Robaxon Maxmudova

#Бухоро_вилояти_Кенгаши Маҳаллий саноат ривожи – аҳоли фаровонлиги гарови Бугун мамлакатимизда ижтимоий адолат ва иқтисодий барқарорликка эришиш йўлидаги стратегик саъй-ҳаракатлар ўзининг амалий натижаларини намоён этмоқда. Дарҳақиқат, Президентимизнинг мамлакат ҳудудларида маҳаллий саноатни ривожлантириш, тадбиркорликни ҳар томонлама қўллаб-қувватлаш ва аҳоли бандлигини таъминлашга қаратилган муҳим ташаббуслари юртдошларимизнинг турмушидаги ижобий ўзгаришларда яққол акс этмоқда. 🔴 Айни шу ўринда, Ўзбекистон "Адолат" социал-демократик партияси Сайловолди дастурида илгари сурилган ижтимоий адолатни таъминлашга қаратилган мақсадлар ҳам мамлакатда амалга оширилаётган кенг қамровли ислоҳотларнинг самарадорлигини таъминлашга қаратилгани билан аҳамиятлидир. Партия лойиҳалари доирасидаги амалий ишларга Бухоро вилояти Ғиждувон туманидаги "Нодирабегим" маҳалла фуқаролар йиғинида ташкил этилган замонавий тикувчилик мажмуаси ёрқин мисол бўла олади. ⚖️ Ўзбекистон "Адолат" СДП Сиёсий Кенгаши раиси Робахон Махмудова Бухоро вилоятида маҳаллий саноатни ривожлантириш борасидаги ўрганишлари жараёнида ушбу корхона фаолияти билан яқиндан танишди. Шуни алоҳида қайд этиш лозимки, "Нодирабегим" текстиль корхонаси ўз фаолиятини дастлаб атиги 7 нафар аёл билан бошлаган бўлса, бугунги кунга келиб ушбу муассаса 143 нафар хотин-қизга доимий иш ўрни яратиб берди. Уларнинг аксарияти кам таъминланган, оиласида боқувчисини йўқотган, ижтимоий ҳимояга муҳтож бўлган оилаларга мансубдир. Тикувчилик цехининг ташаббускор раҳбари Дилнавоз Саидованинг фидойилиги ҳамда жамият олдидаги юксак масъулият ҳисси туфайли ушбу лойиҳа нафақат янги иш ўринларини яратишга муваффақ бўлди, балки маҳаллий аёлларнинг ижтимоий ҳаётдаги фаоллигини ошириш ва ўзларига бўлган ишончини мустаҳкамлашда ҳам муҳим роль ўйнади. Корхонанинг Ғиждувон туманидаги "Гулистонобод" маҳалласида жойлашган яна бир филиалида ҳам ўнлаб аёллар иш билан таъминланиб, ўз оилаларига барқарор даромад келтирмоқдалар. Ҳар икки корхонада ишлаб чиқарилаётган юқори сифатли маҳсулотлар ички бозорга узлуксиз етказиб берилмоқда, бу эса, ўз навбатида, маҳаллий иқтисодиётнинг барқарор ривожланишига сезиларли ҳисса қўшмоқда. Айнан шу каби ижтимоий лойиҳалар халқ орасида адолат тамойилларини мустаҳкамлаш, аҳолининг ижтимоий ҳимоясини кучайтириш, хусусан, хотин-қизларнинг бандлигини таъминлашда муҳим ва самарали восита бўлиб хизмат қилмоқда. Корхонада фаолият олиб бораётган хотин-қизлар билан суҳбат чоғида партия етакчиси "Адолат" социал-демократик партиясининг ҳар бир эзгу ташаббуси замирида инсон қадр-қиммати, ижтимоий фаровонлик ва барқарор тараққиёт каби улуғвор ғоялар мужассам эканлигини алоҳида таъкидлади. Қайд этилганидек, мазкур тикувчилик корхонаси фаолияти ҳам аҳоли бандлигини таъминлаш ва шу орқали халқимизнинг турмуш фаровонлигини ошириш йўлидаги стратегик мақсадларимизнинг амалдаги яққол ифодасидир. Adolat.uz | Facebook | Telegram | Instagram |Twitter | YouTube

