilarning 8.81% (440 nafari) IT eksport qiluvchi kompaniyalarda ish topgan. 💼 2024-yil uchun eng yuqori maosh to‘laydigan IT kasblari: 1. System administrator: 10 mln. so‘m; 2. Project Manager: 10 mln. so‘m; 3. Mobile Developer: 9,8 mln. so‘m; 4. Database Manager: 9,2 mln. so‘m; 5. AI/ML Engineer: 8,4 mln. so‘m. 📎 AI/ML, kiberxavfsizlik va boshqa sohalarda kuchli talab va raqobatbardosh maosh olayotgan yoshlar ham tobora ko‘paymoqda. * Ushbu ma’lumotlar IT talents dasturi doirasida IT park rezidenti bo’lgan IT o’quv markazlar tomonidan CRM platformasiga kiritilgan ma’lumotlar asosida shakllangan. Darvoqe IT ta'lim va frilansing yo'nalishi sizga qiziq bolsa, u holda 19-sentabr kuni soat 10 da ICTWeek Uzbekistan 2024 haftaligi doirasida CAEx majmuasida o'tkaziladigan Forumga keling! Bepul avtobuslar shu kuni shaharning 5 nuqtasidan har soatda qatnaydi. Avtobuslar jo‘naydigan manzillar. Ma'lumotlar Raqamli Texnologiyalar Vaziri o’rinbosari Rustam Karimjonov sahifasidan olindi.

"Лайло опа, IT курсларнинг яхшилар қайси? Қайси ўқув марказини тавсия эта оласиз?" Деярли ҳар куни дуч келадиган саволларимдан. Бугун ҳам ҳуддий шу савол билан мурожаат қилишди. ICTWeek Uzbekistan 2024 ҳафталиги доирасида ўтадиган "IT таълим ва фрилансинг" форумида айнан шу саволларга жавоб олишингиз мумкин бўлади. 19 сентябрь куни соат 10:00да бўлиб ўтадиган тадбирга, фарзандларингиз ва ўқувчиларингиз билан ташриф буюринг! Унда IT соҳасидаги энг сўнгги таълим тенденциялари билан танишишингиз мумкин бўлади. Дарвоқе, ҳафталик меҳмонларининг қулайлиги учун шаҳарнинг 5 нуқтасидан 3 кун давомида ҳар соатда бепул автобуслар қатнови йўлга қўйилади: Бекатлар билан ушбу ҳаволада танишишингиз мумкин.

♾Азиз аёллар ва қизлар сиз IT соҳасига қизиқасиз, лекин нимадар бошлашни билмаяпсизми? Агар ушбу соҳага бефарқ бўлмасангиз унда сизлар айнан ушбу конференцияда иштирок этишингиз керак! Сизларни 17 сентябрь куни ICT WEEK UZBEKISTAN 2024 ҳафталиги доирасида «IT соҳасида аёллар: Имкониятлар ва муаммолар» мавзусида бўлиб ўтадиган Конференцияга таклиф қиламиз. Унда етакчи экспертлари билан соҳадаги асосий муаммолар, касбий ривожланиш, инновациялар ва етакчилик каби долзарб масалаларни муҳокама этиб, аёлларнинг фаолият йўллари, дуч келган қийинчиликлари ва муваффақиятлари билан танишиш имконингиз бўлади. Мақсад: IТ соҳасида муваффақиятли карьера қуришга интилаётган аёлларни илҳомлантириш ва қўллаб-қувватлаш, шунингдек, тўсиқларни бартараф этиш ва мукаммалликка эришиш стратегияларини муҳокама қилиб тўғри йўл корсатиш. 👩‍💻Азиз аёллар ва қизлар, АТ соҳасида катта тажрибага эга экспертлар билан учрашувлар, суҳбатлар ҳамда муҳокамаларда фаол иштирок этиш имкониятини қўлдан бой берманг. 📝Календарларингизни белгиланг: 17 сентябрь соат 14:00 📍 CАEх мажмуаси Йилнинг энг йирик АКТ тадбирининг бир қисми бўлинг! Дарвоқе ҳафталик кунлари экспомарказга бориш учун бепул автобуслар йўлга қўйилади. Автобус жўнайдиган вақт ва манзиллар ушбу ҳаволада https://t.me/ictweekuzbekistan/1106

