Laylo Rustamova

ТИББИЁТ ва ТАЪЛИМ соҳаларида СУПЕР контракт деган нарсани йўқ қилиш ва хусусий университетларда ҳам бу йўналишлар учун қатъий талаблар қўйиш ЗАРУР! Бу соҳаларда ҳақиқий билими борлар ўқимас экан келажагимиз хонавайрон бўлади...

https://www.youtube.com/@LayloRustamovaEdu 📹Youtube каналимда Сизлар учун фойдали интервьюлар жойлаб боришга ҳаракат қиляпман. Сиз ҳам обуна бўлсангиз ҳурсанд бўламан 😊

Орамизда LinkedIn тармоғидан ҳали ҳам фойдаланмайдиганлар ва уни имкониятларидан бехабарлар борми? ⚠️Унда буни кўришингиз керак LinkedIn қандай тормоқ ва ундан максимал даражада қандай фойдаланиш мумкин? Ўз соҳасида энг етакчи эксперт бўлганлар шу мавзуда БЕПУЛ онлайн конференция ўтказишмоқда. Унда қуйидагилар ҳақида билиб олишингиз мумкин: ✅ LinkedIn орқали хорижда иш топганлар, ✅ B2B хизматларини сотадиган ва халқаро ҳамкорликлар ўрнатадиганлар, ✅ Фаол жамоалар ва реклама воронкаларини яратадиганлар, ✅ Шахсий брендини ўн минглаб обуначиларгача ривожлантирганлар. Ушбу конференцияда сиз Иш қидириш ва савдо стратегияларини ўрганиш билан бирга янги танишувлар ва ЭНГ ЗЎР халқаро даражадаги экспертлар билан мулоқот қилиш имкониятига эга бўласиз. ⏰Конференция 4 апрель Жума куни соат 14:00 да жонли эфирда ушбу ҳаволада бўлиб ўтади: https://www.youtube.com/watch?v=A5Rz-wL5RHA Иштирок этиш мутлақо бепул. Дарвоқе LinkedIn тармоғида профили борлар изоҳда ҳавола қолдирсангиз у ерда ҳам "алоқа" ўрантволардик сиз билан.

"Ойи, мен сантехник бўлмоқчиман — 5 ёшли ўғлимнинг танлови мени ўйлантириб қўйди..." IT компанияда HR мутахассис сифатида фаолият юритаётган Мадинанинг ўғилчаси Феруддин онасининг барча шарт-шароитларга эга замонавий офисига "ташрифдан сўнг", онасининг "Катта бўлганингда ким бўласан?" деган саволига бир зум ҳам иккиланмай сантехник дея жавоб қайтарган. Мадина эса келажакда ҳатто Роботлар билан ДЎСТОНА алоқалар ўрнатиш бўйича мутахассисларга талаб бўлиши мумкин деган фикрда. Хўш, меҳнат бозоридаги ЭНГ сўнгги трендлардан доимий хабардор бўлган ва Ўзбекистоннинг ЭНГ йирик IT компаниясида фаолият юритаётган мутахассис ўғлининг "касб танловига" қандай муносабатда? Мадина билан сўнгги йиллардаги меҳнат бозори тенденциялари ҳамда 10 йилдан кейин рақобатбардош кадр бўлиш сирлари ҳақида гаплашдик. Тўлиқ суҳбатни қуйидаги ҳаволада томоша қилишингиз мумкин: https://www.youtube.com/watch?v=JzqZ6WSXBdU Хўш, сизнингча келажакда маиший касбларга талаб қандай бўлади?

Рамазон Хайити барчамизга муборак бўлсин! Қутлуғ ойда қилган барча эзгу орзу-ниятларимиз ижобат бўлиб, кейинги йил моҳи Рамазонга бағри бутунликда, қаторимиздан аритмасдан етказсин Аллоҳим. Оилаларимиздан файз ва барака аримасин, дардманларга шифо, фарзандталабларга фарзанд, бахтталабларга бахт ато этсин Аллоҳим🤲 Ҳайит айёмингиз муборак бўлсин!

