Kitobxon kundaligi

Аслида биз кўпинча тушкун кайфиятни депрессия деб баҳолаймиз. Лекин бу шунчаки, стресс ҳолати бўлиши мумкин. Зерикиш, нимадир ёқмай қолиши, соғинч ҳолатини ҳам депрессия деб баҳолаш бу шунчаки ўз аҳамиятимизни оширишдир. Депрессия кенг тарқалаган касаллик бўлсада, у тизимли даволашга олиб келади. Кўп ҳолларда терапевт, психиатр кўмаги лозим бўлади. Ҳақиқий депрессияда интернетда, тармоқларда депрессияда эканлигингизни айтиш, нолиб йиғлаш ҳам кўнгилга сиғмайди. Бутун ҳаёт қоронғилашиб кетади. Хафталаб, ойлаб одам депрессияга тушиб қолиши мумкин. Ёшлар орасидаги ўз жонига қасд қилишнинг асосий сабаби ҳам депрессив кайфиятдир. Қисқаси шу, ростан депрессияда бўлсангиз даволанишга ҳаракат қилинг ёки вазиятга теранроқ қаранг балки шунчаки ҳаётдан бироз зериккандирсиз... 👉@kitoblog👈

Bibi китоб ва депрессия ҳақида яхши гаплар ёзибди. Бу борада баъзи фикрларим борку, аммо аввало сизларнинг фикрингизни билмоқчиман. 📍Фикрнингча, сиз депрессияга тез тез тушиб турасизми? 👉@kitoblog👈

Буни сил касалига ўхшатса бўлади. Табиблар бу хасталикни бошланишида аниқлаш қийин-у, даволаш осон; бироқ авж олиб кетгач, аниқлаш осон-у, даволаш қийин дейишади. Давлат ишлари ҳам шу кабидир: можарони энди туғилаётганини сезиб олинса, бу фақат доно шоҳга насиб этади, уни тинчитиш осон; аммо ўтказиб юборилса, ҳеч қандай муоложа ҳам фойда бермайди. Римликлар балои можарони туғилаётгандаёқ сезиб олгач, бирон чора кўрсак уруш чиқади-ку, деб хавфсираб жим туравермасдан дарров чорасини кўрардилар. Чунки урушдан қутулиш мумкин эмаслигини, уни орқага суриш фақат душман учун фойда эканлигини тушунардилар ва дарров ҳаракатларини қилардилар. 📚Н. Макиавелли—Ҳукмдор 👉@kitoblog👈

Никколло Макиавелли - Ҳукмдор (Зоҳир Аълам таржимаси) @EpubKitoblar

​Янги асарни ўқишни бошлаймиз. Никколо Макиавелли "Ҳукмдор". Кичкина китоб, бир неча кунда тугайди. Ҳокимият бошқаруви ва умуман бошқарув сиёсати бўйича энг мунозарали ва фойдали қўлланма. Бирга ўқийдиганлар бўлса, қуйида epub форматда ташлайман. Ўқиш қулай. Бир неча кун шу китоб бўйича фикрлашамиз. Фикрлар бўлса кутиб қоламан. Китоб ҳақида тўлиқроқ, расмда берилган. 👉@kitoblog👈

​Aгар ёнингизда кимдир китоб ўқиб ўтирган бўлса, у ёнингизда эмас деб ҳисоблайверинг - у бошқа жойда; унинг сиз билан ҳеч қандай алоқаси йўқ - у бошқа одамлар билан мулоқот қилаяпти. 📚Карел Чапек—Китобларни ўқиш керак. 👉@kitoblog👈

Дунёдаги энг қиммат китоб - 31 миллион доллар туради. Aйнан шу суммага Билл Гейтс Леонардо Да Винчи томонидан ёзилган "Лестер Кодекси" ни сотиб олган! Китоб кўзгуга қараб, аксланувчи қилиб ёзилган. Шу сабабли китобни ўқишда кўзгу керак бўлади. 👉@kitoblog👈

Юқоридаги бир фикрни бир-неча одамдан эшитганман: бахтли бўлишдан чарчаш.. Қизиқ одам бахтли бўлишдан, бахтдан ҳам чарчаши, зерикиши мумкин-ми? Бир қарашда пародаксал туюлсада, бу мумкин деб ўйлайман. Шундай ҳолат бўлади-ки, одам ўз истакларига етаверади. Бахтга, ўйлаганларига эришди. Ҳаёт бир маромда одам истаганчалик давом этаверади. Аммо, энди амалдаги орзулар ушалгану, янгилари йўқдек. Янги истаклар қуршаб олмагандек. Одам янги марраларга, жўшқинликка ташна. Аммо, нималигини тушунмайдиган ҳолат. Ғалати ҳиссиёт. Шудир бахтдан зерикиш. Шу ҳиссиётни ҳам туюш насиб қилсин. П. С: Юқоридаги фикрлар ажойиб, китобни ўқишга ҳам иштиёқ туғилди. 👉@kitoblog👈

