Kitobxon kundaligi

#Иқтибос 👉@kitoblog👈

​​📚 "Қўрқма" ни бошладим. Бу асар ўтган аср 20-йилларида юртимиздан Германияга ўқишга кетган йигит-қизларнинг аянчли тақдири ҳақида. Бу ёшлар мамлакат илм-фанини юксалтирмоқчи, бошқа ёшлар маърифатини ривожлантирмоқчи эди.. Кечаги тақдимотда асар муаллифи Ж. Жовлиев "қўрқмаслик бизга жадид боболаримиздан меърос қолган" деганди. Асардан бир иқтибос: "Кулдим, кулдим, кулавердим ҳатто йиғлаш ҳам тасалли бера олмайдиган даҳшатли онларда." П.С: ўқиб кўринг, тугатиб биргаликда муҳокама қиламиз..

— Энг буюк нарса нима? — Макон буюкдир, чунки у ҳамма нарсани ўз бағрига олади. — Энг учқур нарса нима ? — Ақл ҳамма нарсадан учқурдир, у ҳамма нарсадан ўзади. — Доноларнинг доноси нима? — Вақт, чунки у ҳамма нарсани кашф этади. — Ҳамма учун хос бўлган умумийлик нима ? — Умидворлик, чунки одамларда ҳеч нарса бўлмаганда ҳам у албатта бўлади. — Энг кучли нарса нима? — Зарурият, чунки у ҳамманинг устидан ҳукмронлик қилади. — Нима қийин? — Ўз-ўзингни билиш. — Нима осон? — Бошқаларга маслаҳат бериш. — Ким бахтли? — Тани-жони соғ, руҳи хотиржам ва маънавий камолотга интилувчи инсон. 👤Фалес. Грек файласуфи, эра. ав.624-547 йиллар. 👉@kitoblog👈

Тилланисо билан ижодий учрашув. "Сунбула" асари тақдимотида.. 👉@kitoblog👈

​​Кўпинча интернет, тв ва сериаллар китобларга бўлган қизиқишни тушуриб юборгани айтилади. Видеомаҳсулотларни қабул қилиш матнлардан осонроқ албатта. Аммо, ҳозирда тескари тренд ҳам ривожланиб бормоқда. Кино ва сериаллар аксинча уларнинг китобларига бўлган қизиқишни ошириб юбормоқда. Яқиндагина Netflix нинг омадли лойиҳаси "Фарзин юриши" (Queen's gambit) сериалидан сўнг, унинг китобига ҳам қизиқиш ошгани айтилганди. Энди эса Netflix да кўришлар сони(28 кунда 68 млн марта) бўйича бу сериални ҳам ортда қолдираётган "Бриджертонлар" сериалининг китобига қизиқиш ортган. 2000 йилларда нашр қилинган Джулия Куиннинг "Бриджертонлар" ининг 8 та романини бугун букинистларда ҳам топиш қийин бўлиб қолган. Россиянинг АСТ нашриёти эса қайта нашр қилишни ҳам бошлаб юборган. Гарри Поттер, Анна Каренина ва Уруш ва Тинчлик экранизациясидан кейин ҳам шундай ҳолатлар учраган. Демак, кўп сериаллар кўрсада ҳали ҳам китобга меҳр қўйган китобхонлар бор🙂. 👉@kitoblog👈

Ҳаётнинг мазмунини англашга интилмай ҳаёт кечириш - улкан кутубхонада юриб китобларга тегмаслик билан баробардир. ✍Менли Палмер Холл 👉@kitoblog👈

📹 Тренддан қолмай, мен ҳам тик токдан профил очвордим. Китоблар, асарлар ва бошқа қизиқарли нарсаларни у ерда видео шаклида бериб тураман. Ҳозирча 2 та букток жойладим. Р. Чалдини "Ёлғон психологияси" ва Марк Менсоннинг "Ҳаммаси расво" асарлари ҳақида. Кўринг, лайк босинг ва бошқаларга ҳам улашинг:https://vm.tiktok.com/ZSorCBth/ 👉@kitoblog👈

