Robaxon Maxmudova

🟦🟦🟦 Интервью 24| Ўзбекистон Президентининг тарихий ташрифи: АҚШ билан кенг кўламли ҳамкорлик янги босқичда 🔴 Робахон Махмудова, Олий Мажлис Қонунчилик палатасидаги «Адолат» СДП фракцияси раҳбари ⚖️Расмий саҳифаларимиз

🟦🟦🟦🟦🟦 ⚖️ ФРАКЦИЯДА МУҲОКАМАЛАР🗣 Adolat.uz | Facebook | Telegram | Instagram |Twitter | YouTube

Taraqqiyotning eng ishonchli kafolati Davlatimiz rahbarining Amerika Qo‘shma Shtatlariga tashrifi mintaqaviy va global hamkorlik, tinchlik, barqarorlik tamoyillarini mustahkamlashda muhim tarixiy voqea bo‘ldi. 🔴BATAFSIL Veb-sayt|Telegram| Facebook| YouTube| Instagram| X| ParlamentTV_RADIO| Yoshlar parlamenti

🔴БАЙРАМИНГИЗ МУБОРАК БЎЛСИН, АЗИЗ ШИФОКОРЛАР! ⚖️Adolat.uz | Facebook | Telegram | Instagram

🟦🟦🟦 Азиз ва муҳтарам тиббиёт ходимлари! Қадрли соҳа фидойилари! Сизларни "Адолат" социал-демократик партияси Сиёсий Кенгаши ва бир миллион нафардан зиёд партиядошларимиз номидан касб байрамингиз – Ўзбекистон Республикаси Тиббиёт ходимлари куни билан чин қалбдан самимий муборакбод этамиз! Ушбу қутлуғ айёмда биз инсон ҳаётини асраш, халқимиз саломатлигини муҳофаза қилишдек ўта масъулиятли ва шарафли вазифани ўз зиммасига олган сиздек фидойи инсонларга энг эзгу тилакларимизни йўллаймиз. Сизнинг ҳар кунги машаққатли, айни пайтда шарафли фаолиятингиз, юксак касб маҳоратингиз, беморларга кўрсатаётган меҳр ва ғамхўрлигингиз юксак таҳсинга сазовордир. Туну кун ўз касбига содиқ қолиб, инсонларга саломатлик ва ҳаёт улашиш йўлидаги фидокорона хизматингиз учун барчангизга чуқур миннатдорчилик билдирамиз. 🔴 "Адолат" социал-демократик партияси учун инсон қадри, унинг соғлом ва фаровон ҳаёт кечиришини таъминлаш, жамиятда тиббиёт соҳаси ходимларининг мақомини юксалтириш, уларни моддий ва маънавий қўллаб-қувватлаш, ҳуқуқ ва манфаатларини таъминлаш бош мақсадлардан биридир. Биз жамиятимизда ижтимоий адолат тамойилларининг қарор топиши, хусусан, ҳар бир фуқаронинг сифатли ва замонавий тиббий хизматдан тенг фойдаланиш имкониятини кенгайтириш тарафдоримиз. Бу йўлда сиз каби соҳа жонкуярларининг ўрни ва хизмати беқиёсдир. Ўз навбатида, партиямиз томонидан амалга оширилаётган “Бор меҳримиз сенга, болажон!”, “Қандли диабетга қарши курашиш ҳафталиги” каби беғараз акциялар, “Фарзандлари соғлом юрт қудратли бўлур!”, “Болалар саломатлиги партия эътиборида” каби кўплаб ижтимоий лойиҳаларда биз билан ҳамкорлик қилиб, яқиндан кўмаклашиб келаётганингизни алоҳида эътироф этамиз ва миннатдорлик билдирамиз. Муҳтарам шифокорлар, ҳамширалар ва соҳа фидойилари! Барчангизга мустаҳкам сиҳат-саломатлик, оилавий бахт ва хотиржамлик, машаққатли ва шарафли фаолиятингизда улкан муваффақиятлар тилаймиз. Халқимиз саломатлигини сақлаш йўлидаги эзгу ишларингизда ҳамиша куч-ғайрат ва матонат ҳамроҳ бўлсин! Байрамингиз муборак бўлсин, азиз саломатлик посбонлари! Adolat.uz | Facebook | Telegram | Instagram

