Laylo Rustamova

“Мени шунчалар яхши кўришларини билмагандим” Кунларнинг бирида Миннесоталик математика ўқитувчиси ўқувчиларига қараб “ҳар бир синфдошингизнинг исмлари қаршисига улардаги яхши сифатларни ёзиб чиқинг” дея вазифа берибди… Дарс сўнгида ўқувчилардан рўйхатни йиғиб олибди. Бу ҳолат жума куни бўлган. Дам олиш кунлари эса ўқитувчи барча натижаларни йиғиб, ҳар бир ўқувчига унинг синфдошлари томонидан айтилган яхши сифатлари саналган қоғозчаларни ёзиб тарқатибди. Ўқувчилар бу қоғозчаларни ўқишар экан, синфда “Наҳотки, бу мен ҳақимда? Мени шунчалик яхши кўришларини билмагандим” деган пичирлаш овозлари эштилди. Улар натижаларни синфда муҳокама қилишмади. Ўқитувчи мақсадга эришганини биларди… Унинг мақсади ўқувчилари қалбида ўзларига бўлган ишонч уйғотиш эди. Бир неча йил ўтиб ўқувчилардан бири Вьетнамда ҳалок бўлди. Уни ўз Ватани Миннесотада дафн қилишди. Дўстлари, собиқ синфдошлари ва ўқитувчилари у билан видолашиш учун келишди. Ўқувчининг отаси математика устозининг олдига келди: — Сизга бир нарса кўрсатмоқчиман. У ҳамёнидан тўртга букилган эскирган қоғозчани чиқарди. Уни жуда кўп марта ўқишгани билиниб турарди. — Буни ўғлимнинг нарсалари орасидан топдик. У бу қоғозни доим ёнида олиб юрарди. Танидингизми? У қоғозчани ўқитувчига узатди. Бу унинг синфдошлари томонидан ёзилган яхши сифатлари жамланган рўйхат эди. — Сизга катта раҳмат, — деди йигитнинг онаси. — Ўғлимиз буни жудаям қадрлар эди. Шунда ғаройиб воқеа юз берди: синфдошлари бирин-кетин ёнларидан ушбу қоғозчани чиқаришди. Жуда кўпчилик бу қоғозчани ёнида олиб юрарди. Айримар уни оилавий альбомлари ичига солиб қўйишган эди. Ўқувчилардан бири: — Барчамиз бу рўйхатни сақлаб қўйганмиз. Буни ташлаб юбориб бўладими?, дея жавоб берди. Ушбу воқеа Гэри Чепменнинг "Боланинг қалбига беш йўл” китобидан эди. Ҳар бир ўқитувчи ўқувчисига нафақат билим беради, балки ҳаётга ва ўзига бўлган ишонч ва меҳр туйғусини жойлайди. Ўқитувчининг айтган бир оғиз сўзи тақдирларни ўзгартириб юборишга қодир. Азиз устозлар! Ўқувчиларингиз қалбида доим ёруғ нур қолдиринг… Зеро улар Сизлардан чексиз миннатдор бўлиб яхши хотиралар билан ёдга олишсин🤲 Байрамингиз муборак бўлсин! 🌺

