Kitobxon kundaligi

​​Kitobxonlar uchrashuvi, yangi tarjima qilingan kitoblar. Bugungi kun haqida qisqacha Bugun "Kitobxonlar davrasi" guruhi a'zolari, umuman, kitobxonlar yig'ilishi bo'lib o'tdi. Ko'pchilik tanish chehralar, yangi kitob taqdimoti, turli xil tanlovlar, qizg'in suhbat... Xullas kun juda mazmunli o'tdi. Tashkilotchilarga katta rahmat, hammasi ajoyib o'tdi. Uchrashuvda Mark Mensonning "Hammasi rasvo. Umid haqida kitob" asarining o'zbek tiliga tarjima qilingani munosabati bilan taqdimot ham bo'lib o'tdi. Umuman bu asardan vaqtida o'zim ham ko'p narsa olganim uchun taqdimotga juda qiziqdim. O'qish uchun albatta tavsiya qilaman. Shu asarni ruscha versiyasi chiqqanida darrov internetdan ko'chirib olib, qiziqib o'qib chiqqan edim. Shu paytgacha bu kitob haqida taqriz yozishga menda hadiksirash bo'lgan. Adashmasam bir oy oldin shu kitob o'zbekchada chiqayotganini ko'rib hayron qolgan edim. Menda paydo bo'lgan birinchi savol: asar o'zbekchada ham to'liqligicha chiqarmi ekan? Bugun taqdimotda Azbobooks loyihasi a'zolari ushbu savolga "xa" deb javob berishdi. Bundan juda hursandman. Demak, bizni oldinda kitobxonlar orasida kuzatilajak juda keng bahs-munozaralar kutib turibdi. Muhimi, azizlar, urishmasdan fikr almashinglar 😂 Kitobni o'qishni esa tavsiya qilaman. Uchrashuvdan so'ng @kitoblog, @Tav_uz, @marufjonblogi, @bu_safar_boshqacha va @odilxonsarchive kanallari adminlari bilan o'tirib suhbatlashdik. Chakagimiz tinmadiyov. Bu darajadagi saviyali insonlar bilan bir joyga kelib qolish kam uchraydigan hol. Xali ancha gaplar qolib ketdi. Juda mazmunli suhbat bo'ldi. Aytganimizdek, birgalikda nimalardir qilish kerak)) Kitobxonlar uchrashuvidan so'ng, Book.uz dan bo'sh chiqib ketgim kelmadi. Kitob sotib oldim. Mana shu kitob o'zbekchaga tarjima qilingan ekan, sotuvga chiqibdi. Lekin ayting, qaysi tentak o'zbekchaga tarjima qilingan kitobning ruschasini oladi? Xa, men 😂 Xullas tavsiya qilaman, o'zbekcha tarjimasi "Javdarzordagi xaloskor", muallifi Jerom Selinjer. Xaloyiq, og'ir botsa ham aytaman, xa deb Safarli kabilarni o'qiyvermasdan, shunday kitoblardan ham o'qib turinglar. Yoki o'zgarish sezasizlar, yoki tushunmadim deysizlar. Tushunmasligingizning sababini esa oldingi o'qigan kitoblaringizdan qidiring. @Bookerberg

​​Китобхонлар учрашуви ажойиб ўтди. Танловлар, муҳокама, суҳбатлар.. Ҳуллас бир олам таасурот ва чарчоқ😅 Жуда чарчадим, эртага батафсилроқ ёзарман учрашув ҳақида. Ҳозирча расм🙂 👉@kitoblog👈

Бугун Book.uz дўконида 10-00 да Фейсбукдаги "Китобхонлар давраси" гурухи учрашуви бўлиб ўтади. Мен ҳам админлардан бири сифатида қатнашаман. Борадиганлар бўлса кўришамиз🙂 Қолганларга эса расм, видеолардан каналда улашаман.. 👉@kitoblog👈

