Kitobxon kundaligi

Ҳакслининг “Ажиб янги дунё” сини тугатгач фақат бир савол мияда айланади: Озодликсиз бахт афзалми ёки бахтсиз аммо озод, эркин яшашми? Киши ўзини чеклаши эвазига ҳам роҳатланиб яшаши мумкин, аммо бу етарлими? П. С. Тўлиқ фикрлар тақризда бўлади 👉@kitoblog👈

Мандат чиқибди Кўпчиликни куттирган мандат чиқибди. Барча талаба бўлган ука-сингиллар у, танишларни табриклайман. Талаба бўлиш ҳам умр босқичидаги бир натижа. Олий таълимни танқид қиламиз у, аммо қандай таълим олиш ҳар бир талабанинг ўз қўлида. Шу олий таълим тажрибаси, диплом билан шаҳсан ўзим ҳам ўз йўлимни топдим. Диплом оддий қоғоз аммо ўз потенциалингизни кенгроқ намоён этишга шу ёрдам беради. Қандайдир "трейдерлар" гапига кирманг, мақсад сари ўқиб ўрганишдан чарчаманг! 👉@kitoblog👈

​​- Нега Шекспир тақиқланган? - деб сўради Ёввойи. Бош губернатор елкасини қисди. - Чунки у эскилик; асосий сабаб шу. Бизга эскилик сарқитлари керак эмас. — Aммо эски нарсалар ҳам ажойиб бўлади ку. - Aйнан. Гўзаллик жозибали ва биз одамларни эски нарсаларга жалб қилишни хоҳламаймиз. Уларга янги нарсалар ёқиши шарт. (с) Олдос Ҳаксли—Ажиб янги дунё 👉@kitoblog👈

Дэн Вальдшмитнинг китобини ўқияпман. Муваффақиятли одамларга шу 4 ҳусусият ҳос демоқда: 1. Улар таваккал қилишдан қўрқмайди 2. Улар интизомли 3. Улар саҳий 4. Улар одамлар билан тил топиша олади. Умуман айтганда уларда одамгарчилик бор демоқда. Юқоридаги бир неча ҳусусиятлар майли ку, айнан саҳийликка эътибор қаратмоқчи эдим. Кишининг қўли очиқ бўлиши, бошқалардан қўлдан келса ёрдам аямаслиги жуда яхши сифатлардан. Гўё бунинг муваффақиятга боғлиқлиги йўқдек кўринади. Аммо назаримда саҳийлик қилиш, ўзгаларга дилдан ёрдам бера олиш қобилиятининг ўзи кишининг муваффақиятли эканининг сифатларидан бири. Аҳир муваффақият ҳам нисбий тушунчa ку. Шундай экан беғараз ёрдам қилишдан чарчаманг. 👉@kitoblog👈

​​💬 Дўстларинг орасидаги баҳсни енгганингдан, душманларинг ора­сидаги бахсни енгганинг афзал, чунки ундан кейин дўстларингдан бири сенга душман, душманингдан бири дўст бўлиб қолади. Биант(Милоддан аввалги VI аср- да яшаган файласуф, қадимги Юноннинг «етти донишманди»дан бири) 👉@kitoblog👈

​​#GiftFromPandaBooks Pandadan yangi tanlov🚀 Mustaqilligimizning 30 yillik yubileyi munosabati bilan "Panda Books"da 10 ta sovg'ali kitob va Super yutuq - 100.000 so'm yutuqli tanlov o'tkaziladi. Sovg'aga chiroyli bookmark ham qo'shib beriladi. Sovg'alar:…