🟦🟦🟦🟦 ЎЗБЕКИСТОН-АҚШ: СТРАТЕГИК ҲАМКОРЛИКНИНГ ЯНГИ САҲИФАСИ Жаҳон сиёсий майдонида мамлакатимиз номи тобора юқори минбарларда янграётгани, кўпқиррали ҳамкорлик алоқалари кенгайиб бораётгани барчамизни хурсанд қилмоқда. Давлатимиз раҳбарининг Америка Қўшма Штатларига ташрифи ҳам минтақавий ва глобал ҳамкорлик, тинчлик, барқарорлик тамойилларини мустаҳкамлашда муҳим тарихий воқеа бўлди. Эътиборлиси, Президентимиз дастлаб АҚШ парламенти вакиллари – конгрессменлар Билл Хайзенга, Кэрол Миллер ва Сидни Камлагер-Дав, шунингдек, Марказий Осиё бўйича кокуснинг ҳамраиси, сенатор Стив Дэйнсни қабул қилди. Бу учрашув демократик давлатлар ўртасидаги янги сиёсий мулоқот маданиятининг ёрқин намунаси бўлди, десак муболаға эмас. Мулоқотнинг аҳамияти шундаки, у нафақат икки давлат парламентлари ўртасидаги муносабатларни мустаҳкамлайди, балки халқлар иродасини ифода этувчи институтлар ҳамкорлиги янги босқичга кўтарилаётганидан дарак беради. Давлатимиз раҳбари парламентлараро алоқаларга тўхталар экан, хусусан, АҚШ Сенати ва вакиллар палатасидаги Марказий Осиё бўйича кокус фаолиятига юқори баҳо берди. Ўзбекистон билан АҚШ ўртасидаги стратегик шериклик муносабатларини янада мустаҳкамлаш, икки мамлакат парламентларининг амалий ҳамкорлигини кенгайтириш масалалари кўриб чиқилди. Ташрифнинг иккинчи кунида ўтказилган бизнес-форум, инвестициявий ҳамкорлик алоқаларига доир учрашувлар ва йирик компания ва банк корпуси вакиллари билан мулоқотлар Ўзбекистоннинг иқтисодий имижини янги босқичга кўтарди, деб ҳисоблаймиз. АҚШ бизнес доираларининг энергетика, юқори технологиялар, қишлоқ хўжалиги, транспорт ва таълим соҳаларида ҳамкорликни йўлга қўйиш таклифлари мамлакатимизга қизиқишнинг ортиб бораётганидан далолатдир. Бу, ўз навбатида, янги иш ўринларини яратиш, аҳоли фаровонлигини ошириш ва хусусий сектор фаоллигини кучайтиришга хизмат қилади. Фикримизча, бундай ҳамкорлик нафақат иқтисодий натижа, балки ижтимоий барқарорлик ва адолатли тақсимотга замин яратувчи омил ҳисобланади. Чунки иқтисодий ўсишнинг асосий мезони – инсон манфаатларига хизмат қилишидир. Президентимиз ташаббуси билан амалга оширилаётган лойиҳаларда, энг аввало, инсон капитали, таълим ва инновацияга эътибор кучайгани бизнинг мақсадларимиз билан ҳам ҳамоҳангдир. Ташрифнинг энг муҳим ва дунё ҳамжамияти диққат марказида турган воқеаси – давлатимиз раҳбарининг Президент Доналд Трамп билан учрашуви бўлди. Бу мулоқот нафақат икки сиёсий арбоб ўртасидаги фикр алмашинув, балки Марказий Осиё минтақаси учун муҳим бўлган келгуси ҳамкорлик тенденцияларини белгилаб берувчи стратегик жараён сифатида баҳоланади. Учрашувда минтақа хавфсизлиги, иқтисодий шериклик ва янги технологиялар соҳасида ҳамкорлик масалалари муҳокама қилинди. Доналд Трамп Ўзбекистоннинг янги ислоҳотлари, халқчил сиёсати, очиқ иқтисодий муҳит яратиш, инвестициявий кафолатлар ва инсон ҳуқуқларига оид қадамларини олқишлади. Бу билан Ўзбекистоннинг мустақил, прагматик ва манфаатли ташқи сиёсатини яна бир бор дунёга намоён қилди. Давлатимиз раҳбари шу куни Америка Қўшма Штатлари мезбонлигида ўтган “С5+1” форматидаги саммитда иштирок этди. Қайд этиш жоизки, бунга қадар ҳеч қачон Марказий Осиё давлат раҳбарлари бир пайтнинг ўзида “Оқ уй”да жам бўлиб, АҚШ билан музокара ўтказмаган эди. Саммитда муҳокама қилинган масалалар – экология, сув ресурсларини бошқариш, транспорт логистикаси, “Яшил иқтисодиёт” ва таълим соҳасидаги ҳамкорлик йўналишлари – келажак авлод манфаатини ҳимоя қилиш йўлидаги муҳим қадамлардир. Президентимиз томонидан илгари сурилган ташаббуслар – минтақадаги барқарорлик ва ўзаро ишонч муҳитини мустаҳкамлашга қаратилгани билан аҳамиятли бўлди. Чунки барқарор ривожланишнинг асоси – тинчлик, адолат ва инсонпарвар сиёсатдир. Биз ишонамизки, бундай ташрифлар ва сиёсий мулоқотлар орқали мамлакатимиз жаҳон ҳамжамиятида ўзининг муносиб ўрнини янада мустаҳкамлайди. Зеро, адолатли, очиқ ва инсонпарвар сиёсат – келажак тараққиётининг энг ишончли кафолатидир. ⚖️Расмий саҳифаларимиз

