Kitobxon kundaligi

Сизчи нима қиляпсиз? 😏 👉@kitoblog👈

​​Кальмар ўйини Тик токда тинмай ролиги келавергач "Кальмар ўйини"(Squid game) сериалини кўриб чиқдим. Netflix олган экан. Сериал томошабинни ҳар серияда ҳаяжонда ушлаб тура олади, одамни ўйга толдиради. Қисқаси ҳам эмоция, ҳам мазмуни бой сериал. Қисқача сюжет, бир қанча ҳаётда омади келмаган пулга муҳтож одамлар “ўлим ўйини” га таклиф қилинади. Бунда болаликда ўйнаган ўйинларимиз ўйналади. Аммо ўйинда ютқазганлар ўлдирилади, ғолиб эса катта пулга эга чиқади. Аммо сериал шунчаки эмоционал, шиддатли саҳналардан иборат эмас. Унда бугунги жамият аҳволи, оддий инсонларга муносабат, аёллар дискриминацияси, лидерлик, жамоада ишлаш ва сиёсий бошқарув, дин мавзулари ҳам қамраб олинган. Бош мавзу эса режиссер Хван Дон Хёк айтганидек капиталистик жамият қусурларини, ундаги яшаш учун курашни ўзига хос тарзда кўрсатиш. Пул топиш учун ўлимга ҳам тайёр бўлиш мумкинлиги балки ўта экстремал бўлиб кўриниши мумкин. Одамлар бунга кўнмайди деб ўйларсиз. Аммо бўйнингизгача қарзга ботган, кредиторлар ортингиздан таъна аъзоларингизни олиб кетишга шай бўлиб турган ҳолат бўлса кўплар рози бўлади. Аҳир кўп эшитиб қоламизку қиморда ютқазиб, катта пулга тушиб қолиб ўзини осганлар, сувга ташлаганлару бошқаларни. Бошқа томондан бугунги капитализм ҳудди шу тартибда ишлайди. Яшаш бу бошқалар билан рақобат. Кўпроқ пул топиш учун кўпроқ ҳаракат қиласан, тинмайсан. Жамият фақат ўзингни ўйлаш, эгосит бўлиш табиий деган ақийдани миянгга қуяди. Бировларга ёрдам берсанг, ўзингнинг ҳам аҳволинг танг бўлиши мумкин. Бўлмаса бир кунмас бир кун шу барибир қашшоқлигингча ўлиб кетасан. Мақсад кўпроқ пул, капитал топиш. Нега, чунки бу капиталистик жамиятда инсонларнинг хўжайини капитал. Эрих Фромм тўғри таъкидлаган, илгари одамлар бахт учун, пулни сарфлаш учун ишлашган. Бугун эса мақсад пул топиш, меҳнат қилиш ва яна кўпроқ пул топиш. Элита эса ҳамма тенг яратилган, тенг шароитда “агар сен камбағал бўлиб туғилиб, шундай вафот этсанг айб ўзингда” деб уқтириб келади. Аммо сериалда юз бергандек кимлардир штат қисқаришидан ишидан айрилади, ёшликдан ўқишга шароити бўлмайди, касалванд ёки ўз меҳнатига арзийдиган иш тополмайди. Ҳа “айб” уларда. Буёғи социал-дарвинизм. Шунинг учун ҳам ёшлар енглироқ йўл қидиради: тотализатор, бизнес курс ўқиб бойиб кетиш ва ҳоказо. Чунки жамиятдаги қадринг пулинг, муваффақиятинг билан ўлчанади. Бунда ҳам балки миллиондан бирининг омади келиб қолар. Қолганлар эса жамият ўйинларига дош бера олмайди ва оқибатда ўлимга маҳкум. Қисқаси сериални кўринг ва бугунги жамият аллегориясидан баҳра олинг. 👉@kitoblog👈

​​​​Замонамиз одамлари тез, шошилиб ҳаракат қилмаса вақтни бекор сарфлаяпмиз деб ўйлайди. Лекин улар кейин шу тежалган вақтни нимага сарфлашни билишмайди. Эрих Фром-“Севги санъати” 👉@kitoblog👈

Китобхон юмор🙂 👉@kitoblog👈

Янги китобни ҳам бошлаб олдим. Аниқроғи келган жойидан давом этяпман.. 👉@kitoblog👈

