Kitobxon kundaligi

Shovqin Tasir-tusur, qasir-qusur, Idish-tovoq, idish-tovoq. Bu dunyoda kim bequsur, Idish-tovoq, idish-tovoq. Sen qiz bo‘lib tug‘ildingmi, Endi bu yo‘l Borsa kelmas, yolg‘izoyoq. Tilingni tiy, ishlasin qo‘l, Idish-tovoq, idish-tovoq. Sheʼrlaringda mantiq yo‘qdir, Ohangi ham buzilganroq. Asli umr mag‘zi nedir Idish-tovoq, idish-tovoq. Va o‘zingga berkin, qamal, Egiz-egiz qo‘rquvlar tug‘. Davom etar hayot yana, Sharaq-shuruq, taraq-turuq. Tasavvuring quroq-quroq, Niyat mayda, duo mayda. Sig‘inganing idish-tovoq Ichingdagi Xudo mayda. Ilm yo‘lin tutmasang gar Bitmas xorlik, sargardonlik. Nainki keng oshxonalar Koinot ham qilar torlik. Sen kim – Turkiston onasi, Turma g‘arib ham sarg‘arib. Baralla ayt dilrozingni Aslo idish-tovoq sasi Bosib ketmas ovozingni. Chin ayolga evril, elan, Ko‘ngil uyin etma g‘orat. Yaratganning izni bilan Sen dunyoni qayta yarat! Taraq-turuq, taraq-turuq... ✍️Mehrinoz @abbosova_mehriniz

Men turkiy ayollarni, Turon onalarini ilmli, zakiy, ziyoli, o'zini xafa qildirmaydigan, ehtiromda yashaydigan butun shaxslar sifatida tasavvur qilaman. Shu tasavvurlar hayotga ko'chsin deb shovqin soldik. P/s: She'rni yomon ko'radiganlar diqqatiga: biz bu orqali ayol-qizlarni ilm-fanga targ'ib qilmoqchimiz xolos. Hozircha qo'limizdan keladigani shu:) #mumtoz_davra #bayram_muborak @abbosova_mehrinoz

​Бир донишманд тингловчилар олдида нутқ сўзлар экан, уларга латифа айтиб берибди. Барча томошабинлар кулишибди. Бир неча дақиқадан сўнг у яна ўша латифани одамларга қайтиб айтиб берибди. Бир неча киши жилмайиб қўйибди. Донишманд ўша латифани учинчи марта айтибди, лекин энди ҳеч ким кулмабди. Шунда донишманд жилмайиб дебди: "Битта хазилга қайта-қайта кула олмайсиз.. Хўш, нега унда битта нарса сабаб қайта ва қайта йиғлайверасиз?" 👉@kitoblog👈

#тезкор_ўқиш_техникаси Ўқиш пайтида одамларнинг 80% сўзларни ичида ё сиртида такрорлайди. Баъзан юмшоқ артикулацияни ўқувчининг лабларининг енгил ҳаракати билан кўриш мумкин, лекин кўпинча лаб қимирламай ҳам аммо томоқ мушаклари ҳаракатда бўлиши мумкин. Юлия Орлованинг фикрига кўра, бу мутолаани ўта секинлаштирадиган ёмон одат. Бирон нарса ҳақида ўқиётганда сиз дастлаб харфлар, бўғинлар кейин сўзлар шаклига келтириб такрорлайсиз. Натижада, сиз матнни фақат уни такрорлагандан кейингина тушунишга ўрганиб қоласиз. Aммо тушуниш учун бўғиз мушакларидан фойдаланиш шарт эмас. Фотосуратга қараганда, у нимани тасвирлаётганини сиз ўзингизга айтмайсиз, тушунтирмайсиз. "Бу дарахт, бу тоғлар, бу ерда сувлар оқиб турибди" қабилида. Расмдаги маълумотлар дарҳол нутқ органларини четлаб ўтиб, мияга узатилади. Ўқиш пайтида ҳам худди шундай бўлиши лозим. Лаблар ҳаракатларини бостириш учун уларни бармоқ билан босиш, оғизда нимадирни қисиб ушлаб туриш мумкин. Ички талаффуз билан курашиш учун матнни ўқиш мобайнида бир вақтнинг ўзида ўттизга қадар сананг ёки бирор қўшиқни (ҳатто сўзларсиз) ҳиргоя қилинг. Шунда томоқ мушаклари иштироки чекланади ва мия тўғридан-тўғри маълумот олишни бошлайди. Бир ёки икки ҳафта давомида сиз матннинг мазмунини тушунмаслигингиз мумкин, лекин аста-секин ҳаммаси нормал ҳолатга қайтади. Ва тезда бу ёмон одатдан қутиласиз. 👉@kitoblog👈

