Kitobxon kundaligi

​​#менинг_тавсиям ➖1. Qaysi kitobni tavsiya qilasiz va kitobdan o‘zingiz qanday foyda olgansiz? Fyodor Dostoyevskiyning "Aka-uka Karamazovlar"ini. Juda ko‘p savollarim va ikkilanishlarimni barham qilgan. Qutqargan. Sevdirgan. Xudo bo‘yicha fikrimni sobitlagan. E‘tiqodimni kuchaytirgan. Siyosatlar haqidagi yoziqlar bilan hayratlantirgan. Muhabbat va samimiyligimni qadrlagan. Soxta erkinlikka fikrlarimni qo‘llab-quvvatlagan. Kitobni 1-qismi qismlab chiqqanida, Dostoyevskiy muxlislari bilan uchrashgan. O‘sha uchrashuvda muxlislar quyidagicha aytishgan, aytib o‘tish kerakki, men ham shunday so‘zlayman: (bularni Dostoyevskiy o‘z xotinidagi maktubida yozgan) : - Siz bizning xaloskorimizsiz, “Karamazovlar”ni o‘qir ekanmiz, siz bizni yaxshiroq qilib qo‘ydingiz… ➖2. Kitobni kimlar, qaysi guruh (talabalar, ayollar yoki nimagadir qiziquvchilar...) o‘qib chiqishi lozim deb o‘ylaysiz va nega? Kitobni har bir odam bolasi o‘qishi kerak deb o‘ylayman. Hayotdagi hamma eng muhim va asosiy narsalar mujassam "Karamazovlar"da. Buni kechiktirmaslik lozim. Qayta-qayta bu bag‘ishlovni o‘pmoq shart! ➖3. Kitobdagi sizga yoqqan biron fikr, iqtibos yoki parcha? Hozir har bir kimsa o‘z qiyofasini hammadan ortiq ajratishga intilyapti, o‘zida hayotning butun to‘laligini his qilmoqchi, holbuki, uning barcha urinishlari pirovardida hayotning butun to‘laligiga erishish emas, faqat o‘z-o‘zini o‘ldirishgagina qolyapti, zero, o‘z borliqlarini to‘laligicha aniqlab olish o‘rniga mutlaq ajralishga mahkum bo‘lmoqdalar. Bizning asrimizda bari yakka bo‘lib ajralishdi, hammasi o‘z uyasida xoli bo‘lishdi, har biri boshqasidan ajraladi, yashirinadi, mol-mulkini berkitadi va oxirida o‘zi odamlardan qochadi ham odamlarni o‘zidan qochiradi. U tanho boylik yig‘ib, shunday o‘ylaydi: men endi juda qudratliman, hammadan ko‘proq ta’minlanganman, ammo bu telba bilmaydiki, qancha ko‘p yig‘sa, shuncha o‘z-o‘zini halok qilishga yaqinlashadi va ojiz tortadi. Zero, faqat o‘ziga ishonishga odatlandi, butundan yakkalanib ajralib chiqdi, o‘zini boshqalarning yordamidan umidvor bo‘lmaslikka o‘rgatdi, u odamlarga, insoniyatga ishonmaydi va faqat topgan pullarim nest-nobud bo‘ladi, haq-huquqlarim toptaladi deb qayg‘uradi. Erkinjonov Samandar 👉@kitoblog👈

Бугун #менинг_тавсиямтанловининг оҳирги куни. 21-00 гача танловга постлар қабул қилинади. Сўнгра барчага рандом учун рақам бериш якунланади. Ҳа баҳолашда лайклар, овоз беришлар амалга оширилмайди. Шу сабаб тақризлар танлов ўтганидан кейин ҳам каналга жойлаб борилаверилади. Муҳими, каналдагиларни зада қилиб юбормаслик, тавсияларни маромида бериб бориш.🙂 Барчага омад! 👉@kitoblog👈

