Rahimjon Ali

"Таважжуҳ" ҳақида гаплашамизми?

"Мол-дунёни яхши кўрсанг, ҳисоб-китобни ҳам унутма! Қасрларни яхши кўрсанг, қабрларни ҳам унутма! Маъсият ва гуноҳларни яхши кўрсанг, тавбани ва гуноҳларни кечирувчини ҳам унутма! Махлуқни яхши кўрсанг, Холиқни ҳам унутма! Дунёни яхши кўрсанг, охиратни ҳам унутма!" @Rahimjon_Aliy

Ҳафс ибн Умар Жаъфарий айтади: «Довуд Тоий бетоб бўлиб қолди. У жаҳаннам зикр қилинган бир ояти каримани кечаси билан такрор-такрор ўқиб, эрталаб бетоб бўлиб қолибди. Қўшнилари, қариндошлари ҳовлига киришса, у бошини бир хом ғишт устига қўйган ҳолда жон таслим қилган экан. Қўшнилар билан бирга кирган Ибн Саммок унга қараб: «Эй Довуд, қориларни уятга қўйдинг-ку!» деди. Довуд Тоийнинг жанозасига жуда кўп одам ҳозир бўлди. Тобутни кўтариб, қабристонга олиб кетишди. Ибн Саммок унга қараб: «Эй Довуд, нафсинг сени қўлга олишидан олдин сен уни жиловлаб олган эдинг. Ҳисоб-китоб бўлишидан аввал нафсингни ҳисоб-китоб қилиб олган эдинг. Бугун савобинг ўзинг орзу қилгандек бўлди. Бундай натижа учун сен тинимсиз амал қилдинг», деди. Абу Бакр ибн Айёш: «Аллоҳим, Довуднинг қилган амаллларини бесамар қилмаган!» деб дуо қилди. Ўша ердаги одамлар ҳам унинг дуосига «Омин» деб туришди. @Rahimjon_Aliy

Қиёмат кунида инсоннинг: "Ё Аллоҳ! Мени солиҳлардан қилгин, деб дуо қилган эдим-ку", дея олиши дуонинг фойдаларидан биридир. Бу одамнинг узри қабул қилинади. "Тасаввуф ва сулук" китобидан https://t.me/Rahimjon_Aliy

Орифлардан бири, бир кишини, бир қабр устида йиғлаб ўтирганини кўриб, ундан: "Нима учун йиғлаяпсан?" - деб сўради. У киши: "Бу қабр соҳибини ҳаётлик вақтида қаттиқ яхши кўрардим, уни вафотига ҳеч тоқат қилолмаяпман!" - деди. У ориф зот: "Сен ўладиган инсонни яхши кўриб нафсингга зулм қилибсан, агар сен асло ўлмайдиган Зотни яхши кўрганингда ҳеч қачон Унинг фироқи ила ёнмаган бўлардинг!" - дедилар. @Rahimjon_Aliy

Ҳар нарсани уқубати, азоби бордир. Орифларнинг уқубати зикрдан кесилмоқларидир. Суфён Саврий раҳимаҳуллоҳ @Rahimjon_Aliy

Тасаввуф — барча паст хулқлардан чиқиб, барча покиза хулқларга кирмоқдир. Жўнайд Бағдодий қуддиса сирруҳу @Rahimjon_Aliy

Чиройли одоб — Парвардигор ғазабини ўчирур. Суфён Саврий раҳимаҳуллоҳ @Rahimjon_Aliy

Дунё хазиналарини калити Пайғамбаримиз соллаллоҳу алайҳи ва салламнинг қўлларида эди. У зот асҳоби киромларни жуда ҳам улуғ мартабада тарбияладилар. Ва уларга зоҳирий ва ботиний илмларни қолдирди. Улар шунчалик покландиларки, ҳатто баъзи пайғамбарларнинг мартабасига яқин қолдилар... #иқтибос @Rahimjon_Aliy

Салафи солиҳлардан бирлари айтади: "Махфий ибодатлар собит қадамликнинг энг катта сабабидир". @Rahimjon_Aliy

Басралик обида Муъозa ҳақида Заҳабий айтади: «Бизга етиб келишича, у кечаларни ибодат билан ўтказар эди. У шундай дерди: — Қабр зулматида узоқ муддат ухлашини билиб туриб, кечалари (намоз ўқимай) ухлаб ётадиган кўзларга ҳайрон қоламан». @Rahimjon_Aliy

Имом Заҳабий роҳимаҳуллоҳ айтади: "Абу Ҳанифага: «Аллоҳдан қўрқинг!» деб айтилди. Шунда у зотнинг ранги ўзгариб бошини қуйи солиб қолди. Кейин: "Аллоҳ сени яхшилик билан мукофотласин! Одамлар шундай сўзларга доим муҳтожлар", дедилар. @Rahimjon_Aliy