Laylo Rustamova

IT sohasida muvaffaqiyat qozongano’zbekistonlik qiz Pokistonlik hamkassbi bilan turmush qurdi O’zbekistonlik qiz Sabohat Qalandarova nafaqat IT sohasida muvaffaqiyat qozondi, balki shaxsiy hayotida ham yangi bosqichga qadam qo‘ydi! Yodingizda bo'lsa Sabohat Qalandarova haqida yozgandik. U 2023-yilda Toshkent Xalqaro Westminster Universitetini Business Information Systems yo‘nalishida tamomlab, Saudiya Arabistonning Barq kompaniyasida middle front-end dasturchi sifatida faoliyat yuritgan. Talabalik davrida Upwork platformasida frilanserlikni boshlagan va Top-Rated Developer darajasiga erishgan. Sabohat hayotida yangi bosqich: yaqinda u Pokistonlik IT mutaxassisi Abdullah Mohammad bilan turmush qurdi. To‘ylari Toshkent va Pokistonda bo‘lib o‘tdi. Ular dastavval Dubayda yashashni keyinchalik O‘zbekistonga qaytishni reja qilib qo‘yishgan. Cyber Security mutaxassisi bo'lgan Abdullah Mohammad hozirda Tech Recruiter sifatida faoliyat olib bormoqda. IT Ladies jamoasi Sabohatni yangi hayotga qo'yilgan qadam bilan tabriklaydi va oilaviy baxt tilab qoladi!

"Фарзандларингиз сиздан кучлими демак сиз энг бахтли инсонсиз" — бугун менга айтилган энг ёқимли ва шукроналаримга сабаб бўлган сўзлар шу бўлди... Бу сўзлар эҳтимол ҳозир мен каби тушкунликда бўлиб қолган одамларга ҳам далда бўлар... #Алхамдулиллах

ТАРБИЯЧИНИНГ ТАРБИЯСИ Албатта, қиз болани боқиш ва тарбиялаш жуда нозик ва машаққатли меҳнатдир. Бу иш ўзига хос сабр ва матонатни талаб қилади. Зотан, қиз бола вақти келиб келин бўлади. Унинг келин қилганлар ҳузурида ҳурмат топиши ва қадрланиши олган тарбиясига қараб бўлади. Қиз бола вақти келиб она бўлади. Ўшанда у инсон тарбиячисига айланади. Унинг фарзандларининг қандай тарбия топиши ҳам ўзининг тарбиясига қараб бўлади. ✍️ Шайх Муҳаммад Содиқ Муҳаммад Юсуф @BintuSodiq

"Фарзандларингиз сиздан кучлими демак сиз энг бахтли инсонсиз" — бугун менга айтилган энг ёқимли ва шукроналаримга сабаб бўлган сўзлар шу бўлди... Бу сўзлар эҳтимол ҳозир мен каби тушкунликда бўлиб қолган одамларга ҳам далда бўлар... #Алхамдулиллах

"Oldingizga o‘zingiz va atrofdagilarni qo‘rqitadigan darajada katta maqsadlar qo‘ying!" Tanishing — Maftuna Mahkamova! U hozirda AQShning Pennsylvanya Universitetida “Computer Science” yo‘nalishida tahsil olmoqda. “El-yurt umidi” jamg‘armasi sovrindori bo‘lgan Maftuna Muhammad al-Xorazmiy nomidagi ixtisoslashtirilgan maktab bitiruvchisi. 🎥 Videoda u o‘zining yo‘lini, yutuqlarini va orzular sari intilishdagi eng muhim saboqlarini va maslahatlari bilan bo‘lishgan. Uning hikoyasi — har bir orzuga ishonch, sabr va qat’iyat bilan erishish mumkinligining yaqqol isboti. #ITLadies#WomenInTech#Inspiration#Motivatsiya#ElYurtUmidi#UzbekGirlsInTech

Ностальгия Тарона қандай хотираларни ёдингизга солди🥹

Шахло қизимга мактабидан лойиҳа сифатида ўз қўли билан Менделеев жадвалини чизиш вазифаси берилибди. Кеча қизим А3 форматда ушбу жадвални жудаям катта иштиёқ билан тайёрлади. Ўзи ҳар қандай лойиҳа ишига катта масъулият ва эътибор билан ёндошади қизим. Бир қарашда бу оддий ижодий топшириқдек туюлади, лекин яхшилаб ўйлаб қараса, бунинг ортида болалар элементларнинг тартибини, гуруҳ ва даврларни онгли равишда ўрганишлари ва эслаб қолишлари ётиши мумкин. Бундай вазифа аниқлик, диққат ва режалаштиришни талаб қилади. Бу эса айниқса мактаб ёшида жуда муҳим бўлган “soft skills”ни ривожлантиради деб ўйлайман. Ким билади, балки шу оддий лойиҳа орқали келажакда кимёдан бир буюк олим ёки ихтирочи юзага келар. Қизимнинг меҳнатини сизлар билан бўлишишни истадим. Балки мени кузатаётган ўқитувчилар бунинг мақсадини мендан яхши билишар.

