Laylo Rustamova

Ритмик рақслари билан интернетни "портлатган" андижонлик ўқитувчилар барча ҳамкасбларини челленджга қўшилишга чақиришди Кеча ўзларининг ритмик-рақслари ижтимоий тармоқларда кенг муҳокама бўлган Андижон вилояти Жалақудуқ туман 1-ИДУМ ўқитувчилари ўзларининг навбатдаги видеоларини юборишди ва қолган ҳамкасбларини ҳам челленджга қўшилишга чорлашаётганини маълум қилишди. #Cоғлом_ҳаёт_учун #Спорт_ва_рақс

Мактабларда жорий этилган "Табиий фанлар", эътирозларга сабаб бўлган География фани "Севимли" телеканалининг "Замон" информацион дастурида.

Ушбу видеонинг қайси жойида кўзбўямачилик кўрдингиз? Афсуски ижтимоий тармоқлардаги айрим каналлар томонидан ушбу видеога "Кўзбўямачиликнинг туби борми ⁉️" дея "таъриф" берилган. Наҳотки, инсон саломатлиги ва кайфияти учун амалга оширган ушбу ритмик бадантарбия машқи ҳам биз учун салбий таасурот уйғотса?! Соғлом турмуш тарзи фасл ва жой танламайди. Ривожланган давлатларда ҳам иш куни мана шундай бадантарбия машқлари билан бошланади. Бундай кайфиятда бошланган кун иш фаолиятида ҳам ўзининг ижобий таъсирини кўрсатади. Машқлар ўқитувчиларга қанчалик кайфият бағишлаётганини пайқаш қийин эмас. Мазкур видеода Андижон вилояти Жалақудуқ туман 1-ИДУМ ходимларининг эрталабки ритмик гимнастика машғулотлари акс этган.

#Муносабат “ГЕОГРАФИЯ” ДАРС СОАТЛАРИДАГИ ЎЗГАРИШЛАР ЮЗАСИДАН ИЖТИМОИЙ ТАРМОҚЛАРДА КЎТАРИЛГАН ЭЪТИРОЗЛАРГА МУНОСАБАТ Ўқитувчилар нимадан норози? Миллий ўқув дастурига кўра, 2022-2023-ўқув йилидан бошлаб, 1-6-синфларда ягона “Табиий фанлар” (Science) фани жорий қилиниши белгиланган (Ўзбекистон Республикаси Президентининг 2020 йил 12 августдаги ПҚ 4805-сонли қарори). Янги фан география, биология, физика, кимё ҳамда астрономия фанлари бўйича ўқувчиларнинг дастлабки кўникмаларини шакллантиришга қаратилган. Эндиликда бу фанларга оид билим ва кўникмалар ўқувчиларда 1-синфдан бошлаб шакллантирилади. Миллий ўқув дастури доирасида ўқувчиларда “Табиий фанлар” фани орқали шаклланиши лозим бўлган билим ва кўникмалар ҳар бир синф кесимида белгиланди. Ўқувчилар бошланғич синфларда етарли кўникма ва малакага эга бўлишлари учун, халқаро тажрибадан келиб чиқиб, янги фанга ажратилган дарс соатларини бошланғич синфларда кўпайтиришга эҳтиёж туғилди. Шу муносабат билан, 6-синфда ҳар бири ҳафталик 2 соатдан ўтиладиган (жами 6 соатлик) география, биология ва физика фанлари ўрнига ягона, ҳафтасига 3 соатлик “Табиий фанлар” киритилди. Ўз навбатида, қолган ҳафталик 3 соат “Табиий фанлар” доирасида 2-, 3-, 4-синфларга ўтказилди. Яъни, бу синфларга ҳафтасига 1 соатдан, жами 3 соат қўшиб берилди. Мактабда география фанидан берилиши зарур бўлган билим ҳажми ва унга умумий режада ажратилган соатлар ҳажми қисқаргани йўқ. Бошқа фанлар қатори география фанига оид мавзулар “Табиий фанлар”га сингдирилган, умуман дастурда эса, география фанига оид мавзулар 291 та мавзудан 387 та мавзуга, яъни 96 та мавзуга кўпайган. Шу нуқтаи назардан, ижтимоий тармоқларда география фани йўқолиш хавфи остидаги хулосалар, асоссиз. Жаҳон тажрибасида қандай? “Табиий фанлар” жаҳондаги аксарият ривожланган давлатларда ўқитилади. Хусусан, Буюк Британия тажрибаси ўрганилганида, табиий фанлар 1-6-синфларда интеграция қилинган ҳолда, ягона фан сифатида ўқитилади. Табиий фанларнинг қуйи синфларда қўшиб ўқитилиши ўқувчига оламни бир бутун тасаввур қилиш, фанларга оид мавзулар кесимида лойиҳа ишларини амалга ошириб, тадқиқотчилик кўникмаларини ривожлантириш, ўқувчиларнинг фаоллигини ошириш, танқидий фикрлаш қобилиятларини яхшилаш, уларни ижодкорликка йўналтиришга хизмат қилади. Миллий ўқув дастури доирасида таълим мазмунида амалга оширилаётган бу каби ўзгаришлар иқтисодиёт соҳаларига халқаро андозалар асосида меҳнат бозорида эҳтиёж юқори бўлган кўникмаларга эга кадрларни тайёрлаши билан ўқувчилар учун манфаатлидир. Янги фан киритилиши ўқитувчиларга қандай имконият яратади? Миллий ўқув дастурида айнан География фани ҳафталик 8 соат дарс ўтишлиши белгиланган. Шу ўринда алоҳида қайд этиш лозимки, география фани ўқитувчиларида “Табиий фанлар” йўналиши бўйича қисқа муддатли қайта тайёрлов курсини муваффақиятли тамомлаган тақдирда, 11 соат дарс бериш имконияти пайдо бўлади (натижада, амалдаги ҳафталик 10 соат ўрнига, 11 соат беришлари мумкин). Шу билан бирга, Вазирлик дастурни халқаро талаблар асосида замонавийлаштириш бўйича ўз олдига қўйилган вазифаларни инобатга олган ҳолда, ўқувчиларда иқтисодий билимларни янада ошириш мақсадида қўшимча соат ажратиш бўйича имкониятларни ўрганмоқда. Мазкур йўналишда қўшимча дарс жорий қилинса, бу ҳам география ўқитувчилари учун қўшимча имконият бўлади. Халқ таълими вазирлигининг расмий саҳифаларига уланиш Telegram|Youtube|Facebook|Instagram

