Laylo Rustamova

Қамашидан Қоракўлга АйТини ўрганиш учун борган қиз Севинч Юлдошова 19 ёшда. Қашқадарё вилоятининг Қамаши туманида туғилиб, вояга етган. Айни дамда у Бухоро вилояти Қоракўл туманидаги АйТига ихтисослаштирилган Acharya University Uzbekistan'нинг 1- босқичида таҳсил олади. Севинч Юлдошова 19 ёшда. Қашқадарё вилоятининг Қамаши туманида туғилиб, вояга етган. Айни дамда у Бухоро вилояти Қоракўл туманидаги АйТига ихтисослаштирилган Acharya University Uzbekistan'нинг 1- босқичида таҳсил олади. Севинчнинг мақсади Ачарья университетида АйТини мукаммал ўрганиб келажакда Google, Microsoft, IBM каби йирик компаниялада фаолият юритиш. “АйТига болалигимдан қизиқиб келаман ва унинг кўп сирларини билиш мақсадида ҳам АйТи соҳасига қизиқишим уйғонган. Ачарьядаги замонавий шароитлар, малакали ҳамда талабчан ўқитувчилар, чет элга бориб малака ошириш имконияти эса мени айнан шу ерни танлашимга сабаб бўлган. Университетнинг бошқа таълим даргоҳларидан фарқи бизда Ҳиндистондан келган малакали ўқитувчилар дарс беради. Ҳозир ушбу таълим даргоҳининг Data analyst йўналишида таҳсил оламан. Ота-онам доим мени яхши жойда ўқишимни тарафдори, шунинг учун менинг танловимни қўллаб-қувватлашган. Ўқиган инсон доим дунёга бошқача кўз билан қарайди, шунинг учун ҳар бир қиз турмушга чиқишдан олдин албатта илм эгаллаши шарт деб ўйлайман”. Айтиш жоизки, Бухоро вилояти Қоракўл туманидаги Ачарья Университети талабаларга BTech дастури бўйича да 4 та йўналишда ( Computer Science, Data Science, Cloud Computing, Artificial Intelligence) таълим бермоқда. Университетда Ҳиндистондан таклиф этилган 25 нафар профессор-ўқитувчи дарс беради. Келгусида Ачарья университети Айти соҳаларга интеграциялашган таълим дастурларини жорий қилиш, жумладан медицина ва ахборот технологиялари, роботомедицина, телемедицина, экология ва ахборот технологиялари соҳаларида мамлакатимиз учун зарур бўлган рақобатбардош кадрлани етиштирш ҳамда Қоракўл туманини мамлакатимиз Силикон водийсига айлантириш учун илмий марказ бўлишни режа қилмоқда. Университет директори Лазиз Хўжакуловнинг айтишича, Севинч каби умуман бошқа узоқ ҳудудлардан келиб Ачарьяда таълим олаётган қизлар кўп ва бу қизларнинг ўқиши, баҳолари, интилишлари ва соҳага қизиқиши йигитларникидан баландроқ экан. Биз эса ана шундай АйТини ўрганиш учун оиласидан йироқда, бошқа бир чекка ҳудудга бориб илм ўрганаётган барча қизларимизга омад ва зафарлар тилаб қоламиз.

"Энг кичик меҳрибонлик энг катта ниятдан қимматлидир" — Фарзандларингизни меҳрибон бўлишга ўргатинг. Шу видео роликни кўрсам ҳар сафар таъсирланаман. Меҳрибонликка ўргатиш - бу боланинг ҳиссий интеллектни ривожлантириш демакдир (ҳамдардлик кўрсатиш ва ўзгаларнинг ҳис-туйғуларини тушуниш). Бундай ҳаракатлар нафақат боланинг атрофдагилар билан муносабатларини, балки ўзига нисбатан баҳосини ҳам кўтаришга хизмат қилиши мумкин.