“Ўзбекистон ўз фуқаролари иш излаб хорижга чиқиб кетмаслиги учун шарт-шароит яратиб, компанияларни айнан шу ерга жалб қилиш сиёсатини танлаган” - Шерзод Шерматов. Тўрт кун давомида пойтазтимизда бўлиб ўтган ICT Week Uzbekistan ҳафталигининг асосий мақсади айнан шу бўлди. Ҳафталик мен учун ҳақиқий илҳом манбаи бўлди десам муболаға бўлмайди. Ўтган ҳафталикнинг якуний ишлари билан бўлиб ушбу постни ёзишга энди қўлим тегди. Олинган таасуротлар шу қадар каттаки уларни бир нуқтага жамлаш ҳам осон бўлмади. Минглаб меҳмонларга мезбонлик қилган ҳафталик билан гўёки келажакка саёҳат қилгандек бўлдим, лекин буларнинг ҳаммаси бугунги кунимизга айланиб улгурди. Бу ердаги атмосфера, одамларнинг кўтаринки кайфияти, халқаро экспертлар, қизиқарли стартаплар, виртуал олам имкониятлари ва ҳатто ўзбек тилида гапираётган Алиса — барчаси ташриф буюрган ҳар бир инсонда таасуротлар қолдиргани шубҳасиз. Хорижда ўз стартаплари билан муваффақият қозонаётган юртдошларимизнинг тажрибаларини ўз ичига олган чиқишлар, қизлар ва сунъий интеллект мавзуси, Ўзбекистон айти бозорига қизиқиш билдираётган хорижликлар — барчаси ҳафтанинг юксак даражада ўтганидан далолат. Рақамли технологиялар вазири Шерзод Шерматов таъкидлаганларидек, бу йилги ICT Week’нинг асосий мавзуси — иқтидорлар ва инсон капитали: “Бизнинг энг катта бойлигимиз — бу иқтидорли ёшларимиз. Рақамлаштириш миссиясини Президентимиз жамоамизга юклаган пайтда олдимизда турган асосий савол шундай эди: мамлакат ичида қандай қилиб юқори маошли иш ўринларини яратиш мумкин? Ўзбекистон ўз фуқаролари иш излаб хорижга чиқиб кетмаслиги учун шарт-шароит яратиб, компанияларни айнан шу ерга жалб қилиш сиёсатини танлади. Бугун эса биз ана шу келажакка қаратилган ёндашувнинг натижаларини кўриб турибмиз. Агар 2017 йилда Ўзбекистонда IT соҳасида бор-йўғи 4 та хорижий компания фаолият юритган бўлса, бугунги кунда ҳар ойда 35 дан зиёд янги резидент рўйхатдан ўтмоқда. Бу эса Ватанимизда ёшлар учун яратилаётган янги иш ўринлари дегани. Ўзбекистон халқаро майдонда жадал ривожланмоқда. Бугунги кунда у нафақат минтақа, балки жаҳон миқёсида ҳам энг тез ўсиб бораётган мамлакатлардан бирига айланди. Ёшларнинг ривожига, айниқса, қизлар ва ижтимоий жиҳатдан заиф ёшларнинг таълимини қўллаб-қувватлаш асосий мақсадларимиздан бири ва биз бу йўналишда барчага очиқмиз. Мен вазир сифатида соҳада экспортни ривожлантириш бўйича нима таклиф бўлса 24/7 эшитишга тайёрман” , - дея мурожаат қилди ҳафталик иштирокчиларига вазир. Ўзим ҳам ICT Week тадбирининг ташкилотчиси сифатида иккинчи йил иштирок этар эканман, бу ерга келганлар билан суҳбатлашиб, ҳар бир иштирокчи ўзида янги куч ва мотивация билан қайтишига яна бир бор ишонч ҳосил қилдим. Архивим учун тадбирнинг фото ва видеоларини шу ерда қолдираман.

Ҳомиладор аёл эридан сўради: – Кимни кутаяпсиз — ўғилми ёки қиз? Эр жавоб беради: – Агар ўғил бўлса, мен уни математикага ўргатаман, спорт билан шуғулланамиз, уни балиқ овлашга ўргатаман ва ҳоказо. Хотини: – Ҳа… А агар қиз бўлса-чи? Эри: – Агар қизимиз бўлса… мен уни ҳеч нарсага ўргатишим шарт бўлмайди. Чунки у мени ҳаммасига ўзи ўргатади — қандай кийиниш, қандай овқатланиш, нимани айтиш, нимани айтмаслик… Қисқаси, у менинг иккинчи онамдек бўлади. Ва у мени қаҳрамони деб билади, ҳатто мен ҳеч қандай катта иш қилмасам ҳам. У ҳар доим мени тушунади, ҳатто унинг хоҳишини рад этсам ҳам. У доим ўз турмуш ўртоғини мен билан таққослайди… Ёши нечада бўлишидан қатъи назар, у мени эркалатишимни хоҳлайди. У мен учун бутун дунё билан курашади. Агар кимдир мени ранжитса, уни ҳеч қачон кечирмайди. Хотини: – Демак, қизингиз қиладиган ишларини ўғлингиз қила олмайди, тўғрими? Эри: – Йўқ, йўқ! Балки ўғил ҳам қилар, лекин у бу нарсаларни ўрганиши керак бўлади. Қизлар эса бу фазилатлар билан дунёга келади. Қиз фарзанднинг отаси бўлиш — ҳар қандай эркак учун ифтихор. Хотини: – Лекин у биз билан абадий қолмайди-ку. Эри: – Ҳа, лекин у қаерда ва қандай ҳолатда бўлишидан қатъи назар биз унинг қалбида бўламиз. Қизлар — бу фаришталар… Қизларбу — шартсиз ва абадий меҳр ва ғамхўрлик... Барча қиз фарзандли бўлган бахтли ота-оналарга бағишланади. 💞 Мени ҳам икки нафар фаришта билан сийлаган Аллоҳимга чексиз хамдлар бўлсин!🤲

