Kitobxon kundaligi

​"Aгар хулоса бу одамнинг ўйлашдан чарчаган жойи бўлса, стереотиплар - бу одам ҳали ўйлашни бошламаган нуқта." 📚Дмитрий Чернишев—Одамлар қандай ўйлайди 👉@kitoblog👈

​"Ҳар бир давлат - бу халқ мулкдир" Марк Туллий Цицерон Яна бир бор қонун устуворлиги тўғрисида. Тез тез қулоққа чалинади: ҳуқуқий давлат - бу одамларнинг ҳуқуқларга эга бўлиши. Ундай эмас, аслида ҳар қандай давлат фуқаролари маълум бир расмий ҳуқуқларга эга. Ҳуқуқий давлат, Кант фикрига кўра, қонунларга риоя қилинадиган давлатдир. "Бор йўғи шу". Бу ерда асли Кант Суқрот фикрини қисман такрорлайди: "Ҳал қилувчи рол бошқарув шаклига эмас, балки қонунларга қатъий риоя қилинишига боғлиқдир ...". Давлат қонунлари қандай бўлишидан қатъи назар, уларга амал қилиниши керак - ҳар қандай давлат тизимида, ҳар қандай бошқарув шаклида. Агар қонунларга амал қилинса мутлақ монархия ҳам — ҳуқуқий давлат бўлиши мумкин, амал қилинмаса демократия ҳам ҳуқуқсиз давлат бўлиши мумкин. Aгар қонунлар номукаммал бўлса, фуқаролар бошқарув шаклидан қониқмаса, улар иккаласини ҳам ўзгартириши мумкин - бу тарихда бир неча бор амалга оширилган. Кантнинг фикрига кўра, давлатнинг асосий вазифаси фуқароларни ҳимоя қилиш, уларнинг фаровонлигини таъминлаш эмас. Уларнинг кайфиятини кўтариш (Макивеллининг сўзларига кўра ҳурсандчилик) эмас, балки қонун устуворлигини таъминлашдир. Ва агар қонунларга амал қилинса, бошқа жиҳатлар ҳам ўз ўрнида бўлади. Aйнан шу ғоялар сабабли Кант ҳуқуқий давлат назариясининг асосчиларидан бири ҳисобланади. Суратда - Фемида. Унинг кўзлари боғлаб қўйилган, чунки у одамларнинг кимлигидан қатъий назар ФAҚAТ адолатга эътибор қаратади. (c) 👉@kitoblog👈

Майли кайфиятни туширмай китоб ўқишда давом этамиз😹 👉@kitoblog👈

📚Чўл бўрисидан.. — Демак, энди ўзингга керак бўлган ҳамма нарсага эга бўлдинг, шундайми? — Йўқ, Ҳермина, ундай эмас. Мен гўзал ва мафтункор, зўр қувонч, кўнгил хуши, овунчоққагина эга бўлдим. Бахтли бўлишим учун эса... — Хўш, яна нима етишмайди? — Кўп нарса. Менга бахтли бўлишнинг ўзигина кифоя қилмайди. Мен бунинг учун яралмаганман, толеим бугина эмас. Менинг тақдир-қисматим бутунлай бошқа... ... — Мен истаётган, мен интилаётган бахтсизлик бошқа нарса; у шундайки, мен оташин эҳтиросдан изтироб чекаман, унинг хумори тутса, ўлим ҳам ҳеч гап эмас. Мен кутаётган бахт ёки бахтсизлик ҳам мана шу. 👉@kitoblog👈

Бахт истакнинг бир объектдан иккинчисига узлуксиз ҳаракатланишидан иборат бўлиб, аввалги объектга эришиш кейингисига эришиш йўлидаги қадамдир. Бунинг сабаби шундаки, инсон бир марта ёки бир муддат завқ олишга эмас, балки келажакдаги истаклари абадий қондирилишини таъминлашга интилади. 📚Томас Гоббс—Левиафан П. С: Бугун бахт ҳақида яхшилаб фикрлашамиз.. 👉@kitoblog👈

Айтишларича Андижонда экан шу мажмуа. Китоблардан иборат ажойиб ҳайкал. Бу ҳам ўзига ҳос мутолаага тарғибот. 👏🏻👏🏻 👉@kitoblog👈