#kitob#tavsiya Bahorda o'qishni tavsiya qiladigan 5 ta asarim: 1. Maxatma Gandi — "Mening hayotim" Bu asari muallifning bolalik davrlaridan boshlab 1921 yilgacha boʻlgan voqealarni oʻz ichiga olgan. Undan o'z dini va an'analariga sobitlik, qat'iyat, erk va ozodlik uchun kurashning yuksak namunasini bilib olishingiz mumkin. Tinchlikparvar insonning mashaqqatli hayotini ochib beruvchi hikoya. 2. Xose Ortega i Gasset — "Omma qo'zg'alishi" (Восстание масс) Yaqinda "Omma psixologyasi"ni o'qiganlar uchun ajoyib tanlov. Agar siz massaning qanday harakatlanishi va sotsiologik hodisalarga qiziqishingiz baland bo'lsa ushbu ispaniyalik yozuvchi asari siz uchun ayni muddaodir. 3. Sem Uolton — "Made in USA: W-MART" Dunyodagi eng birinchi va yirik chakana savdo tarmog'i asoschisi Sem Uoltondan shaxsiy biznesini qanday boshlagani, biznesda motivatsiya va aqlli qarorlar qanday qabul qilinishi haqida motivatsion-avtobiografik asar. Aytgancha, ushbu asarda nima uchun Korzinkalarda mahsulot narxi yonida yozilib turish sababini bilib olasiz:) 4. Erkin Vohidov — "Ruhlar isyoni" Biroz klassika ham o'qish kerak, ya'ni oʻzbek shoiri Erkin Vohidov qalamiga mansub bengal shoiri Nazrul Islom haqidagi dostoni aynan ruhingizni taskin toptiruvchi shunday vosita bo'lsa ne ajab. Doston bir necha rivoyatdan iborat boʻlib, ularda turli tarixiy va tarixiy boʻlmagan shaxslar haqida soʻz yuritiladi. Ibrohim Gʻofurov doston haqida: "Menga u koʻp jihatlardan bugungi oʻzbek sheʼriy tafakkurining – lirik tafakkurining choʻqqisi boʻlib koʻrinadi“, deb yozgan. Menimcha shu ta'riflarning o'zi yetarli. 5. Javlon Jovliev — "Qo'rqma" O'z-o'zidan yil kashfiyoti ushbu ro'yxatdan o'rin oldi. Aslida "Qo'rqma"ni allaqachon ko'pchilik tavsiya qilib bo'ldi. Shunga qaramasdan haligacha o'qishga ikkilanayotganlar uchun hal qiluvchi tavsiyam aynan mana shu bahorgi ro'yxatim bo'ladi. Millat uchun jon berishga tayyor fidoyilar haqida o'zgacha asar. Yoqimli mutolaa! @panda_books

Кўпчилик турли орзу ва мақсадлар қўяди, доимо фаровон келажакка умид қилиб юрамиз. Aммо, шу орзулар билан юриб яшашни унутиб қўямиз. Бугун яшамаймиз, келажакни кутамиз. Орзуларга ҳаракат қилишни кечиктирамиз, ҳали тайёр эмасмиз деб ўйлаймиз. Хўш нега? Чунки хато қилишдан қўрқамиз. “Шу ишни қилсам хато бўлсачи”, “Яна адашсамчи” деб ўйлайверамиз. Aслида идеал одам йўқ. Хато ҳаммада бўлади. Хатолар бу бизнинг бой тажрибаларимиз бўлади келажакда. Шунинг учун бундан қўрқиб, ҳаракат қилишни тўхтатиш керак эмас. Томас Эдисон узоқ чидовчи лампочкани яратиш учун 1 000 га яқин синовлар олиб борган. Машхур ёзувчи Жоан Роулингнинг Гарри Поттер ҳақидаги асарларини дастлаб 12 та нашриёт чоп этишдан бош тортган. Бугун эса у айнан ёзувчилик ортидан миллиардерга айланган биринчи инсон. Хаёлий орзуларга берилиб бугунни қўлдан бой берманг. Лаҳзадан унумли фойдаланинг яъни carpe diem.. 👉@kitoblog👈

Март ойи учун дастлабки мастридларим Мурод Човушнинг "Ҳеч" и ва Тилланисонинг "Сунбула" си. Иккаласи ҳам назаримда инсон ҳиссиётларини очиб беришга интиладиган, мураккаб асарлардан. Бу ой шу китоблар билан биир ички оламимизга саёҳат қиламиз🙂. Сиз бу китобларни ўқиганмисиз? Қандай таасурот қолдирган? 👉@kitoblog👈