⤴️ Қишки таътилларда мактаб ўқувчиларга ўқиб чиқишга яхши асар. Янги йилга фарзандингизга бир-икки кунда еб тугатиладиган ширинликлардан кўра "мағзи" кўпроқ совға🙂 Йўғ-е ўша совға билан китобни қўшиб берилсаям бўлади😅 👉@kitoblog👈

​​🔥 Asaxiy Booksдан навбатдаги бестселлер таржима 🔥 30 ёшгача бўлган эркаклар ўқиши керак бўлган асар - Жером Сэлинжер: "Жавдарзордаги халоскор" 📌 2005 йил Time журнали асарни 1923 йилдан бошлаб инглиз тилида ёзилган 100 та энг яхши романлар рўйхатига киритган. Modern Library нашриёти эса романни XX асрнинг 100 та энг яхши асарлари қаторидан жой олишга лойиқ деб топган. 2003 йил Би-би-сининг The Big Read («Энг кўп ўқилган») сўровномасида 15-ўринни эгаллаган. ☝🏿 Дастлаб у катталар учун мўлжалланган бўлса-да, лекин жамиятдаги сохталикларни танқид остига олгани ҳамда ғазаб, жамиятдан бегоналашиш каби мавзуларни кўтаргани учун ўспиринларнинг севимли китобига айланган. 📝 Асар жуда кўп тилларга таржима қилинган. Ҳар йили бир миллионга яқин нусхада сотилади. Умумий савдо ҳажми эса 65 миллионтани ташкил қилади. Асарнинг бош қаҳрамони Ҳолден Кольфильд ўсмирлар исёнининг тимсолига айланишга улгурган. Роман, шунингдек, маъсумлик, асллик, тегишлилик, йўқотиш, боғлиқлик, интим ва тушкунлик каби мураккаб масалаларга ҳам тегиб ўтади. Нашрдан чиққач 2 ой муддатда оммалашиб кетган романда 16 ёшли ўсмир йигитнинг дунёқараши, атрофидагиларнинг иккиюзламачилиги ва соҳталикларидан безорлиги, ҳаётга бўлган очиқ муносабати, синглисини жондан севган меҳрибон ака тимсоли ёритилган. Муаллифнинг ўзи 1953 йилги интервьюсида романни қисман автобиографик, деб атаган. Умумий маълумотлар: Инглиз тилидан ўзбек тилига ўгирган таржимонлар: Зуҳра Раҳимжонова Ўғилой Мираҳматова Масъул муҳаррир: Зиёдахон Ғуломова Мусаҳҳиҳлар: Гуласал Қодирова Гулнора Паттахова Дизайнер: Жавоҳир Равшанов 📓 Муқова: Қаттиқ 💰 Нархи: 34 000 сўм Онлайн Буюртма қилиш 👉🏿https://bit.ly/3a3Dcv5 📲Тел: +998 71 200 01 05

​🧠Пенфилд хулосасига кўра мия 3 функцияни бажаради: 1. Сақлаб қолиш 2. Эслаш 3. Кечинмаларни қайта жонлантириш. 💬Болалар ҳали чақалоқлигиданоқ миясида барча кечинмалари, атрофдаги конфликтлар, қўрқувларни эслаб қолади. Уларга қарши фикрини билдиришга эса болада сўзлар,имо ишоралар етмайди. Бола фақат йиғлаб, қандайдир ҳаракатлар билангина ўз қаршилигини, ноқулайлигини билдиришга уринади. Аммо, бу кечинмалар унутилмайди, кейин бола катта бўлгач бу хотиралар унинг тушларида қайта жонланади. 📚Т. Хэррис- Я окей, ты окей 👉@kitoblog👈

