Laylo Rustamova

Ёдингизда бўлса Хоразм вилояти узоқ Тупроқалъа туманидаги 2-сонли мактабнинг Информатика фани ўқитувчиси Сайёра опа Рўзимова билан онлайн суҳбат қургандик. Бугун Сайёра опа Тошкентга сафарлари чоғида мен билан кўришгани келибдилар. Бундан бошим кўкка етди, жудаям ҳурсанд бўлдим. Касбини жуда севадиган устозларни кўрсам жула қувонаман. Ҳар гапида ўқувчилари ва касби ҳақида фахрланиб гапирадиган Сайёра опа ҳаётларининг 32 йилини шу касбга бағишлабдилар. Қарийб 1 соатча давом этган суҳбатимиз давомида Сайёра опадан ҳаётлари ҳақида ҳам кўп нарса билволдим. Илк компьютерни Сайёра опага 2008 йилда 696 долларга қайноталари олиб берганликларини эслайдилар: "Ўшанда атрофдаги қўни-қўшни ва таниш-билишлар ундан кўра уйингга гилам олмайсанми деб кулишган". "Ишонасизми, шунча йил ишлаб, илк бор Санаторийга йўлланма олдим, Оқтош сиҳатгоҳида дам олиб қайтдим. Сиз билан қилган суҳбатимиздан кейин жуда кўпчилик мени таний бошлади, баъзи жойларда ҳатто мени навбатсиз ўтказворишади", — дейдилар Сайёра опа 🙂. Сайёра опа шу қадар фидойи устозки, ўқувчилари учун бепул тўгараклар ташкил қилиб, уларнинг қоринлари тўқ бўлиши учун ҳам қайғурар эканлар. Айни дамда Сайёра опанинг турмуш ўртоқларини Тошкент вилоятига ишга чақириб, 2 хонали коттедж уй ҳам беришган. Сиз ҳам келасизми десам, ўқувчиларимни кўзим қиймайди, уларни ташлаб келолмайман дедилар. Ҳозир кенжа ўғилларини Польшага IT соҳасида ўқишга юбориш ҳаракатидалар. Бунинг учун кредит ҳам олганлар. Битта нарсани эшитиб хафа бўлдим, Сайёра опада ҳатто Халқ таълими аълочиси кўкрак нишони ҳам йўқ экан. Эҳ, Халқ таълими вазирлигида фаолият юритган пайтларим сиз ҳақингизда билмаган эканман, албатта сиздай ўқитувчимизнинг мукофот олиши учун бор имконимни ишга солардим десам, менга мукофотнинг кераги йўқ, ўқувчиларимнинг ютуғи мен учун энг катта мукофот дедилар. Бу гулдастани Сайёра опанинг менга меҳр изҳорлари деб қабул қилдим. Бу шу ҳафта давомида касбим орқасидан олган иккинчи гулдастам. Дарвоқе Сайёра опа билан қилган суҳбатимизни ушбу ҳаволада кўрсангиз бўлади, улар ҳақида айтганларимга ўзингиз ҳам амин бўласиз: https://t.me/ITEducationAssociation/125 #Алҳамдулиллах_ҳаммаси_учун

