Abdurahmon Meshayan

​​Уйғурлар Менга кўпинча "Фаластин хақида жон куйдириб ғазоликлар хақида роса шеърлар ёздингиз нега уйғурлар хақида ёзмайсиз" дейишади. Аввало нима хақида қалам тебратиш шоирнинг ўз шахсий иши. Аммо мен анча йилдан бери уйғурлар хақида ёзаман. Етти йил аввал ёзган шеърларим бор шу тўғрисида. Менга нега ёзмайсиз деб таъна қилганлар уни ўқимаган бўлишади. "Аллоҳу Акбар", "Уйғур аёллари сўраган фатво" "Йиғлама уйғур" "Уйғур ноласи" шулар жумласидан. У ердаги холатни мен Фаластинданда оғирроқ деб биламан. Фаластиндаку очарчиликдан ўлсангда Аллоҳ дейишга руҳсат бор, ўлсангда намоз ўқиб ўлишинг мумкин. Шарқий Туркистонда уйғурларга на Аллоҳ дейишга, на азон чақиришга на жумага рухсат йўқ..Бир мусулмон учун бундан оғир қанақа мусибат бор? Аллоҳ ҳамма мусулмонларга паноҳини аямасин. #Уйғур_аёллари_сўраган_фатво Хитойлик зўрлагач беникоҳ фарзанд- Туғиб ўз шаънини қилмай деб расво. "Жонга қасд қилмоқлик мумкинми" дея, Сўраяпти уйғур аёллар фатво. Уммат яросига ё Раб қўй даво, Кўксимизга етмай қоляпти ҳаво. Бир куни жим қараб турганимизга, Жаҳаннамни бизга кўрмагин раво! @A_meshayan 00:08-06.05.2024 Абдураҳмон Мешаян

​​​​ЎЛИМИМНИ ҚИЛ ЧИРОЙЛИ! Бу дунёда бор бошпанам, Жаннатда ҳам қил уй-жойли! Муқаррарки музлар танам, Менга ўлим бер чиройли! Ўчирмасдан ўчоғимни, Пичоғимни қилдинг мойли. Ҳурга тўлдир қучоғимни, Менга ўлим бер чиройли! Китобингда ўқиганман, Жаннатларинг экан сойли. Битта ният тўқиганман: Менга ўлим бер чиройли! Зуваламни қилдинг пишиқ, Одам ато янглиғ лойли. Бир қулингман Сенга ошиқ, Менга ўлим бер чиройли! Фирдавсда қил қасрли, Райёнда қилгил саройли. Бир тилагим бор арзирли: Менга ўлим бер чиройли! Қалб осмоним азал-азал, Эътиқод аталмиш ойли. Ҳаётимни яшат гўзал- Ўлимимни қил чиройли! @A_meshayan 20:51-12.06.2023 Абдураҳмон Мешаян

​​Турмуш ўртоқлари қамоқда ўзларининг эса аҳволи бунақа экан. Яна волидаларининг кўзлари ожиз, бир қизларига эса қуёш нури мумкин эмас. Рақамлари: +998971904999 Kарта: Agrobank 4073420085085045 Fozilova Sharofatxon номида.

​​"Осон эмас кундошларга ҳам" шеърини ёзганимга 18 йил бўлди Қайта жойладим. Бир аёл икки боласи билан ажрашибди. Иккинчи хотин экан. Эр жуда хор қилиб юборган. Хозирку ёшман, қарисам аниқ ҳайдайди болаларим учун ҳам ўзим оёққа туришим керак деди. Бунақа воқеаларнинг саноғидан адашиб ҳам кетдим. Мазза қилиб, тинчгина яшашмайдими-а? Одамнингку майли қушнинг ҳам ини бузилмасин. Яна бир гал жума маърузасида имом гапиряпти: "Бир аёл ёнимга йиғлаб келди, эрим сизнинг масжидингизга жумага келади, илтимос насиҳат қилиб қўйинг менга эмас болаларига бўлсада қарашсин, уйда ейишга нон йўқ, тағинам аёл мард экан эрининг исмини айтмади" Пайқаганим дунёдаги энг чиройли энг сулув аёл бўлмайдими ажрашса синиб қоларкан, кўзлари ҳаддан ташқари маъюслашаркан. Гулларингизни эҳтиётланг, авайланг боғбонлар. @A_meshayan Абдураҳмон Мешаян

