Kitobxon kundaligi

Китобхонликни ривожлантириш борасида А. Саъдуллаевнинг постига билдирилган фикрлар. Айни шу фикрлар бизда нега китоблар кам ўқилиши ва буни кўпайтириш учун нима қилиш керак деган саволларга жавоб бўлса, не ажаб. 👉@kitoblog👈

Туни билан роса суҳбат қурибсилар ку🙂 Ҳаммани дардини қўзғаб қўйибман ку. Китобга, китобхонликка қайғураётганлар борлиги одамни ҳурсанд қилади. Ҳалироқ ўша Алишер Саъдуллаев постига билдирилган энг ажойиб, ўринли фикрларни ҳам пост қиламан. Қисқаса муаммо нимадалигини билиб олса бўлади🙂 👉@kitoblog👈

​​Jahon madaniyati ko'rsatkichlari indeksi odamlar bir haftada o'qish uchun sarflaydigan vaqtni o'lchash bo'yicha o'tkazgan global tadqiqotga ko'ra, yuqori uchlikni Hindiston (11 soat), Tailand (9 soat), Xitoy (8 soat) va ro'yxatning oxirini koreyaliklar 3 soat vaqt bilan egallashgan. Biz ro'yxatning eng oxirida ham yo'qmiz. Demak, bir haftada o'qish uchun 3 soat ham vaqt ajratmaymiz. Keling, hisoblaymiz. Mutolaa tezligi daqiqasiga o'rtacha 200 ta so‘zga yaqin. Bir yilda 200 ta kitobni va undan ham ko'prog'ini bemalol o'qib chiqish mumkin. O‘rtacha hajmli kitobda deyarli 50 mingta so‘z mavjud. 1) 200 ta kitob × 50 000 so‘z = 10 000 000 so‘z; 2) 10 000 000 so‘z / daqiqasiga 200 so‘z = 50 000 daqiqa; 3) 50 000 daqiqa / 60 daqiqa = 833 soat 200 ta kitob o‘qish uchun yiliga 833 soatni mutolaa uchun sarflash kerak. Bu kuniga 2-3 soatga to'g'ri keladi. Kitob o'qish orqali olingan bilimlar murakkab foiz kabi to‘planib boradi. Ilm mana shundagina shakllanadi. Fikr teranlashadi, so'z boyligi oshadi, nutq ravonlashadi. Umuman olganda, kitob o'qishning foydasi haqida soatlab gapirish mumkin. Endi sizga savol: biz ham kitob o'qish bo'yicha jahon reytinglarga kira olamizmi? Aholisi eng ko'p kitob mutolaa qiladigan davlat bo'la olamizmi? Buning uchun nimani oʻzgartirish kerak? Fikrlaringizni izohlarda qoldiring. @alisher_sadullaev

Инсон озод бўлиб туғилади, аммо барча жойда у кишанланган.. Жан Жак Руссо. Руссонинг асосий китобларидан бирини бошладим: “Об Общественном договоре, или Принципы политического Права”. Асарда у кишиларнинг озодлиги, бошқалар стидан хукмронлик қилиши масалаларига тўхталиб ўтади. Давлат ва халқ, фуқаролар орасидаги муносабат келишувларга асосланишини таъкидлайди. Қисқаси, қизиқарли ва фойдали асар. Руссони мураккаб файласуфлардан деб исоблардим, аммо ундай. эмас экан. Кўпчиликка тушунарли асарлардан,қисқаси тавсую. 👉@kitoblog👈

Маънавий полиция бор эди,энди адабий полициясиям чиқди шекилли🤦‍♂ https://human.uz/8/48/1467 Фақат бир савол қийнайди, нега бу асар? Ёшлар орасида кенг тарқалгани, муаллиф қатор мукофотларни олгани учунми? Ёки биринча марта ёзувчилар, асарлар ҳам шу тарзда трендга чиққан учунми. Ҳуллас, шунақа гаплар😏 👉@kitoblog👈

Болалар учун китоблар кам чиқади бизда. Борлари ҳам эски услубдаги эртаклар. Қуйидаги китобча эса расмларга бой, ҳам болаларга фойдали китоб экан. Дўконларда бор, яқинда чиққан китоб. Муаллифга ташаккур🙂 👉@kitoblog👈

Баъзан бир неча йил олдинги ёзган фикрлар, тақризларимизни ўқиб қолсак ғалати бўлиб кетамиз, шуни мен ёзганманми деб😅 Аслида бу яхши ҳолат. Кишининг тажрибаси, билими ошгани сари фикрлари сараланиши, ўзгариши табиий. Айтишганидек, фақат аҳмоқгина фикрни ўзгартирмайди. Фикрлар, қарашлар ўзгаришини тан олишдан қўрқманг. 👉@kitoblog👈