Болани пул эвазига нимадир қилишга ундаш қанчалик тўғри деган савол мени доим ўйлантиради. 14 ёшли қизим куни кеча мен талабалик давримда ўқиган Оскар Уайльднинг "Портрет Дориана Грея" романини ўқиб тугатди ва менга шундай деди: "Ойижон, яхшиям ўшанда бизга ўқиган китобимиз учун пул бераман деган экансиз, бошида пулга қизиққандим, ҳозир эса китоб ўқимасам ўзимни ёмон ҳис қиламан..." — деди. Дарҳақиқат бугун Ширинни китоб ўқишдан тўхтатиб бўлмайди, унда ҳатто ўзининг кичик кутубхонаси ҳам бор хатто. Фарзандининг китобда ўқиган саҳифаси учун пул бериш амалиётини мен бундан бир неча йил аввал Рақамли технологиялар вазири Sherzod Shermatovдан улар билан Халқ таълими вазирлигида ишлаган давримда ўрганганман. Улар билан ишлаган пайтларимда фарзандларига ўқиган китоби учун пул бериш амалиётини йўлга қўйганликлари ва улар шу қадар кўп китоб ўқишяптики кўп пуллари кетаётгани ҳақида айтиб бергандилар. Ўшанда мен ҳам бу амалиётни қизларимда жорий қилиб кўрганман. Қайсидир пайтгача бошида пул бердим, кейин эса бу шартли рефлекс бўлиб қолди. Кеча Ширинни айтган гапидан кейин ҳамда Sardor Bazarbaev ўз саҳифасида ёзган наманганлик тадбиркор Bekzod Tuhtasinov ака нафақат китоб ўқиган болаларни балки уларнинг ота-онасини ҳам моддий рағбатлантирганини эшитиб, болани китоб ўқишга ўргатишнинг ҳар қандай усули тўғри эканлигига яна бир бор амин бўлдим. 5 ой мобайнида 42 нафар ўқувчи300 дан ортиқ китоб ўқиган. Тадбиркор уларни рағбатлантириш учун 10 минг АҚШ доллардан ортиқ маблағ сарфлаган. Бу жуда зўр натижа деб ўйлайман. Бу жараён шу танловда қатнашган болаларда китобхонлик маданиятини шакллантиргани шубҳасиз. Аслида болалар таълимига бефарқ бўлмаган ана шундай ИНСОНЛАР орамизда борлиги бу бахт. Ҳар бир инсон оиласидаги болаларда китобга бўлган меҳрни уйғота олса бу унга ҳаётидаги энг қимматли совғани қилган ҳисобланар экан. Қуйидаги видеодаги каби ҳамма оилаларда китоб ўқиш байрам даражасига чиқсин🤲 Хўш, сиз фарзандингизни китоб ўқишга меҳрини ошириш учун қандай усуллардан фойдалангансиз?

Баъзи ҳолларда уй бекаларига ҳавас қилиб, қандай мазза шуларга эрталабдан ишга боришим керак деган ташвишлари йўқ, деб нолиган пайтларим бўлиб туради… Мана бир неча кундирки уйдаман… Фақат на иш қилиш кўнгилга сиғади, на дам олиш. Шу бир неча кун ичида бутун ҳаётим кўз олдимдан ўтди… Нимадандир нолиётганимизда фикрларимиздан эҳтиёт бўлишимиз кераклигига яна бир бор амин бўлдим… Шунча йиллардан буён доим кўтаринки байрамона кайфиятда нишонлаган касб байрамим ҳам кўнглимга сиғмади… деб ўтиргандим, телефон жиринглади: “Лайло опа, нечинчи қавватда уйингиз?” Бу тиниб-тинчимас қалби меҳрга тўла синглим Tamannoнинг овози эди. Кутилмаган бу ташрифдан қувониб кетдим… Қўлларида “Аёл бахти”ни кўтариб кириб келди у… “Бу гул ҳақида эшитганимда уни сизга совға қиламан деб дилимга тугиб қўйгандим” - дейди у. “Баъзида ёзишдан бошқа чора йўқдек туюлади. Ёзишдан бошқа малҳам йўқ дейсан-у, яна ёзаверасан… ” - бу совға қилинган китобдаги илк мисралар эди… Бизнинг касбимиз шу ёзиш билан чамбарчас боғлиқ. Қилган ношукрликларим учун узр сўрайман! Мен ўз касбимни жуда ҳам севаман ва уйда ўтиришни хохламайман! Касбим орқали жуда кўп нарсага эришдим ва Иншоллоҳ ҳали қиладиган ишларим кўп! Фурсатдан фойдаланиб, эрта тонгдан ўз табрик ва тилакларини йўллаган барча азиз дўстларим ва ҳамкасбларимга эътибор учун ўзимнинг миннатдорлигимни билдирмоқчиман. Касб байрамимиз муборак бўлсин азиз устозлар ва ҳамкасблар. Доим севимли касбимиздан қадр топиб, ҳурсанд бўлиб яшаш насиб қилсин🤲