Тарих ва туризм чорраҳасида: “Қўрғон” маҳалласида янги имкониятлар эшиги очилмоқда 🔴 Маҳаллий саноатни ривожлантиришга қаратилган ишлар ҳолати бўйича Бухоро вилоятида ўрганишлар олиб бораётган Ўзбекистон «Адолат» СДП Сиёсий Кенгаши раиси Робахон Махмудова Ғиждувон туманидаги “Қўрғон” маҳалласида бўлди. Маҳаллий саноатни ривожлантириш ҳолати бўйича ўрганишлар мазкур маҳалланинг юқори салоҳиятини намоён этди. Асрлар қаъридан садо бераётган тарих ва бугунги куннинг тараққиёт нафаси айнан шу манзилда – Ғиждувоннинг "Қўрғон"ида мужассам. XVI асрга оид ноёб меъморий ёдгорликлар, ўзига хос тарихий муҳит ва замонавий ижтимоий ташаббусларнинг уйғунлиги бу маҳаллани нафақат мамлакатимиз, балки жаҳон сайёҳлари учун ҳам жозибадор масканга айлантириш учун барча имкониятларга эга. Бугунги кунда "Қўрғон" маҳалласи фақатгина ўзининг қадимий обидалари билан эмас, балки маҳаллий аҳолининг бандлигини таъминлаш, туризмни ривожлантириш ва яшаш шароитларини яхшилаш йўлидаги фаол саъй-ҳаракатлари билан ҳам диққат марказида турибди. Маҳалладаги 513 та хонадоннинг еттитасига субсидия асосида меҳмон уйлари ташкил этиш режалаштирилганлиги ҳудуднинг туристик инфратузилмасини ривожлантириш йўлидаги муҳим қадам бўлди. Бу лойиҳа нафақат маҳаллий аҳолининг даромад манбаини кенгайтиришга хизмат қилади, балки Бухоро вилоятининг анъанавий меҳмондўстлигини замонавий сервис билан уйғунлаштирган ҳолда, сайёҳларга янгича тажриба тақдим этиш имкониятини ҳам яратади. Оилавий меҳмон уйлари хорижий ва ички туристларга маҳаллий турмуш тарзи билан яқиндан танишиш, миллий таомларни татиб кўриш ва ҳудуднинг ўзига хос маданиятини ҳис этиш имконини беради. "Қўрғон"нинг энг қадрли бойлиги, шубҳасиз, XVI асрга мансуб қадимий ҳамомдир. Асрлар оша ўз жозибасини йўқотмаган бу тарихий иншоот бугун ҳам маҳалла аҳолисининг ғурурига сабаб бўлмоқда. Чунки ушбу обида ташриф буюрувчилар учун тарихга саёҳат қилиш имконини берувчи бебаҳо экспонатдир. Ҳамомнинг сақланиб қолиниши ва фаолият юритиши маҳаллий аҳолининг ўз меросига бўлган эътибори ва уни асраб-авайлаш масъулиятини чуқур англашидан далолат беради. Робахон Махмудова маҳалла аҳолиси билан бўлган мулоқот чоғида уларнинг ўз салоҳиятларини тўлиқ намоён этиш, меҳмонларни юқори даражада қабул қилиш, анъанавий ҳунармандчиликни ривожлантириш ва тарихий обидаларни келажак авлодлар учун сақлаб қолиш йўлидаги ташаббусларини юқори баҳолади. Партиямиз етакчиси таъкидлаганидек, "Қўрғон"да маҳаллий саноат, айниқса, миллий ҳунармандчиликни ривожлантириш ва шу орқали ички ва ташқи бозорларга сифатли маҳсулотлар етказиб бериш, қолаверса, ҳудудни сайёҳлар учун янада жозибали туристик масканга айлантириш учун кенг имкониятлар мавжуд. Боиси, "Қўрғон"да ўтмишнинг руҳи, бугунги куннинг нафаси ва келажакка бўлган катта умид бирлашади. Робахон Махмудова бошчилигидаги ишчи гуруҳ аъзолари ҳудудда амалга оширилаётган ислоҳотларнинг натижадорлигини атрофлича таҳлил қилиб, ижтимоий-иқтисодий ривожланишнинг тарихий ва маданий мерос билан уйғунлиги нақадар муҳим эканлигини алоҳида эътироф этдилар. Партиямиз раҳбари таъкидлаганидек, "Қўрғон" маҳалласи каби тарихий ҳудудларда туризмни ривожлантириш орқали нафақат янги иш ўринлари яратилади, балки маҳаллий аҳолининг даромади ошади ва ҳудуднинг инфратузилмаси яхшиланади. Adolat.uz | Facebook | Telegram | Instagram |Twitter | YouTube

