Laylo Rustamova

УЛАРНИНГ ҚУЛОҚЛАРИ ЭШИТМАСАДА ҚАЛБЛАРИ БИЛАН ДУНЁЛАРНИ ИДРОК ҚИЛИШМОҚДА Қувасой шаҳар алоҳида таълим эҳтиёжлари бўлган эшитишида нуқсони бор болалар учун ихтисослаштирилган махсус мактаб ўқитувчилари ўқувчиларини катта ҳаётга тайёрлаш учун бор имкониятларини ишга солишмоқда. Мактабнинг ўқитувчиси "Дўстлик" ордени соҳибаси Наргиза Рўзиева томонидан ташкил этилган Очиқ дарс видеолавҳасини кўриб, бу болажонлардаги илм олишга бўлган иштиёқи ва завқидан, устозларнинг эътибордан қувондим. Бугун Мактабгача ва мактаб таълими вазирлиги тасарруфида 90 та алоҳида таълим эҳтиёжлари бўлган болалар учун ихтисослаштирилган мактаб ва мактаб-интернат фаолият юритади. Шундан 19 та кар ва заиф ешитувчи, 17 та кўзи ожиз ва заиф кўрувчи, 50 та ақли заиф, 3 та таянч ҳаракати нуқсонли ва 1 та нутқида нуқсони бор болалар учун ихтисослаштирилган таълим муассасаларидир. Бугун уларда қарийб 42 минг нафар алоҳида таълимга эҳтиёжи бўлган бола таҳсил олиб, уларга 14 ярим мингдан ортиқ педагог таълим ва тарбия беради. Давлатимизнинг олдига қўйган асосий мақсадларидан бири бу алоҳида таълим эҳтиёжлари бўлган болалар учун таълим олиш шароитларини яхшилаш, мактабларни инклюзив ва имконияти чекланган болалар учун кенг имкониятли қилишдан иборат. Ҳеч қандай тўсиқ аслида боланинг ногиронлиги билан боғлиқ эмас, балки мавжуд тўсиқларни бартараф этилмаслигидадир. Ўзбекистон Республикаси Конституциявий Қонун Лойиҳасининг 50-моддасига асосан Таълим ташкилотларида алоҳида таълим эҳтиёжларига эга болалар учун инклюзив таълим ва тарбия таъминланади. Мазкур йўналиш Бош Қомусимиз даражасида мустаҳкамланаётган экан, имконияти чекланган болаларнинг таълим олиш имкониятлари ҳам янада кенгаяди. Фурсатдан фойдаланиб, махсус таълим даргоҳларида фаолият олиб бораётган барча жонкуяр ва фидойи устозларимизга ўзимнинг миннатдорлигимни изҳор қиламан.

БОЛА САМИМИЙ МЕҲРНИ ҲИС ҚИЛГАНДАГИНА БАХТЛИ БЎЛА ОЛАДИ! Болаларга бўлган муҳаббат эса бу уларнинг ҳар бирига бўлган ишончдан бошланади. Уларнинг келажакда ўз йўлини топиши, юксак илм чўққиларни забт эта олиши… Фарзандини севган она унинг учун тоғларни ҳам талқон қила олади. Шундай экан Hilola Umarova ҳам ҳар бир болага бўлган оналарча меҳру-муҳаббати билан албатта таълимда туб бурилиш қила олишига ишонаман.

ИМКОНИЯТИ ЧЕКЛАНГАН НИЯТИ ОСМОН БОЛАЛАР... Бугунги кунда бутун дунёда 93 миллион нафардан ортиқ имконияти чекланган бола яшайди. Кўп ҳолларда бу болалар эътиборсизлик сабабли жамиятнинг қолган қисмидан ажралиб қолиши кузатилади. Уларнинг ҳаётдан ўз ўринларини топишлари учун эса ҳар биримиз бирдай масъулликни ҳис қилишимиз лозим. Алоҳида таълим эҳтиёжи бўлган болалар таҳсил оладиган 103-сонли мактаб-интернатида ақлий ривожланишда нуқсони бўлган 283 нафар ўғил-қиз таҳсил олмоқда. Улар устоз ва мураббийларининг жасорати билан нафақат мактаб дастурларидан жой олган, балки ундан четга чиққан ҳолда ҳам касб сирларини ўрганишмоқда. Болалар 2022 йилда ўзлари ясаган тайёр маҳсулотларни сотиш орқали 12 млн. сўм даромадга эга бўлишди. Маблағнинг бир қисми ўқувчиларнинг мотивацияси учун ўзларига берилди. Уларни қўллаб-қувватлаш истагида бўлган юртдошларимиз https://t.me/minimarketmajnuntol_bot боти орқали болаларимиз ясаган маҳусулотларга буюртма беришлари мумкин.

