Rahimjon Ali

Ассалому алайкум ва роҳматуллоҳи ва барокатуҳ. Азизлар, биласизлар каналимизда умуман реклама хизмати йўқ, лекин бугун бир гуруҳни холис тавсия этмоқчиман. Маълумки, бизнинг диёр мусулмонларининг устозлари форслар бўлади. Бунга яққол мисол Имом Аъзам Абу Ҳанифа роҳматуллоҳи алайҳидирлар. Форслар орқали биз динни ўргандик. Шунинг учун ҳам аждодларимиз араб ва форс тилларида китоблар ёзишган, форс тилидаги китобларни шарҳлашган, нодир асарлар форс тилида ёзилган. Шунингдек, Ислом динининг моҳияти бўлмиш тасаввуф адабиёти ҳам форс тилида кўп ва хўпдир. Ҳатто дунёни ҳалигача ўзига ром этиб келаётган Мавлоно Румий роҳматуллоҳи алайҳининг Маснавийи Шарифлари ҳам форс тилида ёзилган. Қуйидаги ҳавола орқали дўстим, биродарим ва устозим фаолият юритаётган гуруҳга аъзо бўлсангизлар бўлади. Кимлар учундир фойдаси тегса, бундан фақат хурсанд бўламиз. Аллоҳ барчамизни яхшиликларда жамласин! https://t.me/Forstili_Mominzoda

Илмнинг аввали сукут, сўнг эшитиш, сўнг ёд олиш, сўнг амал қилиш, сўнг уни тарқатиш. Имом Ғаззолийқуддиса сирруҳу @Rahimjon_Aliy

Беишқ улусқа ком уйқу, Ишқ аҳлиғадур ҳаром уйқу. Алишер Навоий роҳматуллоҳи алайҳи @Rahimjon_Aliy

Адаб кичик ёшлиғларни улуғлар дуосиға сазовор этар. Алишер Навоийроҳматуллоҳи алайҳи @Rahimjon_Aliy

Бир шаҳар учун уч нарса ‒ чиқиндийўл, ҳаммом ва кутубхона жуда-жуда зарур. Чунки чиқиндийўл шаҳарнинг кирини, ҳаммом баданнинг кирини, кутубхона эса руҳнинг кирини тозалайди. Султон Муҳаммад Фотиҳ @Rahimjon_Aliy

Бир мўминнинг фарзандига тавҳид ва иймонни ўргатиши қанчалик лозим бўлса, жуд (саховат) ва эҳсонни ўргатиши ҳам шунчалик лозим ва лобуддир. Зеро, мол-дунё муҳаббати барча хатоларнинг бошидир. Имом Мотуридий роҳматуллоҳи алайҳи @Rahimjon_Aliy

Бу дунё ташвишхонасида таомланмаган ким бор?! Бу дунё ғурбатхонасида ғариб бўлмаган ким бор?! Бу дунё машаққатгоҳида изтироб чекмаган ким бор?! Бу дунё тиконзорида оёқлари шилинмаган ким бор?! Бу дунё гирдобига чўкмай қолган ким бор?! Бу дунёнинг тош кўчасида товони ёрилмаган ким бор?! Бу дунё тўфонида тўзмаган ким бор?! Бу дунё муҳаббатгоҳидан хиёнат кўрмаган ким бор?! Йўллар ўша... Ғавғолар ўша... Манзиллар ўша... Раҳимжон Али @Rahimjon_Aliy

Зоҳирда одобни чиройли қилмоқ — ботинда одобнинг чиройли бўлишига далилдир. Абу Ҳафс қуддиса сирруҳу @Rahimjon_Aliy

Сени хурсанд қиладиган нарсаларни озайтирсанг, сени хафа қиладиган нарсалар ҳам озаяди. Ибн Атоуллоҳ Сакандарий роҳматуллоҳи алайҳи @Rahimjon_Aliy

Қайсики мурид, бирорта Муршиди комилдан амал, вазифа олиб, уни бажаришда бардавом бўлса, бу иши олий мартаба, даражаларга етишлигига сабаб бўлур. "Маноқибун Нақшбандий" китобидан @Rahimjon_Aliy

Мени ўттиз йилдан бери қовурилган гўшт егим келади, лекин ҳалигача емадим. Чунки уни емаслигим парҳез қилганимдан эмас, балки, бир дирҳамим бўлганда албатта еган бўлардим. Бишр Ҳофий қуддиса сирруҳу @Rahimjon_Aliy

Инсон доимо хайрли ишлар қилиши, лекин уларни қилмадим деб ҳисоблаши керак. Хожа Али Ромитаний қуддиса сирруҳу @Rahimjon_Aliy