30 март - Рамазон ҳайитининг биринчи куни Жорий йилда Рамазон ҳайитининг биринчи куни 30 март – якшанба кунига тўғри келиши ҳақидаги Ўзбекистон мусулмонлари идорасининг ахбороти маълумот учун қабул қилиниб, Рамазон ҳайити байрами мамлакатимизда 2025 йилнинг 30 март куни нишонланади. Бу ҳақда Ўзбекистон Республикаси Президентининг Қарори имзоланди. Ўзбекистон Республикаси Меҳнат кодексининг 208-моддасига мувофиқ: (а) ишланмайдиган байрам куни ҳисобланувчи Рамазон ҳайитининг биринчи куни 2025 йилда якшанба – дам олиш кунига тўғри келиши муносабати билан ушбу дам олиш куни 31 март – душанба кунига кўчирилди.

21 ёшида ўзининг IT компаниясига асос солган қиз Бийбиназ. У бу йил Президентимиз қўлидан Зулфия номидаги Давлат мукофотини қабул қилиб олди. Хўш, Бийбиназнинг АйТига қизиқишига нима сабаб бўлган? Батафсил

“Автоҳалокат ҳаётимни ўзгартириб юборди”: новвойликдан дастурчиликка... “Дастурчига на диплом ва на сертификат керак”, деб ҳисоблайди сирдарёлик фуллстак дастурчи Бахтиёр Душаев. Бахтсизлик ҳам қайсидир маънода ҳаётимизда бизга берилган янги имконият эканлигини Бахтиёр Душаев билан юз берган ҳодисадан кўришимиз мумкин. 2016 йилда автоҳалокатга учраб, мўъжиза сабаб тирик қолган Бахтиёр Душаев 6 ой давомида уйда ўтириб, интернет тармоғидан унумли фойдаланиш йўлларини излади. “Ўша пайт ўзим учун IT соҳасини кашф қилдим ва нима бўлганда ҳам албатта уни ўрганаман деб ўзимга сўз бердим... Ҳаммасини нолдан мустақил ўрганиб, фрилансер сифатида ишлашни бошладим” Ҳозирда Бахтиёр Душаев, дастурчилик билан бир қаторда ёшларга ҳам ушбу соҳани ўргатадилар. "Мени дастурлашдан билимни олган бола албатта келажакда ватанига, ота-онасига рахмат эшиттирадиган инсон бўлишини чин дилдан хохлайман. Кўплаб компаниялар билан алоқадаман ва бўш вакансиялар ҳақида маълумот олиб уларга ўқувчиларимни максимал тайёрлашга ҳаракат қиламан. Бу соҳани ўрганган одам 1 йилдан сўнг IT (айти) компанияларга ишга ўтиб давру даврон кезади", дейди Бахтиёр Душаев. Мени атрофимда ушбу касбни танлашнм истаб, ўзига ишонмаётганлар бор, Бахтиёр сўзлаб берган бу ҳикоялари кимгадир “ҳеч қачон кеч эмаслигини” яна бир бор исботлаши шубҳасиз… Биз қаҳрамонимиз билан Zoom ёрдамида суҳбат қилдик, суҳбат ҳаволаси: https://www.youtube.com/watch?v=ys2jmc_M7Tg