ШИРИН ҚИЗИМ БИЛАН БИР "ВАЙБ"ДАМАН — Билмадим бу сўзни тўғри қўлладиммикин!? 😄 Қизим Ширин ўсмир ёшида ва мен у билан дўстона алоқада бўлишга ҳаракат қиламан. Тўғри, табиатан қаттиққўл онаман, лекин шундай бўлса ҳам қизим билан унинг ёшида ўзимни ҳис қилиб гаплашишга ва шу орқали у билан дўстлашишга ҳаракат қиламан. Бир кун қизимга "Ширин, ўртоқларинг билан сўзлашувда ишлатадиган сўзларингдан менга ҳам ўргат" дедим. У кулди ва бу менга нима учун кераклигини сўради. Мен унга сен билан сизлардай гаплашишни ҳоҳлайман дедим. Шунда у менга айрим сленгларидаги сўзларни ўргатди. "Вайб", "треш", "жиза", "кринж" — Ишонасизми? Мен бу сўзларни ҳали ҳам ўрганиб ололганим йўқ, доим хато жойда қўллавораман, ўтаям оғир-вазмин бўлган қизим ойисининг унинг "вайб"ига тушмоқчи бўлганимни кўриб, роса қувнаб кулади. Мактабда фаолият юритадиган ўқитувчи ва ўқувчилар ҳам ўқувчилари билан аслида бир тўлқинда бўла олиши керак ва шундагина улар билан дўстона муносабат ўрнатиб, уларни бегоналар билан эмас улар билан дўстлашишига сабаб бўлади. Тошкент шаҳридаги 91-мактаб жамоасини ҳам ўқувчилари томонидан тайёрланган роликда роль ўйнашгани ҳам уларнинг бир тўлқинда эканлигини кўрсатди. Сабаби болалар ва ёшлар билан ишлайдиган инсонлар ўзлари ҳам улар каби фикрлай олишлари, керак бўлса уларнинг ишонган дўстига айланишлари лозим. Эрталабдан бир неча ОАВ вакили шу бўйича изоҳ сўради. Мен ўқитувчиларимизни муҳокама қилмасликларини сўрадим. Мактаб жамоаси ва ўқувчилари билан бир "вайб"да бўлган ўқитувчиларимизни мен қўллаб-қувватлайман! Ўзим ҳам қизларим билан челленджларда қатнашиб, мана шундай ҳаракатларни ҳеч ўйланмай қилишим мумкин ва бу билан менинг ҳам қизларимнинг ҳам маънавияти бузилиб қолмайди. Шунчаки биз бир тўлқиндалигимизни ҳис қиламиз! "Ўз ўрнини билиши керак ўқитувчи" дейдиганларга эса, ўқитувчи ўқувчилари билан дўст бўлиб, ҳурмати йўқолиб қолмаслигини айтмоқчиман. Бугунги ёшлар билан дўстона муносабат ўрнатиш орқалигина биз улар билан бўла оламиз, акс ҳолда бу ўринни бошқалар эгаллаб олади.