Бизга баъзи инсонларнинг асл қиёфасини кўрсатадиган вазиятлар борлиги учун ҳам раҳмат. Иккиюзли инсонлардан Ўзи йироқ қилсин🤲 #Мысливслух

Sherzod Shermatov O‘zbekiston Respublikasi raqamli texnologiyalar vaziri lavozimiga ma`qullandi

"Пётр I открыл окно в Европу, а Вы в нас любовь к Истории" Бугун қизим "Тарих" устозига мана шу Дилномани тайёрлаб кетди. Қизларимни устозларига меҳрини кўрганимда, улар ҳақида "кўзлари ёниб" гапириб берганларида мен ўзимни жудаям бахтиёр ҳис қиламан ва ғойибона мен ҳам шу устозларини яхши кўраман ва дуо қиламан. Болалар яхши кўрган ўқитувчиларидан билимни яхшироқ ўрганадилар. Ҳақиқаттан ҳам яхши ўқитувчи нафақат яхши билим беради, балки болаларни яхши кўриб, ўзи ўргатаётган фанига нисбатан меҳр уйғота олади. Бир ўқитувчида Физикани ёмон кўрган бола, бошқа бир ўқитувчида уни яхши кўриши ва ҳатто буюк физик бўлиб етишиши мумкин. Демак, боланинг келажакда ким бўлиши, қайси касбни эгаллаши айнан мактабдаги ўқитувчиларига боғлиқ. Доим айтаман, бежизга айнан Ўқитувчига нисбатан "Фидойи" деган таъриф ишлатилмайди, сабаби улар ҳеч нарсага қарамай болаларни севади ва уларга илм беради. Ҳар бир устоз ўқувчиларининг севимли ўқитувчиси бўлсин! P.S. Қизимнинг ёзуви учун айбга буюрманг, мени ёзувим бундан минг чадон ҳуник. Унинг айтиши бўйича "ақлли" одамлар чиройли ёза олишмаскан 😂

Шахсан ўзимга Ватаним байроғини юксакларга кўтариш бахти насиб қилмаган, лекин уни катта мусобақаларда қатнашиб, хилпиратишни уддалаётган ҳар бир юртдошимни яхши кўраман ва ҳурмат қиламан! Байроғимизни халқаро ареналарда юқорига кўтараётган ёшларимиз сони кўпайиб, миллий рамзимиз юксакларда хилпирайверсин! Ватаним байроғи қабул қилинган кун муборак бўлсин! Суратда информатика бўйича Европа қизлар олимпиадасида (EGOI) илк бор иштирок этган терма жамоамиз аъзолари.

Билл Гейтс, Павел Дуров ва Марк Цукербергни ҳамма билади. Бу машҳур дастурчиларнинг барчаси катта ёшдагилардир. Нима деб ўйлайсиз, болалар орасида ҳам болалик пайтидан машҳур ва бой АйТи мутахассисларига айланганлар борми? Ҳа бор! Улардан бири Жордан Кейси. У мактабда ёмон ўқиган ва доимий вақтини компьютер олдида ўтказган. Шундай қилиб у 9 ​​ёшидан дастурлашни ўрганиб, 12 ёшида Alien Ball VS Humans ўйинини яратган. Бу ўйин iTunes'да бестселлерга айланган. Бугунги кунда Кейси долларлик миллионер, унинг ўзининг Casey Games IT компанияси ва бир нечта стартаплари бор. Айтганча, у ҳозир 24 ёшда. Сиз ҳам ўзимизнинг ёшлар орасида шундай иқтидорларни биласизми? Билсангиз улар ҳақида ёзиб қолдиринг.

Бугун эрталабдан ишхонамиздаги ҳамкасбларим нима сабабдандир "Covid" пандемияси даврини эслашни бошлашди... Ўша кунларни тилга олдик. Пандемияда ҳамма бир-биридан жирканганини, кўчалар ҳувиллаб қолганини, моргларда яқинларини олиб кетишга қийналган инсонларни... Ҳаёт қанчалар бешавқат, одамзоднинг умри қанчалик омонат. Бу бало қанча инсонларнинг яқинларидан айириб, "ёстиғини қуритди"... Мен бу офат курсдошим, яқин дўстим Жавохирни орамиздан олиб кетганини эсга олдим, ва бу хотирлаш бежизга эмас экан... Бугун Жавохир тирик бўлганида ўзининг таваллуд кунини нишонлаётган бўлар эди. Мен фурсатдан фойдаланиб унинг ортида қолган фарзандларига оталарининг умрини қўшиб беришини, камида оталари каби етук инсон бўлишларини тилаб қоламан. Жавоҳир, жойларингиз жаннатдан, охиратингиз обод бўлсин🤲

