Kitobxon kundaligi

📚Ден Браун—Рақамли қалъа ҳақида асар таржимаси чиққач, дарҳол ўқиб шу тақризни ёзгандим. Кўпроқ танқидий жиҳатдан ёндошилган ўша тақризни ҳавола қиламан. Тақризда жузъий камчиликлар учраши мумкин. Хўш...Ден Браун кўплаб китобхону, киноманларга таниш инсон. Сиз балки унинг китобларини ўқимаган бўлсангиз ҳам улар асосида олинган “Да Винчи сири”, “Инферно” каби киноларни кўргансиз. Унинг асарлари доимо интригага бой бўлсада, аммо мантиқ оқсайди. “Рақамли қалъа” ҳам бундан чекланмаган. Воқеалар бўрттирилгани ва бироз сунъийлиги шундоқ билиниб қолган. Китоб нақ 480 бет, аммо китобдаги баъзи кераксиз таърифларни олиб ташлаб китобни икки марта қисқартириш мумкин эди ва сюжет ҳам ўзининг қизиқарлилигини сақлаб қоларди. Айниқса асар бошида хавфсизлик агентлигига берилган, мақталган узоқ тавсифлар мени зериктирди ва хаддан зиёд бўрттирилгани эриш туюлди. Аммо, шу ўринда криптография ва тармоқ технологиялари ҳақида кўплаб илмий фактлар келтирилади ва бу шу соҳага қизиқувчилар учун айни муддао. Асар ютуқларидан яна бири у давлатларнинг ўз фуқароларини кузатиши ҳақидаги кўплаб сирларни ошкор қилади, гарчи бу ўринда конспирологиялар бўлсада. Асарда мантиққа мос бўлмаган жиҳатларга келсак, дастлаб бу оддий ўқитувчининг махфий топшириқ билан юборилиши билан бошланади...Йўўўқ, гап унинг оддий ўқитувчилигида эмас, у ўзини бу топшириқда гуё бир неча йил тайёрланган махсус агентдек тутиб, шундай терговлар олиб борадики унча мунча терговчилардан ўзини кам тутмаслигида. Ўзи қидирган одамларнини буткул тасодифан катта бир шахарда учратиб қолиши эҳтимоли эса Ўзбекистоннинг кейинги Жаҳон чемпионати ярим финалига чиқиши билан баробар бўлса керак. Бундай тасодифий жараёнлар асарда кўп учрайди.Ҳа майлида кинода нималар бўлмайди эээ йўўғе китобларда.. Яна бир жиҳатни айтиш керакки, агар криптография, алгоритм ва электроникани сал тушунмасангиз воқеалар ривожи, кульминация ва ечимига тушунмай қолишингиз мумкин. Алгоритм калити изланиши жуда қизиқарли тарзда ҳикоя қилинсада асар якунида топилган калит мени умуман қониқтирмади, шунчалар примитив калит экан.Тўғриси, оҳиригача ҳозир хаммаси ўзгариб якун кутилмаган бўлса керак деб умид қилгандим, аммо бундай бўлмади ва бир маромда асар якунланиб қўя қолди. Асарда барча очиқ саҳналар, ҳатто гомосексуал саҳналар ҳам борича ёритилган ва баъзиларда нотўғри тушунча пайдо бўлиши мумкин. Шунга +18 га эътибор бериб ўқинг. Бир марта ўқиб кўрса бўлади, аммо бундай асарларнинг киноси қизиқарли чиқади одатда. Киноси эса ишланмаган ҳали, афсуски.. 👉@kitoblog👈

​Барча жавоблар, фикрларни кўриб чиқдим. Ажойиб китоблар ва тавсиялар. Жаҳон адабиёти асарлари барибир етакчилик қилди🙂 Баъзилар ўқиётган китобидан таасуротлари кўплигидан жавобни сиғдира олмабди ботга, эҳҳ @kitobxorr😅 👉@kitoblog👈