#Бухоро_вилояти_Кенгаши Ғиждувон кулолчилик мактаби –анъана ва тадбиркорлик мужассамлашган маскан Маълумки, жорий йилнинг 26 май куни Президентимиз раислигида маҳаллий саноатни ривожлантириш, ҳудудларнинг иқтисодий салоҳиятини ошириш ва аҳоли бандлигини таъминлаш масалаларига бағишланган видеоселектор йиғилиши ўтказилиб, бу борадаги долзарб вазифалар белгиланган эди. Мазкур йиғилишда маҳаллий ҳунармандчиликни қўллаб-қувватлаш, улар учун зарур шарт-шароитлар яратиш орқали ҳудудларни ижтимоий-иқтисодий ривожлантиришга алоҳида урғу берилган эди. 🔴 Шу муносабат билан Ўзбекистон «Адолат» СДП Сиёсий Кенгаши раиси Робахон Махмудова Бухоро вилоятига хизмат сафари доирасида Ғиждувон туманида бўлиб, қадимий ҳунармандчилик марказининг фаолияти билан яқиндан танишди. Жараёнда партия етакчиси Ғиждувон кулолчилик мактаби раҳбари, моҳир уста кулол Алишер Нарзуллаев билан учрашиб, миллий ҳунармандчиликнинг ривожи, устоз-шогирд анъаналари ва тадбиркорлик фаолияти, туристик хизматлар ҳамда бу борада амалга оширилаётган ташаббуслар билан қизиқди. Таъкидлаш жоизки, қадимий ва бой тарихга эга Ғиждувон кулолчилик санъати бугунги кунда замонавий ижтимоий лойиҳалар билан уйғунлашган ҳолда янги тараққиёт босқичига қадам қўймоқда. Минг йиллар давомида халқимизнинг ноёб мероси сифатида эъзозланиб келинган бу ҳунар, айниқса, аҳоли, шу жумладан, ижтимоий кўмакка муҳтож юртдошларимизнинг бандлигини таъминлашда ҳам муҳим аҳамият касб этмоқда. Бу борада тадбиркор, уста кулол Алишер Нарзуллаев ана шундай ташаббускор ва фидойи инсонлардан бири ҳисобланади. У бугун ўз хонадонини нафақат ижодий устахонага, балки маҳаллий ва хорижий сайёҳлар ташриф буюрадиган жозибадор туристик масканга айлантирган. Бу ерга келган меҳмонлар Ғиждувон кулолчилигининг ноёб санъат асарлари билан танишиш баробарида, миллий кулолчилик жараёнини бевосита ўз кўзлари билан кўриш имкониятига эга бўлмоқдалар. Айтиш жоизки, Алишер Нарзуллаев кулолчилик соҳасида саккизинчи авлод вакилидир. У аждодларидан мерос бўлиб қолган бебаҳо ҳунарни нафақат авайлаб сақламоқда, балки уни янада ривожлантириб, ўзининг ёрқин услубига эга бўлган кулолчилик мактабини яратган. Унинг раҳбарлигида бир неча истеъдодли шогирдлар, жумладан, "Камбағалликдан фаровонлик сари" дастури доирасида кам таъминланган ва боқувчисини йўқотган оилаларнинг фарзандлари ҳам ҳунар сирларини ўрганмоқдалар ва доимий иш билан таъминланмоқдалар. Айни вақтда Алишер Нарзуллаевнинг хонадони ҳақиқий маънода ҳунар ва ижтимоий масъулият уйғунлигининг ёрқин намунасидир. Бу ерда кулолчилик санъати иқтисодиётнинг ривожланишига хизмат қилса, анъанавий ҳунар эса кўплаб инсонларнинг оилавий фаровонлигига мустаҳкам таянч бўлиб келмоқда. Учрашув давомида партия етакчиси Робахон Махмудова уста Алишер Нарзуллаевнинг лойиҳа доирасида олиб бораётган ишларининг ижтимоий аҳамиятини алоҳида таъкидлаб ўтди. Маҳаллий ҳунармандлар фаолиятини ҳар томонлама қўллаб-қувватлаш, уларга зарур шарт-шароитлар яратиш орқали жамиятдаги бандликни таъминлаш, айниқса, эҳтиёжманд қатламларнинг ҳаёт даражасини яхшилашга хизмат қилувчи бундай эзгу ташаббусларни келгусида ҳам изчил давом эттириш муҳимлигига эътибор қаратилди. Дарҳақиқат, бундай ижтимоий