"Лайло опа, сизга бир ёрдам сўраб ёзаётган эдим.... Ўтган йили Тошкентда Марказий банк раҳбари ташаббуси билан банклар ҳомийлигида 100 тача кутубхона ташкил қилинган эди. Шу сабабли мен ҳам бирорта банк ҳомийлигида Марказимиз олдига Кутубхона қилдириб беришни илтимос қилмоқчи эдим. Бу қишлоғимиз ёшлри учун нафақат кутубхонадан фойдаланиш имконияти балки Марказимиз ёшлари учун қўшимча тўгараклар ташкил қилиш имконини берармиди" — деб ёзди Фарғона вилояти, Фарғона тумани узоқ Водил қишлоғидан бўлган Islomjon Muhammadjonov. Марказимиз жуда кичкина, лойиҳалар қилишимиз учун жой етмаяпти, иложсизликдан тунги 11-12 гача қолишимизга тўғри келяпти. Кутубхона бўлганида эда янада кўпроқ ёшларни ўқитишимиз учун яхши имконият бўлар эди. Исломжон ТАТУ Фарғона филиали талабаси. У ўзининг қишлоғидаги ёшлар учун ўзи бир вақтлар орзу қилган “Obod ta’lim” ўқув Марказини ташкил қилиб, бу ерда кўплаб ёшларга БЕПУЛ равишда замонавий касбларни ўргатишни йўлга қўйган. Бугунга қадар қарийб 150 нафар ёшлар График дизайн, Web дизайн, Мобилография, Компьютер саводхонлиги ва инглиз тилидан бу ерда БЕПУЛ таълим олган. Айни дамда Марказда 40 дан ортиқ ёшлар БЕПУЛ таҳсил олмоқда. Исломжоннинг бу илтимосини пост сифатида ёзиб қолдиришга қарор қилдим, балки бирор саховатли инсон чекка қишлоқ ёшлари замонавий касб ўрганиши учун ана шундай маскан қуриб беришни истаса шу муборак кунларда зўр саховат қилган бўлар эди. Айтишадику, агар кимдир сиздан ёрдам сўраса, унга балиқ эмас, балиқ тутиш учун қармоқ беринг деб. Исломжон ташкил этган ўқув Марказ ҳам ёшларга ана шундай қармоқ тутишни ўргатиш билан шуғулланаётган илм маскани.

Бадавлат бўлмай туриб ҳам бой яшаш мумкинми? Кўпчилик бошқаларни бой қилиш учунгина яшаётганини англамай, ўзини кўп нарсага қурби етмайдиган одамдек ҳис этади. Дэвид Бахнинг "Латте омили"ни ўқиб чиқдим. Аслида раҳматли бувижоним менга қачонлардир ўргатган ва мен бугунги кунда амал қилишни унутиб қўйган омиллар экан. Менинг ойлик харажатимни кўриб, ушбу китобни дарҳол ўқиб чиқишимни тавсия қилиб, молиявий саводхонлигимни қайта кўриб чиқишимга ёрдам берган Моҳира Нуруллаевага алоҳида раҳмат! Мен китобда ўқиганларимга албатта амал қилишга ҳаракат қиламан Бугун ўзининг молиявий аҳволидан қониқмаётган барчага ушбу китобни ўқиб чиқишни тавсия қиламан.

Фарзандларингиз билан гўё улар дунёдаги энг доно, энг меҳрибон, энг гўзал одамлардек гаплашинг. Сизга ишониб, улар ҳақиқаттан ҳам шундай бўлиб улғаядилар🤲 Ибратли маслаҳат экан... Дарҳақиқат фарзанд тарбияси дунёдаги энг нозик иш. Бу ишга бўлган эътиборсизлик қимматга тушиши шак-шубҳасиз!

📣Upwork platformasida40 ming AQSh dollar topgan top freelancerbilan jonli muloqotni o’tkazib yubormang! ⏰ Bugun, 22-Mart (Shanba) VAQT: 🇺🇿 UZB vaqti: 19:00 | Olimbek Nizomov, xalqaro darajadagi Full Stack dasturchi hamda Upworkda top-rated freelancer. 🟢Olimbek JONLI suhbat davomida ✔️Upworkda $40k daromadga chiqish sirlari bilan bo'lishadi. Upwork - butun dunyo bo'ylab odamlar geografik joylashuvidan qat'i nazar hamkorlik qilishlari mumkin bo'lgan frilanserlar va mijozlar uchun mashhur platforma. Bu frilanser dunyosida asosiy rol o'ynaydi, erkin ishlash imkoniyat beradi. 🎥 Jonli suhbat havolasi: 👉https://www.youtube.com/live/gSBiJu-G9eE 🔔 Do'stlarga ulashib, bildirshnomani yoqib qo'ying.