📚Демак, феврал сарҳисоби 1. Питер Акройд—Платон ҳақида афсона. Аслида асар ярми ўтган ой бошланганди, бу ой тугатдим. Бу асар бошқа бир келажадаги Платоннинг саёҳатлари ҳақида. Диалоглар шаклида кўплаб муносабатлар,ҳис туйғулар очиб берилади. Келажак мисолида бугунги кундаги инсонлар орасидаги муаммолар устидан киноя билан кулинади. 2. Ж. Селинжер—Жавдарзордаги ҳалосокор. Бу асарнинг ҳам оз қисмини ўтган ой ўқигандим. Бу ой тугади. Ажойиб асар.Тақриз бу ерда. 3. Жавлон Жовлиев — Қўрқма Бу асар ҳақида кўп ёздим, иқтибослар келтирдим. Ёзилиш услуби ўзгача ва иқтибосларга бой асар. Тўлиқ фикрлар бу ерда. 4. Ж. Молинари—Бу ерда ҳамма нарса бўлиши мумкин. Бу ўзгача асар. Рамзлар,аллюзияларга бой. Оддий икир чикирлар, муаммолар билан ҳаётимизда ҳамма нарса содир бўлиши мумкинлигига ишора қилинади. Бир муҳожирнинг ўлими эса Европадаги қочқинлар аҳволига яна бир бор назар солишга ундайди. Ҳали бу китобга тўлиқ тақриз ёзилади. ✅Қисқача шулар, барчага ёқимли мутолаа. 👉@kitoblog👈

— Энг буюк нарса нима? — Макон буюкдир, чунки у ҳамма нарсани ўз бағрига олади. — Энг учқур нарса нима ? — Ақл ҳамма нарсадан учқурдир, у ҳамма нарсадан ўзади. — Доноларнинг доноси нима? — Вақт, чунки у ҳамма нарсани кашф этади. — Ҳамма учун хос бўлган умумийлик нима ? — Умидворлик, чунки одамларда ҳеч нарса бўлмаганда ҳам у албатта бўлади. — Энг кучли нарса нима? — Зарурият, чунки у ҳамманинг устидан ҳукмронлик қилади. — Нима қийин? — Ўз-ўзингни билиш. — Нима осон? — Бошқаларга маслаҳат бериш. — Ким бахтли? — Тани-жони соғ, руҳи хотиржам ва маънавий камолотга интилувчи инсон. 👤Фалес. Грек файласуфи, эра. ав.624-547 йиллар. 👉@kitoblog👈

#Joker Жокер - жамиятдаги воқеликни акс эттирувчи энг идеал образ ҳисобланади. Жек Николсон томонидан 1989 йили яратилган Жокер - ўша даврларда жамият учун энг катта хавф солган мафия ва жиноий тўдалар билан боғланган. Хит Леджер томонидан 2008 йили яратилган Жокер - ўша вақтларда авжига чиққан, жамиятни қўрқувга солувчи террор ва торрористик ҳаракатлар билан боғланган. Хоакин Феникс томонидан 2019 йили яратилган Жокер эса - жамиятдаги депрессив руҳ ва психологик муаммоларнинг кўпайиб бораётгани билан боғланган. @UzIMDb

📊 Феврал сарҳисобини ҳам қилсак бўлармиди🙂? Сиз бу ойда қайси китобларни тугатдингиз? Нима ёқди, нима йўқ? П.С: мен эртага батафсил ёзарман сарҳисоб.

​​Bertrand Russell ўзининг What I Believe китобида ортодокс Христианликни танқид қилаётганда, яхши ҳаёт кечириш учун инсон виждонига таяниб яшаши шарт эканлиги тўғрисидаги фикрни ҳам асоссиз ва янглиш деб номлайди. Албатта, барчамиз ҳалол инсон бўлишда, бизнинг виждонимиз катта аҳамиятга эга эканлигини тан олганмиз. Бундай бўлса, нега Рассел виждонга таянишни нотўғри деб танқид қилган? Файласуфнинг фикрича, виждон - ёшликда эшитилган панд-насиҳатларнинг ноаниқ хотираларининг йиғиндиси. Ушбу фикрни дастлаб ўқиганингизда, у бироз ғалатироқ туйилиши мумкин. Лекин унинг устида озгина бош қотирганингиздан сўнг Расселга ҳақ беришни бошлайсиз. Таққослаш учун, 6-7-синфларда алгебра фанидан ўтган бирор мавзуингизни ёки ўрганган бирор формулангизни эсланг. Ўша пайт уни - мавзу ёки формулани - аниқ тушунган бўлишингиз мумкин, лекин ҳозирга келиб унинг асл моҳиятини бутунлай унутиб қўйган бўлишингиз эҳтимоли юқори. (Ёки бунинг тескариси - ўша мавзу ёки формулани ўша пайт бутунлай нотўғри тушуниб олиб, ҳозирда ўша нотўғри тушунчангизни тўғри сифатида қабул қилаётган бўлишингиз ҳам мумкин) Сиз нима дейсиз? @readnroll