лойиҳалар нафақат иқтисодий юксалишга, балки миллий ҳунармандчилик анъаналарини сақлаб қолиш ва келгуси авлодларга етказишга ҳам беқиёс ҳисса қўшади. Суҳбат чоғида давлатимиз раҳбарининг ҳудудларда маҳаллий саноатни ривожлантиришга қаратилган ташаббуслари ва бу борада яратилаётган кенг имкониятлар ҳақида атрофлича фикр алмашилди. Хусусан, ҳунармандчилик ва тадбиркорликни янада ривожлантириш, уларни қўллаб-қувватлаш механизмларини такомиллаштириш масалалари муҳокама қилинди. Adolat.uz | Facebook | Telegram | Instagram |Twitter | YouTube

#ЎзА Ёшлар парламенти аъзолари билан учрашув ўтказилди Куни кеча Олий Мажлис Қонунчилик палатаси ҳузуридаги Ёшлар парламентининг янги таркибдаги биринчи мажлиси аввалида "Адолат" СДП фракцияси раҳбари Робахон Махмудова Ёшлар парламенти аъзолари билан учрашув ўтказди. 🔴 Ёшлар парламентида “Адолат” социал-демократик партиясининг 21 нафар аъзодан иборат ёшлар гуруҳи фаолият юритади. Партия фракцияси раҳбари Робахон Махмудова бу фаол ва умидли ёшлар билан учрашувда ёшларнинг келгуси фаолиятини самарали йўлга қўйиш, уларга сиёсий майдонда зарур бўлган кўникма ва маслаҳатлар бериш орқали ёшларни ҳар томонлама қўллаб-қувватлашга эътибор қаратди. Учрашувда партия фракцияси аъзолари ҳам иштирок этиб, ўзларининг тажрибалари ва тавсиялари билан ўртоқлашди. “Адолат”чи ёшлар мамлакатимизда амалга оширилаётган қонун ижодкорлиги жараёнида бевосита иштирок этиб, ўз тенгдошларининг орзу-истакларини қонунчиликка татбиқ этиш, уларнинг конструктив ва инновацион таклифларини Олий Мажлисга етказиш орқали жамият тараққиётига ўз ҳиссасини қўшиши, ташаббускор бўлиши лозимлиги таъкидланди. 🔹Ўз навбатида, ёшлар вакиллари ўзларига билдирилган юксак ишончга муносиб равишда ҳаракат қилишларини, тенгдошлари ҳуқуқ ва манфаатлари йўлида ташаббускор бўлишларини қайд этди. Манба: ЎзА Adolat.uz | Facebook | Telegram | Instagram |Twitter | YouTube

Сиёсий фаол ёшлар – адолатли жамиятнинг мустаҳкам пойдевори 🔴 Бугун Ўзбекистон “Адолат” социал-демократик партиясининг фаол ёшлари учун муҳим сана бўлди. Боиси, партия Сиёсий Кенгаши раиси Робахон Махмудова Олий Мажлис Қонунчилик палатаси ҳузуридаги Ёшлар парламентига партиядан сайланган энг фаол ва умидли ёшлар билан учрашув ўтказди. Ушбу учрашувнинг асосий мақсади нафақат янги сайланган Ёшлар парламенти аъзоларини қутлаш, балки уларга партия ишончининг рамзи бўлган ёрлиқларни топширишдан иборат бўлди. Муҳим жиҳати шундаки, партия раҳбари ёшларнинг келгуси фаолиятини самарали йўлга қўйиш, уларга сиёсий майдонда зарур бўлган кўникма ва маслаҳатлар бериш орқали устоз-шогирд анъаналарига содиқ қолган ҳолда ёшларни ҳар томонлама қўллаб-қувватлашга эътибор қаратди. Тадбир давомида партия етакчиси Робахон Махмудова ёшларга ўзининг самимий тилакларини билдириб, уларнинг келгусидаги масъулиятли ва шарафли фаолиятида муваффақиятлар тилади. Учрашувда, шунингдек, Олий Мажлис Қонунчилик палатасидаги партия фракциясининг аъзолари ҳам иштирок этиб, ўзларининг қимматли тажрибалари ва тавсиялари билан ўртоқлашдилар. Йиғилиш давомида Олий Мажлис Қонунчилик палатаси Ёшлар комиссияси раиси ўринбосари ҳамда партия фракцияси аъзоси Беҳзод Тўхтамуродов сиёсий