​​Кафка — Жараён Анча вақтга чўзилган мутолаадан сўнг машҳур ёзувчи Франц Кафканинг “Жараён” асарини тугатдим. Роман 20-асрнинг энг машҳур асарларидан ҳисобланади. “Жараён” ҳақида кўп ижобий фикрлар гапирилсада, асарга тақриз, таҳлиллар кам учрайди. Қисқача сюжетга келсак. Банк ходими Йозеф К. нинг уйига тергов ходимлари келишади ва унинг устидан иш очилгани ҳақида ҳабар беришади. Аммо, айни нима сабаб, қайси жиноят учун иш очилгани маълум эмас. Бир томондан бунинг нима аҳамияти бор, аҳир бу дунёда ҳамма нимададир айбдор ку. Шу тарзда узундан узоқ чўзилган тергов ва суд жараёнлари бошланади. К. ўзининг айбсизлигини, бу қандайдир англашилмовчилик эканини билади, аммо буни исботлай олмайди. Кўплаб инсонлардан ёрдам сўраб мурожаат қилишга уринади, аммо ҳамма жойда буюрократия, тизим зиддиятларига дуч келади. Шу тарзда бир йилча вақт ўтиб уни туғилган куни арафасида, икки ходим келиб қўлга олиб кетади. Уёғи.. уёғини асарни ўқиб билиб оласиз. Романга одатда чуқур маъноли асар дея юқори баҳо берилган. Шунингдек кўпчилик бу қийин ўқиладиган, зерикарли асарлигини айтишади. Дарҳақиқат шундай. Мен асарни қийин тушуниладиган асар демасдим, балки бир воқеа жараёни қайта қайта тасвирланадиган монотон асар деган бўлардим. Шаҳсан мен 100 бетларгача асарни маза қилиб ўқидим. Кейин эса бир тарзда ўзгаришсиз кетадиган суд жараёни, судьялар ва адвокатларнинг бюрократияси, Қонун устуворлигининг икир чикирлари жуда зериктириб юборади. Оҳирги бўлимлар ҳам нисбатан яхшироқдир. Айниқса Йозефнинг оҳирги жумласи яхши чиққан. Кўпчилик асардан инсоннинг ҳаётдаги иложсизлигини кўради, жамият қоидалари абсурдлигини тушунади. Назаримда асардан чиқиладиган бош хулоса буюрократия ва қоғозбозлик иллатлари. Кафка ҳуқуқшуносликка ўқиган, аммо соҳасига қизиқмаганидан бу ҳолат тушунарлидир. Кафка мухлислари кечирсин-у, мен бу модернизм асарини мастрид асарлардан демаган бўлардим. Асар сунъий равишда чўзиб юборилгандек туюлади. Кейин асар ёзилиш тарихи билан танишиб, ростан шундайдир деб ўйладим. Кафка асарнинг боши ва оҳирини дастлаб тугатиб ўртадаги воқеаларни кейин ёзиб борган. Ўлими олдидан эса дўсти Макс Бродга “Қалъа”, “Америка” ва “Жараён”ни чоп этмасликни таъкидлаган. Чунки бу асарларни ҳали тугата олмаган, асарларидан ўзининг ҳам кўнгли тўлмаганди. Аммо Брод бу гапларга қулоқ солмай асарларни чоп эттирган. “Қалъа” тугалланмай қолгани шундоқ сезилади. Аммо “Жараён” ни Макс Брод кейинчалик турли бобларини маълум кетма кетликда йиғиб чиққан. Тузатишлар киритган, ҳатто асарни мантиқан якунлаб қўйган (!). Айнан Брод Кафкани танитишда жонбозлик кўрсатган, у каби кўплаб чех ёзувчилари популяризатори бўлган. Ҳатто ёзувчининг ўзи бошқаларга тавсия қилмаган асарни эса бугун зиёлилар элитаси оддий китобхонлар тушунмайдиган эталон асар дея эътироф этади. Ундаги “яширин” маъноларни бошқалар тушунмаслигида айблайди, уни турли услубларда талқин қилишади. Кафка яхши ёзувчи. Унинг хатлари, “Эврилиш”и ажойиб асар. Камю уни асарларини абсурд адабиётининг дастлабки вакилларидан ҳисоблаган. Уни асарларини абсурд жанрида деб бўлмасада, қаҳрамонлари ҳаракатида абсурдни тан олинишини сезиш қийин эмас. Лекин нарсаларни ўз номи билан аташ керак. Номларга, авторитетга эмас ҳақиқий асарларнинг ўзига баҳо бериш керак. Кафка 40 ёшида ўлган, балки кўпроқ яшаганда у янада ажойиб асарлар ёўган бўларди. Балки бугун биз бошқача, мукаммалроқ “Қалъа” ва “Жараён” ларни ўқиётган бўлардик.. Яна ҳам ким билади. 👉@kitoblog👈

Анча вақтлар ўтиб бу тизгинсиз, монотон асарни ўқиб тугатдим. Савол, бу кимнинг қайси асари? 👉@kitoblog👈

Kuzning salqin kunlari boshlanganida qaygʻu, tushkunlik, apatiya, xavotir, besaranjomlik his qilasizmi? Bu fasllar almashinuvi tufayli organizmda yuz beradigan oʻzgarishlarning ruhiyatimizdagi aksi. Koʻpincha sentyabr oyi yangi boshlangʻichlar, yugur-yugurlar…