"Sunbula" ni o'qidim. Negadir bir nafasda o'qiy olmadim. Oz-ozdan hazm qildim. Qiyin bo'ldi negadir. Yotganda to'shagimdan, ovqatlanayotganda, ovqatimdan badbo'y hid kelaverdi. Oynaga qarab, o'zimdan jirkanish va ijorg'anish tuydim. 3 yarim oylik chaqalog'imni quchoqlab, to'yib-to'yib hidlashga, erim bilan o'pishishga haqqim yo'qdek o'ng'aysizlana boshladim. Hamma qulayliklarimdan noqulaylik tug'ila boshladi. Hammasiga o'sha qahramonlaringiz aybdor. Yo'q..ya'ni...men ularni oldida aybdorlik sezyapman. Aybdorlik ham emas pushaymonlik deylik. Silliq va bir maromda kechadigan baxtli hayotimdan zerikib ketibman. Baxtli bo'lishdan charchabman shekilli. Shunaqa hayot xohlab yuruvdim. "Sunbula" shunda yashash imkoni berdi. Anglashlaringiz, tug'ilishlaringiz muborak! Mengayam muborak 💋♥️ Mehrinoz Abbosova, shoira P.S.: Kitobni yaqin orada kuting

Эрталаб ухлаб қолиб, ишга ёки ўқишга кеч қоласиз. Озгина гап эшитиб ҳам оласиз. "Ҳа майли, ўзи кеча кеч ухлагандимда чарчагандим, шунга шунча гапириш керакми" деб яна ишга тушиб кетасиз. Ўзингизни бундай оқлаш, айбларни ҳаспўшлаш сиздаги ҳимоя механизмларидан бири рационализациянинг шарофатидир. Психологияда рационализация бу одам маълум вазиятдаги ўз ҳулқи, қарорларини ўйлаб топилган, аммо асосланмаган сабаблар, мотивлар билан оқлаш, мантиқий изоҳлашдир. Эзопнинг "Тулки ва узум" ҳақидаги масали эсингиздадир. Узумни роса уриниб ололмаган тулки оҳири "Ээ ўзи узум жуда нордон бўлади" деб кетиб қолади. Эриша олмаган нарсанинг қадрини тушуришга уриниш бу рационализацияга классик мисол. Сиз ҳам дангасалигингизни депрессия билан, етарлича билимсизликни бошқалар сизни тушунмаслиги билан, ортиқча нафсни эҳтиёж, ички истаклар деб оқлаб турасиз тўғрими?😅 Аслида исталган нотўғри қарорингизни ҳам психика шундай оқлайверади. Шундай экан, ҳадеб иродасизлик, дангасаликни бошқа асоссиз омиллар билан рационаллаштираверманг.🙂 👉@kitoblog👈

Сизнингча, улар иккинчи раундда қанча вақт бардош бера олган? Яна 15 дақиқа? 5 дақиқа? Ёки 3 соатми? Йўқ, нақ 60 соат! Хулоса қуйидагича: каламушлар ўзларининг келгусида нажот топишига ишонганлари учун, ўз таналарини имконсиз нарсаларни қилишга мажбур қилишади ва имкониятларини оширишди. Умид катта кучга эга у бор потенциални юзага чиқаради. ⛔️Салбий хулоса: Одамларга ҳам ора орада ёруғ кунларга бироз умид берилса бас, ҳозир қийналсаларда бутун умр умид билан яхши кунларга ишониб яшайверади. ✅Ижобий хулоса: Aгар умид каламушлар имкониятининг 240 баравар кўпайишига олиб келган бўлса, тасаввур қилинг ўзингизга ва қобилиятингизга бўлган ишонч сизга қанчалик куч бериши мумкин. 👉@kitoblog👈

​"Умид" тажрибаси 1950 йилларда Гарвард психологи Курт Рихтер шафқатсиз эксперимент ўтказади: у каламушларни сув тўла идишга солиб, тирик қолиш учун қанча вақт курашишини билмоқчи бўлди. Маълум бўлишича, каламушлар ўртача 15 дақиқадан сўнг таслим бўлишган ва чўкиб кетишган. Бир гуруҳ каламушларда шундай бўлган. Иккинчи гуруҳда эса, каламушлар таслим бўлишидан олдин, тадқиқотчи уларни сувдан олиб чиқади. Уларни қуритди, овқатлантирди ва бир неча дақиқа дам олдириб, яна сувга ташлади. Каламушларда умид пайдо бўлди. Сизнингча, улар иккинчи раундда қанча вақт бардош бера олган? П. С: жавоб ва экспериментдан чиқарилган хулоса кейинроқ эълон қилинади. 👉@kitoblog👈