партиянинг Олий Мажлис Қонунчилик палатаси ҳузуридаги Ёшлар парламентидаги ёшлар гуруҳини расман тузиш ва унга раҳбар тайинлаш масаласига эътибор қаратди. “Адолат”чи ёшлар орасида ўзининг фаоллиги ва ташаббускорлиги билан алоҳида ажралиб турган Шерзодхон Исламовга бу муҳим ва масъулиятли вазифа ишониб топширилгани ёшлар томонидан катта мамнуният билан қабул қилинди. Тадбирнинг энг ёрқин лаҳзаларидан бири Ёшлар парламентининг янги аъзоларига ишонч ёрлиқлари ҳамда “Адолат” партиясининг рамзи туширилган эсдалик совғаларини топшириш маросими бўлди. Бу жараён ёшларнинг сиёсий ҳаётидаги янги босқичнинг бошланиши сифатида рамзий маънога эга бўлди. 🔹 Эндиликда Ёшлар парламентида “Адолат” социал-демократик партиясининг 21 нафар аъзодан иборат ёшлар гуруҳи фаолият юритади. Ушбу гуруҳ мамлакатнинг энг иқтидорли ва фаол ёшларидан таркиб топган бўлиб, улар ўз ҳудудларидаги ёшларнинг долзарб муаммоларини чуқур ўрганиш, уларнинг юзага келиш сабабларини аниқлаш ва ёшлар ўртасида очиқ муҳокама қилиш орқали амалий ечимлар топишга интилади. Бундан ташқари, “Адолат”чи ёшлар мамлакатимизда амалга оширилаётган қонун ижодкорлиги жараёнида бевосита иштирок этиб, ўз тенгдошларининг орзу-истакларини қонунчиликка татбиқ этиш, уларнинг конструктив ва инновацион таклифларини Олий Мажлисга етказиш орқали жамият тараққиётига ўз ҳиссаларини қўшишни мақсад қилган. Партия етакчиси Робахон Махмудова ўзининг сермазмун нутқида “Адолат” социал-демократик партияси ёш авлоднинг сиёсий фаоллигини ҳар томонлама оширишга доимий устувор вазифа сифатида қарашини таъкидлаб ўтди. Қолаверса, йиғилишда ёшларнинг мамлакат парламентидаги фаол иштироки Янги Ўзбекистоннинг барқарор келажагини барпо этишда муҳим ва стратегик аҳамият касб этиши қайд этилди. Шунингдек, партия раҳбари ёшларга билдирилган улкан ишонч ва масъулиятни чуқур ҳис қилишлари, келгуси фаолиятларида адолат тамойиллари асосида жамият манфаатларига хизмат қиладиган самарали лойиҳалар ва ташаббусларни амалга оширишлари зарурлигини таъкидлади. Учрашувнинг якуний қисмида партия фракцияси аъзолари янги сайланган ёшларга ўзларининг самимий тилакларини йўллаб, уларнинг Ёшлар парламентидаги фаолияти давомида улкан зафарлар ва ютуқларга эришишларига ишонч билдирдилар. Adolat.uz | Facebook | Telegram | Instagram |Twitter | YouTube

Бугун бўлиб ўтган навбатдаги ялпи мажлисда ижро бўйича кафолат маблағларини киритиш институти жорий этилиши назарда тутилган қонунни қабул қилдик ва маъқуллаш учун Сенатга юбордик. 🔴 Фракциямиз бу қонун бўйича ҳам ўз позициясини қатъий белгилаб олди. Бизнингча, ижро бўйича кафолат маблағларини киритиш институтининг жорий этилиши томонларнинг манфаатлари бирдек ҳимоя қилинишига хизмат қилади. Бир томондан, суд ижроси қаратилган қарздорнинг мажбуриятларни бажармаслик хавфи камаяди, иккинчи томондан эса фойдасига суд қарори қабул қилинган шахснинг ҳуқуқ ва манфаати ҳимояси таъминланади. Умуман кафолат институтининг мавжудлиги томонларнинг ишонч даражасини оширади. Сабаби кафолат маблағлари суд иштирокчилари учун молиявий йўқотишларнинг оқибатларини бартараф этади, деб ҳисоблаймиз. Бир сўз билан айтганда, ушбу қонун билан киритилаётган ўзгартириш ва қўшимчалар суд қарорларининг сўзсиз ижросини таъминлаш билан боғлиқ ғояларимизга тўла мос келади ва шу боис биз уни деярли бир овоздан маъқулладик. Adolat.uz | Facebook | Telegram | Instagram