Kuzning salqin kunlari boshlanganida qaygʻu, tushkunlik, apatiya, xavotir, besaranjomlik his qilasizmi? Bu fasllar almashinuvi tufayli organizmda yuz beradigan oʻzgarishlarning ruhiyatimizdagi aksi. Koʻpincha sentyabr oyi yangi boshlangʻichlar, yugur-yugurlar bilan oʻtgani uchun oʻzimizga nazar solish, xotirjam boʻlishga vaqtimiz boʻlmaydi. Ichimizda xavotir va tushkunlik yana-da kengayadi — samarador, tezkor, quvnoq boʻlishimizga imkon bermayotgan holatimizga qarab asabiylashganimiz tufayli. Aslida kuz keltiradigan melanxoliya bizga kerak. Hammamiz qanchadir darajada faylasuf, ijodkor boʻlib qolamiz. Hayotga va oʻzimizga shunday qarash — ortiqcha narsalar ketidan yugurishimizni sekinlashtiradi, toʻxtatadi. Biz uchun eng muhim qadriyatlarni eslashimizga yordam beradi. Shunday dono, nafis, sokin va nozik holatimiz qadrlanishga loyiq. Uni qabul qilsak, butunlikni his qilamiz. Hozir oʻzimizga gʻamxoʻrlik, shafqat koʻrsatishni oʻrganadigan kunlar: "Uff, kunlar soviyapti" deyish ham, "Qalin va yumshoq paypoqlar olib beraman oʻzimga!" deyish ham mumkin. "Kayfiyatim yomonligi ishlashimga halal beryapti, ishlarim esa bir dunyo!" deyish ham, "Ishlarimni qanday qilib oʻzimga qulay va yengilroq qilib moslashtirsam boʻladi?" deyish ham mumkin. "Hech narsa qilgim kelmayapti!" deyish ham, "Nimalar qilish menga huzur beradi hozir? Balki hech narsa qilmaslikni sinab koʻrarman?" deyish ham mumkin. "Hamma odam, hamma narsa asabimga tegyapti!" deyish ham, "Kimlar, nimalar men xohlaganimday boʻlmasligiga imkon bera olaman?" deyish mumkin. Kuz — ikkinchi variantlarni tanlashimiz uchun har yili imkon beradi, hozir ham imkon beryapti🍁

📚Фентези мухлислари ва Толкин оламни севувчилар борми? Марҳамат ҳоббитлар, гномлар ва эльфлар ҳақида ўқинг: http://bugun.uz/81699 👉@kitoblog👈

Бугун эрталаб радиодан: Бошловчи савол ўқияпти. - Чингиз Айтматов асари номини давом эттиринг: Сарвқомат... Ҳўш? - Дев!? Девмиди.. - 😅 Сарвқомат дев😅Шунақа эшиттиришларни эшитсам одамлар жавобларидан маза қиламанда. Жавобни биладиганлар кўпдир каналда😇 👉@kitoblog👈

​📚А. Кавалло ва Р.Панарезенинг "Не программируйте ребенка"(Болани дастурламанг) асари ота оналаринг ўз фарзандларига тарбия беришининг турли жиҳатларига баҳо беради.Турли гап сўзлар болага қанчалик таъсир қилишини кўрсатиб беради. Жуда фойдали китоб ✅Китобнинг асосий ғоялари: 🔹Болалар тақлиднинг табиий механизми орқали ўрганадилар; улар ҳар қандай маълумотни филтрламасдан ёки баҳоламасдан барча маълумотларни ўзлаштира верадилар. 🔹Яшаб қолиш инстинкти болани ота-онанинг меҳрини қозонишга мажбур қилади. 🔹Ота-оналар ўзларининг хатти-ҳаракатлари билан фарзандларини "дастурлаштирадилар"; "Дастурлаш" вербал(оғзаки) ва новербал усулда амалга оширилади. 🔹Ҳар куни такрорланадиган одатий иборалар, болани ўзи ва қобилиятлари ҳақида тасаввур пайдо бўлишга олиб келади, унинг феъл-атворини шакллантиради ва келажакка тайёрлайди. 🔹Ота-оналар ўзига паст баҳо бериши сабабли ҳам, болалардан ҳадеб яхши хулқ-атворга эга бўлишни талаб қилаверадилар. 🔹Болаларни бошқалар билан таққослаш, уни ўзига бўлган ишончни йўқотади ва бахтсиз қилади. 🔹Ота-онанинг ўзаро муносабати боланинг келажакдаги қарама-қарши жинс вакиллари билан муносабатларига таъсир қилади. 🔹Болалар билан муомала қилишда катталар онгсиз равишда ўз ота-оналарининг хатти-ҳаракатларидан нусха кўчиришади. 🔹Ўзингизнинг фикрларингиз, ҳис-туйғуларингиз ва истакларингиздан хабардор бўлиш фарзандингизнинг эҳтиёжларини тушунишнинг калитидир. 👉@kitoblog👈