Kitobxon kundaligi

📚Итюрак – юраклардан чиққан сатира Михаил Булгаковни ҳамма “Уста ва Маргарита” асари билан танийди ва шу асардан бошқаси ҳақида эшитмаган ҳам. Аслида Булгаков бундан бошқа кўплаб асар ва пъесалар ҳам ёзган. “Итюрак” асари эса Булгаковнинг дастлабки йирик асарларидан бири бўлиб, асар ёзилганидан(1925 йил.), 60 йил ўтиб чоп этилган. Батафсил 👉@kitoblog👈

БМТ: Дунёдаги барча болалар учун сифатли таълимни таъминлаш йилига 22 миллиард долларга тушади. Бу атиги 4,5 кунлик дунёдаги ҳарбий харажатларнинг йиғиндисига тенг. 👉@kitoblog👈

​Энг катта жиноятлар бирламчи эҳтиёжлар туфайли эмас, балки ортиқча иштиёқ, тўкин- сочинликка эришиш учун содир этилади. 📚Аристотел—Сиёсат 👉@kitoblog👈

Aйтмоқчи бўлган жуда кўп фикрларим бор. Aммо барчаси шунчалик катта. Ичимдаги нарсаларни ифода этишга, сўзларни топа олмайман. Баъзан менга бутун дунё, бутун ҳаёт, дунёдаги ҳамма нарса мендан жой олгандек ва улар ўз овози бўлишимни талаб қилаётгандек бўлади. Мен ҳис қиляпман, оҳ, лекин.. қандай тушунтиришни билмайман ... Мен бу қанчалик катта эканлигини ҳис қиламан ва гапиришни бошлаганимда шунчаки ёш боланиг ғовур-ғувури чиқади, холос. Эҳҳ қанчалик қийин — ўзинг ҳис қилаётган нарсани оғзаки ёки ёзма тарзда, шундай сўзлар билан ифодалаб берсангда, ўқувчи ҳам айнан сен сен ҳис қилаётган нарсаларни ҳис қилса. Бу жуда катта қийинчилик. 📚Джек Лондон—"Мартин Иден" П. С: Сизда ҳам шундай ҳолатлар кўп бўладими? Нега одамлар ўз ҳаёлидаги фикрларни айтишга, тушунтиришга қийналади, бу одам тафаккури сўз бойлигидан ошиб кетгани учунми? Ёки одам ўзи тушунмаган нарсаларни ҳам биламан деб ўйлашиданмикин.. 👉@kitoblog👈

Рим папаси томонидан Тинчлик кабутарининг учирилиши ва унинг тақдири.. 👉@kitoblog👈

Ажойиб ҳаво🙃Сизларни билмадим-ку, бизда булутли ва бироз ёмғирли ҳаво🌧 Бир яхши китобни олиб уйдан чиқмай, ўқиб ўтирадиган ҳаво.. Ора орада деразадан ташқарини кузатиб. Оҳирги пайтлар бошқа ишларга чалғиб ўқиётган китобларимни ташлаб қўйгандим, энди тезлаштираман. Демак, Аристотелнинг "Сиёсат" асарининг қоқ ярмига келдим. Арасту жамият ҳақидаги Платон ва Суқрот фикрларини таҳлил қилиб, ижобий салбий томонларини кўрсатмоқда. Китобни тез орада тугатсам керак. Иккинчи китоб Ҳерман Ҳессенинг "Чўл бўриси". Анча олдин бошлаган бўлсамда ўқишда сусайдим. Чунки китоб мураккаб ёзилган, мунозарали фикрлар, чуқур ички кечинмаларга бой. Бир-неча гапни ўқиб, миямда таҳлил қилиб кетадиган ёмон одатим бор. Персонажни ўзим билан, ҳаёт билан солиштириб кетаман🙂. Бундай асарлар ёқади лекин, одам ўз ҳиссиётларини ўқиётгандай бўлади, гўё. Қисқаси шу, камига Coursera дан Time management бўйича курсга ёзилганман😐 Балки,курсдан кейин вақтни унумли ўтказишни ўрганарман😅 Барчага ёқимли кун, carpe diem.. 👉@kitoblog👈

💬Мана, мен бугун Гекатондан ўқиб олган ҳикмат: «Нимага эришдинг, деб сўрарсан? Ўзимга ўзим дўст бўлдим». У эришган нарса оз эмас, чунки ўзини топган, ўзини ўз дўстига айлантирган одам энди ҳеч қачон ёлғиз қолмайди. Ва шуни билгин: ўзини ўзига дўст тутолган одам бошқаларга ҳам дўст бўла олади. 📚Сенека — "Мактублар" П.С: Аввало ўзингизни англанг,тушунишга ҳаракат қилинг. Шунда бошқаларни ҳам, дунёни ҳам тушунишингиз осон бўлади. Ўзи билан келиша олмайдиган одам, мақсадларига етишишга жуда қийналади.. 👉@kitoblog👈