#Муносабат Маҳаллий саноатни ривожлантириш – халқ фаровонлигининг кафолати Президентимиз раислигида ўтказилган маҳаллий саноатни ривожлантиришга бағишланган видеоселектор йиғилиши мамлакатимиз иқтисодий салоҳиятини юксалтириш ва халқимиз турмуш фаровонлигини ошириш йўлидаги муҳим воқелик бўлди, десак адашмаган бўламиз. Бугунги мураккаб глобал шароитда ҳар бир иш ўрнини сақлаб қолиш, янгиларини яратиш ҳамда маҳаллий ишлаб чиқарувчиларни ҳар томонлама қўллаб-қувватлашга қаратилган ташаббуслар алоҳида аҳамиятга эга. Мамлакатнинг саноат салоҳиятини ошириш, ҳудудларни изчил ривожлантириш, тадбиркорликни қўллаб-қувватлаш ва маҳаллий ишлаб чиқаришни ривожлантириш борасидаги дастурий вазифаларимиз давлатимиз раҳбари томонидан белгилаб берилган чора-тадбирларда ўз аксини топди. Тўқимачилик, қурилиш материаллари, мебелсозлик ва заргарлик каби муҳим соҳалардаги мавжуд муаммоларнинг очиқ таҳлил қилиниши ва уларнинг ечимига қаратилган комплекс ёндашувлар яқин келажакда ўзининг ижобий самарасини бериши аниқ. Айниқса, халқаро сертификатлаштиришни кенгайтириш, "Миллий брендларни қўллаб-қувватлаш компанияси"ни ва "Mall of Uzbekistan" савдо марказларини ташкил этиш каби янги механизмларнинг жорий қилиниши ички бозорни сифатли маҳсулотлар билан таъминлаш ҳамда экспорт ҳажмини ошириш учун хизмат қилади. Шунингдек, заргарлик соҳасини "соя"дан чиқариш, хомашё таъминотини яхшилаш ва соҳага замонавий технологияларни жалб қилиш борасидаги қадамлар олтин захираларимиздан янада самарали фойдаланишга имкон беради. Энг муҳими, фуқароларнинг сифатли ва арзон уй-жойга эга бўлишга оид конституциявий ҳуқуқларини рўёбга чиқариш йўлида қурилиш материаллари сифатини ошириш, "Шаффоф қурилиш" платформаси орқали назоратни кучайтириш ва халқаро стандартларни жорий этиш, айниқса, энергия тежамкор қурилиш меъёрларини қабул қилишга қаратилган вазифалар партиямизнинг дастурий мақсадларини амалга оширишда муҳим роль ўйнайди. Шу нуқтаи назардан, биз, "Адолат"чилар ушбу йиғилишда белгиланган вазифаларнинг тўлиқ бажарилиши юзасидан самарали парламент ва жамоатчилик назоратини амалга оширишда фаол иштирок этишни мақсад қилдик. Шунингдек, маҳаллий саноатни ривожлантириш орқали халқимиз фаровонлигини таъминлашга қаратилган барча саъй-ҳаракатларни қўллаб-қувватлаган ҳолда муҳим ислоҳотлар жараёнида фаол бўламиз. Adolat.uz | Facebook | Telegram | Instagram

#Муносабат Ўзбекистон – Венгрия: Стратегик шерикликнинг янги босқичи Давлатимиз раҳбарининг Венгрия Бош вазири Виктор Орбан таклифига биноан Будапештга амалга оширган расмий ташрифи мамлакатларимиз учун тарихий аҳамиятга эга бўлди. Ташриф доирасида олий даражадаги учрашув ва музокаралар, шунингдек, Венгриянинг йирик компаниялари ва банклари раҳбарлари билан мулоқотлар икки давлат ўртасидаги иқтисодий, сиёсий ва маданий алоқаларни янада мустаҳкамлаш ҳамда кенгайтириш учун янги имкониятлар эшигини очди. Музокараларда рақамлаштириш, солиқ сиёсати, қонун ижодкорлиги ва ҳудудларни ривожлантириш каби