"СУВСИЗ ЎЗБЕКИСТОН" НАҚАДАР ДАХШАТЛИ! Шундай эмасми?! Эртага ёмон аҳволда қолмаслигимиз, фарзандларимизга сувсиз Ватан қолдирмаслик учун бу кўрсатувни ҳар биримиз кўришимиз керак. Барча телеканалларнинг прайм таймларида кўрсатиш керак бу кўрсатувни деган фикр келди! Атрофимда сувни увол қилаётган қанчадан-қанча одамлар билан бахсга киришаман, лекин улар буни 1 % ҳам англаб етмаётганини гувоҳи бўламан! Хотиржам ва бефарқ инсонлар жуда кўп, афсуски... Ҳар бир онгли инсонни ўйлантирадиган чуқур таҳлил, таъсирли лавҳалар, аянчли келажак ҳақидаги бу кўрсатув бугун ўзимизни йиғиштириб олишимиз учун сабаб бўлиши керак! Сардорбек Усмонийга катта раҳмат ҳаётий муҳим мавзуни кўтариб чиққани учун! ОБИ ҲАЁТИМИЗ тугаб қолмасин, болаларимизга ўзимиздан кейин сувли Ватан қолдирайлик, Иллоҳим🤲 https://www.youtube.com/watch?v=rBmJZhbquyA&t=26s