Ақлли қизим! Аллоҳим бахтингни ҳам илминг сингари зиёда қилсин🤲 Кўзим ёшланди🥹Шундай фарзандлар тарбиялаш насиб қилсин ҳар биримизга Иллоҳим

Инглиз тили дарсларини ҳам бошлаб юборганимга 2 ҳафтача бўлиб қолди… Кўз тегмасин, ҳозирча жуда тартибли ўқувчи бўлиб ҳамма уйга вазифаларни бажаряпман ва дарс қолдирмаяпман😇 Ишдан кейин дарсни тугатиб энди уйга қайтишга ҳаракат қилаётгандик устозимизнинг Америкада катта ютукларга эришган ўқувчисидан шундай гуллар келди😍 Инсон қилган меҳнатларининг мевасини шу тарзда олиши қандай бахт… Ўқитувчимнинг ўқувчисининг ютуғидан ва эътиборидан Кўзлари ёшланди…🥹 Бизга ҳам яхши натижалар билан шундай совғалар хадя қилиш насиб қилсин деб ният қилдим ичимда🤲

Ўзбекистонда 5,5G даври бошланмоқда! 2025 йилнинг 23-26 сентябрь кунлари ICT Expo 2025 кўргазмасида Марказий Осиёда илк бор Mobiuz 28 ГГц (mmWave) радиочастота диапазонларига асосланган 5,5G технологияси намойиш этилади. Сизларни ICT Week Uzbekistan ҳафталиги доирасида ўтадиган ICT Expo'2025 га таклиф этамиз! Ҳафталик тадбирлари CAEx Uzbekistan кўргазмалар марказида бўлиб ўтади. Дарвоқе, Ҳафталик тадбирларига ташриф буюрувчиларга қулайлик яратиш учун 23–26-сентябр кунлари "Буюк ипак йўли" метро бекати, "Ўзбекистон" меҳмонхонаси ҳамда IT Park Uzbekistan (Иброҳим Мўминов кўчаси 4 уй) манзилларидан БЕПУЛ автобуслар қатнови йўлга қўйилади. Рўйхатдан ўтиб сиз ҳам ташриф буюринг сизларни кутиб қоламиз:https://ictweek.uz/oz/register/visitor

Ўзбек олимининг ишланмаси АҚШда қўлланилаётганидан фахрландим 🥹 Шундай ёш олимларимиз борлиги ва улар эъзозланаётгани жудаям қувончли, мени ҳам кўзимга ёш келди ҳурсандчиликдан.

Биринчи марта ҳақиқий гуманоид роботни кўрдим 😳🤖 У шунчалик реал ҳаракат қилардики, бир лаҳзага ростдан ҳам одамдек туюлди. Ростини айтсам, бир оз келажак учун қўрқиб ҳам кетдим… Чунки технологиялар шунчалик тез ривожланмоқдаки, кечагина фильмларда кўрган воқелик бугун ҳаётимизнинг бир қисмига айланиб улгурди. Лекин шу билан бирга, бу мени чексиз ҳайратга ҳам солди. Бу роботни ICT WEEK Uzbekistan 2025 ҳафталигида намойиш қилиш режалаштирилаётган экан. Агар уни сиз ҳам ўз кўзларингиз билан кўрмоқчи ва худди мен каби ҳиссиётларни бошдан кечирмоқчи бўлсангиз, 23–26 сентябрь кунлари CAEx'да ўтадиган ICT WEEK Uzbekistan’га келинг. Бу ҳавола рўйхатдан ўтиш учун: https://ictweek.uz/oz/register/visitor Видеони албатта охиригача кўринг🤖