Qaysidir qarashni, go'yani, fikrni qoralash uchun, avval uni oqlashi mumkin bo'lgan hamma narsa haqida o'ylab ko'ring. Dostoyevskiy shunday teskari ijodkor edi. Agar u nigilizmni qoralamoqchi bo'lsa, butun asarini nigilizmni oqlashga bag'ishlaydi. Kimdir yozgandi, Dostoyevskiyning qahramonlariga o'xshash odamlar hayotda uchramaydi deb. Men esa Dostoyevskiy bitta qahramonda chizgan psixik holatlar, xarakter xususiyatlarining hamma-hammasi odamlarda uchraydi deyman. Muhimi ham shu. Hayotda mavjud bo'lishi mumkin bo'lgan 1 odamni ko'rsatish emas, hayotda mavjud bo'lishi mumkin bo'lgan 100 xil xarakterni ko'rsatish. Dostoyevskiy esa bularning ko'pchiligini bir yoki bir nechta shaxsda mujassamlashtirardi xolos. Yana kimdir yozgandi "Dostoyevskiy hamma narsani yozib ketgan daxo ekanligi haqidagi fikr, o'zi umuman daxolarga bunday ta'rif berish ijodkorni bo'g'adi, senga yozish uchun hech narsa qolamadi degandek eshitiladi"- deb. Men esa Dostoyevskiyning hamma narsa haqida yozib bo'lganligi ijodkorni bo'g'ishi emas, unga motivatsiya bo'lishi kerak deyman. Bir ijodkor hamma narsa haqida yozishi mumkinligini isbotlaydigan motivatsiya.

​"#1 New York Times Bestseller" сўзи тахминан "Бу китобдаги фикрлар ҳаммага ёқди. Ўртамиёна бўлишни хоҳлайсизми? Унда ушбу китобни сотиб олинг" деган маънони англатади. Худди шу нарса профессионал бўлмаган ресурслар (Амазон, Goodreads ва бошқалар) бўйича рейтингларга ҳам тегишли. 👉@kitoblog👈

Китоб ёзиш ҳамманинг қўлидан келади. Ҳа ишонаверинг ҳамманинг.. Аммо ўша китобни ўқийдиган одам топиладими шудир масала. @kitoblog

​​Ҳаётда баъзан барча нарсани йўқотамиз. Турли буюмлар, иш, дўстлар ёки бошқалар меҳрини. Ҳаётда бизга муҳим нарсалар кўп, аммо барча нарсани йўқотиб ҳам якунда биз ўзимиз билан қоламиз. Aслида энг муҳими ҳам шудир: ҳеч қачон ўзимизни йўқотмаслик. Ўзимиздан зерикмаслик. Ўзимизга эгалик қилиш.. 👉@kitoblog👈

Томас Гоббснинг "Левиафан" асарини ўқияпман. Гоббсни жаҳонга танитган асар шу. Лекин бизда кўпчилик ўзи танимаса ҳам керак. Замонавий сиёсий фалсафа асосчиси ҳисобланади у. Фикрларини жуда аниқ ва лўнда тушунтира олишидан ҳайрон қолдим. Мураккаб нарсаларни ҳам оддий тушунтира олади. Асарда ҳиссиётлар, нутқ, билим, тафаккур каби тушунчалардан бошлаб бутун бир давлат бошқаруви тизими асослари ёритиб берилган. Ҳозирча бир фикри жуда маъқул бўлди: Ярим билимга, нотўғри тушунчага эгалар умуман билимсизлардан кўра ҳавфлироқдир. Чунки улар шу нотўғри билимга бошқаларни ҳам йўналтириши мумкин. Ўзи бундай гаплар бизда ҳам кўп айтиларди: Чаласаводлар, саводсизлардан ёмонроқ деймиз. Гоббс яна шунчаки авторитетга қараб ўқиладиган китоблар ва улардаги фикрларга амал қилувчиларни, йўлбошчиликка кўрни сайлаган одамларга қиёслайди. У ҳақиқий рационаллик, мантиқий тафаккур тарафдори. Ва шундай фикрлаш йўлларини китобида ҳам яхши ёритиб берган. 👉@kitoblog👈

@bookerberg га интерьвю бердим😇 Назаримда яхши суҳбат бўлди. Мен ҳақимда, болалигим, фалсафа, каналлар юритиш борасида қизғин суҳбат қилдик. Жуда кўп ёзувчилар ва асарларга тўхталиб ўтдик, тавсиялар бердик. Қисқаси эшитиб кўринг ва саволлар, фикрлар бўлса марҳамат! 👉@kitoblog👈