📚Лев Толстой асарлари ҳажми катталиги билан ҳаммага маълум. Ўзим "Уруш ва тинчлик", "Анна Каренина" асарларини 2 марта бошлаб, оҳирига етмаганман. Персонажлар кўплиги, воқеалар ҳижжалаб тасвирланиши ҳам зериктиради, ҳам чалғитади. Аммо бу каби асарлар ҳақиқий классика, вақт топиб ўқишга арзийди. Ҳозир "Тирилиш" ни ўқияпман ва Толстой бошқарув тизими, сиёсат, жамият қадариятлари ва православ динини ўткир танқид қилаётганига гувоҳ бўлаяпман. 📝Ажойиб асарлар, қуйида «Анна Каренина» романидан иқтибослар келтираман, баҳра олинг: ▪️У қанчалик кўп ҳеч нарса қилмаса, шунчалик кўп вақтини бекор сарфларди. ▪️Инсон одатланиб кетмайдиган шароит бўлмайди.Айниқса атрофдаги барча бунга кўниб яшаётган бўлса. ▪️Ҳурмат бу севгига имкон йўқ ҳолда қўлланиладиган,бошқа туйғу. ▪️Барча бахтли оилалар бир бирига ўхшайди. Барча бахтсиз оилалар эса аксинча алоҳида сабабларга кўра ўз ўзича бахтсиздир. 👉@kitoblog👈

6 тасини ўқиган эканман, ростан яхши китоблар🙂 Қолганларини ҳам варақлаб кўраман. Шантарам жуда катта китоб, тугата олмаганман. Кўпчилик мақтайди лекин, билмадим зерикарли туюлаганди..

📚Ўқиганингиздан кейин дунёга бошқача назар солишга ундовчи 15 та китоб. Янги йил арафаси ўқишга ёки кейинги йилга мастрид учун рўйҳат. 👉@kitoblog👈

🔖Бизнинг жамиятимиз ёлғизлик ва қўрқувдан азият чекувчи, тобе ва ҳўрланган, сурункали бахтсиз одамлар жамияти. Улар ўзлари доим тежашни ҳаракат қилувчи "вақтни ўлдиришганидан" ҳам ҳатто ҳурсанд бўлиб яшайверади. Эрих Фромм 👉@kitoblog👈

​📚Бармоқ билан ўқиш #тезкор_ўқиш_техникаси Ўқиш пайтида кўзларингиз бир текис чизиқ бўйлаб ҳаракатланаётгандай туюлишига қарамай, аслида ҳар 1,5-2 та сўзда мунтазам равишда тўхтаб қоласиз, пауза қиласиз. Ушбу тўхтаб қолишлар қисқа муддатли бўлса ҳам, улар ҳар бир саҳифада икки дақиқагача вақтни бекор олиши мумкин. Кўзларни бундай тормозлардан халос қилиш учун, эволюция жараёнида кўз эга бўлган хусусиятдан фойдаланинг. Аслида кўз атрофдаги ҳаракатни илғаб олиш учун яратилган (иккинчи кўз эса симметрия учун). Aйнан ҳаракатларни кўриш орқали атрофида содир бўлаётган нарсалар ҳақида асосий маълумотлар олинади. Мутолаа жараёнида ҳам шундай бўлиши лозим. Қўлингизга бирон кўрсатгич, қалам олинг ва уни қатор остига олиб бориб, матнни ўқишни бошланг(бармоқдан фойдаланиш ҳам мумкин). Кўз ҳаракатни ушлаган ҳолда, ортиқча паузаларсиз ўқишни бошлайди. Aгар қаламсиз ўқийман десангиз, унда қатор, ёзувлар тагидаги оқ интервалга диққат қилиш мумкин. Бу бироз қийинроқ, аммо бир неча уринишлар билан эпласа бўлади. Дастлабки тезликни ўзлаштирсангиз, кўзлар ҳар сафар кўрсатгичнинг ҳаракатини тезлаштиради. Aста-секин, улар ортиб бораётган босимга ўрганадилар ва тезлик сезиларли даражада ошади. Буни текшириб кўришингиз ҳам мумкин: бирор матнни бир дақиқа давомида қалам билан ўқиб, тўхтаган жойни белгиланг. Кейин яна қайта ўқинг ва бу гал белгиланган жойдан ўтишга ҳаракат қилинг. Бир неча марта синаб кўриб, бу яхшигина самарали эканига гувоҳ бўласиз. 👉@kitoblog👈