VAZIR TOPSHIRIG‘IGA ASOSAN 152-MAKTABDA YUZAGA KELGAN HOLAT O‘RGANIB CHIQILADI Maktabgacha va maktab taʼlimi vaziri Hilola Umarovaning ko‘rsatmasiga asosan Toshkent shahridagi 152-maktabda yuzaga kelgan holat hamda maktabdagi taʼlim va tarbiya jarayonlarini o‘rganib chiqish bo‘yicha vazirlik Ishchi guruhi tuzildi. Ayni damda o‘qituvchining maktabdagi nosog‘lom muhit bo‘yicha ijtimoiy tarmoq faollariga murojaati keng muhokamalarga sabab bo‘lmoqda. Shu o‘rinda jamoatchilik vakillaridan har ikki tomonni o‘rgangandan so‘ng xolis axborot tarqatishlarini, shuningdek vazirlik ishchi guruhi bilan birgalikda o‘rganish jarayonlarida ishtirok etishlari mumkinligini bildiramiz. Eslatib o‘tamiz, maktabda o‘qituvchi va o‘quvchi o‘rtasida yuzaga kelgan nizoli holat bo‘yicha o‘quvchining ota-onasi huquq-tartibot idoralariga murojaat qilgan. Sud qarori bilan o‘quvchining onasi va maktab o‘qituvchisiga nisbatan maʼmuriy choralar qo‘llanilgan. Ishchi guruhning o‘rganish natijalari jamoatchilikka maʼlum qilinadi. Yuqoridagi holat nafaqat pedagoglar, balki ota-onalarni ham hushyor bo‘lishga undashi kerak. Sababi farzandlarimiz maktabga taʼlim olish uchun keladi, tarbiya esa ota-ona zimmasida bo‘lishi lozim. Shu o‘rinda o‘qituvchilardan ham o‘quvchilar bilan ziddiyatli vaziyat yuzaga kelganda, pedagogga xos bo‘lgan taʼsir choralarini qo‘llashi lozimligini, har qanday holatda o‘zini qo‘lga olib, bolaning ota-onasi bilan birgalikda muammoga yechim topishi zarurligini yana bir bor eslatib o’tamiz.

III chorakning soʼnggi oʼqish kuni 18-mart (shanba) boʼladi Oʼzbekiston Respublikasi Vazirlar Mahkamasining 2017-yil 15-martdagi 140-sonli qarori bilan tasdiqlangan Nizomning 26-bandiga muvofiq, umumiy oʼrta taʼlim maktablarida bahorgi taʼtil 21-mart sanasidan boshlanib, 7 kalendar kun davom etishi belgilangan. Oʼzbekiston Respublikasi Prezidentining “2023-yilda rasmiy sanalarni nishonlash davrida qoʼshimcha ishlanmaydigan kunlarni belgilash va dam olish kunlarini koʼchirish toʼgʼrisida” 2022-yil 23-dekabrdagi Farmoniga muvofiq, 2023-yil 20-mart kuni – qoʼshimcha dam olish kun sifatida belgilanganligi munosabati bilanmaktablarda bahorgi taʼtil 20-mart sanasidan boshlanadi hamda 26-martga qadar (shu kuni ham) davom etadi. Shularni inobatga olib, umumiy oʼrta taʼlim maktablarida 18-mart (shanba) III chorakning soʼnggi oʼqish kuni boʼlib, IV chorak 27-mart sanasidan boshlanishini maʼlum qilamiz. **** Последним учебным днем III четверти будет 18 марта (суббота) Согласно пункту 26 Положения, утвержденного постановлением Кабинета Министров Республики Узбекистан №140 от 15 марта 2017 года, весенние каникулы в общеобразовательных школах начинаются 21 марта и длятся 7 календарных дней. В соответствии с Указом Президента Республики Узбекистан от 23 декабря 2022 года «Об установлении дополнительных нерабочих дней в период празднования официальных дат и переносе выходных дней в 2023 году» 20 марта 2023 года в школах обозначен как дополнительный праздник.Он начинается с 20 марта и продолжается до 26 марта (включительно). Принимая во внимание это, сообщаем, что 18 марта (суббота) будет последним учебным днем 3-й четверти, а 4-я четверть начнется 27 марта.

Инсонни ташқи ҳолат эмас, балки ўз фикрлари бахтли ёки бахтсиз қила олади. Демак, ўз фикрларини назорат қилиш орқали ўз бахтимизни бошқара оламиз. Азиз аёллар ҳар бирингизга Яратгандан ўз орзуингиздаги гўзал бахт ҳамроҳ бўлишини тилаб қоламан, кўп қатори ўзимга ҳам! Ҳаётимдаги яна бир эсда қоларли кун учун Алҳамдулиллаҳ! **** Несчастным или счастливым человека делают только его мысли, а не внешние обстоятельства. Значит, управляя своими мыслями, мы можем управлять своим счастьем. Милые женщины, желаю, чтобы Бог одарил вас счастьем вашей мечты, в том числе и меня! С праздником!

⚡️RASMIY MUNOSABAT Maktabdagi yaroqsiz doska yangisiga almashtirilgan Ijtimoiy tarmoqlarda tarqalgan Samarqand viloyatining Bulung‘ur tumani Cho‘yantepa MFY Mo‘g‘il qishlog‘idagi 13-maktabdagi siniq doska aks etgan holat yuzasidan Samarqand viloyati Maktabgacha va maktab ta’limi boshqarmasi quyidagilarni ma’lum qildi: Ijtimoiy tarmoqlarda surati tarqalgan doska darz ketgan surati maktabning fizika fani o‘qituvchisi tomonidan 3-mart kuni muammoni bartaraf etish maqsadida maktab o‘qituvchilari guruhiga yuborilgan. Ayni damda maktabdagi yaroqsiz doska yangisiga almashtirilgan va sinfda ham kichik ta’mirlash ishlari amalga oshirilgan.

