Kitobxon kundaligi

#tez_kunda ‍‍🔰 Tush ko'ribman, tushimda o'lib qolgan ekanman, qarilikdan emas, g'amdan yuziga ajin tushgan UsmonNosir kabi, navqironligimda. Usmon Nosirningku she'rlari tirik, meni kim ham yo'qlardi va nimalar deb... 🔰 Tor xona, chetida simli karavot, beqasam to'n kiygan sharpa ko'rinadi, xonadan esa kuyuk hidi keladi. Sharpaning yelkalari silkinadi. O'ylab qolaman erkaklarham yig'lar ekanda... Yig'isining sababini so'rayman. E, voh... bu so'nggi olgan nafasiga qadar "Millatim" deya yashagan Qodiriyku axir. So'roqqa tutaman Kumushini o'ldirib, ko'zidagi yoshlari mo'yloviga tushayotgan "xoin"ni. Bobo nega xonadan kuyukning hidi kelyapti? "Hozir yuragim olovda yondi, erib bitti, o'shaning hidi bolam". Nega yondirding, yurak senga kerak emasmi? "Sen ham yoqib yuboraver bolam, millat deya urmagan yurak, kimga hamda nimaga kerak?" Jim bo'laman, chiqib ketaman bo'g'ilib, ham yig'idan ham tutunning hididan. 🔰 Yurib-yurib Bo'zsuv qirg'oqlarida paydo bo'lib qolaman. "Xalq dushmani" Fitratning qonlari anhorda oqadi. Qiziq uning qonlari boshqacha, hammanikiday emas. Demak: "Jasorat; shijoat; millatparvarlik tomirlardagi qonlarda oqadi" — deganlari rost ekanda. U ko'rganim qon emas, Fitratning jasorati bo'lgan ekan, aslida. 🔰Is'hoqxonIbratning qabrini qidiraman. Negadir topolmayman. Unutilib ketmaslik uchun qabr bo'lmog'i shart emasligini tushunaman keyin. U negadir ma'yus. "Nohaq otilganidan ma'summi bu ko'zlar" — savol beraman. Kuladi, "O'lim nima, u tan olishni istamaydigan haqiqatimiz. Ertanmi, indinmi baribir ajalim kelardi meni qidirib. —Unda nega ko'zlaringiz g'amgin? —Men millatim kelajagi uchun yo'qdan bor qilishga harakat qilgandim, yillar o'tib, bu millat borini ham yo'q qilganini ko'rib kulolmayapman. So'qir bo'lganim yaxshiroqmidi? Savoliga javobim yo'q, mulzam bo'lib, qochib ketaman. 🔰 Yugurib-yugurib, nurab qolgan teatrga yetaman. Avloniy asos solgan deya mag'rur boqaman. Ammo huvillagan teatrning chetida Avloniy teskari qarab o'tiribdi. Menga qaragisi yo'q. Sababi ma'lum... "Advokatlik osonmu?" deysiz-a bobo, uni bilmadim-u lekin bugun teatrga bormoqlik qiyin. Millatim deb yashamoqlik undan ham qiyin. "Yurtim uchun nimaqildim?" deya uyqu kelmaydigan ko'zlar, tirnaladigan vijdonlar yo'q endi. Kim bilsin, Stalin davrida otilib kettimi bari yoki o'zlaringiz bilan olib ketdingizmi ularni?... ‼️ZabarjadMediadan yangichayangilik! Jadidlarimiz haqida kitob chiqarmaslik bizlarga uyat, ular haqida o'qimaslik sizlarga uyat, bilmasligimiz va kelajak avlodga ular haqida tayinli bir gap aytolmasligimiz hammamizga uyat. @ZabarjadMedia — kitoblashamiz.

​​#kitobxon_minbari Astrid Lindgrenning "Uzunpaypoq Peppi" asariga haqida “Nima, biz mustaqil va erkin mamlakatda yashamayapmizmi? Odam oʻzi xohlagan tomonga oʻzi xohlagan taxlitda yurishi ham mumkinmasmi?” Yuqoridagi soʻzlar men sizga aytmoqchi boʻlganim, koʻngildan ancha chuqur joy olgan qahramon — toʻqqiz yoshli qizaloq Peppining nutqidan. Asarni oʻqirkansiz, qizchaning shoʻxliklaridan, turli xurmacha qiliqlaridan beixtiyor yuzingizga tabassum yuguradi, ehtimol, bolaligingiz yodingizga tushar. Va shu bilan bir paytda qahramonimizning erksevarligidan, turli qoliplar-u moslashishlardan, sigʻishishlardan yiroqda ekanligidan yayrab ketasiz, yuragingiz zavq-shavqqa toʻlib ketadi. Peppi oddiy qiz emas, u — allaqachonlar yolgʻiz yashashga oʻrgangan, oʻz kunini oʻzi koʻra oladigan mustaqil shaxs. Peppi — har kimning oʻzicha yaratgan va ommaga tatbiq etadigan qoidalariga boʻyin sunmaydigan, oʻzi xohlagancha, koʻngli buyurgancha hayot kechiradigan ajoyib qiz. Bu kitobni erksevarlar, ozodlikka intiluvchilar, sarguzashtsevarlar oʻqisin. Bu kitobni har bir bolajon oʻqisin. Bu kitobni bolaligini sogʻingan barcha oʻqisin. Uzunpaypoq Peppi har bir bolajonning yaqin doʻstiga aylanishiga umid qilamiz! ©Dilnoza Rustamova, Xorazm viloyati. @hudhudbooksuz