🚫🟦🟦🟦 Психиатрия хизматидаги муаммолар экспертлар иштирокида муҳокама қилинди 🔴 Олий Мажлис Қонунчилик палатасида “Адолат” СДП фракцияси ташаббуси билан Республика ихтисослаштирилган руҳий саломатлик илмий-амалий тиббиёт маркази экспертлари иштирокида муҳокама ташкил этилди. Тадбир сўнгги пайтларда ижтимоий тармоқлар ва ОАВда кўтарилаётган психиатрия хизмати фаолияти, хусусан, руҳий хаста фуқароларнинг диспансер назорати ва улар томонидан жиноят содир этиш ҳолатлари билан боғлиқ муаммоларга бағишланди. Айтиш жоизки, фракциямиз депутатлари ҳудудлардаги ўрганиш тадбирларида психиатрия соҳасидаги амалдаги қонунчилик ва унинг ижроси ҳолатини ўрганишган эди. Шунингдек, соҳа мутахассислари билан суҳбатлар ўтказилиб, уларнинг таклиф ва мулоҳазалари таҳлил этилди. Шу боисдан, бугунги муҳокамалар давомида психиатрия ёрдамини ташкил этиш, мажбурий даволаниш амалиёти, ғайриихтиёрий госпитализациядаги муаммолар, суд қарорларини соғлиқни сақлашнинг электрон платформалари билан интеграция қилиш каби масалалар эътибор марказида бўлди. Айниқса, беморларнинг ҳуқуқ ва эркинликларини таъминлашда кузатилаётган ҳуқуқий бўшлиқлар алоҳида кўриб чиқилди. Фракция аъзолари амалдаги “Психиатрия ёрдами тўғрисида”ги Қонунни ва соҳага оид бошқа ҳужжатларни замон талабларига мослаштириш зарурлигини таъкидлашди. Қолаверса, хизматни ривожлантиришда халқаро тажрибани қўллаш, мутахассислар малакасини ошириш тизимини кучайтириш ва жойларда замонавий тиббий муассасалар сонини кўпайтириш бўйича аниқ таклифлар билдирилди. Якунда фракция томонидан соҳага оид қонунчиликни такомиллаштириш, аҳолининг руҳий саломатлик маданиятини оширишга қаратилган тарғибот ишларини кучайтириш ҳамда тегишли дастурларни ишлаб чиқиш юзасидан амалий чора-тадбирлар белгилаб олинди. Батафсил юқоридаги лавҳада👆 ⚖️Расмий саҳифаларимиз