Oquvchi qizning Disleksiyaholatidagi bolalar uchun yaratgan loyihasi IV Butunahon kreativ iqtisodiyot konferensiyasining startaplar tanlovida g‘olib bo‘ldi Toshkent viloyati Yuqorichirchiq tumanidan bo‘lgan Oyshabonu Narzullayevaning Disleksiya holatidagi bolalarga moslashtirilgan o‘quv vositalarini taqdim etishga mo‘ljallangan ta’lim ilovasi O‘rta Osiyoda yagona loyiha hisoblanadi. Disleksiya – o‘qish jarayonini qisman o‘zgacharoq tarzda buzilishidir. Ushbu holatda bola harflarni tanishda, undan bo‘g‘in va so‘z yasash, shuningdek, o‘qiganlarini tushunmaslikda yaqqol namoyon bo‘ladi. Ya’ni, u so‘zni to‘g‘ri o‘qiy olmaydi. Qolaversa, harfni tovush bilan bog‘lolmaydi, o‘qigan matnini esa tushunmaydi. IT Park Uzbekistan, San’at va madaniyatni rivojlantirish jamg‘armasi hamda Yoshlar ishlari agentligi hamkorligida tashkil etilgan kreativ startaplar tanlovi IV Butunahon kreativ iqtisodiyot konferensiyasining muhim qismi bo'lib, unda 170 dan ziyod loyiha mualliflaridan arizalar kelib tushgan. Ular orasidan kreativ iqtisodiyot sohasida ijodkorlik, innovatsiya va dolzarblikni namoyish etgan startaplar g‘olib deb topildi. Mazkur tanlov ijodiy tadbirkorlikni rag‘batlantirish va kreativ sanoatning jadal rivojlanishiga hissa qo‘shishni maqsad qilgan IV Butunahon kreativ iqtisodiyot konferensiyasining muhim qismi hisoblanadi. Tanlovga taqdim etilgan ishlar Germaniya, Avstriya, Indoneziya va boshqa xorijiy davlat vakillari sanalgan hakamlar hay’ati tomonidan baholangan. “International House Tashkent” akademik litseyi o'quvchisi Oyshabonuning “Lexi Kid” ta’lim ilovasi 2-o‘rinni egallab, 40 million so‘m mukofot bilan taqdirlandi. Bugun ushbu loyihaga qiziqish bildirayotgan investorlar orasida Qozog‘istonliklar bor. Ushbu loyihaga qisqa vaqt ichida 3000 AQSh dollar miqdorida investitsiya kiritildi. Oyshabonu AyTidagi eng birinchi katta yutug‘ini 12 yoshida olgan. O‘shanda u "Create the Future Contest" dasturida butun dunyo bo‘yicha TOP 200 loyihalar ro'yxatiga kirib, Astronomiya yo'nalishida - "Eng tashabbuskor" unvonini yutgan. Oyshabonu Frontend yo‘nalishida developer bo‘lib ish olib boradi. Shu paytgacha Backend, Frontend va Game dev yo‘nalishlarida ishlab o‘zini sinab korgan. Hozirgi paytda esa Fransiyaning butunjahon Women In Tech hamjamiyatida dunyodagi eng yosh Ambassadori, Google for Developers Lead jamoasi a’zolaridan biri. "Axborot texnologiyalarga qiziqishim 10 yoshimda boshlangan. O‘shanda oddiy bir o‘yin orqali qiziqib ketib AyTiga ilk qadamimni qo‘yganman. Bilasizmi, ota-onam kompyuter oldida o‘tirishni, undan foydalanishni taqiqlamasdan aksincha meni shu soha bilan shug‘ullanishga imkoniyat yaratib berishgani uchun ham ulardan minnatdorman. Kelajakda AyTi sohasida ta’lim olib, o‘zimning Unicorn kompaniyamga asos solmoqchiman” — deydi Oyshabonu. Oyshabonu 15 yoshida startaplarga xorijiy bozorga chiqishga yordam beruvchi "Tumaris.Tech" biznes akseleratsiya dasturi tomonidan tanlab olingan 15ta loyiha orasida eng yosh tadbirkor (CEO) bo‘ldi.