МУНОСАБАТ Куни кеча Самарканд вилояти, Нуробод тумани, 41-мактаб ўқувчисининг "Бир миллион дастурчи" танловида фойдаланилган ноутбук берилгани тўғрисидаги видеомурожаати ишчи гуруҳ томонидан ўрганилмоқда. Ўрганиш натижалари бўйича қўшимча маълумот берилади.

Айни вақтда ижтимоий тармоқларда тарқалаётган қишки таътил 1 мартга қадар узайтирилганлиги ҳақидаги хабар ёлғон эканлигини маълум қиламиз. Қишки таътил муддати ҳақида расмий Хабарнома аввалроқ Халқ таълими вазирлиги томонидан эълон қилинган👇 https://t.me/uzedu/15048 Халқ таълими вазирлигига доир барча хабарларни фақат вазирликнинг расмий саҳифасидан олишингиз мумкин 👉https://t.me/uzedu

#Nodavlat_tashkilotlar Nodavlat taʼlim tashkilotlarida qishki taʼtilni uzaytirish boʻyicha bayonotni xato talqin qilmaslik soʻraladi Batafsil:https://tdi.uz/news/1172/ Taʼlim inspeksiyasi telegram kanaliga ulanish: 👇 https://t.me/uztdi

#Хабарнома ҚИШКИ ТАЪТИЛ УЗАЙТИРИЛАДИ Ҳурматли ота-оналар! Халқ таълими тизимидаги директор, директорнинг ўқув ва маънавий-маърифий ишлар бўйича ўринбосарлари ҳамда педагог-ўқитувчиларнинг халқаро стандартлар асосида ишлаб чиқарилган Миллий ўқув дастурлари асосида малакаларини ошириш курсларини ташкил этиш, шунингдек, ўқувчи - ёшлар ўртасида мавсумий грипп касаллигининг кескин кўпайишининг олдини олиш мақсадида халқ таълими вазирлиги қишки таътил кунларини 2022 йил 24 январга қадар узайтирилганини маълум қилади. Таътил кунлари давомида, ўқувчиларнинг бўш вақтларини мазмунли ташкил этиш мақсадида улар учун онлайн фан олимпиадалар, интеллектуал ўйинлар, китобхонлик маданиятини ривожлантиришга қаратилган беллашувлар ва турли танловлар ташкил этилади. Бундан ташқари халқ таълимининг ижтимоий тармоқлари ҳамда Миллий телерадиокомпаниянинг телеканаллари орқали турли тўгараклар фаолияти йўлга қўйилади. **** ЗИМНИЕ КАНИКУЛЫ ПРОДЛЕВАЮТСЯ Уважаемые родители! Министерство народного образования сообщает, что в целях организации курсов повышения квалификации для руководителей общеобразовательных учебных заведений и педагогов по новой Национальной учебной программе, а также предотвращения распространения сезонного гриппа среди учащихся зимние каникулы продлеваются до 24 января 2022 года. В эти дни для эффективного использования времени учащихся будут организованы различные онлайн олимпиады, интеллектуальные игры, а также мероприятия, направленные на развитие культуры чтения книг. Кроме того, в социальных сетях министерства и по телеканалам Национальной телерадиокомпании планируется трансляция различных кружков для школьников.