#Халқ_сўзи_газетаси #Муносабат Робахон МАХМУДОВА: МАЪРИФАТ ВА МАДАНИЯТ УЙҒУНЛИГИ – ТАРАҚҚИЁТНИНГ МУСТАҲКАМ ПОЙДЕВОРИ 🔴 Бугун жаҳон дипломатияси марказларидан бирига айланиб бораётган кўҳна ва ҳамиша навқирон Самарқанд шаҳри БМТнинг таълим, фан ва маданият масалалари бўйича ташкилоти – ЮНЕСКО Бош конференцияси сессиясига мезбонлик қилмоқда. Ушбу нуфузли анжуманнинг Ўзбекистонда ўтказилиши мамлакатимизнинг глобал миқёсда эътироф этилаётган инсонпарвар сиёсати, таълим, маданият ва фан соҳаларини ривожлантириш йўлидаги изчил саъй-ҳаракатларининг самарасидир. Батафсил “Халқ сўзи” газетасининг 2025 йил 4 ноябрь, 216-сонидаўқинг. ⚖️Расмий саҳифаларимиз

🔴 Қашқадарё вилоятидаги ўрганишларимиз якунида партиямизнинг вилоят ва туман-шаҳар Кенгашлари раислари ҳамда маҳаллий Кенгаш депутатлари иштирокида очиқ мулоқот ўтказдик. Учрашувдан кўзланган асосий мақсад – ўтган 9 ойлик фаолиятни танқидий-таҳлилий кўриб чиқиш, "Биз нималарга эришдик ва қаерда камчиликларга йўл қўйдик?" деган саволларга биргаликда жавоб топишдан иборат бўлди. Айтиш жоизки, йил якунланишига атиги икки ой вақт қолди. Бу – жуда масъулиятли давр. Биз ушбу фурсатдан унумли фойдаланиб, аҳолини қийнаётган масалаларни ҳал этишда ҳокимликлар билан ҳамкорликни янада кучайтиришимиз лозим. Энг муҳими, халқимиз йил якунида "Менинг депутатим мен учун нима иш қилди?" дея ҳисоб сўрашга тўла ҳақли. Биз ана шу ҳисоботга ҳар томонлама тайёр туришимиз шарт. Шу билан бирга, келгуси йил бюджети учун аниқ, асосли таклифлар тайёрлашнинг айни вақти. Бизнинг бурчимиз – давлатимиз раҳбари олиб бораётган ислоҳотларга камарбаста бўлиб, халқ ва давлат ўртасида мустаҳкам кўприк вазифасини ўташдир. Агар ҳар биримиз ўз вазифамизга виждонан, масъулият билан ёндашсак, фаолиятимизда, албатта, унум ва барака бўлади. Мулоқотимиз якунида партиямиз ғояларини тарғиб қилишда намуна бўлаётган фидойи партиядошимиз, Косон тумани Кенгаши депутати Қаҳрамон Султонов “Адолат” кўкрак нишони билан тақдирланди. Сафимизда халқ дарди билан яшайдиган ана шундай халқпарвар вакиллар борлиги барчамизни янада фаолроқ ишлашга ундайди. Adolat.uz | Facebook | Telegram | Instagram

🔴 Қашқадарёдаги ўрганишларимиз давомида Қарши шаҳридаги Касбий кўникмалар маркази фаолияти билан танишдик. Очиғини айтганда, бу ерда вилоятнинг аниқ келажаги учун мустаҳкам пойдевор яратилаётганига гувоҳ бўлдик. Марказда анъанавий касблар билан бир қаторда энг замонавий йўналишлар ҳам бирга ўқитилмоқда. Ёшлар ошпазлик, тикувчилик, автосервис сир-асрорлари билан бирга, компьютер дизайни, қуёш панеллари монтажи ва ҳатто сунъий интеллект муҳандислиги каби йўналишлар бўйича ҳам сабоқ олишмоқда. 300 дан ортиқ ёшларнинг иштиёқ билан янги ҳунар ўрганаётгани бизни қувонтирди. Марказ раҳбари Нилуфар Назарова битирувчилар нафақат маҳаллий корхоналарга, балки Германия, Россия каби давлатларга ҳам кафолатли ишларга юборилаётганини таъкидлади. Яна бир эътиборли жиҳати – имконияти чекланган юртдошларимиз учун дарслар сурдотаржимон ёрдамида ҳам олиб борилар экан. Бу – жамиятимизда ҳеч ким эътибордан четда қолмаслигига яққол мисол. Айниқса, марказда сунъий интеллект муҳандислиги каби замонавий йўналишнинг йўлга қўйилгани жуда аҳамиятлидир. Чунки ҳозирда шаҳарда Президентимиз ташаббуси билан "Ақлли шаҳар" концепцияси жорий этилмоқда. Бу улкан лойиҳа, албатта, янги, замонавий мутахассисларни – айнан ўша сунъий интеллектни тушунадиган кадрларни талаб қилади. Биз Мономарказда ана шу ТАЛАБ ("Ақлли шаҳар") ва ТАКЛИФ (янги мутахассислар) бир-бирига тўлақонли мос тушаётганини кўрдик. Яъни, бир томондан, янги лойиҳалар юқори малакали кадрларга талабни шакллантирса, иккинчи томондан, мана шундай марказларимиз айнан шу талабга жавоб берадиган билимли ёшларни тайёрлаб бермоқда. Бу – меҳнаткаш халқимиз фаровонлиги йўлидаги самарали тизимнинг амалдаги исботидир. Adolat.uz | Facebook | Telegram | Instagram