​​#GiftFromPandaBooks Pandadan yangi tanlov🚀 Mustaqilligimizning 30 yillik yubileyi munosabati bilan "Panda Books"da 10 ta sovg'ali kitob va Super yutuq - 100.000 so'm yutuqli tanlov o'tkaziladi. Sovg'aga chiroyli bookmark ham qo'shib beriladi. Sovg'alar: 1. Malala Yusufzoy — "Men Malalaman"+ bookmark 2. Jerom Selinjer — "Javdarzordagi xaloskor"+ bookmark 3. Tur Heyerdal — "Kon-Tikida safar"+ bookmark 4. Tillaniso - "Sunbula"+ bookmark 5. Napoleon Xill — "O'yla va boy bo'l"+ bookmark 6. Mitch Elbom — "Morrining seshanba darslari"+ bookmark 7. Sema Marashli — "Turmush o'rtog'imning tengi yo'q"+ bookmark 8. Mark Menson — "Beparvolikning nozik san'ati"+ bookmark 9. Elchin Safarli — "Dengiz haqida so'zlab ber menga" + bookmark 10. Frensis Skot Fitzjerald — "Buyuk Getsbi"+ bookmark + ‼️Super Priz — 100.000 so'm!‼️ Shartlar: — 05.09.2021 soat 22:00 gacha ushbu post tagidagi izohga yaqinda o'qigan kitobingiz nomi va u nega yoqqan/yoqmagani haqida qisqacha (2-3 ta gap) yozib qoldiring; — Yoki yaqinda o'qigan kitobingizdan o'zingizga manzur bo'lgan iqtibosni yozish; — Bulardan istagan birini tanlashingiz mumkin. Har bir ishtirokchida o'z imkoniyatini oshirish uchun yuqoridagidan har ikkalasini ham bajarishi ya'ni ikkita izoh qoldirishi imkoni mavjud. Bunda har bir izohga alohida raqam beriladi. — Panda Books kanaliga 3 ta yaqiningiz/dugonangiz/tanishingizni taklif qilish (a'zo qilish) va kimlarni (username yoki ism) qo'shganingizni @pandapochtabot ga 05.09.2021 soat 22-00 gacha jo'natishingiz lozim. Bu vaqtdan kechikkan xabarlar inobatga olinmaydi. G'olib qachon va qanday aniqlanadi: - Sharhlarga 05.09.2021 soat 22-00 dan so'ng raqam berish boshlanadi. - G'olib random(tasodifiy tanlanish) orqali 06.09.2021 sanasida jonli efirda Instagramdagi @pandabooks2020 profilida aniqlanadi. Instagramga kirmaganlar uchun video keyinchalik yuklab olinib, Telegram kanaliga joylanadi. - Tanlovdan so'ng barcha g'oliblar imkon qadar tezroq bot orqali bog'lanib, ism-shariflari, manzili va telefon raqamlarini jo;natishlari so'raladi. Ma'lumotlar maxfiyligi saqlanadi. Bayramda sizga atalgan yangi kitoblar egasiga aylaning! Yaxshilar bu postni boshqalarga ham ulashing! Barchaga omad! @panda_books

​​📚ХIХ аср ўрталаридан антиутопия элементлари бор адабий асарлар кўпая борди. Айниқса Герберт Уэллснинг қатор фантастик асарларида инсоният келажаги салбий бўёқларда, фожиавий ҳолатларда тасвирланади. Антиутопиялар яратилишининг асосий мақсадларидан бири ҳам бугунги инсоният олдидаги сиёсий, экологик, технологик муаммолар бартараф этилмаса, келажакда қандай салбий оқибатларга олиб келиши мумкинлигини кўрсатишдир. Келажакдаги хавфдан огоҳ этиш орқали бугунги муаммоларга ечим топишга ундайди. Жанрга хос умумий ҳусусиятлар қуйидагича: ▪️одатда, антиутопик дунёда ҳақиқий дунёда мавжуд бўлган технологиялардан кўра кўпроқ ривожланган (илғор) технологиялар мавжуд бўлади. Доимгидек, бу технологиялар фақат давлат вакиллари томонидан назорат қилинади; ▪️саноатнинг тубдан ривожланиши ёки катаклизмдан сўнг юз берган ёмон экологик вазият; ▪️жамият синфларга ёки табақаларга бўлинади; ▪️шахсий эркинлик йўқ ёки сунъий тарзда бостирилган. Фуқароларнинг шахсий ҳаёти ҳукумат вакиллари кузатуви остида; ▪️ҳокимият томонидан тоталитар назорат ўрнатилган, давлат идоралари катта куч ва ваколатларга эга; ▪️кенг тарғибот ишлари олиб борилиб, аҳолининг «миясини ювиш» қизғин давом эттирилади; ▪️ягона мафкура ёки шахсга сиғиниш. Дин мавжуд бўлмайди ёки давлат даражасида ўрнатилади. Эркин диний оқимлар ноқонуний ҳисобланади; ▪️давлат томонидан режалаштирилган иқтисодиёт юритилади. Ҳукумат маълум бир товарлар ёки хизматлардан фойдаланишни чеклайди. 👉@kitoblog👈