Болаларимизга айтиб беришимиз керак бўлган жудаям ибратли ҳикоя экан… Бир замонлар Фучжоу яқинида Юн Су исмли болакай яшаган экан. Унинг отаси вафот этиб, онаси билан ёлғиз қолишган экан. Уларнинг уйлари бўм-бўш, фақирликда турмуш кечирар эканлар. Айрим пайтларда уйларида бир сиқим гуруч ҳам топилмас экан. Юн Су таълим олиш ёшига етибди, лекин унда на қоғоз, на сиёҳ, на ёзиш учун чўпқалам бор экан. Шундай бўлса-да, Юн Су “ўқийман”, дея қатъий аҳд қилибди ва қашшоқликка чап бериш йўлларини излай бошлабди. У билардику, қашшоқликдан, ночорликдан қутилишнинг ягона йўли бу илмдир. Сабаби агар келажакда боллари ўзига ўхшаб камбағалликда яшашини хохламаган. Эртасига эрталаб бадавлат қўшнисининг ёнига келиб, шундай дебди: “Эшитишимча, уйингизга хизматкор излаётган экансиз. Илтимос, мени ёлланг! Тўғри, ёшим катта эмас, лекин шунга яраша кўп нарса ҳам сўрамайман: ҳар замонда ўғилларингиз қандай ўқиётганини кўриб турсам бас, шунинг ўзи кифоя”. Бой “текин хизматкор топилди”, деб ҳурсанд бўлиб, розилик берипти. Юн Су бойнинг уйида эртадан кечгача меҳнат қилар экан. Ҳамма ифлос ва оғир ишлар унинг зиммасида экан. Лекин Юн Су аҳён-аҳёнда хўжайини фарзандларининг китобларига кўз ташлаш имконига эга бўлар экан. Баъзида эса унга дарсларни тўлиқ тинглаш ҳам насиб қилар экан: ўқитувчи келганида Юн Су бурчакка беркиниб олиб, дарсни кузатар ва шу тариқа билим олар экан. Бир йилдан кейин у сўзларни мустақил таҳлил қила бошлабди. Лекин бахтга қарши у ёзишни билмас экан! Ёзадиган нарсаси ҳам йўқ экан. Юн Су “нима қилиш мумкин?”, дея ўйланиб қолибди ва ечимини топибди. Юн Су онаси билан денгиз бўйидаги кичкина уйчада яшар экан. Денгиз тўлқинлари қирғоқдаги қумни кун давомида текислар экан. Шундан фойдаланиб, Юн Су узун таёқни олиб, қирғоққа келибди. Чаққонлик билан қумга сўз ёзибди. Тўлқин келиб, сўзни ювиб кетибди. Болакай яна ёзибди – бошқа тўлқин сўзни яна ювиб кетибди. Бу тарзда у қалам ва қоғозсиз битмас-туганмас сўзлар ёзиши мумкин эканлигини тушунибди. Лекин энди унда китобга эҳтиёж пайдо бўлибди. Кунлардан бирида Юн Су бой хўжайинининг ёнига бориб, шундай дебди: “Мен хонадонингизда текин хизмат қилдим – энди менга ҳақ тўлашингизни сўрамоқчиман: менга китобларингизни ўқишга рухсат берсангиз, мен яна бир йил сизга бепул ишлаб беришга розиман”. Хўжайин бундай наф келтирадиган хизматкорни йўқотиб қўйишдан қўрқиб, рухсат берибди. Энди Юн Суда китоб ҳам бор экан. Кўпинча у қоронғи тушгунча ишлашга мажбур бўлар, тундагина ўқишга вақт топар экан. У шунчалик йўқсил бўлган эканки, ҳатто чироқ учун ёғ ҳам сотиб ололмас экан. Бироқ Юн Су таслим бўлмабди. У ой ёруғида ўқиб, ёзишга одатланибди. Ой бўлмаганида эса Юн Су кечаси ялтираб кўринадиган қуртларни ўтлар орасидан териб олиб, уларни қоғоз фонусга солиб қўяр экан. Шу ҳашоратларнинг кучсизгина ёруғи остида тиришқоқ Юн Су тунда мутолаа қилишни давом эттирар экан. Орадан кўп йиллар ўтибди. Юн Су ўз ниятига етибди – буюк олим бўлиб етишибди. Ва ҳали-хануз одамлар камбағал кичкинтой Юн Сунинг тиришқоқлигини ёдга олишар экан. Отабек Хасановнинг “Лидерлар китоби”дан олинди

https://www.youtube.com/watch?v=jEfTohUPAkU&t=519s

Texnologiyani bilmagan qizlar ham IT sohasida muvaffaqiyatga erishishi mumkin...mi? Qizlar o‘zlarini qobiliyatlariga past baho berishadi, lekin IT sohasida aynan qizlarga talab juda katta... — deydi IT, telecom va digital sohasida 10 yillik tajribaga ega, Future Open Technology Group fintech kompaniyasi IT rekruteri Jazgul BAYMATOVA. IT ta'lim uyushmasi tajribali IT rekruter bilan: ✅Qizlar IT sohasining aynan qaysi yo'nalishlarida muvaffaqiyat qozonayotgani; ✅aynan qaysi yo‘nalishlari ular uchun qiziq bo‘layotgani; ✅ayollar va erkaklar kutayotgan maoshdagi farq; ✅qizlar zarur bo‘lgan IT'dagi TOP 5 yo‘nalishlar haqida gaplashdik. 📝Shuningdek undan muvaffaqiyatga erishish bo'yicha TOP 5 maslahat oldik. Suhbat aynan qizlar uchun! 🎞To'liq suhbat ushbu quyidagi havolada: https://www.youtube.com/watch?v=jEfTohUPAkU&t=214s

ICTWEEK UZBEKISTAN 2024 haftaligida Sizlarni qanday qiziqarli voqealar kutmoqda? Batafsil👉https://t.me/ictweekuzbekistan/1093

Байрамингиз муборак бўлсин! Аллоҳим Ватанимизни ёмон кўзлардан, бало-ю офатларидан асрасин🤲