ҲИЛОЛА УМАРОВА ЎҚИТУВЧИ, ТАРБИЯЧИ ҲАМДА ОТА-ОНАЛАРНИНГ МУРОЖААТЛАРИНИ ЎРГАНАДИ Вазир Ҳилола Умарова Мактабгача ва мактаб вазирлигида фаолият бошлаган илк кунидан олдига ўқитувчилар, тарбиячилар ва ота-оналарнинг таклифларини ўрганишни мақсад қилиб, Мурожаатлар Портали яратишни топширди. Бугун ушбу портални яратиш ишлари нихоясига етиб, ишга тушириляпти. Энди мактаб ва мактабгача таълим муассасаларида фаолият юритаётган педагогларимиз ҳамда у ерга қатнайдиган болаларнинг ота-оналари таълим сифатини ошириш бўйича ўз таклифларини юборишлари мумкин. Сиз томондан илгари сурилган ҳар бир ташаббус, лойиҳа, фикр ва мулоҳазалар вазирнинг назоратида бўлиб, вазирлик мутахассислари томонидан ўрганилади. Мурожаатларингизни vazir.uzedu.uz порталига йўллашингиз мумкин. https://t.me/hilola_umarova

♾Hurmatli umumta’lim maktablarining Informatika fani o‘qituvchilari! GOOGLE FOR EDUCATION sertifikati bekor qilinganligi va unga to‘lanadigan ustama pullari to‘lab berilmasligi yuzasidan sizlardan ko‘plab savollar kelib tushmoqda. Ushbu murojaatlarga javoban, to‘lovlar to‘xtatilmagani, tegishli sertifikatga ega bo‘lgan informatika fani o‘qituvchilariga ustamalar mazkur sertifikat olingan davrdan boshlab belgilangan tartibda to‘lab berilishini ma’lum qilamiz. Ushbu sertifikat uchun to‘lovlar faqat Informatika fani o‘qituvchilariga tatbiq etilib, GOOGLE FOR EDUCATION sertifikati uchun boshqa fanlardan dars beradigan o‘qituvchilarga ustama to‘lanmasligi bo‘yicha qonuniy ko‘rsatma berilgan.

"ОИЛАДА ОБРЎЙИМ ОШИБ КЕТГАН" — Ўқитувчи ва Президент суҳбатидан... Қашқадарёлик инглиз тили фани ўқитувчиси Президентга 1000 доллар маош олиши ҳақида сўзлаб берди.

RASMIY MUNOSABAT EKSTERNAT TARTIBIDAGI IMTIHONLAR MAKTABDA TA’LIM OLAYOTGAN O‘QUVCHILARGA TADBIQ ETILMAYDI Ijtimoiy tarmoqlarda “Endi maktab o‘quvchilari oldindan bitiruv imtihonlarini topshirishlari va maktab darslariga bormasliklari mumkin” degan mazmunda xabarlar tarqalmoqda. Maktabgacha va maktab ta'limi vazirligi ushbu xabarlar mutlaqo hech qanday asosga ega bo'lmagan yolg'on xabarligini ma'lum qiladi. Bu xabarlar maktabni o'z vaqtida tugata olmagan, ya'ni maktab yoshidan o'tgan fuqarolarning eksternat tartibida imtixon topshirish uchun arizalar berish bilan bog'liq xabarningnoto'g'ri talqin qilinganligi natijasida tarqatilmoqda, "Ta'lim to'g'risida"gi Qonunga muvofiq, fuqarolarning umumiy o'rta ta'lim olish huquqini ta'minlash maqsadida eksternat tartibida imtihonlarda faqat o‘z vaqtida turli sabablarga ko‘ra umumiy o‘rta ta’limni yakunlay olmagan, aniqroq aytganda, maktabni to‘liq bitirmagan 18 yoshdan oshgan fuqarolar ishtirok etadi. Eksternat tartibidagi imtihonlarning maktabda ta’lim olayotgan o‘quvchilarga aloqasi yo'q va ularga tadbiq etilmaydi!