Ad hominem ва ad rem Кўпинча, бахс-мунозаралар пайтида, ўз фикрининг тўғрилигини исботламоқчи бўлган демагог, рақибнинг далилини "шахсиятга ўтиш" орқали инкор этмоқчи бўлади. Бахсдаги бундай мантиқий хатолик эса ad hominem (лотин тилидан - шахсиятга ўтиш) деб номланади. Бошқача қилиб айтганда, рақибнинг аргументига жавобан, бу масаланинг моҳияти, мантиқий ёки объектив далилларга эмас, балки ушбу фикрни илгари сурган аниқ бир шахс хусусиятига ерга уришга асосланади. Бунда рақиб обрўсизлантирилади, паст баҳо берилиб баъзан хақоратгача боради. Кўпинча катта аудитория олдидаги бахсларда бу усул иш беради. Публика рақиблардан бирининг бирон заиф жиҳатини эшитса(гарчи бунинг бахсга умуман алоқаси бўлмасада) унга, уни гапларига ишонмай қўяди. Ad hominem моҳиятан ad rem (фикрга муносабат) га қарама қарши туради. Aгар ad rem мавжуд далилларни исботлашга ёки инкор этишга қаратилган бўлса, ad hominem далилни айтган шаҳс характери, келиб чиқиши ва ҳк орқали рақибни баҳсда ютиш мақсадида қўлланиладиган полемик усул. Aгар бахсни ҳалол ютиш ниятида бўлсангиз. Исталган бахсда агар оппонент ad hominem га ўтса, сизни таҳқирлаб, камситишни бошласа, дарҳол яхшиси бахсни тўхтатинг. Чунки энди сизнинг бундан жаҳлингиз чиқади ва обективликни йўқотасиз. Кейинги аргументларингиз мана шу жаҳлингизга таяниши мумкин. Шунга бу шахсиятга ўтиш эканини тилга олиб, бахсни давом эттира олмаслигингизни айтишингиз ўринли. 👉@kitoblog👈

Пандани жавони. 900 мингга ястаган экан. Анча катта жавон, нима дейсизлар шундан 2 та беришармикин-а 200$ га?🙃 👉@kitoblog👈

Ўша минг долларни ичида 200$ лик жавон ҳам бор экан. Китобларни ўзини нарҳи оптом 360$ бўларкан таҳминан. Яна алламбало футболка, кружка, пакет ҳоказолар бор экан. Билмадим менда ҳалигача китоб жавон йўқ. Қилдирсам ҳам 200$ га ясатмасам керак. Ҳарқалай менга ташқи ялтир юлтур эмас, ичидаги китоблари, мағзи муҳим. Нега ҳаммаси долларда экан-а? Бизда пул бирлиги қачон доллар бўлди? Курс бирдан сакрайдиган даврдан ўтди-ку, булар ҳалиям долларда ҳисоблашади😏 👉@kitoblog👈

📚100 та китоб=1000$💰 Агар ўша рўйҳатдаги 100 та китоб 1000$(10 млн 640 минг сўм) бўлса бу битта китоб 10$ дегани. Бу 100 минг сўмдан қимматроқ дегани. Аслида ўша китобларнинг бозор нарҳи 30-40 минг сўм атрофида. Тўғри орасида қимматроқлариям бор, аммо уларнинг қиймати ҳам шу пулга арзирмикин? Китоблар рўйҳатини кўрдим. Уларнинг кўпи ўзи шундоқ ҳам қатор онлайн дўконларда сотилаётган китоблар. Уларни ўша ердан арзонроқ сотиб олса ёки интернетдан электрон вариантларда топса ҳам бўлади. Гап бунда ҳам эмас, ўша китоблар инсонни ўзгартириб ёки муваффақиятли қилиб юборадиган даражадаги китоблар эмас деб ўйлайман. Диний, руҳиятга оид китоблар майли, аммо қолганлари ўша Киёсаки, Алкимёгар, Синсеро, Бодо Шефер кабилар.. Ундан кўра инсон ўз соҳаси, қизиқишига қараб интернетдан китоб изласа топ-50, топ-100 ларни чиқариб беради. Гап бу китобларни топишда эмас, уларни ўқиб чиқишга сизда вақт, имконият борми? Ёки яна бежирим қилиб жавонларга териб қўйиб, фонида расмга тушиб мақтанасизми? Ундан кўра бир нечта китоб олинг ўқинг тугатинг. Шунда, кейин қандай китоблар ўқишингиз лозимлигини ҳам тушуниб етасиз. 👉@kitoblog👈