Зўр факт экан 😉Менга ўхшаб бир паста ҳиссиётга берилиши мумкин бўлганлар қимматли ходим саналар экан, мен бўлса шу ҳислатимни йўқотишим керак деб юрардим... Таъсирчан ходимлар самаралироқ ишлайди Кўпинча иш қидираётганлар ўзларини резюмеда стрессга чидамли деб кўрсатишади. Лекин япон олимлари олиб борган тадқиқот шуни кўрсатдики, ҳиссиёт ва хавотирга мойил ходимлар кўпроқ самарадорлик кўрсатишади. Тадқиқотда 18 ёшдан катта бўлган 296 нафар ишловчи катталар иштирок этди. Олимлар уларнинг шахсий хусусиятлари ва ишдаги самарадорлик кўрсаткичлари ўртасида боғлиқликни аниқлаш мақсадида сўров ўтказишди. Натижада, юқори таъсирчанликка эга бўлганлар (умумий сўровда қатнашганларнинг 26 фоизи) ўз ҳамкасбларига нисбатан эътиборлироқ ва жамоада мустаҳкам алоқалар ўрната олишлари маълум бўлди. Бундан ташқари, айнан шу гуруҳ энг масъулиятли ишчилар эканлиги аниқланди. «Тадқиқотимиз кўрсатдики, ходимларнинг бир қисми ишда юқори даражадаги стрессга дуч келиши мумкин. Шунга қарамай, юқори ҳиссиётга эга одамлар стрессга кўпроқ берилувчан бўлса-да, уларнинг эмпатия даражаси юқори бўлгани учун, бу хусусият айниқса интерфаол муносабатларни талаб қилувчи лавозимларда ташкилотлар учун қимматли активга айланади» , — деб таъкидлашди олимлар. Олимлар раҳбарларга тез-тез стресс ҳолатига тушувчи ходимларга яқиндан эътибор беришни ва уларни компанияда сақлаб қолишга ҳаракат қилишни маслаҳат бердилар. Улар бизнеснинг самарадорлигини оширишда муҳим рол ўйнайди. @nurbekalimov саҳифасидан олинди

Nemis, Koreys, Yapon, Turk, Arab tillarida ravon so’zlasha olsangiz Sizni yuqori maoshli ishga taklif qilamiz! Chet el kapitali ishtirokidagi IT Park rezidenti bo'lgan kompaniyalar soni ortishi bilan birga ularning yurtimizdagi chet tillarini biladigan kadrlarga talabi ortmoqda. Quyidagi tillarda ravon so‘zlasha oladigan iqtidorli kadrlarni izlamoqdamiz: 🔹Nemis tili (800+ bo‘sh ish o‘rni) 🔹Koreys tili (300+ bo‘sh ish o‘rni) 🔹Yapon tili (300+ bo‘sh ish o‘rni) 🔹Turk tili (200+ bo‘sh ish o‘rni) 🔹Arab tili (200+ bo‘sh ish o‘rni) Agar siz ushbu tillardan birini bilsangiz va ingliz tilini kamida B1 darajasida o‘zlashtirgan bo‘lsangiz, bu yetakchi xalqaro kompaniyalarda karyerangizni boshlash uchun noyob imkoniyatdir. Moslashuvchan ish jadvali, martaba o‘sishi va muvaffaqiyatga yetaklovchi lavozimdan bahramand bo‘ling. Bu shunchaki ish emas, balki kasbiy imkoniyatlar dunyosiga ochilgan eshikdir! 🌐 Arizangizni topshirishga tayyormisiz? Boshlash uchun havola orqali o‘ting: https://forms.gle/FNcjS6ZPtZgqoDoeA Jahonning eng yaxshi ish beruvchi kompaniyalarining O’zbekistondagi ofislarida yuqori maoshli, moslashuvchan karyerangiz sari birinchi qadamni qo‘ying!

