Abdurahmon Meshayan

Ватандаги уй Юрагимни тешиб кўзимни- Ёшлаб кетди танбурдаги куй. Тута олмай қолдим ўзимни, Соғинтирди Ватандаги уй. Ҳанузгача илиб қўйилган, Деворига отам чопони. Асалданда ширин туйилган, Онам ёпган тандирнинг нони. Дунёдаги бутун бойликни, Аллоҳ берса мумкин тўплашим. Аммо олиб кичик ойликни, Отам-ла бирга чой ҳўплашим- Менга ширинроқдир юз чандон, Дадам деса: Болам чойдан қуй. Лаблар отмай қўйдилар ҳандон, Соғинтирди Ватандаги уй. Ҳали бомдод кирмасдан туриб, Қишлоғимда ҳўроз қичқирар. Ватанимда келаман юриб, Нуқул уйим тушимга кирар. Йиғлаб қилди дўстим қўнғироқ: "Дардим сенга айтгим келяпти. Жуда эзиб юборди фироқ, Ватанимга қайтгим келяпти." Чипта олдим уммон ортидан- Сен томонга учмоқда учоқ. Соғинганман Ватандаги уй, Борганимда очиб тур қучоқ... @A_meshayan 01:05-27.01.2026 Абдураҳмон Мешаян

"Тез ёрдам" Эй ҳамшира гуноҳимдан кеч, Мендан ранжиб нима қиласан? Мен тузалгим келмаяпти ҳеч, Игна санчиб нима қиласан? Мени ёмон синдириб кетган, Тили билан мен суйган одам. Энди менга беролмас кўмак, Ҳеч қанақа ўша "тез ёрдам" Баҳонадир иш ва вазият, Тирик чоғ етмасдан қадримга. У сотқинга шудир васият, Ҳеч келиб юрмасин қабримга. Мен ундан ҳеч рози эмасман, Эй ҳамшира демам давола. Шаънига ҳам қарғиш демасман, Мен Аллоҳга қилдим ҳавола. @A_meshayan 03:07-26.01.2026 Абдураҳмон Мешаян

Assalamu alaykum va rohmatulloh azizlar salomatmisizlar? Ramazonning elchisi bo‘lmish muborak Sha’bon oyiga ham yetib keldik. Bu oy — qalblarni poklash, niyatlarni tozalash va Ramazonga tayyorgarlik ko‘rish oyidir. Alloh taolo yana bir bor bizlarga yaxshilik qilish, savobli amallar bilan Unga yaqinlashish imkonini nasib etmoqda. Bugun sizlarga bir Ona nomidan murojaat qilmoqdaman… Axir Onaning begonasi bo‘lmaydi. Yolg‘iz bir Ona. Bir qizi va bir o‘g‘lini farroshlik qilib, halol mehnati bilan boqib, o‘qitib kelayotgan edi. Ammo Allohning sinovi bilan 3 oy avval qandli diabet sabab oyoqlarida gangrena boshlanib, hozirda ishlashga hollari qolmagan. Davolanmasa, bu kasallik butun tanaga tarqalib ketish xavfi bor… Bugungacha ro‘zg‘orlari mahalladagi mehribon qo‘shnilari yordam qilib ta’minlab kelishayotgan ekan. Ammo davolanishni kechiktirib bo‘lmaydi. Bu — nafaqat dard, balki hayot masalasi. Oilani sharoitini joyiga borib, yaxshilab tekshirdim, holat ishonchli. Endi Allohga tavakkul qilib, doimgidek siz azizlarga murojaat qilmoqdaman. Kelinglar, Sha’bon oyida qalblarimizni yumshataylik. Bir Onaning duosini olaylik. Bir oilaning umidiga sababchi bo‘laylik. 9860120151383706 Humo 5614681913320945 Uzcard 4916990325154968 Uzum card 4790912216468431 Visa Mahmudov. M nomida hammasi! Hozirgi zarur mablag‘: 18 million so‘m Bilaman katta mablag’ lekin sizlar bilan albatta bu ishni ham uddalashimizga ishonaman. Kim qancha qodir bo‘lsa — mablag’ tomonlama, yaqinlariga ulashish tomonlama bo’ladimi farqi yo’q. Muhimi shu savobli ishga o’z hissangizni qo’shishingizda. Alloh yo‘lida berilgan har bir ehson ulkan savobdir. Balki aynan sizning sadaqangiz bu Onaning shifosiga, farzandlarining kelajagiga sabab bo‘lar… Olganimiz emas, berganimiz biznikidir! Sizlarni qiziqtirgan har qanday Qo’shimcha savollar bo’lsa @azxariy_bot ga murojat qilishingiz mumkin.

Хотин дер:"Мўйнага пул топинг яна," Ўғил дер:"Этиксиз юрмоғим қийин" -Сизгачи не керак бу қишда она, Ҳеч нарса керакмас қалинроқ кийин! Абдураҳмон Мешаян

Бир неча марта даволанишига ёрдам берганимиз Маъпура опамизга яна ёрдам зарур. Шифокорлар текшируви натижасида унинг тизза сохасида муаммо аниқланган ва жарроҳлик амалиёти қилиш зарурлиги айтилган. Операция ва даволаниш харажатлари 15 миллион сўмни ташкил қилади. Ҳар бирингизнинг хоҳ кичик, хоҳ катта қўшган ҳиссангиз унинг соғлигига, ҳаётига умид бағишлайди. Аллоҳ таоло қилган хайр-саховатларингизни катта ажр ва савоблар билан мукофотласин. Карта рақами: 8600061077554755 5614681620826382 Алоқа учун: +998955950605