Кеча шундай бир воқеа эшитдимки, уни сизлар билан бўлишмасам бўлмайди... Уй қурадиган компаниялардан бири уй олиб тўлашга қийналаётган, ҳаётда жудаям кўп синов ва қийинчиликларни бошдан кечирган, фарзандларини ёлғиз тарбиялаётган аёлга ёрдам тариқасида ўша уйни қолган қарзидан кечиб совға қилишгани ҳақида эшитиб кўзимга ёш келди. Бу ҳодиса менинг яқин инсонимнинг дугонаси, ҳаётда кўп қийинчиликка дуч келган аёл билан юз берган. Қурилиш компанияси уй пулини тўлолмаётган аёлга "қанча пулингиз бўлса розимиз минг, 2 минг, берсангиз тўловни тўлиқ ёпамиз" деган, пули бўлганида тўлов кечиктирмаслиги ҳақида айтганида ўша уй эгалари аёлни ҳақиқаттан ҳам қарздорлигига амин бўлиб, унинг шароитини инобатга олиб ўша уйни қолган суммасидан воз кечишган ва совға қилишган. Ҳудди ўзим уйлик бўлгандай қувониб йиғлабмиз ўртоғим билан бирга🥲🤲 Балки сиз ҳам ҳозир ҳаётнинг бирор ташвиши билан тушкунликда юргандирсиз... Тушкунликка тушманг, Аллоҳимнинг мана шундай кутилмаган совғалари жуда кўп, У меҳрибон ва У билан ҳаммаси осон! Асосийси ноумид бўлмаслик! Бундай савобли ишни амалга оширган инсонларни эса барча орзу мақсадларига етказишини сўрадим Яратгандан🤲

“IT-Park” лойиҳасининг иккинчи босқичи қурилишига расман старт берилди Президентимиз Мирзо Улуғбек туманида жойлашган IT-паркга ташриф буюриб, лойиҳанинг иккинчи босқичига тамал тоши қўйиш маросимида иштирок этди. Икки йил олдин 200 миллион доллар инвестиция ҳисобига ушбу лойиҳанинг биринчи босқичи амалга оширилган эди. Қарийб 4 гектар майдонда 20–25 қаватли 6 та офис биноси ва замонавий конгресс-холл барпо этилди. “IT-Park” резидентлари сони 3 минг 200 та компанияга етди, уларда 14 мингдан ортиқ мутахассис фаолият юритмоқда. Ўтган йили резидентлар томонидан 1 миллиард 600 миллион долларлик хизмат кўрсатилган бўлса, жорий йил якуни билан бу кўрсаткич 2,5 миллиард доллардан ошиши кутилмоқда. Экспорт ҳажми эса илк бор 1 миллиард долларлик маррадан ошиши режалаштирилган. Ўзбекистонда рақамли иқтисодиёт янги босқичга кўтарилмоқда. “IT-Park” лойиҳасининг иккинчи босқичи — бу нафақат янги бинолар, балки минглаб янги имкониятлар, иш ўринлари ва экспорт салоҳиятининг ошиши демакдир.

Пластик картамни йўқотганимга бир ойдан ошди. Илгарилари шундай ҳолатда ҳаёт “тўхтап” қоларди гўё: нақд пул топ, банкка бор, навбатда тур… Лекин ҳозирчи? Ҳаётимиз тўлиқ рақамлашганини хақиқаттан ҳис қилдим! Ҳозир клиникадаман Payme qr коди орқали тўлов амалга оширдим. Дўконга кирсам ҳам қайсидир Pay тизим. Овқатланишда ҳам QR код. Бозорда “карта номерингизни беринг, ўтқазвораман”🙂 Ҳеч қаерда “картанг йўқми?” деб сўрашмаяпти. Ҳаттоки ўзим ҳам у ҳақда унутиб қўйдим. Энг қизиғи нақд пулни ойлаб ушламайман😅 Бу нафақат қулайлик, бу — рақамли ҳаёт тарзи. Финтех ва технологиялар ҳаётимизни осонлаштириб, вақтимизни ва асабимизни асраётганидан далолат: хавфсиз, тезкор ва энг муҳими ҳар жойда! Менда қизиқ савол туғилди ўзи пластик карта керакми? 🙂

Ўзбекистонлик қиз Камилла Маҳмудова Марказий ва Шарқий Европанинг энг йирик молиявий холдингларидан бири саналган Raiffeisen Bank'нинг молиявий директори этиб тайинланибди😍👏🤩 Қанчалик чиройли хабар а?! Бу хабарни ўқишим билан қизларимга юбордим. Улар билан ўзбек қизларининг имкониятлари қанчалик кенглиги ҳақида гаплашиш учун яна бир мавзу бўлди менга. Халқаро миқёсда фаолият юритувчи банкнинг бошқарув таркибига ўзбек қизининг кириши ёшларимизнинг глобал молия ва бизнес соҳасида ҳам ўзининг муносиб ўрнини топаётганидан далолат. Нафақат қизлар балки оиласида ўғил бола тарбия қилаётганлар ҳам фарзандларига кўрсатишлари керак бу хабарни албатта, бундай ёшлар ҳар биримиз учун мотивация бўлиши аниқ. Камилланинг ота-онасига чексиз ҳавасдаман! Бир кун келиб менга ўзимнинг қизларим ортидан ҳам фахрланиб юришни насиб қилсин🤲