​​​​#менинг_тавсиям ➖1. Қайси китобни тавсия қиласиз ва китобдан ўзингиз қандай фойда олгансиз? Kel Nyuport ning " Diqqat: Chalg'ituvchi dunyoda muvaffaqiyat sirlari " kitobini o'qishni tavsiya qilaman! Kitobda muallif tomonidan ayni yashab turgan zamonimizdan kelib chiqib muvaffaqiyatga erishish yo'llari hayotiy misollar asosida bayon etiladi! Men o'zim bu kitobdan "teran mehnat" ning qay darajada muhimligini shu bilan birga ijtimoiy tarmoqlardan me'yoriy foydalanish ko'nikmalarini oldim! ➖2. Китобни кимлар, қайси гуруҳ (талабалар, аёллар ёки нимагадир қизиқувчилар...) ўқиб чиқиши лозим деб ўйлайсиз ва нега? Fikrimcha kitobni yosh va o'rta avlod vakillari o'qishi tavsiya etiladi. Kitobda o'qish va ish faoliyati bilan shug'ullanuvchi har bir shaxs uchun foydali ko'nikmalar berib o'tilgan. ➖3. Китобдаги сизга ёққан бирон фикр, иқтибос ёки парча? "Diqqatingiz ustidan g'alaba qilishni istasangiz, axborotlar oqimidagi turfa xil diqqat bo'luvchi mayda narsalarga "yo'q" deyishga urinmang; kuchli ishtiyoq uyg'otuvchi narsalarga "ha" deng va o'sha istaklaringiz boshqa hamma narsani siqib chiqarishiga qo'yib bering" Kushbakov Berdiyor 👉@kitoblog👈

#менинг_тавсиям ➖Қайси китобни тавсия қиласиз? Эркин Аъзам қаламига мансуб "Отойининг туғилган йили" номли қиссасини тавсия қиламан. Китобдан ўзингизга қандай фойда олгансиз? 1.Хамма нарсани унутиб мутолага кириб кетиш. Мутолаа завқи ва ажойиб кайфият.(Мен учун энг муҳими шу ва менга бу қисса шуларни бера олди) 2.Ўз севимли қахрамонимни топдим. 3. Отойининг туғилган йили аниқ эмаслигини билиб олдим)) 4.Қатъиятни, Ўз фикримда собит туришни ўргандим 5.Жамият, одам табиати хақида бироз тушунчага эга бўлдим. 6.Танқидий қарашни, танқидий фикрлашни ўргандим. 7.Буқаламун бўлмасликни, нима бўлганда хам ўзлигимча қолишни ўргандим.Кимдир ёки жамият тузиб берган ценарий бўйича рол ўйнамасликни аксинча хеч қанақа режиссёр ёки ценаристни қўлида актёр бўлмай, ўзимга ўзим режиссёр, ўзимга ўзим ценарист бўлишим кераклигини, нима бўлганда хам ўз ролимдан, ўзлигимдан, ўз ценарийимдан чиқмаслигим кераклигини англадим.(Дархақиқат хаммамиз актёрмиз, аммо кимни ценарийси бўйича рол ўйнашимиз қизиқ) ➖Китобни кимлар, қайси гуруҳ (талабалар, аёллар ёки нимагадир қизиқувчилар...) ўқиб чиқиши лозим деб ўйлайсиз ва нега? 1.Адабиёт оламига янги кириб келаётган китобхонлар ўқишини тавсия қилардим.Чунки бу қисса содда,тушунарли қилиб ажойиб услубда ёзилган. 2.Ўта даражада оптимистлар ўқиши лозим.Бу қиссани ўқиб хаёт улар ўйлаган даражада жуда хам яхши эмаслигини англаб етармидилар) 3.Ўта даражада Пессимистлар хам ўқишини тавсия қилардим.Қиссани ўқиб бироз кайфиятлари кўтарилармиди) 4.Таълим тизимидагилар, Ўқитувчилар ўқиб чиқишини тавсия қилардим.Чунки муаллиф бу қиссасида таълим тизимини, ўқитувчиларни танқид қилган ва мен муаллифнинг танқидини жуда ўринли деб хисоблайман. ➖Китобдаги сизга ёққан бирон фикр, иқтибос ёки парча? Машрабнинг оти нега Машраб? Ким билади? Энг олдинда домланинг оғзидан кўз узмай, иложи бўлса унииг томоқ қирганини ҳам дафтарига ҳафсала билан ёзиб олишга шайланиб ўтирадиган Бўстон билади! У бирги-на шу саволга «Онасининг қорнида йиғлагани учун», дея жавоб бердию имтиҳондан ўтди-кетди. Башарти курсдошларни танлаш ҳуқуқи берилганда мен Бўстон билан ўқишдан қатъиян бош тортган бўлардим. У билан бирга ўқиётганимни ўйлаб доим уялиб кетаман, келажакда ҳам эсимга тушса, ўзимни кечирмасам, номус қилсам керак. Қачон қараманг, телевизордаги « қизлар давраси»да ишшайиб ўтиради. Гоҳида конфет шимиб ёзган шеърларини ўқиб берса, гоҳо ҳеч нарса қилмайди — шунчаки, ўзини кўрсатиш учун чиқади. Биламан, келажакда бир кун менинг омадим юришмайроқ қолганини эшитса, у албатта: «Ҳа, уми, бошдан аҳмоқ эди», дейди эслагиси ҳам келмай, бурнини жийиради. Бордию худо ёрлақаб тузукроқ одам бўлиб кетсам, у: «Бирга ўқиганмиз, бошдан ҳам зўр эди», дейиши турган гап. «Бўстон, худо ҳақи, айт, сени қандай она туққан ўзи? — дейман баъзан ичимда нафратланиб ва негадир у осонгина жавоб топиб, истаган имтиҳондан ўтиб кети- ши мумкин бўлган саволларнн ёғдира бошлаймап: — Машрабнинг оти нега Машраб? Отойи нечанчи йилда туғилган? Дурбекнинг қандай романлари бор? Саккокий нечта драма ёзган? Лутфий нега юз йил эмас, тўқсон тўққиз йил умр кўрган? Расул Собиржанов 👉@kitoblog👈