​​​​ОСОН ЭМАС КУНДОШЛАГА ҲАМ. Қирол битта, қиролдир эрка, Унга ошиқ икки малика . Қалбларида рашку таҳлика, Осон эмас кундошларга ҳам. Қани дерлар Зайнабим маним Заҳар тутиб ким олур жоним. Бунча адолатсиз султоним? Осон эмас кундошларга ҳам. Болишига ёшлар тўкарлар, Севган қалбин қарғаб сўкарлар. Ҳамма айбни ишққа тўнкарлар, Осон эмас кундошларга ҳам. Тақдир деган бунча бешафқат, Тутди заҳар, тутмади шарбат. Висол учун кутадир навбат, Осон эмас кундошларга ҳам. Кўзи очиқ ўлишса улар, Ёр деб гулдек сўлишса улар. Олмамаски бўлишса улар, Осон эмас кундошларга ҳам. Уларга бахт гўёки ўгай, Уларга дард туғишган бўлгай. Ўлса хам ёр қизғониб ўлгай, Осон эмас кундошларга ҳам. Бахт қўрғонин емиради рашк, Қонин ичиб семиради рашк. Юракларин кемиради рашк, Осон эмас кундошларга ҳам. Динни билмас ёри бетайин- Адолат қилмагандан кейин. Қийин қийин уларга қийин, Осон эмас кундошларга ҳам. Эй аёл! Хуштор бўлиб минг ёри борга, Бўйнинг илиб бергунча дорга. Айлан майли иккинчи ёрга, Лек осонмас кундошларга ҳам. Йўлда, чўлда, боғдаю тоғда, Танноз қизлар кўпайган чоғда. Эй аёллар қолмангиз доғда, Осон эмас кундошларга ҳам. Кеч бўлганда юргунча додлаб, Гўзал хулқингизни исботлаб. Қуръон хукмин олсангиз ёдлаб, Осон бўлар кундошларга ҳам. Қирол битта, қиролдир эрка, Унга ошиқ икки малика . Қалбларида рашку таҳлика, Осон эмас кундошларга ҳам. @A_meshayan 2007-йил Абдураҳмон Мешаян

​​КЕЛ БОРАМИЗ МАККАГА Кел борамиз Маккага, Йиғлаб-йиғлаб Яккага- Дардимизни айтамиз, Покланганча қайтамиз. Маккага борамиз юр, Оёқларингга буюр. Термулганча Каъбага, Қўл очамиз тавбага. Дилдан қувиб ҳасадни, Адовату ҳасратни. Силаб ўпиб оламиз, Кел Ҳажарул Асвадни. Айтганча Исми-Аъзам, Зикр айлаб мунтазам. Қониб-қониб ичамиз, Кел бизлар Оби зам-зам. Иймон кўрса талофат, Қутирса нафсдек офат. Муолажаси дуо, Кел борайлик Арофат. Юр борайлик Маккага, Ялинмасдан Яккага- Ошиқ кўнгил найласин, Ишқин баён айласин. @A_meshayan 14:06-23.08.2025 Абдураҳмон Мешаян

Борганлар Мадина шаҳрини роса мақташади. Тўрт йил аввал борганларга ҳавас қилиб "Сени севиб қолдим Мадина" шеърини ёзгандим. Кеча ижтимоий тармоқлардан бирида шу шеъримга ишланган кичик бир видеони кўрдим. Таъсирландим. Шеърнинг охиригача мазза қилиб тингладим. Бошқа одамдан шеърларимни тинглаш доим ёқимли бўлган. Борадиганлар бизни ҳам дуоларида унутмасинлар. Аллоҳ Ўзи чақирсин бизларни ҳам. @A_meshayan Абдураҳмон Мешаян

ОНАМНИ ДЕМАСАНГ, ЁРИМ ДЕМАСМАН... Абдураҳмон Мешаян шеъри

​​НАМОЗДАЛИК ЧОҒИМДА КЕЛ! Мен тинмасдан қилдим гуноҳ, Аллоҳ билар, билмайди эл. Бутун миллат бўлсин гувоҳ, Намоздалик чоғимда кел! Келма, ғазаб сочганимда, Яхшиликдан қочганимда. Беҳуда зар сочганимда, Намоздалик чоғимда кел! Хаёт чиноримни чопиб, Кўзларимни келиб ёпиб Сен мени Харамдан топиб, Намоздалик чоғимда кел! Муштоқман сен келар онга, Машаққатлар тегди жонга. Келмоқчи бўлсанг меҳмонга, Намоздалик чоғимда кел! Қолганида нур ичра юз, Келиб маним томирим уз. Сажда қилай, "намозим буз" Намоздалик чоғимда кел! Тамом бўлган юрак қурғур, Кўнгил хар кун истак туғур. Роббим деса жонин суғур, Намоздалик чоғимда кел! Юракдан бир тилак айтдим: Тавоф қилар пайтда Байтим, Келақолгин Хажда пайтим, Намоздалик чоғимда кел! Жаннатга муштоқман азал, Ариғидан оқур асал. Худо хохласа эй ажал, Намоздалик чоғимда кел! @A_meshayan 03:03~27.03.2021 Абдураҳмон Мешаян

"Намоздалик чоғимда кел"

​​ЎН ОЙДАН КЕЙИНГИ “УЧРАШУВ” Бир аёлнинг йўқ...миллионлаб аёлнинг дарди Ўн ой бўлмиш сени кўрмаганимга, Сени кўрган эдим кўз ёшим арта. Мадор кирар дея холсиз танимга, Қурбон хайитида охирги марта. Фаррошлик айлайман ўн йилдан буён, Гарчи бордир менда олий маълумот. Кўрган азобларим ўзимга аён, Ишга олай демас хануз бирор зот. Менинг кўрмаганим биргина ўлим, Сиқув кўп тақводан кечмаганимга. Гарчи хамшираман енгилдир қўлим, Иш йўқ рўмолимни ечмаганимга. Ўн тўрт ёшлик ўғлим судраб ароба, Тонгдан то шом қадар деб фақат “пўшт” “пўшт” Биз сенга етишдик уйда хароба, Биз яна учрашдик... бир килограмм гўшт... 17:04-23.06.2020 Абдураҳмон Мешаян Манзилимиз:t.me/A_Meshayan