📚Малколм Гладуэлл журналист, социолог бўлиб кўплаб тадқиқотлар, статистик маълумотлар асосида ўзининг "Зукколар ва ландовурлар" китобни ёзган. Китоб биз кўрадиган дунёга, воқеаларга буткул бошқа кўз билан қарашга ундайди. Одатий хулосалардан қочиб, вазиятларга бошқача баҳо беришга ундайди. Китобдаги асосий ғоялардан бири..тўлиқ 👉@kitoblog👈

📝 Карл Поппернинг "Сохта пайғамбарлардан сақланинг!" шиори авторитетларга сиғинишга қарши қаратилгандир. ▪️Цивилизациянинг, тараққиётнинг тақдири авторитетларга сиғинишдек ёмон одатдан халос бўлишга боғлиқдир. Тоталитар тузумларнинг, шахсга сиғинишнинг пайдо бўлмаслиги учун кишилар мустақил, эркин фикрлашга, демократияни ҳаёт тарзига айлантириш учун ҳар куни ниманидир қилишга интилишлари зарур. Танқид, ўзини ўзи танқид демократияни ҳаёт тарзига айлантиришнинг энг таъсирчан усулларидан бири ҳисобланади. ▪️Танқид йўқ жойда амалдорларнинг ўз мавқеини суистеъмол қилиши, оддий кишиларнинг ҳуқуқларини топташи, уларни лақиллатиши одатий ҳодисага айланади, фақат танқид, ижтимоий назорат автократизм ва тоталитаризмнинг бош кўтаришига йўл қўймайди. (c) 👉@kitoblog👈

Моҳимнинг фикрларига қўшиламан. Китоб ўқишнинг ҳам салбий жиҳати бўлиши мумкин. Мен энг эътибор берадиганим бу реалликдан қочиш. Китоб ўқиб биз реалликдан қочамиз, ҳаётда ҳам ҳаммаси китобдагидай бўлади, деб ўйлаймиз. Идеаллаштирамиз ва оҳири бошқалардан ҳафсаламиз пир бўлади. Йўқ ҳаёт — бу китоб эмас. Ундай бўлиши учун ҳамма китобхон бўлиб, китобдагидай яшаши керак. Бунинг эса иложи йўқ... 👉@kitoblog👈

​​Comments' ga kelgan barcha fikrlarni o'qidim. Foydasi ko'p bo'lgan narsalarning salbiy tomonlariga u qadar ham e'tibor bermaymiz, to'g'ri. Hop, kitobning ziyonli ta'siri mavjud emas, deganlar uchun maxsus: -To'xtovsiz va tanaffussiz o'qish.(24/7) Bu ko'zni anchagina toliqtiradi. -Uyqusizlik. "Ozgina, yana ozgina bet, mana shu qismni tugatib olay" deysiz-u, vaqt allamahal bo'lib qolganini sezmaysiz. Natijada esa uyqusizlik,charchoq. Uning ortidan stress. Keyingi bosqich depressiya. -Reallikdan ketib qolish. Bu eng yomoni. Bir psixologning ma'ruzasida aytilishicha, kitobga mukkasidan ketganlar - stressni boshidan o'tkazayotganlar ekan. Kitob tinimsiz o'qilganda inson o'zi uchun qulay va tinch joyni izlashni, iloji boricha vaqtini insonlar bilan emas, sevimli kitobi bilan o'tkazishni istaydi. Oqibatda, atrofdan o'zini berkitib qo'yadi. -Ba'zi kitoblarning inson ongiga psixologik ta'siri katta. Bu esa ruhiyatni og'irlashtirib qo'yadi. -Ko'p kitob o'qiganingiz uchun o'zingni ko'pchilikdan ustun tutishni boshlaysiz. "Faqat mening fikrim to'g'ri" degan tushuncha paydo bo'lib qoladi(O'z-o'zidan) -Hayotni ideallashtirishga urinasiz. Men kabi o'z olamingizda, o'zingiz istagandek, insonlardan uzoqroq, hech kim xalaqt bermaydigan joyda yashashga urinasiz. Afsuski, barchasi ham siz o'qigan kitoblardagidek bo'lavermaydi. Sanaganlarim kitobni o'qishni kamaytirish yoki uni o'qishni tashlab qo'yish kerak degani emas. O'qing. Har doim. Har yerda. (Faqat menga o'xshab reallikdan ketib qolmang) Paustovskiy aytganidek, "Читайте! Пусть не будет ни одного дня, когда бы вы не прочли хотя бы одной страницы из новой книги". @mohimsblog

​Тугади.. Ниҳоят😌 Таасуротлар эса бир дунё.. 👉@kitoblog👈