📝Ҳозир қайси китобни ўқияпсиз? Таасуротингизни бир гапда ёзинг? Ботга кириб изоҳ қолдиринг, шунда изоҳингиз шу постга қўшилиб, бошқаларга ҳам кўринади. ~: Erix Fromm ning Sevgi Sanatini uqiyapman asar ilmiy tuwuniwga qiyin lekin ajoyib judayam kup narsa urgansa buladi 𝓖𝓾𝓵𝓲𝓷𝓸𝔃 𝓐𝓷𝓿𝓪𝓻𝓸𝓿𝓷𝓪: “Shamol qo‘shig‘ini tingla” - metropoliya, postmodernizm, tuyg‘ular o‘tmaslashuvi... Qazaqov Baxtiyor: "Choliqushi"ni o'qiyapman.Asarda samimiylik,muhabbat tuyg'ulari aks ettirilgan ekan. Nozima Ziyodullayeva: "Boy bo'lishning siz bilmagan sirlari " nomli kitobni o'qiyapman . Ajoyib asar Saidislomkhon Uzbekkhonov: Jojo Moyesning "The One Plus One" kitobini o'qiyabman. Barcha his-tuyg'ularni bir joyga jamlagan. YO‘LOVCHI: qiz talashgan o‘smirlar. YUNUS: Amir Temur Гайратбекова Хадича 444: Michelle Obama "Becoming" asari. O'zlikning, hayotda kimdir bo'lib yetishishning, SEN va jamiyat uyg'unlashuvi misoli Unknown: Xaruki Murakamining "Pinbol 1973" romanini o'qiyabman.Ajoyib. ahmed: Vladimir Nabakov - Lolitta. Taassurotlarim juda g'alati, o'zbek kitobxonlariga o'qishni maslahat bermagan bo'lardim Mohlarbegim: Ozarbayjonlik yozuvchi Elchin Safarlining Qaytganimda uyda bõl asarini õqiyapman.Samimiy muhabbatga tõla asar *****: Òtkir Hoshimovning. Ikki eshik orasi. Judayam ta'sirli roman ekan Mohidil: E.Safarli Qaytganimda uyda bo'l - Hayotni sevishligini ogriqlar va azoblardan qorqmasdan unga tik boqishligi ifodalangan Marjona Sayfullayeva: Ayni damda Robert Kiyosakining "Boy bola, aqlli bola" asarini o'qiyapman. Sizlarga hamo'qishni taklif qilardim. 𝐍𝐚𝐳𝐨𝐤𝐚𝐭 𝐎𝐛𝐢𝐝𝐣𝐨𝐧𝐨𝐯𝐚: Salohiddin Toshkandiyning "Temurnoma" asarini o'qiyapman, asar buyuk ajdodimiz Sohibqiron Amir Temur haqida. Azganush Akbarova: Beparvolikning nozik san'ati.Omad va muvaffaqiyat haqidagi shablon affirmatsiyalarni sindiruvchi kitob. Arcadia: "Qadimgi Yunon afsona va rivoyatlari" hamda "Beparvolikning nozik san'ati" ni mutolaa qilyapman. Juda qiziqarli. Layli🌼: Elchin Safarlining "Uyimni sog'indim" asari mutolaasidaman. Asar xotiralar asosida yozilgan. Shunchaki, ajoyib☺️. Fayozbek Bahodirov: Dorian Greyning portreti - his-tuygʻularimni birma bir rentgen qilayotgan asar. Faqat xulosa oʻquvchidan Samandar Husanov: Oskar Uayldning " Dorian Grayning portreti " asarini o'qiyapman o'zimni boshqatdan kashf qilyapman Sherlock: Gi De Mopasson- Azizim va Robert Grin - Hokimyatni 48 qonuni oʻqiyapman. Tavsiya qilaman. 👥 34 ta odam ovoz berdi 📖Personal Board 🚫 Bu so'rovnoma yopilgan...