@kitobxorr отпускдан қайтибди. Яна кетиб қолмасидан тез кириб, жойлашволилар😅 У одатда кенг омма кўп ҳам ўқимайдиган, ноёб китобларни ўқиб фикрларини ёзади. Шундай асарлардан баҳраманд бўламан, десанглар каналига го🙂 https://t.me/kitobxorr/4344 👉@kitoblog👈

​​#менинг_тавсиям 1.Stiv Hocking "Murakkab savollarga oddiy javoblar". Asar tili murakkab. Buni qandaydir badiiy yoki ilmiy kitob ham deb ayta olmayman. Shunchaki, ilmiy ommabop kitob. Kitobni òqib kosmos,kelajakka sayohat, suniy intelekt,ilm-fan va din òrtasidagi munosabat, qora tuynuk, borliqning paydo bòlishi bòyicha ancha narsalarni bilib oldim va shular bòyicha ozgina bòlsa ham bilimim oshdi deya olaman. 2.Bu kitobni astronomiya,kosmonomiya va fizikaga qiziqadigan insonlar uchun juda òqishli bòlishiga ishonchim komil. Va shu sohaga qiziqadiganlarga tavsiya qilaman. Boshqalar soha vakillari uchun asar tushunarsiz yoki shunchaki yoqmasligi mumkin. 3. "Meni yomon tushlarning azobidan qutqaringda ,bir yonģoq ichiga band qiling. Men u yerda òzimni bepayon olamning sultoni deb sanagan bòlar edim". P/s. xuddi biz yashab turgan borliqning bepayonligi va biz shu borliqning kichkina zarrasi bòlganimiz kabi. Aziza Jumanazarova 👉@kitoblog👈