​​📚Сиёсат ва халқаро муносабатлар бўйича 5 та китоб "Буюк ворис" Анна Файфилд Кулгули диктатор ва эҳтиёткор стратег Ким Чен Иннинг ҳайратланарли таржимаи ҳоли, унинг мақсади ўз кучини исботлашга уриниши ва ўзига мерос қолган режимни ҳар қандай қийинчиликка қарамай сақлаб қолишга уриниши ҳақида. Шимолий Корея ва дунёдаги энг баҳсли етакчилардан бирига қизиқувчилар учун ажойиб асар. Кристофер Леонард "Koch Industries: "Ақлдан озганлар учун капитализм" Америкадаги энг кучли оилавий корпорациялардан бири - Koch Industriesга бағишланган журналистик текширув. Унинг йиллик даромади Goldman Sachs, Facebook ва UC Steelнинг умумий даромадидан кўпроқ ва унинг эгалари – ака-ука Кочларнинг мақоми Билл Гейтсни анча ортда қолдиради. "Кўринмас куч" - Уилям Бернс Китобда муаллиф илгари номаълум бўлган тарихий тафсилотларни очиб беради ва яқиндагина махфийлиги бекор қилинган телеграммалар ва меморандумлардан иқтибос келтиради. Бу эса Америка дипломатик иши аслида қандай олиб борилаётганини тушуниш учун камёб имкониятни тақдим этади. "Империя ўлиши керак" Михаил Зигар 1900 йилдан 1917 йилгача Россия империяси тарихида содир бўлган воқеалар ҳақида китоб. Агар сиз тарих билимидаги кемтикларни тўлдиришни истасангиз, шунингдек, буюк империя нима учун ва қандай ҳалок бўлганини тушунмоқчи бўлсангиз китоб ажойиб туҳфа бўла олади. Инқилоб турли одамлар мисолида ўта аниқ очиб беришга уринилади. "Давлат фуқароларга ишлаши учун нима қилиш керак?" Бет Саймон Новек Дунёмизни ўзгартирмоқчи бўлганлар учун амалий қўлланма. Муаллиф замонавий муаммоларга самарали ечимларни ишлаб чиқиш ва амалга ошириш учун рақамли технологиялар, Big data, сунъий интеллект ва жамоавий билимларнинг афзалликларидан қандай фойдаланишни кўрсатиб беради. (c) Alpinabook 👉@kitoblog👈

Бир йилда анча мунча китобларни таржима қилиб юборган Factor Books нинг юбилейи экан. Келажакда бунданда кўплаб яхши китоблар, таржималар чиқаришларига тилакдошман. Илм нурини сочишдан ҳеч чарчашмасин. Биз эса китобларни ўқишдан чарчамайлик🙂 П. С. лекин иш куни эканда) 👉@kitoblog👈

​​Ҳаммани қўрқитиб юборганимдан ҳурсанд бўлдим десам-а🙂. Ҳа майли янги туҳфа китоблар ҳақида гапира қолай. Асахийдан чиққан Factfulness ва Бир варақли маркетинг режаси китоблари. Factfulness ортиқча изоҳларга ҳожат бўлмаган китоб. Замонавий олам ҳақидаги кўплаб шаблон фикрлар аслида нотўғри экани ҳақида билиш мумкин. Алан Диб китоби эса бугун кенг тарқалаётган маркетологлар, смм чилар учун фойдали бўлса керак. Бу китоб бўйича Profi эгаси курс ҳам ўтган адашмасам. Ишқилиб ҳаммага ёқимли мутолаа🙂 👉@kitoblog👈

Шу билан канал фаолиятини ҳам тугатсак бўлар. Шунча қилган ишларимиз етарли бўлди дердим агар бугун 1 апрел бўлмаганда.. Каналда ўзи содиқ мухлислар ва ҳали каналда борлигини билмайдигандар қолган бўлса керак🙂 Кам ёзсам ҳам фойдали ёзарман деб умид қиламан) 👉@kitoblog👈

#тавсия 📚Мураккаб сюжетли 10 та китоб. Ушбу асарлар сизни дунёдаги ҳамма нарсани унутишга ва қаҳрамонлар тақдирини сўнгги саҳифага қадар диққат билан кузатиб боришга ундайди. 👉@kitoblog👈