Бугун уйга тунги соат 12 га яқин Тез ёрдам чақирдим😔 Фурсатдан фойдаланиб, куннинг исталган қисмида айтган жойимизга келиб, дардларимизга беминнат оро кирадиган шифокорларимизга катта раҳмат айтмоқчиман! Хизматингиз таҳсинга лойиқ, ҳеч қачон дард кўрманг, яхши ҳам борсизлар🤲

https://www.youtube.com/watch?v=F7SZOvXnh5k&t=92s

🎓4 yillik grant, har oy 1 million soʻm stipendiya va noutbuk… Oliy ta’lim, fan va innovatsiyalar vazirligi, Yoshlar ishlari agentligi, TIFT universiteti va KHISO olimpiada maktabi hamkorlikda bitiruvchi oʻquvchilar uchun mantiqiy matematika boʻyicha yilning eng katta sovrin jamgʻarmali olimpiadasini tashkil etadi! 🟢Onlayn saralash bosqichi 21-22-23 iyun kunlarimaxsus platformadabepul oʻtkaziladi. 🔵Saralangan oʻquvchilar iyul oyidaTIFT universitet binosida oflayn olimpiadada ishtirok etadi. Gʻolib va ishtirokchilarni juda koʻplab sovgʻalar kutmoqda. Batafsil videoda tanishing! 🚀 Hoziroq yilning eng katta loyihasiga roʻyxatdan oʻting: ➡️@tiftolympiad_bot

Яна бир хайрли ишни уддаладик!🤲 Менга бухоролик фарзанди муаммо билан дунёга келган бир ўқитувчи мурожаат қилди. Мурожаатни тўлиғича келтириб ўтаман: "Ассалому алейкум, Лайло опажон. Фаолиятизни анчадан бери кузатиб бораман. Бу соҳага ўтганизда жуда қувондим, сабаби сиз орқали жуда кўплаб янгиликлардан бохабар бўлиш имкони туғилди менда. Исмим Холида, Бухоро вилояти Вобкент туманиданман. Касбим ўқитувчи, мутахассислигим математика. 2021 йил биринчи фарзандимни дунёга келтирдим, бироқ туғруқ жуда оғир кечди, оқибатда қизим нервла қисилиш оқибатида ўнг томони ишламайдиган бўлиб туғилди. Жуда кўп оғир кунларни бошдан кечирдик, Алҳамдуллилаҳ анча ўзгариш бўлди бироқ ҳозир ҳам қўли ўсишдан орқага қолган. Ҳануз даволанамиз. Ҳозирда иккита фарзандим бор. Уйдаман. Қизимни соғлигида муаммо борлиги сабабли боғчага беролмайман ойига 7-8 хил дори ичиб юради, нерв дорилари бўлгани учун кечиктирмасдан ўз вақтида ичиришни кучли назорат қилиш керак. Бу масъулиятли ишни бировга ишона олмайман. 2023 йил IELTS олдим, болалар билан бўлиб 6 ой тайёрлана олдим ба 6 баллни қўлга киритдим. Магистратурага грант асосида қабул қилиндим, лекин болаларим сабаб ўқий олмадим, академик таътил олишга мажбур бўлдим. Шу 1 йилдан бери IТ соҳасига киришни ўйлайман, бу соҳа айнан мен учун деб ўйлайман. Сабаби уйдан ўтириб ишлаш имконини борлигида. Лекин моддий жиҳатдан ва вақт жиҳатидан курсларга қатнай олмайман. Боламни соғлиги сабаб бу соҳага кириб боришим, шу соҳада фаолият юритишим шарт деб ўйлайман. Шахсий нотбуким бор, рус тилини ҳам B2, инглиз тилини ҳам B2 даражада биламан. Шунга агарда малол келмаса уйдан ўтириб бу соҳани ўрганишимга амалий кўмак берсангиз дегандим. Сизга катта раҳмат. Аллоҳим паноҳида бўлинг. Қизалоқларизни ҳузурини кўриб юринг илоҳим." Бу аёлга қўлимдан келганча тавсия бердим, бироқ курс олиб бериш имкония бўлмаганди... Куни кеча сурхондарёлик математика устозимиз ўзлари харид қилган 6,5 миллион сўмлик курсни совға қилиш учун одам изладилар ва шаффоф бўлсин деб буни ижтимоий тармоқ орқали эълон қилдим(https://www.facebook.com/profile.php?id=100003466037199) Холида фурсатдан фойдаланиб, шу имкониятни уларга беришимизни сўрадилар. Курс совға қилиш ташаббуси билан чиққан устозимиз эса ушбу курсни ҳаётда бошига синов тушган ўзларининг ҳамкасбларига совға қилишга қарор қилдилар. Хуллас, биз яна бир хайрли ишни амалга оширдик. Шахси сир қолишни истаган ўқитувчимизга шундай муқаддас кунларда қилган хайрли ишлари ва ташаббуслари учун миннатдорлик билдириб қоламиз. Иллоҳим ушбу ўқиш имконияти бухоролик устозимиз учун манфаатли бўлиб кўзлаган мақсадларига эришсинлар🤲 Агар кечаги постга назар солсангиз унда яна бир аёл отаси вафот этган жиянига ўқиш учун имконият сўраган, агар орангизда IT'да ўқиш учун имконият бера оладиган саховатли инсонлар бўлса ушбу ташаббусни давом эттиришга чақириб қоламан. #Ёшлар_таълимига_ҳисса_қўшинг