​​#менинг_тавсиям ➖1. Қайси китобни тавсия қиласиз ва китобдан ўзингиз қандай фойда олгансиз? Аҳмад Лутфий Қозончининг «Ўгай она» асарини тавсия қиламан. Фарзанд тарбияси ҳақида анча маълумотга эга бўлдим. Аслида бу китоб аёлга, онага бир ибрат ҳақида сўзлайди, аммо, бир ожиза аёл киши ҳолис ният қилиб, шу йўлда шунчалик ғайрат-шижоат, сабр-матонат кўрсатяпти-ки, наҳот биз эркакларнинг ғайратини, шижоатини, еркаклик ғурурини, уйғотмаса? Наҳот биз оталик, эрлик, каби бурчларимизни ҳис қилмасак, бу бурчларни ўзимизда янгидан кашф қилмасак? ➖2. Китобни кимлар, қайси гуруҳ (талабалар, аёллар ёки нимагадир қизиқувчилар...) ўқиб чиқиши лозим деб ўйлайсиз ва нега? Фикри ожизимча бу саволга биринчи саволдаёқ жавоб топиб бўлинди. ➖3. Китобдаги сизга ёққан бирон фикр, иқтибос ёки парча? Китобдан: Фақат, қизим, инсонлик шарафи хайрли қарор қабул қилишдагина эмас, балки турли азиятлар қаршисида қабул қилинган қарорда сабр билан давом эта билмоқдадир. Хасамаддин Юсупов 👉@kitoblog👈

📚Хўш, Тилланисонинг "Сунбула" сини ўқиганлардан фикр билмоқчи эдим. Муаллиф эмас айнан "Сунбула" асари ҳақида фикрингиз қандай? Ёзилиш услуби, асар кўтарган мавзулар ҳақида нима дея оласиз? 👉@kitoblog👈

​​💬 Одамлар икки туйғу орқалигина ўзаро бир-бирини тушунади. Изтироб чекаётган бошқа бир одамни кўради-ю, юрагида шафқат туйғуси уйғонади. Айни ўша лаҳзалардагина изтиробмандга шафқат тилашимиз, табиий равишда бахт тилай олишимиз хайрихоҳлик қилишимиз мумкин. Бошқа пайтда зимдан бир-биримизга душманмиз ва доимий зиддиятдамиз. Мен узоқ йиллар олдин ташлаб кетган ўз уйимда, яқинларим олдида ҳам, неча йиллардан бери ижарама-ижара яшаётган сарсон ҳаётим давомида ҳам кўп бор илғаганман буни. Ҳар гал англаганимда яна турган дунёимдан даҳшатли бегоналикни ҳис этардим. Ҳа, менга бундай шафқат остида тиланган бахт ҳам, кўрсатилган хайрихоҳлик ҳам керак эмасди. Бу ақлнинг кибрими ё қалб мағрурлиги важиданмиди билмайман. Аммо шу сабаб бўлса керак, кўнглимни бировга очмасдим. Одамлар бир-бирини тушунишдаги иккинчи эҳтимолий вазият эса ўша қалбини очиб, изтиробини баҳам кўраётган инсоннинг изтиробларини ўзимиз кўрган-кечирган азоблар олдида чакана деб баҳолаймиз ва изтиробмандга тепадан қараб, ўз изтиробларимизнинг уникидан кучлилигига, қайғулилигига бўлган ишончда қоламиз. Бу шунчаки бировнинг изтиробига тепадан қараш эмас, аксинча, унинг устидан зимдан, ичдан кулиш. Тилланисо—Сунбула 👉@kitoblog👈

​​#менинг_тавсиям 1. Қайси китобни тавсия қиласиз ва китобдан ўзингиз қандай фойда олгансиз? 2. Китобни кимлар, қайси гуруҳ (талабалар, аёллар ёки нимагадир қизиқувчилар...) ўқиб чиқиши лозим деб ўйлайсиз ва нега? 3. Китобдаги сизга ёққан бирон фикр, иқтибос ёки парча? ✅Javoblar 1.Jerom Selinjer "Javdarzordagi xaloskor" asarini tavsiya qilaman Asardan olgan foydalarim: garchi bu asarni oʻsmirlik davrimda oʻqimagan boʻlsamda😄 Xolden bilan deyarli juda koʻp narsalarga bir xil qarashimizni bildim. Asarni oʻqiganimdan soʻng ancha jiidiylashganimni, atrofimdagi sodir boʻlayotgan voqealarga ancha yuqoridan nazar tashlay boshlayotganligimni sezdim. 2. Kitobni barcha yoshdagi insonlarga tavsiya qilaman. Lekin oʻtish davridagi kitobxonlarga koʻproq tavsiya qilgan boʻlardim. Ular oʻzlarida sezayotgan bu jarayonlar faqat ularda emas barcha oʻsmirlarda boʻlishi mumkin ekanligini bilishadi asarni oʻqib. 3. "Hech kimni bejamoqchi emasligimni aytsam ham hech menga ishonmaydi. Odamlar oʻzi shunaqa, hech qachon senga ishonmaydi." Madina Mirzaraxmatova 👉@kitoblog👈