📚Дориан Грей портрети - Оскар Уайльд 💬Ўртаҳол одамлар хурофотлари-ю ясама фазилатлари билан гердайишади, дастурхон атрофида ўтириб, ёрилиб кетгунча овқатланар эканлар, зодагонларнинг “бузуқликлари”ни элакдан ўтказишни яхши кўришади. Шу билан улар ўзларининг ҳам олий давралар билан борди-келдилари борлигини, ўзлари қоралаётган одамлар билан яқиндан ошна эканликларини кўз-кўз қилишга интилишади. Бизнинг мамлакатимизда бирор кимса ақл-заковати биланми ёки бошқа бирор фазилати биланми сал-пал оддинга ўтиб кетса бас, у дарров ғийбатчиларнинг ёвуз тилларида достон бўлади. Ўзлари-чи? Ўша сохта фазилатларини кўз-кўз қилиб юрадиган олифталарнинг ўзлари қанақа? Уларнинг ҳаммасини оппоқ дейсизми? Азизим, биз мунофиқлар мамлакатида яшаётганимизни унутиб қўяяпсиз. 📍Доимгидек ажойиб сатрлар.Бу албатта ҳамма ўқиб чиқиши лозим бўлган асарлардан.Бу ердан pdf,epub форматда кўчириб олса бўлади. 👉@kitoblog👈

​Ҳозирги кунда одамлар ўзларининг нимани ўйлашларини телевизор орқали билиб олишади. Виктор Пелевин 👉@kitoblog👈

Китоблар ва сиёсат. Сизнинг севимли машғулотингиз китоб ўқишми? Шуни билиб қўйишингиз керакки, сиз ўз севимли машғулотингиздан узоқлашмаган ҳолда сиёсатни ҳам ўрганиш имкониятига эгасиз. Шу пайтгача ёзилган китоблар орасида шундайлари борки, улар сизни бадиий…

Китоблар ва сиёсат. Сизнинг севимли машғулотингиз китоб ўқишми? Шуни билиб қўйишингиз керакки, сиз ўз севимли машғулотингиздан узоқлашмаган ҳолда сиёсатни ҳам ўрганиш имкониятига эгасиз. Шу пайтгача ёзилган китоблар орасида шундайлари борки, улар сизни бадиий воситалар ёрдамида давлатлар, ҳокимият учун курашлар, бошқарув каби мураккаб тушунчаларнинг мураккаб оламига боғлаб қўяди. Сиёсатни ўрганиш учун ёстиқдай-ёстиқдай келадиган зерикарли китобларни ўқиш шартми? Қуйидаги мақоламиз айнан шу ҳақида. @burchakostida https://telegra.ph/BARCHA-ZAMONLARNING-EHNG-YAHSHI-KITOBLARI-09-18

Исроилнинг 5-бош вазири Голда Меирдан исталган давлатни буюк давлатга айлантириш сирлари: 1. Коррупцияни ватанга ҳиёнатга тенглаштиринг, коррупционерларни эса хоинларга. 2. Уч касб вакилларига энг юқори маош ва ҳурмат бажо келтиринг. Булар ҳарбийлар, ўқитувчилар ва шифокорлар. 3. Энг муҳими ишланг, ишланг ва яна ишланг. Чунки сиздан бошқа ҳеч ким сизга ғамҳўрлик қилмайди, ҳимоя қилмайди. Ва сизнинг давлатингиз сиздан бошқаларга керак ҳам эмас. Қачонки юқоридагилар шунчаки шиор эмас, балки ҳаёт тарзига айланса демак сиз кўзланган ниятга етгансиз. 👉@kitoblog👈

