Rahimjon Ali

Кишиларни мағфират умиди алдаб қўйди. Ҳатто шу сабаб дунёдан тавбасиз чиқишди. "Мен Раббимга чиройли гумондаман", дейишадию, лекин ёлғон гапиришади. Агар чиройли гумонда бўлганларида амалларини чиройли қилишарди. Ҳасан Басрий роҳимаҳуллоҳ @Rahimjon_Aliy

Мурид — Аллоҳ азза ва жаллани кўзлаб ўзини отадиган ва то Унга етишгунча оқсамайдиган кишидир. Мансур Ҳаллож қуддиса сирруҳу @Rahimjon_Aliy

НАҚШБАНДИЯ ТАРИҚАТИДАГИ 11 РАШҲА Нақшбандия тариқатининг асоси 11 дона бўлиб, улар “рашҳа” деб номланади. Манбааларда келишича, 4 таси Юсуф Ҳамадоний Пиримизга, 4 таси Абдулхолиқ Ғиждувоний Пиримизга, 3 таси эса Баҳоуддин Балогардон Пиримизга тегишли экани айтилади. 1. Ҳуш дар дам — ҳар нафасда огоҳ бўлиш. Бу муборак сўздан шуни тушунамизки, ақлли толиб нафасини кириш ва чиқишда ғофил бўлиб қолишдан эҳтиёт бўлади. Чунки нафасларни ғафлатдан сақлаш қалбни Оллоҳ таоло зикри билан ҳузур қилишликка олиб келади Бу эса нафасларни ибодат билан тирилтириш, Оллоҳ таолога боғлаш бўлади. Ҳар нафас ғафлат билан олинса ёки чиқарилса бу нафас Оллоҳ таолодан узилган ўлик нафас дейилади. Ҳазрати Хожа Баҳоуддин қуддиса сирруҳу айтадиларки: “Бу йўлда ишнинг асосини нафас устига қурмоқ керакки, замоннинг муҳим вазифасига машғул бўлишда хаёлни ўтмишдан ва фикрни келажакдан озод этсин ва ҳар бир нафасни зое этмасликка уринсин. Нафасни кириши, чиқиши ва икки нафас ўртасини эҳтиёт қилсинки, нафас ғафлат билан кириб чиқмасин.” 2. Назар бар қадам — назар қадам устида. Бу муборак сўзни маъноси: Юрганда соликнинг назари оёқларининг панжалари устида бўлиши лозимдир. Қалбга маҳкам ўрнашиб зикрни тўсадиган асосий пардалар назар йўли билан ўрнашган нарсалардир. Чунки кўзга ташланган нарсалар соликнинг қалбини машғул қилиб зикрдан тўхтатиб қўяди. 3. Сафар дар ватан — ватанида сафар қилиш. Бу муборак сўзни маъноси: Тариқат йўлида юрувчи соликка ёмон хулқлардан яхши хулқларга, бир ҳолдан юқорироқ ҳолга, бир мақомдан яхшироқ мақомга сафар қилиш лозим бўлади. Албатта, сулук эгалари зоҳирий сафарни эътиборга олдилар, муршид мураббийга етишишлик учун. Муршидга етиб борганда бутун ихтиёрни у кишига топширади ва сафарни тарк қилади. Бироқ ўз юртларида шундай азизни топсалар тарки сафар қилиб унинг мулозаматида бўладилар ва огоҳлик малакасини ошириш учун қаттиқ ҳаракат этадилар. Малака ҳосил қилганларида эса уларга сафари муқимлик баробар бўлиб қолади. @Rahimjon_Aliy

Агар сен Аллоҳ билан ўртангни яхши қилсанг, барча юзлар сени яхши кўриб қолади. Агар Аллоҳ билан ўртангни бузсанг, барча юзлар сени ёмон кўриб қолади. Абу Ҳазим қуддиса сирруҳу @Rahimjon_Aliy

Аллоҳдан қўрққанинг миқдорича халойиқ сендан қўрқади, Аллоҳга муҳаббат қўйганинг миқдорича халойиқ сенга муҳаббат қўяди, Аллоҳнинг амрида машғул бўлганинг миқдорича ҳалойиқ сенинг ишингда машғул бўлишади. Юсуф ибн Ҳусайн Розий қуддиса сирруҳу @Rahimjon_Aliy

Агар банда қалби билан Аллоҳ азза ва жаллага юзланса, Аллоҳ азза ва жалла унга мўминларнинг қалблари билан юзланади. Мужоҳид ибн Жабр роҳматуллоҳи алайҳи @Rahimjon_Aliy

Сени Аллоҳдан чалғитган ҳамма нарса бахтсизликдир. Абу Сулаймон Дороний раҳимаҳуллоҳ @Rahimjon_Aliy

Аллоҳ сари юзланган кўп, лекин етишган кам.. Абул Баракот Синдий ҳазратлари @Rahimjon_Aliy

Аллоҳни севган Аллоҳдан умид қилганда, Аллоҳдан ўзгани умид қилмайди. Имом Қушайрий роҳимаҳуллоҳ @Rahimjon_Aliy

Ким Аллоҳдан қўрқса, ундан Аллоҳ ҳамма нарсани қўрқитиб қўяди. Ҳасан Басрий роҳимаҳуллоҳ @Rahimjon_Aliy

Бизга Қуръон ўқиш қийин ва унга амал қилиш осон бўлган. Биздан кейингиларга эса, Қуръонни ўқиш осон ва унга амал қилиш қийин бўлади. Абдуллоҳ ибн Масъуд розияллоҳу анҳу @Rahimjon_Aliy

Банда тавба қилганида Аллоҳ унинг тавбасининг ростлигини синаш учун, ўша гуноҳига бориш йўлларини осон қилиб қўяди. Шайх Муҳаммад Мухтор Шинқитий @Rahimjon_Aliy