​#менинг_тавсиям ➖Қайси китобни тавсия қиласиз ва китобдан ўзингиз қандай фойда олгансиз? Самарқандлик ёзувчи Артур Самарининг "Любовь прокаженного" китоби. Асар, ажойиблиги шундаки, хозирда кўўпгина китобхонлар психологик китоблар ўқишга чанқоқ, ёки ҳаётдаги арзимаган муаммоларга катта ваҳима билан қараб ушбу муаммолардан қутулиш йўлларини мутолаадан излашади. Китобда сиз аввал... Ягона ўғли мохов касалига чалинган отани руҳиятини ҳис этасиз. Яна бир муддат моховлар қишлоғидаги ҳаёт тарзи аччиқ ҳақиқатлар билан ёзилган. Ана шунда англаб етади киши.. Олдимиздаги муаммолар бирор қийматга эга эмаслигини.. ➖Китобни кимлар, қайси гуруҳ (талабалар, аёллар ёки нимагадир қизиқувчилар...) ўқиб чиқиши лозим деб ўйлайсиз ва нега? Китоб хозирда ижтимоий тармоқларда трендга айланган норозилик кайфиятидаги ҳар бир, ёшу қарига тавсия этган бўлардим. Ишимизни унуми, кунимизни баракотли ўтиши ва айниқса ҳаётимизнинг ҳар бир куни маъноли ўтишида шукроналик қандай кучга эга эканлигини ҳис этасиз. ➖Китобдаги сизга ёққан бирон фикр, иқтибос ёки парча? Моховлар қишлоғидан бир бемор йигит қочиб, соғлом қишлоқ ахли бозорларида, ошхоналаридаги ўчоқдаги овқатларга туфлаб юради. Ана шу йигитнинг сўзлари: -Если они заразятся, это будет их судьба. Значить, так суждено, стало быть, в этой жизни им не повезло, как и мне, и другим прокаженным. Ведь меня тоже кто-то заразил. Почему я один должен жить в муках? За что?! А ведь я был благочестивым мусульманином. Ушбу бемор фикри ўқувчини мушохада қилишга чорлайди... Дилноза

​​#менинг_тавсиям 1. Aleksandr Dyuma. "Graf Monte - Kristo" Kitobdan o'zimga olgan foyda: "Har qanday vaziyatda ham Umid biz uchun yagona yo'l ko'rsatuvchi nurdir!!! Qiyin damlarda ham umidsizlikka tushmasdan harakat qilish lozim" 2. Bu kitobni 16 yoshdan yuqorilar o'qisa yaxshi. Asosan, detektiv asarlarga qiziquvchilar. Chunki asarning oʻziga yarasha murakkabliklari bor. Lekin shunday boʻlsa ham "Eng zoʻr asar" deb hisoblayman. Chunki inson yuragining tubida yotgan eng intim tuygʻularini harakatga keltiradi. Yashirin qobiliyat-u istaklarini namoyon qilib shunchki loqayd boʻlib otirmaslikka chorlaydi. 3. 1. "Imon- har narsaga qodir. Men Tangriga qattiq ishonaman. Yaqinda moʻjiza yuz beradi, kuting, bunga mening imonim komil" 2. "Unutmangki, Tangrim inson oldida, kelajakning pardasini tortib qo'yadigan kungacha, butun insoniyatning aql-idroki quyidagi ikki ogʻiz soʻzda mujassamlashgan: "KUTMOQ VA UMID QILMOQ KERAK" Edmon Dantes. Zaboxon Xudaybergan Qizi 👉@kitoblog👈