6.5 миллион сўмлик Дастурлаш курси совға қилинади Бир ўқитувчимиз Тошкентдаги ўқув марказидан 6.5 миллион сўмга харид қилган тўлиқ Дастурлаш курсини ёшларимиздан бирига совға қилмоқчилар. Ўқитувчимиз шахслари сир қолишини истадилар, бера оладиган маълумотим фақат уларнинг Сурхондарё вилояти Термиз туманидан эканликлари. Агар орангизда Дастурлаш соҳасига ўқишни жудаям истайдиган бироқ бунга имконияти йўқ ёшлар ёки шундай ёшларни танийдиганлар бўлса ушбу ўқув курсини улардан бирига совға қилмоқчилар. Тошкентда яшайдиган ёшлардан бўлса қатнаб ўқиши мумкин, вилоятдан бўлса онлайн. "Шарти" битта, нима учун айнан шу инсон ўқиши кераклигини изохда ёзиб қолдириш. Мен ўзимдан битта шарт қўшдим: бугун IT соҳасида иш топишга ёрдам берадиган Linkedin https://www.linkedin.com ижтимоий тармоғида рўйхатдан ўтиб, аккаунт юритишни бошлаш. Бу шарт бўлғуси айтишнигимизга ушбу соҳада фаолият юритадиганлар билан алоқада бўлиш, келгусида ишга жойлашишга ёрдам беради. Хўш, ким ушбу бепул ўқиш имкониятини қўлга киритмоқчи? Дарвоқе, Linkedin'да рўйхатдан ўтган аккаунтининг ҳаволаси ва бизга нима учун айнан у ушбу ўқув курсида ўқимоқчилигини ёзиб қолдириш. Ушбу имкониятни атрофингиздаги ёшларга етказишга ёрдам берасиз бефарқ бўлмайсиз деб умид қиламиз. Ғолибни устозимизнинг ўзлари аниқлайдилар.