💻Google, Facebook каби компанияларнинг даромадининг асосий қисми(80-90%) рекламалардан тушиши маълум. Бугун бир жойда ўқиб қолдим, бу компаниялар энг қизиғи "текин ишчи кучи" бизнес-моделидан фойдаланади, дейиш мумкин экан. 👨‍💻Унга кўра бу компаниялар қандай фойда олиши жуда оддий: текин ишчи кучи (фойдаланувчилар) маҳсулот (маълумотлар, контент) ишлаб чиқаради. Компания(платформа) эгалари эса бу маълумотларни олиб реклама берувчи ва бошқа талабгорларга сотади. Кўплаб компаниялар учун истеъмолчилар талаби, трендини билиш муҳим аҳамиятга эга Шу талабларга қараб улар ўз маҳсулоти(ҳизматини) бозорга тақдим қилишади. ❓Аслида бу ижтимоий тармоқлардаги ўзаро алоқаларимизни, фаолиятимизни текин меҳнат деб баҳолаш мумкинми ёки йўқ, бу сўроқ остида. Ҳарқалай бизга куни бўйи онлайн бўлиш, миллионлаб расмлар жойлаш, постлар ёзишни ҳеч ким мажбурламайди. Бу ўзимизнинг инициативамиз. Аммо бу гигант технологик компаниялар шу текин меҳнатимиздан яхшигина фойда кўришади. Маълумотларни таҳлил қилиб, саралаб улар турли ҳудудлардаги истеъмолчилар ҳақида жуда қимматли маълумотларга эга бўлади. Бундай маълумотлар эса бугунги кунда номоддий маҳсулотлар фаолияти билан шуғулланувчилар учун айни муддао. 👉@kitoblog👈

💬 Бирор кишига ўз фикрингни билдиришдан олдин ўйлаб кўр у бу фикрни қабул қилишга тайёрми ёки йўқми Ямомото Цунетомо-Хагакурэ 👉@kitoblog👈

​​Bosmachilarning aksari uchun shaharlik musulmon va bolsheviklar «bir goʻr» edi, birini ikkinchisidan farqlashmasdi. Buxoroda yosh buxoroliklarga qarshi kurashgan bosmachilar uchun bu ajratmaslik undan ham osonroq edi, chunki bolsheviklar ham, jadidlar ham an'anaviy hayot tarzi, islomning an'anaviy talqiniga qarshi edi. Qoʻrboshi Ibrohimbekning jadidlarga qarshi adovati hujjatlarda batafsil bayon etilgan. Ibrohimbek Sharqiy Buxoroda isyonga yetakchilik qilayotgan paytda Buxoro Xalq Sovet Respublikasi rahbari Usmonxoʻja oʻz qo'shini bilan Dushanbedagi Qizil Armiya garnizonini qamal qilgandi. Lekin qamal Usmonxoʻjaning magʻlubiyati bilan tugaydi. Shunda Ibrohimbek sovetlarga quyidagi xatni yozаdi: «Товарищи, мы вас благодарим за то, что вы дрались с джадидами. Я, Ибрагимбек, хвалю вас за это и жму вашу руку, как другу и товарищу и открываю вам дорогу на все четыре стороны и еще могу дать фуража. Против вас мы ничего не имеем, мы будем бить Джадидов, которые свергли нашу власть» Amir va Xalifa nomidan isyon- ga boshchilik qilish niyatida Sharqiy Buxoroga kelgan Anvar poshoni Ibrohimbek hibs etib, unga «men faqat ruslarga emas, aslida, jadidlarga ham qarshi kurashmog'im lozim» deydi. Adib Xolid - O‘zbekiston tavalludi 👉@kitoblog👈

​​"Баъзи одамлар аччиқ соуслардан кўп фойдаланишининг яна бир сабаби кексалик туфайли таъм сезгиларининг йўқолишидир. Болалигимизда оғзимизда ҳар ҳафта ёки бир неча ҳафтада 10 000 га яқин таъм сезгилари янгилананиб туради. Бироқ, тўртинчи ўн йилликдан таъм сезгиларининг тикланиши секинлаша бошлайди, ўз-ўзидан алоҳида рецепторлар заифлашмайди, лекин уларнинг сони камайишни бошлайди, бу кўпчилик одамлар ёши ортгани сари янада аччиқроқ овқатларни афзал кўриши билан билинади. Шунингдек кексалар кўп тиббий дорилар қабул қилишади бу ҳам таъм сезгисини ўзгартириши мумкин. Аҳамиятлиси, ўрта ёшда биз таъм сезишимизнинг муҳим омили бўлган ҳид сезгисини ҳам йўқотишни бошлаймиз (Айтганча, кекса одамларда ҳиднинг йўқолиши уларнинг жуда кўп атир-упа суртишга мойиллигига сабаб бўлади). "Ўзингизни таниб олинг. Генлар, микроблар ва нейронлар бизни қандай қилиб биз қилади.‌‌

​​Барча аёлларимиз, қизларимизга каналимиз нозик жинс вакилларига байрам муборак! Ҳар доим гўзаллигингиз, ақл-билимингиз билан ўзгаларга қувонч улашиб юринг! 👉@kitoblog👈