Зўрман дема эркакдан аёл

Зўрман дема эркакдан аёл Оиланг бузмоқ учун чоҳми қазирсан, Ахир сен бир бутун бахтга арзирсан, Султонга бош эгсанг доно вазирсан, Эй эридан кўп пул топгувчи аёл, Эркакдан зўрман деб сурмагин ҳаёл. Дугонанг айтади:”Гўзалим маним, Кам пул топса ажраш билмайсан тиним” Асли у биринчи рақамли ғаним, Эй эридан кўп пул топгувчи аёл, Эркакдан зўрман деб сурмагин ҳаёл. Ажраш ажраш ажраш деган нечалар, Эр бўлиб қучмайди сени кечалар. Кўр бўлма бисёрдир оёқдан чалар, Эй эридан кўп пул топгувчи аёл, Эркакдан зўрман деб сурмагин ҳаёл. Бевалик тожини бошингга тақма, Илонга тақлидан ёрингни чақма. Молу дунё учун бунча тутақма, Эй эридан кўп пул топгувчи аёл, Эркакдан зўрман деб сурмагин ҳаёл. Ё уч фарзанд бошин эгмоқчимисан, Шердан кечиб итга тегмоқчимисан? Пул билан тақдирни енгмоқчимсан? Эй эридан кўп пул топгувчи аёл, Эркакдан зўрман деб сурмагин ҳаёл. Бир пайтлар деганди бир оқил ака: Эркакнинг бирида қилма калака. Аёлнинг мингидан кўра барака, Эй эридан кўп пул топгувчи аёл, Эркакдан зўрман деб сурмагин ҳаёл. Саодат даврини ўқиб кўр пича, Муҳаммаддан бойман дея Ҳадича, Ҳеч яшаганмиди эр қонин ича, Эй эридан кўп пул топгувчи аёл, Эркакдан зўрман деб сурмагин ҳаёл. 16:29-18.01.2026 Абдураҳмон Мешаян

Пайғамбарни сўккан итга жазо борми? Ўзбекларга жоним ачиб шеърлар ёзсам, Чақиртириб дейсиз:"Укам, шошма шошма" Ижодим деб кўп эзишди Хаққа қасам, Тушунтириш хат маъноси хаддан ошма! Яхшиямки тирик пайтим балиқ мисол, Соқов бўлиб ўлгач йўқдир дудланганим. Аммо "жума муборак" деб шеър ёздиму, Бахтим бўлди диним учун судланганим. Оёқлари жароҳатга тўлмоқдамиш Шўрлик домла бегуноҳу чекар заҳмат. Қамоқда у муддат ўтар воҳ кўксига, Нишон тақиб демоқ керак асли раҳмат. Нечун "жума муборак" деб ёзса шоир, Нега диний китоб ёзса олим мамнун. Жазоланур, лекин пайғамбарни сўккан- Бир кўппакка қачон ишлагайдир қонун? Оқлаб қўйинг елкадаги юлдузингиз, Тўю аза cизлар билан нишонланур. Эй посбонлар пайғамбарни сўккан итнинг, Икки харом қўли қачон кишанланур? @A_meshayan 21:53-08.01.2026 Абдураҳмон Мешаян

​​ЭЙ АЁЛ Эй аёл хушторинг хор қилар охир, Унга ўпич тутиб қўйсанг хам рекорд. Сен хуштор қўйнида нелегал мусофир, Бир куни барибир бўласан депорт... Эй аёл хушторга ишонмагин сан, Сенга бўлмас унинг қучоғи Ватан. Мисли ноқонуний мусофир сўлғин, Бир куни барибир бўласан қувғин... Минг гўзал бўлса хам торт энди хушёр, Ватаннинг ўрнини босмас ўзга юрт. Шунингдек, минг кўркам бўлмасин хуштор, Эр ўрнин босолмас, жазмандир бебурд. Хеч кимса суймайди мужмал ғазални, Шохдан- шохга қўнган қушдек гўзални. Қулфсан-Хар калитга очилаверма, Ким хам ер кўппакдан ортган асални? Бировнинг ёрини тортиб олибсан, Нафсингга мағлубсан қайда ғолибсан? Нахот сенга ёқар эл масхараси Десалар: Турфа лой тушган қолипсан? Ёринг мухаббатнинг энг тозасини- Тутиб, очса ишқнинг дарвозасини Бошга урасанми ўзга юртдаги Ўзга маликанинг шахзодасини? Эй аёл хушторинг хор қилар охир, Унга ўпич тутиб қўйсанг хам рекорд. Сен хуштор қўйнида нелегал мусофир, Бир куни барибир бўласан депорт... 12:53-18.10.2014 Абдураҳмон Мешаян

​​РЎМОЛ Қиш дов-дарахтларга бир-бир урди дўқ: “Менга арз-дод қилиб тергашмаларинг! Сизни кийинтирган баҳор энди йўқ, Унинг мазҳабига эргашмаларинг! Қарғаманглар мени қурсин деб юзинг, Қаршиликка кимнинг ҳадди сиғарди? Тезда бошингиздан япроқни узинг, Сарой табиати фатво чиқарди! Кўнмаган кесилар кимда бор тоқат? Қўрқувдан кўндилар дарахтлар барча. Ҳарчанд чўчисада бўйсунмай фақат, Қишнинг фатвосига кўнмади арча! @A_meshayan 19:11-21.11.2019 Абдураҳмон Мешаян