“Ота-онам менинг қаҳрамонларим!" Бугунги кунда бутун дунёда 466 миллион аҳоли эшитишида нуқсони бўлган инсонлардир. Уларнинг ўз тили бор! Кар-соқов ота-онадан туғилган соғлом болаларнинг «она тили» айнан имо-ишора тили ҳисобланар экан. Кейинчалик бу болалар жамиятга қўшилиб, ҳамма каби эшитиб, гапиришни "чет тили" сифатида ўрганишар экан. Бугунги қаҳрамонларим Севара Эшқобилова ҳамда Шаҳло Сапарбаевалар, улар айнан шундай имо-ишора тилида сўзлашувчи эшитиш қобилиятидан маҳрум ҳамюртларимиз. Иккалалари ҳам ўзлари каби эшитиш қобилияти йўқ бўлган инсон билан оила қуришган бўлсада, мутлақо соғлом фарзанд дунёга келтиришган ва бугун шу фарзандлари комил инсон бўлишлари учун ҳаракат қилишмоқда. Ҳар иккала қаҳрамонимиз эшитишида нуқсони бўлган, кар инсонлар учун мўлжалланган IT4Everyone лойиҳаси иштирокчилари. Ушбу лойиҳанинг асосий мақсади IT воситалар ёрдамида ижтимоий тармоқлар ва интернетда бизнесни ривожлантиришни ўргатишдан иборат. Лойиҳа иштирокчилар нафақат замонавий касб ўрганиш балки, ўрганганларини UZUM, OSON, MAAB Innovation каби йирик компанияларда стажировка қилиш орқали қўллаш имкониятига эга бўлганлар. Мени хайратда қолдирган бир жиҳатга эътиборингизни қаратмоқчиман, эшитиш ва гапириш қобилиятига эга бўлмасада икки қаҳрамонимиз ҳам одамлар билан доимий мулоқотни талаб қиладиган тармоқли бизнес билан шуғулланишар экан. Масалан Севара ушбу бизнесда директор. У хатто шу бизнес ортидан Дубай, Миср, Туркия каби давлатларга саёҳат ҳам қилган. Бугун ўрганган замонавий касблари ёрдамида ушбу бизнесини янада ривожлантириш билан бирга янги иш бошлашни ният қилишган. Уларнинг асосий мақсади фарзандларига чиройли таълим олишлари учун зарур шарт-шароитларни яратиш. Бунинг учун уларни доимий равишда тўгаракларга олиб боришади. Учрашув чоғида Шахлонинг қизи Янани суҳбатга тортиб ота-оналари ҳақида сўрадим: "Ота-онам менинг қаҳрамонларим. Мен улардан доим ҳаракатда бўлишни ўрганаман. Синфдошларим мени имо-ишора тилида гаплашишни билишимга хавас қилишади. Ҳатто яқин дугонам бу тилни ўрганиб олган ва уйимизга меҳмонга келганида онам билан гаплашади” — дейди у. Аслида ҳар қандай имконсизликда имкониятлар яратиш ҳар бир инсоннинг ўз қўлида. Шаҳло ва Севара каби соғлигида муаммо билан дунёга келган инсонлар бизни ҳаётга бошқача кўз билан қарашга, бизлар шукрона қилишимиз учун, ўрнак олишимиз учун дунёга келишган деб ҳисоблайман. Баъзида тўрт мучамиз соғ бўла туриб, атрофдагилардан хомтаъма бўлиб яшаётган инсонларни кўрганда, уларга Шаҳло ва Севара каби юртдошларимизни кўрсатгим келади. АйТи воситалари билан ўрганиладиган замонавий касблар ногиронлиги бўлган инсонлар учун кўплаб имкониятларни тақдим этади. Масофавий иш, мослашувчан жадваллар ва соҳада мутахассисларга бўлган юқори талаб бу соҳани барқарор ва қизиқарли иш излаётганлар учун жозибадор қилади. Бугун аллақачон дунё амалиётида йирик IT компаниялар имконияти чекланган инсонларни ишга қабул қилишда фаоллик кўрсатишмоқда. Биздан ҳам бугун Шаҳло ва Севара каби ўз устида ишлаб бу касбларни ўзлаштираётган юртдошларимиз иш ўрни яратиш ва уларни фаровон ҳаёт кечиришлари учун имконият бериш талаб этилади. Бу ерда уларнинг хизматларига эҳтиёжи бўлганлар учун профилларига ҳавола қолдираман, балки шу баҳона улар қўшимча ишли бўлиб ҳам қолишар. Севара:https://www.instagram.com/sevaralife_/ Шахло: https://www.instagram.com/sh.saparbaeva92/