Dunyoning yetakchi kompaniyalarida injener bo‘lib ishlayotgan 24 yoshli o‘zbek yigitibilan suhbat "Ish boshlayotganimda tekinga bo‘lsa ham ishlaganman, 21 yoshimda esa Londondagi kompaniyaga ishga taklif qilishgan" Dunyoning yetakchi kompaniyalarida sun’iy intellekt va Data science bo‘yicha injener bo‘lib ishlayotgan Mahmudjon Sodiqov bilan suhbat. Mahmudjon Sun’iy intellekt bo‘yicha O‘zbekistondagi kuchli ekspertlardan. U turli startaplarda va kompaniyalarda sun’iy intellekt buyicha Senior ML Engineer bo'lib ishlaydi. Hozirda u Central Asian University'da tadqiqot bo‘yicha dekan o‘rinbosari, sun’iy intellekt, statistika va diskret matematika bo'yicha professor hamda Amerikaning tibbiyot texnologiyalariga ixtisoslashgan kompaniyasida faoliyat yuritadi. Suhbat davomida Mahmudjon bolaligi, oilaviy muhiti, rassomlikdan keyin aniq fanlarga o‘tgan qiziqishi, sun’iy intellektning kelajagi hamda yoshlarga o'zining tavsiyalari bilan bo‘lishdi. Batafsil suhbatni quyidagi havolada ko'rishingiz mumkin: 👉https://www.youtube.com/watch?v=exhzxyeglO0

"School21" IT sohasidagi yangi bilim va ko‘nikmalarga bepul ega bo'lish imkonini beradi Bu yerda siz noldan bepul IT sohasidagi yangi bilim va ko‘nikmalar, shuningdek, talabgir kasbga ega bo'lishingiz mumkin. School 21 – bu: 🟢 “Tengga-teng” metodologiyasi. Darslar va ma’ruzalar bo‘lmaydi. Jamoa bo‘lib ishlang, bilimingizni boshqalar bilan baham ko‘ring va amaliy tajribaga ega bo‘ling. 🟢Qulay jadval. Maktab yiliga 365 kun, haftasiga 7 kun va 24 soat ishlaydi, shuning uchun siz o‘zingizga qulay bo‘lgan har qanday vaqtda o‘qishingiz mumkin. 🟢Majburiy tajriba amaliyoti. Oldinda ta’lim ishtirokchilarini mamlakatning yirik kompaniyalarida uch oy davom etadigan tajriba amaliyoti kutmoqda. 18 yoshdan oshgan har bir kishi School 21ning ishtirokchisi bo‘lishi mumkin. 👩‍💻Agar siz IT mutaxassisi bo‘lishni istasangiz, joriy yil 26 iyungacha 21-school.uz sayti orqali ariza bering. 🟢Bunday imkoniyatni qo‘ldan boy bermang ☎️ +998 93 0394442 Instagram | Telegtam

Суратдаги йигит Маҳмуджон Содиқов. Эндигина 24 ёшда бўлишига қарамай у Россиянинг Сбербанк, Huawei, SAS компанияларида сунъий интеллект ва Data science йўналишлари бўйича ишлаган. 21 ёшида унга Лондондаги компаниялардан биридан иш таклиф қилишган. Маҳмуджон Сунъий интеллект бўйича Ўзбекистондаги энг зўр экспертлардан. Турли стартапларда ва компанияларда сунъий интеллект буйича Senior ML Engineer булиб ишлайди. Ҳозирги пайтда Central Asian University'да тадқиқот бўйича декан ўринбосари, сунъий интеллект, статистика ва дискрет математика буйича профессор. Асосий иш жойи Американинг Aibohealth (USA) компаниясида. Маҳмуджон билан гаплашсангиз олам-олам таасурот оласиз. У сингари ёшларни кўрсам келажакка умид уйғонади. У билан жуда фойдали суҳбат қурдик. Суҳбатни тез кунда эътиборингизга ҳавола этамиз...