соҳаларда ҳамкорликни кучайтиришга алоҳида эътибор қаратилди. Шунингдек, таълим соҳасидаги ҳамкорлик алоҳида таъкидланиб, Венгрия олий таълим муассасаларининг филиалларини Ўзбекистонда очиш ва дипломларни ўзаро тан олиш тизимини жорий этиш бўйича муҳим келишувларга эришилди. Бундан ташқари, Президентимиз Туркий давлатлар ташкилотининг норасмий саммитида иштирок этиб, халқаро ва минтақавий ҳамкорликда бирлик ва ҳамжиҳатлик зарурлигига урғу берди. Саммит доирасида иқтисодий, транспорт ва инвестиция соҳаларида янги ташаббуслар илгари сурилди. Бу ташаббуслар орасида "Турк-трейд" онлайн платформаси, ягона инвестиция портали яратиш, Тошкентда халқаро логистика форумини ўтказиш ва қўшма венчур компанияси ташкил қилиш каби долзарб лойиҳалар мавжудлиги партиямиз фаолларига алоҳида мамнуният бағишлади. Маданий, илмий ва ёшлар сиёсатини ривожлантиришга доир масалалар ҳам саммит кун тартибидан ўрин олганлиги ниҳоятда қувонарли ҳолат. Айниқса, Нобель мукофоти совриндори Азиз Санжарнинг Алишер Навоий номидаги халқаро мукофот билан тақдирланиши жаҳон майдонида ўзбек илм-фани нуфузини янада оширишга хизмат қилади. "Адолат" социал-демократик партияси мазкур тарихий ташриф доирасида белгиланган вазифаларни тўлиқ маъқуллаб, Ўзбекистоннинг ташқи сиёсатдаги ушбу муҳим қадамларини қўллаб-қувватлайди. Adolat.uz | Facebook | Telegram | Instagram

#Давра_суҳбати Аҳолини арзон ва сифатли дори воситалари билан таъминлаш — давр талаби Ўзбекистон “Адолат” социал-демократик партияси фракцияси ҳамда Олий Мажлис Қонунчилик палатасининг Меҳнат, соғлиқни сақлаш ва ижтимоий масалалар қўмитаси ҳамкорлигида «Аҳолини арзон ва сифатли дори воситалари билан таъминлаш – давр талаби» мавзусида давра суҳбати ўтказилди. Батафсил Adolat.uz | Facebook | Telegram | Instagram |Twitter | YouTube

#Қорақалпоғистон_Республикаси_Кенгаши Шунингдек, партия раиси “Қутли мәкән” маҳалла фуқаролар йиғинидаги бир қатор хонадонларда бўлиб, маҳалла аҳли билан мулоқотлар ўтказди. Жумладан, “Гулшан” кўчаси 50-уйда истиқомат қилаётган, 80 ёшни қаршилаган меҳнат фахрийси, ҳаётини ҳалол меҳнатга, оилавий тарбия ва Ватанга садоқатли фарзандлар камолотига бағишлаган Гулимбет Диланов хонадонида бўлди. Унинг умр йўли, оиладаги барқарорлик ва миллий қадриятларни сақлаб қолиш борасидаги ибратли меҳнати партия етакчиси томонидан юксак эътироф этилди. Маҳалладаги 37-уйда истиқомат қилувчи Пиржан Абдалиев хонадонида ҳам бўлиб, оила аъзолари билан дилдан суҳбатлашилди, эзгу тилаклар билдирилди. Ушбу учрашувлар халқ билан мулоқот маданиятини юксалтириш, одамларнинг дардию ташвишларини тинглаш ва уларга амалий ёрдам бериш йўлидаги муҳим қадамлардан биридир. Бундай учрашувлар нафақат ижтимоий қўллаб-қувватлашнинг самарадорлигини оширади, балки жамиятда инсонпарварлик, бағрикенглик ва ижтимоий адолат ғояларининг чуқур қарор топишига хизмат қилади. Ўзбекистон “Адолат” социал-демократик партияси халқ билан яқин мулоқот ва амалий иш орқали жамиятда фаол фуқаролик позициясини шакллантириш, оила ва маҳалла институтини мустаҳкамлаш йўлида ўз масъулиятини чуқур ҳис этган ҳолда изчил фаолият юритмоқда. Зеро, ҳар бир хонадонга меҳр олиб кириш, ҳар бир фуқаронинг қалбига йўл топиш – партиянинг ҳаётий вазифаси ҳисобланади. Adolat.uz | Facebook | Telegram | Instagram |Twitter | YouTube

