Rahimjon Ali

*** Аллоҳ деган бандаларни қули бўлсам, Ошиқларни куйуб ўчган кули бўлсам, Йўл устида туфроқ сифат йўли бўлсам, Дўстлар, Хожам мени бандам дегаймукин? Аллоҳ, Аллоҳ, жоним Аллоҳ, дилим Аллоҳ, Сендин ўзга паноҳим йўқ, валлоҳ-биллоҳ, Йиғлаб келдим Даргоҳингға, шайаълиллоҳ, Дўстлар, Хожам мени бандам дегаймукин? Хожа Аҳмад Яссавий раҳимаҳуллоҳ @Rahimjon_Aliy

Аллоҳ билан бўлгандан сўнг ўлим ҳам, умр ҳам севимлидир. Мавлоно Румий ҳазратлари @Rahimjon_Aliy

ҚАЛБЛАР ЭЪРОБИ Агар наҳв олимлари эъроб аломатлари тўрттадир: Рафъ (замма), фатҳ (фатҳа), хафз (касра), жазм (сукун)» десалар, Имом Ғаззолий раҳматуллоҳи алайҳ ҳам: «Қалблар эъроби тўрттадир: Рафъул-қалб, фатҳул-қалб, хафзул-қалб, вақфул-қалб», дейдилар. Қалбнинг рафъи (яъни Аллоҳ таъолога тараф кўтарилиб, сайр қилиши) Аллоҳнинг зикридадир! Қалбнинг фатҳи (яъни очилиши) Аллоҳдан рози бўлишдадир! Қалбнинг хафзи (яъни чўкиши) Аллоҳ субҳанаҳудан бошқаси билан машғул бўлиб қолишдадир! Қалбнинг вақфи (яъни тўхтаб қолиши) эса Аллоҳнинг зикридан ғофил бўлиш билан бўлади! Рафънинг аломатлари: Аллоҳга мувофақат (итоат)нинг мавжудлиги, Аллоҳга мухолафат (қарши чиқиш)нинг йўқлиги, Аллоҳга муҳаббат (ҳақиқий севги)нинг давомийлигидир. Фатҳнинг аломатлари: Таваккул (Аллоҳгагина суяниш), Сидқ (Аллоҳга садоқатли бўлиш), Яқийн (Иймони кучли бўлиш)дир. Хафзнинг аломатлари: Ужб (солиҳ амалига ғурурланиш), Риё (хўжакўрсинга амал қилиш), Ҳирс (дунёга муҳаббат қўйиш)дир. Вақфнинг аломатлари: Ибодат лаззати йўқолиши, Маъсиятнинг аччиқлиги кетиши, Ҳалол-ҳаромнинг аралашиб қолишидир. Абдулвоҳид ИБРОҲИМ таржимаси @Rahimjon_Aliy

Йўл битта эди... Мусо алайҳис салом ўтди, Фиръавн эса чўкди. Йўлга эмас, Аллоҳга суянинг! "Олтин ҳарфлар" дан @Rahimjon_Aliy

Тасаввуфда тавба ҳам уч хилдир: Толиб тавбаси; Солик тавбаси; Ориф тавбаси. Тавба манзилида (мақомида, бекатида, довонида) толиб нафақат қилган гуноҳлари ва хатоларидан воз кечиб қаттиқ пушаймон бўлибгина қолмай, балки у баданини гуноҳлардан тозалаши, гуноҳу хатоларнинг иси бадандан келишига чек қўйиши лозим. Бунинг учун толибдан Аллоҳга истиғфор айтишни кўпайтириши талаб қилинади. Солик тавба манзилида гуноҳлар, хатолар тўғрисида ва ҳатто, улардан пушаймон бўлиш, қайғуриш, истиғфор айтиш ҳақида ўйламайди, балки у ҳар сонияда ва ҳар лаҳзада Аллоҳнинг жамолини талабида зикрда бардавом бўлишга уринади. Чунки у толиблик даврида ўзининг нафсини туғёндан тийиб бўлган, уни ўзига бўйсундира олган, қалбини ғафлатдан уйғотиб, унга янги ҳаёт бахш этиш даражасига етишган бўлади. Ориф эса тавба манзилида гуноҳлардан қутилган, нафсни туғёнлардан халос қилиб бўлган ҳолатда бўлиб, у энди ўзлигини йўқотган, Хожаси Аллоҳ бағридан қўним топган бўлади. Бундай даражадаги орифдан қандай қилиб гуноҳу хатолар содир бўлсин?! Фақат зикр тўхтаб қолганидагина ёки ғафлат босганидагина ориф гуноҳлар, хатолар, нафснинг туғёни тўғрисида тафаккур қилади. Шунинг учун авлиёлардан Шайх Зуннун Мисрий қуддиса сирруҳу: “Авомлар гуноҳлардан тавба қиладилар, хослар эса ғафлатлардан тавба қиладилар”, – деганларида мутлақо ҳақ эдилар. @Rahimjon_Aliy

Ин шаа Аллоҳ, бугун кечда Толиблар тавбаси Соликлар тавбаси Орифлар тавбасини кенгроқ ёритамиз.🤲 @Rahimjon_Aliy

"Иш кўп... Намозга вақт тополмаяпман" дейсан. Балки, Аллоҳ сени Даргоҳига чақиришни истамаётгандир." "Олтин ҳарфлар" дан @Rahimjon_Aliy

"Муҳаббат агар ҳақиқий бўлса, таҳорат сувининг совуқлиги сезилмайди." @Rahimjon_Aliy

"Энг чиройли ўғрилик, гўзал хулқлар ила қалбларни ўғирламоқдир." @Rahimjon_Aliy

Зикр аҳлидан бўлган киши соғлиги ва кайфиятини баҳона қилмасдан, вазифаларини ҳар қандай сурат ва кўринишда бўлмасин, тоқати етгунича бажармоғи лозим. Ҳазрат Иброҳимжон эшон Хуқандий қуддиса сирруҳу @Rahimjon_Aliy

Дунё — яқинда ёпилажак бир бозордир. Шайх Абдулқодир Жийлоний ҳазратлари @Rahimjon_Aliy

Илм излаш фарзми, демак, Ҳақ таолони излаш фарзи айндир! Ҳазрат Аҳмад Шужоъ раҳимаҳуллоҳ @Rahimjon_Aliy