🌀Худди шундай, замонамиз олимлари ҳам қилни қирқ ёрадилар, ўзларига боғлиқ бўлмаган нарсаларни жуда яхши биладилар, аммо ўта муҳим, ўзлари учун қолган барча нарсалардан янада яқин бўлганни, яъни ўзларини билмайдилар. Ҳамма нарсалар яқин бўлган борлиқ бу – уларнинг менлиги. Улар бирор бир иш тўғрисида бу – тўғри, бу – хато, бу – ҳалол, буниси – ҳаром деб ҳукм чиқаришади-ю, ўз моҳиятларининг ҳалол ё ҳаром эканлигини билмаслар. ✍Ж. Румий—Ичиндаги ичиндадир

Бугун Book.uz га ташриф буюргандим. Қўярда қўймай совға қилиб юборишди😅 Ҳўш 2 мураккаб китоб, қай биридан бошлай? 👉@kitoblog👈

​​📚 Хэл Элроднинг “Тонг сеҳри” асаридаги 6 амалий тавсиялари. Кун шулар билан бошланса,ички кучлар ишга тушиб ҳаёт ўзгариб кетаркан: 1⃣Сукунат. Кунни ҳотиржамлик, сокинликда бошланг. Ҳаётдаги энг муҳим нарсалар ҳақидагина ўйланг. 5 дақиқа. 2⃣Аффирмация. Позитив нарсаларга ўзингизни ишонтиринг. Типа "мен бахтлиман, чиройлийман" каби. 5 дақиқа. 3⃣Визуализация. Бош мақсадларингизни аниқ тасаввур қилинг. Орзуларни аниқ кўз олдига келтиришга урининг.5 дақиқа 4⃣Жисмоний машқлар. Йога, спортзал ёки уйда шуғалланинг. 20 дақиқа. 5⃣Ўқиш. Кунига камида 10 варақ китоб ўқинг. 20 дақиқа. 6⃣Кундалик тутинг. Мияни сал бўшатиш учун кундалик тутинг. Янги ғояларни ёзинг, кунлик ривожланишингизни белгиланг. 5 дақиқа. Ўқимасаям бўладиган китоб шекилли😅. Аффирмациялар кимларга ёрдам берган? 👉@kitoblog👈

​​Британ тарихчиси ва ёзувчиси Ян Мортимер ёзади: "Мен китобларни шунчаки бўш вақтни ўтказиш ва роҳатланиш учун ўқимайман. Мен доим ниманидир ўрганиш учун ўқийман. Эрталаб уйғониб кунлик лойиҳаларимга, режаларимга қарайман. Қандай тушунарсиз мавзуларга дуч келсам шу соҳада китобларни топиб ўқишга киришаман. Режаларим олдинга юриши учун қайси мавзуни билишим керак бўлса шу соҳадан китобларни ўқийман" Бу яхши фикр аслида. Кўпчилик нима мавзуда китоб ўқишни билмай юради. Бадиий китоблар ку майли, аммо бирон мавзудаги, илмий китобларни танлашга қийналади. Иложи бўлса одам кун давомида ўзига учраган нотаниш тушунчалар, мавзуларни ёзиб бориши керак. Дейлик бир неча кун, ҳафта давомида. Кейин энг кўп учраган нотаниш мавзуга бағишланган китобни қидириш ва ўқишга ўтириш мумкин. Одам ўзи қизиққан йўналишдаги китобларни ўқиши яхши. Аммо ҳали ўзи унчалик билмайдиган аммо ўрганиши лозим бўлган билимларни, мавзуларни биринчи даражада ўргангани мақсадга мувофиқ. Бу ҳам мутолаа учун китобни танлашнинг бир усули. 👉@kitoblog👈

​​Нетфликс суратга олган Люпен сериални тугатдим. Сериал француз ёзувчиси Морис Лебланнинг "Арсен Люпен" тўпламидаги асарлардан илҳомланиб олинган экан. Қизиқиб изладим. Асардаги Люпен олийжаноб ўғри, джентльмен. У адолат учун курашади. Кўплаб жанг санъатидан хабардор ва қиёфасини ўзгартириш бўйича устаси фаранг. Ҳатто у изқувар Шерлок Ҳолмсга қарши ҳам курашган экан. Сериалга келсак, унчалик ёқди деёлмайман. Баъзан зерикарли, баъзан мантиқсиз жойлари кўпдек. Лекин кўплар мақтаганди. Асар яхшироқ бўлса керак ҳарқалай. 👉@kitoblog👈