Янги 2022 йилингиз муборак бўлсин! Сизни кириб келаётган Янги 2022 йилингиз билан чин қалбимдан муборакбод этаман. Кириб келаётган йил Сизга мустаҳкам соғлик, бахт, омад ва улкан ютуқлар йили бўлсин! Бу йил эришмаган орзу ва мақсадларингиз ушбу йилда албатта рўёбга чиқсин. Оилаларингиздан файз-барака, тинчлик-тотувлик асло аримасин! Чексиз меҳр ва ҳурмат билан, Халқ таълими вазирлиги Ахборот хизмати раҳбари Лайло Рустамова

#Хушхабар Ўзбекистонлик ўқувчи бешкарра Жаҳон чемпиони норвегиялик Магнус Карлсен устидан ғалаба қозонди 17 ёшли Нодирбек Абдусатторов Варшавада бўлиб ўтган жаҳон чемпионатида бешкарра жаҳон чемпиони норвегиялик Магнус Карлсен устидан ғалаба қозонди. Нодирбек Абдусатторов Яшнобод туманидаги 152-мактабнинг 11-синфда таҳсил олади. Ўқувчимизни муносиб ғалаба билан муборакбод этамиз.

🔹Joriy yilning 26-dekabr kuni ijtimoiy tarmoqlar orqali Buxoro maktablaridan birida maktab binosini isitish uchun ajratilgan ko‘mir noqonuniy tarzda fuqaroga sotilayotgani haqidagi videoyoz tarqatildi. Olib borilgan o‘rganishlar natijasida mazkur holat 2019- yilda Shofirkon tumanidagi 45-umumiy o‘rta ta’lim maktabida sodir bo‘lganligi aniqlandi. Maktab binosini isitish uchun ajratilgan ko‘mirni noqonuniy tarzda fuqaroga sotgan maktabning sobiq qorovuli hamda mas'ul xodimlariga nisbatan tuman prokuraturasi tomonidan ma’muriy chora ko‘rilgan. 2021-2022 o`quv yili uchun maktabda kuz-qish mavsumi betalofat o`tkazish maqsadida mavjud 6 dona tejamkor qozonlar va barcha isitish tizimlari ta`mirlanib, 4 nafar mavsumiy o`t yoquvchilar biriktirilgan. Ayni paytda joriy mavsumni betalofat o’tkazish maqsadida maktabda barcha xavfsizlik choralari ko’rilgan. Buxoro viloyati xalq ta’limi boshqarmasi

ХТВ электрон Kundalik тизимига ота-оналарни обунасини узайтиришга мажбурлаш бўйича ўқитувчиларга ҳеч қандай кўрсатма бермаган, обуна ихтиёрий ва шундай бўлиб қолади Ижтимоий тармоқларда Халқ таълими вазирлиги ўқитувчилардан ота-оналарни электрон кундалик обунасини узайтиришга мажбурлашини талаб қилинаётгани ҳақида маълумот пайдо бўлди. Шу муносабат билан Халқ таълими вазирлиги Kundalik тизимига обуна бўлиш ота-оналар учун ихтиёрийлигича қолаётганини эслатиб ўтади. Халқ таълими вазирлиги томонидан ўқитувчиларга ота-оналардан обунани узайтиришни талаб қилиш бўйича оғзаки ёки ёзма буйруқ берилмаган. Электрон журнал ва кундаликлардан фойдаланадиган мактаб ўқитувчилари - “Таълим тўғрисида”ги қонунга мувофиқ (637-сонли ЎзРҚ, 23.09.2020 йилда қабул қилинган) ота-оналарга фарзандларининг тарбияси ҳамда умумий ўрта таълим олишлари учун масъулиятлари доирасида обунани узайтиришни эслатиш ҳуқуқига эгадирлар. Шунингдек, 2021 ўқув йилида Kundalik тизимига обуна нархи ойига эмас йилига 8600 сўмни, ташкил этишини, эслатиб ўтамиз. Мазкур суммага платформанинг барча функцияларига кириш, шунингдек логин ва парол ҳам киради. Бошқа ҳеч қандай алоҳида тўлов амалга оширилмайди. Икки ва ундан ортиқ фарзанди бор оилалар учун эса 10% чегирма кўзда тутилган. ***** МНО не давало поручения учителям о принуждение родителей на продление подписки на Kundalik, подписка для родителей остается добровольным В сети появилась информация о том, что Министерство народного образования требует у учителей о продление подписки родителей на Kundalik. В связи с этим Министерство народного образования напоминает, что оформление подписки на Kundalik остается для родителей добровольным выбором. Никаких устных или письменных приказов для учителей о требовании у родителей продления подписки со стороны Министерства не было. Учителя школ, которые используют электронные журналы и дневники вправе напоминать родителям о продлении подписки в рамках их ответственности за воспитание детей, и получение ими общего среднего образования, согласно Закону об образовании от 23.09.2020 г. №ЗРУ-637. Также напоминаем, что стоимость подписки на Kundalik в 2021 учебном году составляет 8600 сумов на год, а не ежемесячно. В эту сумму входит доступ ко всем функциям платформы, а также логин и пароль. Отдельно больше ничего не оплачивается. А для семей, в которых трое и более детей, предусмотрена скидка 10%. Халқ таълими вазирлигининг расмий саҳифаларига уланиш Telegram|Youtube|Facebook|Instagram