Rahimjon Ali

Бисмиллаҳир Роҳманир Роҳийм 1. Албатта Биз Уни қадр кечасида нозил қилдик. 2. Лайлатул қадр нима эканини Сиз қаердан билар эдингиз? 3. Лайлатул қадр минг ойдан яхшироқдир. 4. Унда фаришталар ва Руҳ Парвардигорилари изнига кўра барча иш билан тушадилар. 5. У (кеча) токи тонг отгунча омонликдир. https://t.me/rahimjon_aliy

Ассалому алайкум ва роҳматуллоҳи ва барокатуҳ! Азизлар, муборак кунларнинг муборак кечаси муборак бўлсин!

АСҲОБИ СУФФАНИНГ ФАЗИЛАТИ Асҳоби Суффа — Масжиди Набавийнинг суффа (айвон) қисмида яшаган, Қуръони Карим илмини ўрганган ва Расулуллоҳ саллаллоҳу алайҳи васалламнинг дарслари ҳамда суҳбатларидан бемисл фойда олган саодатли зотлар эдилар. Мадинаи Мунавварага келган бу зотларнинг на уй-жойи бор эди, на яқин қариндошлари. Улар учун дунёдаги энг улуғ машғулот — Аллоҳнинг Китобини, Росулуллоҳнинг суннатларини ва дин ҳукмларини ўрганиш, ўз ораларида муҳокама қилиш ва бошқаларга ўргатиш эди. Асҳоби Суффа шундай жамоа эдики, уларнинг ахлоқи, фоний ва ўтиб кетувчи дунёвий нарсаларга майл қилишдан мутлақо пок эди. Қалблари охират хавотирига тўла бўлган. Ҳеч қандай мол ва савдо уларни Аллоҳнинг зикридан тўсмасди. Қўлга киритаолмаган дунёвий нарса учун қайғурмасдилар, қўлларига тушган дунёликка ҳам кўп хурсанд бўлмасдилар. Улардан кўплари Расулуллоҳ соллаллоҳу алайҳи васаллам даврларида қўмондонлик, элчилик каби юксак хизматларда ҳам бўлганлар. Нафсларини ёмон хулқлардан поклаб, яхши ахлоқлар билан безатган эдилар. Асҳоби Суффадан бўлган Абу Саид ал-Худрий розияллоҳу аънҳу ҳикоя қиладилар: “Бир куни Асҳоби Суффадан баъзиларимиз бир жойга тўпландик. Орамиздан бири Қуръони Карим оятларини ўқий бошлади ва бизларни Аллоҳни зикр қилишга даъват қилди. Шу пайт Росулуллоҳ соллаллоҳу аълайҳи васаллам ҳузуримизга келдилар. Муборак бармоқлари билан давра шаклини чизиб, давра бўлиб ўтишимизни ишора қилдилар. Дарҳол у зот атрофида давра бўлиб ўтирдик.” Сўнгра у зот: “Бироз олдин ораларингда нима муҳокама қилаётган эдинглар?” — деб сўрадилар. Биз: “Фалончи Қуръон оятларини ўқий бошлади, бизларни Аллоҳ таолони зикр қилишга чақирди,” — дедик. Шунда Росулуллоҳ соллаллоҳу аълайҳи васаллам марҳамат қилиб дедилар: “Хўш, энди олдин қилган ишларингизни яна такрорланг. Мен Аллоҳнинг раҳмати сизнинг устингизга тушаётганини кўрдим. Жаноби Ҳақ рози бўлган шундай бир амалда сизларга ҳамроҳ бўлишни хоҳладим.” https://t.me/rahimjon_aliy

Қанчадан-қанча қувноқ, мамнун одамлар бор, уларнинг қувноқлиги улар учун омадсизлик. Яна қанча ғамгин, маҳзун қалблар бор, уларнинг бу қайғуси нажотдир. Абу Бакр ад-Даккий роҳимаҳуллоҳ @Rahimjon_Aliy

Агар бандалар Аллоҳнинг улуғлигини тафаккур қилганларида эди, асло У Зотга осий бўлмасдилар. Бишр Ҳофий қудиса сирруҳу @Rahimjon_Aliy

"Албатта, инсонлар денгизлардир. Бас, уларнинг туби (қалби) ҳақида ҳукм чиқарма. Сен фақат уларнинг қирғоқларинигина кўрурсан, холос". https://t.me/rahimjon_aliy

"Раҳматим эса ҳамма нарсадан кенгдир". Аъроф сураси, 156-оят https://t.me/rahimjon_aliy

"Албатта, Парвардигорим яқин ва ижобат қилгувчироқдир". Ҳуд сураси, 61-оят https://t.me/rahimjon_aliy

Фақатгина сенга керак бўлган нарсани ол, қолгани юкдир. Али ибн Абу Толиб розияллоҳу анҳу https://t.me/rahimjon_aliy

Ҳама обод бўлди, бўлмадим обод дастингдин, Ки мен ҳар қайга борсам, дод этарман, дод дастингдин... Бобораҳим Машраб қуддиса сирруҳу https://t.me/rahimjon_aliy

Шариат дейди: Сеники — сенинг, меники — менинг. Тариқат дейди: Сеники — сенинг, меники ҳам — сенинг. Маърифат дейди: На меники бор, на сеники. Ҳақиқат дейди: На сен борсан, на мен. Шамс Табризий роҳматуллоҳи алайҳи https://t.me/rahimjon_aliy

Ҳақиқий иймон — бу дунёнинг рангларига бўялмасдан, у дунёнинг нақшларини кўра олганлар ва ўша илоҳий оламнинг садоларини эшита олганларнинг иймонидир. Шамс Табризий қуддиса сирруҳу https://t.me/rahimjon_aliy