https://t.me/costigan_m/304 Costigan айтяпти, нега эркинликка, индивидуалликка интилувчи одамлар Ницше, Фрейд ва Лорд Генри(Дориан Грей портретидан) фалсафасини яхши кўради? Чунки бу улардаги ўша индивидуаллика интилиш борасидаги шафқатсизликларни, бошқаларни йўлдан "суриб ташлаш" борасидаги ички ҳиссиётларини далда беради, оқлаб беради. Улардаги "виждонни" бироз бўлсада ўлдиришга ёрдам беради, демоқда. ➖➖➖➖➖➖➖➖➖➖ Бир-неча йил олдин Ницшени севиб ўқирдим. Ницше фалсафаси шундайки, дастлаб унинг фикрларига қўшилгингиз келмайди "Бўлмаган гап, одамлар бунчалик тубан эмас" деб китобини отиб юборгингиз келади. Аммо... Аммо, ичингизда бир овоз "Тўхта, бир лаҳза ўйлаб кўр, аҳир ўзинг ҳам шундайсан, шу фикрлар миянгдан ўтган-ку" деб тураверади. Кейин одам аслида бу фикрлар ё Ницшедан эмас, аслида ўзи, ўз ҳаёлларидан нафратланишини тушуниб етади. Кўпчилик эса ўзининг, одамларнинг ҳаёллари шунчалар тубан, шафқатсизлигини тан олмаслик учун "Йўқ, ғирт сафсата. Ницше бўлмағур файласуф" деб юради. Ницше Достоевскийни энг яхши психолог деб ҳисоблаган. Мен эса бугун гарчи файласуф бўлсада Ницшени инсон ҳиссиётлари, мотивларини очиб берган энг яхши психолог дейман. Лекин, бу ерда бир жиҳат бор. Ницше инсоннинг энг ички ҳиссиётлари, истакларини тушунтиргандир, аммо уларни юзага чиқариш инсоннинг ўзи, ўз иродасига боғлиқ. Ҳаёлларимизда, ёлғиз қолганимизда нималарни ўйламайди ичимиздаги иблис. Аммо, бу истаклар ўринли, шафқатсизлик табиий деган ҳулосани бермайди бу. Аслида инсонни ҳайвонлардан ажратиб турувчи жиҳат ҳам шу онг, тафаккур. Ницшени ўқиш, ўрганиш керак. Аммо, унинг буткул таъсирига тушиб қолиш керак эмас. Ўз вақтида меъёрни ажрата билиш лозим. 👉@kitoblog👈

​​Бугун туш пайти қўнғироқ бўлди: "Академнашрданмиз сизга янги чиққан китоблардан совға қилмоқчи эдик" деб қолишди. Мана яна шунча янги китоблик бўлиб олдим.🙂 @Akademnashr шундай нашриётки, нашр этган китобларини савиясига иккиланмай олиш мумкин. Жианна Молинарининг китобига бир қанча фикрларни ўқиганимда, "қандай китоб экан" қизиққандим. Энди ўзим ўқиб кўришим мумкин бўлди. П.С. Айтгандим-а букблогер бўлиш осонмас деб 😏 👉@kitoblog👈

​​📚JEROM SELINJER - "JAVDARZORDAGI XALOSKOR" O'smirlik davringiz yodingizdami? O'smirlik paytdagi xarakteringizni eslay olasizmi😊 O'tish davrida har birimiz ajoyib xarakterimiz bilan ajralib turganmiz. Bu davrda kimlardir isyonkor bo'lgan bo'lsa, kimlardir og'ir-bosiq, va yana kimlardir jizzaki bo'lib qoladi. Asar bosh qahramoni Holdenda barchasi mujassam. U asar davomida o'zining isyonkorligini ham, ko'ngli bo'shligini ham, mehribon akaligi va yaxshigina kitobxonligini namoyon qilgan. Asarni o'qish davomida beixtiyor o'smirlik davringizga qaytgandek bo'lasiz. Mening ham o'smirlik paytidagi isyonkor xarakterimni yodimga tushirdi) Kitobni juda yengil o'qiysiz. Chunki asar 16 yoshli bola tomonidan aytilgan gaplar asosida yozilgani uchun kuchli badiiy tasvirlar, iqtiboslar ham deyarli uchramaydi. Juda oddiy tilda tasvirlanadi. Asar bekorga ayrim yillari senzuraga uchrab, maktab darsliklaridan olib tashlanmagan. Sababi asarda o'smir bola tilidan ayrim qochirmalar, behayo so'zlar aytilgan. Lekin baribir o'smir yigitlarning hayollarini ochiqcha ko'rsatib berilganligi bilan noodatiy asar. Asarni o'qish davomida bu yigitchaning ayrim so'zlaridan labingizga tabassum keladi, yana ayrim joylarida unga rahmingiz keladi. Albatta bu o'smir yigitchani tushunish uchun unga o'xshab fikrlash, o'ylash kerak. Shunda sizning o'zmirlik paytingizdagi ayrim jihatlar bilan o'xshashligini ko'rasiz. Tavsiya qilgan bo'lardim: 1. Noodatiy, yengil o'qiladigan asarlarni o'qishni sog'inganlarga. 2. O'smirlar psihologiyasiga qiziquvchilarga. 3. O'smirlik davriga qisqa muddatga qaytishni xohlaganlarga. Tavsiya qilmayman: 1. O'qigan kitoblarimning "yuki" bo'lishi kerak deydigan kitobxonlarga. 2.Asardan tinmay iqtibos qidiradigan kitobxonlarga. 3.Kuchli ma'naviyatchilarga. "Javdarzordagi xaloskor" o'smirlar tarbiyasi qanchalik muhimligini, bolalarning dunyosi qanchalik sof va beg'ubor ekanligini yana bir bor eslatadigan asar ekan. Dildora Karimova 👉@kitoblog👈