🔴 Қарши туманида кўпчилигимиз фойдаланадиган банкоматлар, тўлов терминаллари ва инфокиоскларни ишлаб чиқарувчи “ELPAY” корхонаси фаолияти билан яқиндан танишдик. Бу ердаги ёндашув, ишлаб чиқариш жараёнлари ва айниқса, ёш ишчи-ходимларнинг шижоати бизни жуда қувонтирди. Бу ердаги ўзига хос "уйғунлик" юқори самарадорликни таъминлаётганига гувоҳ бўлдик. Тасаввур қилинг, бир цехда пайвандчилар, бўёқчилар – ўз ишининг ҳақиқий "усталари" меҳнат қилаётган бўлса, иккинчи томонда ёш дастурчи, муҳандис ва дизайнер йигит-қизлар замонавий лойиҳалар устида ишлашяпти. Корхона раҳбари Муҳриддин Худойқулов таъкидлаганидек, улар анъанавий касб эгалари билан замонавий мутахассисларни бир жамоага муваффақиятли бирлаштира олишган. Натижада эса сифатли, ўзимизнинг маҳаллий маҳсулот яратилмоқда ва бутун республика бўйлаб марказлашган техник хизмат йўлга қўйилмоқда. Биз корхонадаги ёш дастурчи ва муҳандис йигит-қизлар билан бевосита суҳбатлашиб, ёшларни замонавий касбларга йўналтириш ҳамда улар учун муносиб меҳнат шароитлари яратиш масалалари юзасидан фикр алмашдик. Уларнинг ўз касбига бўлган қизиқиши, янги ғояларини эшитиб, яна бир бор амин бўлдик: қачонки тажрибали устанинг меҳнати билан билимли, замонавий фикрлайдиган ёшнинг инновацияси бирлашса, биз албатта, катта ютуқларга эришамиз. Adolat.uz | Facebook | Telegram | Instagram

🟦🟦🟦 🔴 Қарши туманидаги ўрганишларимиз давомида “Билол-медик шифо” корхонаси фаолияти эътиборимизни тортди. Ушбу корхона тиббиёт йўналишида тикув-трикотаж маҳсулотлари ишлаб чиқарар экан. Аҳамиятлиси, жамоада 15 киши меҳнат қилади, аксарияти – хотин-қизлар. Тадбиркор улар учун нафақат муносиб ойлик, балки бепул иссиқ овқат ва транспорт хизматини ҳам ташкил этиб берган. Энг муҳими, бу ерда ногиронлиги бўлган хотин-қизлар ҳам доимий иш билан таъминланган. Бу – давлатимиз ижтимоий ҳимоя сиёсатига тадбиркорнинг амалда “лаббай!” деб жавоб бераётганидан далолатдир. Ишчилардан бири – Рушана Турдиева биз билан суҳбатда: “Маҳалламда шу цех очилиб, ишга жойлашдим. Ҳозир 3 миллион сўм маош оляпман, рўзғоримга барака кирди”, – деди. Одамларнинг ўз ишидан, ҳаётидан рози бўлиб гапириши – бизнинг амалий ҳаракатларимизга энг юқори баҳодир. Албатта, корхона раҳбари Шоҳрух Ражабов билан фаолиятини янада кенгайтириш, бу борадаги муаммоларни ҳал қилиш бўйича ҳам фикр алмашдик. Ишбилармонлик ва тадбиркорлик фаолиятини мукаммал йўлга қўйиш билан бирга, ижтимоий масъулиятни чуқур ҳис қиладиган тадбиркорларимиз сафи кенгайсин! Adolat.uz | Facebook | Telegram | Instagram