Ўзбекистонга илк бор дунёнинг энг йирик Мета компанияси вице-президенти келади! У асли ўзбекистонлик Руслан Салахутдинов! Руслан Салахутдинов Meta компаниясида сунъий интеллект тадқиқотларини бошлаган биринчи ўзбек олим! У Ўзбекистоннинг АКТ соҳасидаги энг йирик тадбири — ICT Week Uzbekistan 2025 да Meta компанияси номидан иштирок этади. Руслан Салахутдинов Тошкентда туғилиб, ўсган. Унинг отаси — математик, онаси — мусиқа ўқитувчиси. Руслан Ўзбекистонда таълим олган, сўнгра Америкада таҳсилни давом эттириб, бакалавриат ва магистратурани муваффақиятли тамомлаган. У машҳур Нобель мукофоти соҳиби Джеффри Хинтон билан бирга ишлаган. Шунингдек Руслан Apple компаниясида ҳам илмий тадқиқот лойиҳаларига ҳам раҳбарлик қилган, ҳозирда эса Meta компаниясида вице-президент лавозимида фаолият юритмоқда. Ушбу тадбирда унинг йирик компания номидан иштирок этиши Ўзбекистоннинг рақамли ривожланишида муҳим қадам ҳисобланади. Руслан Салахутдинов билан яқиндан танишмоқчи бўлсангиз ICT Week Uzbekistan ҳафталигига албатта келинг. Рўйхатдан ўтиш учун: https://ictweek.uz/oz/register/visitor Санани белгилаб қўйинг: 23–26 сентябр Тошкентдаги CAEx мажмуаси Дарвоқе, Ҳафталик тадбирларига ташриф буюрувчиларга қулайлик яратиш учун 23–26-сентябр кунлари "Буюк ипак йўли" метро бекати,"Ўзбекистон" меҳмонхонаси ҳамда IT Park Uzbekistan (Иброҳим Мўминов кўчаси 4 уй) манзилларидан БЕПУЛ автобуслар қатнови йўлга қўйилади.

Унча бунча ўқитувчидан кўнгли тўлмайдиган қизим, кеча янги ёзилган Инглиз тили курсидан шунақанги "бомба" эмоциялар билан келдики, ундан илҳомланиб айнан ишлайдиган инсонлар учун бугундан бошланадиган 6 ойлик курсга мен ҳам бориб кўришга қарор қилдим. "Битта дарсда инглиз тилининг ҳамма замонларини шунақа осон қилиб ўтиб берди ўқитувчимиз, бундай бўлиши мумкинлигини тасаввур ҳам қилмагандим" дейди Ширин. Билмадим уддалай оламанми йўқми, лекин мен бугун Грамматика и IELTS курсининг синов дарсига бориб кўришга қарор қилдим🤲 Менга ўхшаб анчадан бери инглиз тилисини мустаҳкамламоқчи бўлган хохловчилар бўлса кетдик!

"Ҳаёт ҳам бир ўйин, қизим!" Бўлажак турмуш ўртоқни компьютер ўйини орқали танласа ҳам бўлар экан. Қиз отасининг маслаҳати билан куёвликка номзодларни компьютер ўйини орқали танлашга қарор қилди ва натижада ўйинда рақобат қилганини эмас, ёрдам берган йигитни танлади. Юмор бўлса ҳам, чуқур маънога эга видео экан. Аслида ҳаёт ҳам худди шундай — сизнинг йўлингизни ҳурмат қиладиган, сизга қулайлик яратишга ва хурсанд қилишга ҳаракат қиладиган инсонни учратиш ва танлаш жуда муҳим. Хўш, Компьютер ўйинлари бефойда деб ким айтди😅

Ушбу видеони Рақамли технологиялар вазири Шерзод Шерматов ўзлари тайёрлабдилар👍 Сиз ҳам шундай видеолар тайёрлашни ўрганиб олишингиз мумкин. Қандай қилиб дейсизми? Буни Вазирнинг постларидан ўқиб билиб олсангиз бўлади.