​💊Қизил ҳапдори. Ҳақиқатга тик боқинг— Андрей Курпатов #Бир_дақиқада_бир_китоб ✅Китобдаги асосий фикрлар: ➖ Нима учун биз жавобгарликни бошқаларга юклаймиз? Болаликда деярли ҳар биримиз ота-онамиздан ёрдам оламиз. Бу кейинчалик ўзига хос рефлексни келтириб чиқаради: бизга доимо ёрдам беришади, деб ҳисоблаймиз. Бу англашилмовчи ликни ўтмишда қолдириш вақти келди. Факт шуки - биз фақат ўзимизга керакмиз. Фақат ўзимизгина ўз ҳаётимиз учун жавобгармиз. ➖ Биз ўзимизни чалғитишимиз ростми? Ҳар ким ўзини аллақачон алдашга улгурган. Биз ноҳақ бўлишни, ўз фикрларимизнинг қарама-қарши томонларини тан олишни хоҳламаймиз. Мия ёмон хотирани эслашни истамайди, шунинг учун реал вазият ҳис қилаётганимиздан фарқ қилади. Биз ўз хатоларимизни ҳимоя қиламиз ва ўз хатоларимизга ишонамиз. Биз ўзимиз бефарқ ва кўр бўлган комфорт зонамизни яратиб оламиз. ✳️ Ушбу ёлғондан халос бўлиш учун таваккал қилиш керак. Бу азобли бўлиши мумкин, аммо бунга арзийди. • Биринчи маслаҳат. Одамларга сиз учун қилган ёки қилмаган ишлари учун миннатдорчилик билдиришни ўрганинг. Улардан ҳеч нарса кутманг. Aгар бирор нарсани хоҳласангиз, уни ўзингиз бажаринг. • Иккинчи маслаҳат. Ҳаёт адолатсиз деган фикрдан халос бўлинг. Кимдадир моддий жиҳат яхши, бошқа биров яхши ташқи кўринишга ёки турли маҳоратга эга бўлиши мумкинлигини табиий қабул қилинг. Ўзингизда ҳасад туйғусини йўқ қилинг. • Учинчи маслаҳат. Заиф жиҳатларингизни кўришдан қўрқманг. Бу сизга ўзингизни ислоҳ қилиш учун имконият беради. • Унутманг, ҳар ким ўз ҳаётини ўзи қуради ва ўз қоидалари бўйича ҳаёт майдонида ўйнайди. 📚Красная таблетка—Андрей Курпатов 👉@kitoblog👈

"Зулайҳо кўзларини очмоқда" асари билан танилган ёзувчи Гўзел Яҳинанинг янги романи нашрга чиқиш арафасида. Рус ўлкаларидаги 20-йиллардаги очарчилик пайтида 500 га яқин болалар Самарқандга юборилган. Романда ўша давр воқеалари ва қахрамонлар саргузашти тасвирланган. Муқова ҳам яхши чиқибди. 👉@kitoblog👈