Ақлий меҳнат ходимларнинг теранроқ ишлашга бўлган лаёқатини сўнишига яхши баҳона ўйлаб топилган: алоқа тармоқлари. Бу - электрон почта ва СМС алоқа хизматлари, “Facebook” ва “Twitter” каби ижтимоий тармоқлардан тортиб, “BuzzFeed” ва “Reddit” сингари ахборот-кўнгилочар веб-сайтлар тўпламини қамровчи кенг маъноли тушунчадир. Умуман олганда, бундай алоқа тармоқларининг тараққиёти, уларга ақлли телефонлар ва компьютерлар орқали исталган жой ва вақтда боғлана олиш имконияти ақлий меҳнат ходимларининг диққатини бўлиб юборди. 2012 йилги Маккензи тадқиқотлари натижаларига кўра, ҳозирда битта ақлий меҳнат кишиси ўртача иш ҳафтасининг 60 фоизини электрон ахборот алмашиш ва интернет қидирувларга сарфлар экан, иш вақтининг қарийб 30 фоизи эса биргина электрон хатларни ўқиш ва жавоб қайтаришга кетар экан. 📚Кэл Ньюпорт—«Диққат: Чалғитувчи дунёда муваффақият сирлари» 👉@kitoblog👈

Ҳаёлларимизга эмас, амалларимизга жавобгармиз.. Ўйлаганлармиз эмас, айтганларимиз учун маломатга қоламиз.. 👉@kitoblog👈

https://t.me/costigan_m/304 Costigan айтяпти, нега эркинликка, индивидуалликка интилувчи одамлар Ницше, Фрейд ва Лорд Генри(Дориан Грей портретидан) фалсафасини яхши кўради? Чунки бу улардаги ўша индивидуаллика интилиш борасидаги шафқатсизликларни, бошқаларни йўлдан "суриб ташлаш" борасидаги ички ҳиссиётларини далда беради, оқлаб беради. Улардаги "виждонни" бироз бўлсада ўлдиришга ёрдам беради, демоқда. ➖➖➖➖➖➖➖➖➖➖ Бир-неча йил олдин Ницшени севиб ўқирдим. Ницше фалсафаси шундайки, дастлаб унинг фикрларига қўшилгингиз келмайди "Бўлмаган гап, одамлар бунчалик тубан эмас" деб китобини отиб юборгингиз келади. Аммо... Аммо, ичингизда бир овоз "Тўхта, бир лаҳза ўйлаб кўр, аҳир ўзинг ҳам шундайсан, шу фикрлар миянгдан ўтган-ку" деб тураверади. Кейин одам аслида бу фикрлар ё Ницшедан эмас, аслида ўзи, ўз ҳаёлларидан нафратланишини тушуниб етади. Кўпчилик эса ўзининг, одамларнинг ҳаёллари шунчалар тубан, шафқатсизлигини тан олмаслик учун "Йўқ, ғирт сафсата. Ницше бўлмағур файласуф" деб юради. Ницше Достоевскийни энг яхши психолог деб ҳисоблаган. Мен эса бугун гарчи файласуф бўлсада Ницшени инсон ҳиссиётлари, мотивларини очиб берган энг яхши психолог дейман. Лекин, бу ерда бир жиҳат бор. Ницше инсоннинг энг ички ҳиссиётлари, истакларини тушунтиргандир, аммо уларни юзага чиқариш инсоннинг ўзи, ўз иродасига боғлиқ. Ҳаёлларимизда, ёлғиз қолганимизда нималарни ўйламайди ичимиздаги иблис. Аммо, бу истаклар ўринли, шафқатсизлик табиий деган ҳулосани бермайди бу. Аслида инсонни ҳайвонлардан ажратиб турувчи жиҳат ҳам шу онг, тафаккур. Ницшени ўқиш, ўрганиш керак. Аммо, унинг буткул таъсирига тушиб қолиш керак эмас. Ўз вақтида меъёрни ажрата билиш лозим. 👉@kitoblog👈

Мотивацион, ўзликни ривожлантирувчи китоблар ва турли коуч, тренерлар ҳақида қисқача🙂 Сизга мотивацион китоблар таъсир қилганми? Бундай китоблар самаралими? Изоҳларда ёзинг. 👉@kitoblog👈