#Қорақалпоғистон_Республикаси_Кенгаши Оила — жамият таянчи Мамлакатимизда ҳар йили 15 май санаси — Халқаро оила куни кенг нишонланиб, оилаларни қўллаб-қувватлаш, уларнинг барқарорлигини мустаҳкамлаш, кам таъминланган ҳамда ижтимоий ёрдамга муҳтож оилаларга муносиб эътибор қаратиш борасида кенг кўламли ташаббуслар амалга ошириб келинмоқда. Жорий йилда ҳам мазкур сана муносабати билан мамлакатимизнинг барча ҳудудларида амалий ишлар, хайрия тадбирлари ва инсонпарварлик акциялари ўтказилди. Шу муносабат билан, Ўзбекистон “Адолат” социал-демократик партияси Сиёсий Кенгаши раиси, Ўзбекистон Республикаси Олий Мажлиси Қонунчилик палатасидаги партия фракцияси раҳбари Робахон Махмудова Нукус шаҳридаги “Қутли мәкән” маҳалласида истиқомат қилаётган Гулназ Айимбетова хонадонида бўлди. Айни пайтда II гуруҳ ногирони сифатида рўйхатда турган Гулназ Айимбетова ва унинг оила аъзолари билан бўлган самимий суҳбат давомида партия етакчиси уларнинг яшаш шароити, мавжуд муаммолари билан қизиқди. Оила учун кундалик турмушда зарур бўлган озиқ-овқат маҳсулотлари топширилди. — Партиямиз томонидан “Инсон қадри учун” деган эзгу тамойил асосида амалга оширилаётган барча ишларимизда асосий мақсад — жамиятда ижтимоий ҳимояга муҳтож қатламларни қўллаб-қувватлаш, уларни ечимини кутаётган муаммолардан холи этиш ва фаол ҳаётга қайтаришдан иборат, — деди Робахон Махмудова. Ўзбекистон “Адолат” социал-демократик партиясининг бундай инсонпарвар ташаббуслари — халқ дардини чин дилдан ҳис этадиган, жамиятнинг барча қатламлари манфаатини ҳимоя қилишга интилувчи мақсадларнинг ҳаётий ифодасидир. Оила — жамият асоси, унинг мустаҳкамлиги эса барқарор келажагимизнинг кафолатидир. Adolat.uz | Facebook | Telegram | Instagram |Twitter | YouTube

#Муносабат Президентимиз раислигида мактаб таълими тизимидаги ислоҳотлар самарадорлигини ошириш бўйича ўтказилган видеоселектор йиғилишида кўтарилган масалалар партиямизнинг дастурий мақсадларига уйғун эканлиги билан муҳим аҳамият касб этади. Дарҳақиқат, мамлакатнинг келажаги таълим соҳасининг бугунги ҳолати билан бевосита боғлиқдир. Билимли, соғлом ва ватанпарвар авлодни тарбиялаш давлатимизнинг рақобатдошлигини таъминлашда ҳал қилувчи омил ҳисобланади. Президентимиз томонидан таълим соҳасига қаратилаётган юксак эътибор, ажратилаётган маблағларнинг кўпайтирилиши, мактаб ва мактабгача таълим муассасалари инфратузилмасининг такомиллашуви юртимизни барқарор тараққий эттириш йўлидаги муҳим қадамлардир. Айниқса, педагог кадрларни тайёрлаш ва малакасини ошириш тизимидаги янгиланишлар алоҳида эътиборга лойиқ. Жумладан, Абдулла Авлоний номидаги миллий-тадқиқот институти ва унинг 13 та ҳудудий марказини қайта ташкил этиш, Низомий номидаги университетнинг Миллий педагогика университетига айлантирилиши каби ташаббуслар ўқитувчи-педагогларимизнинг малакаси ва мақомини янада мустаҳкамлашга хизмат қилади. Шу асосда барча педагогика олийгоҳлари фаолияти тубдан такомиллаштирилади. Жумладан, Термиз педагогика институти мисолида кўрилса, ҳозирги факультетлар ўрнида аниқ, табиий, ижтимоий, филология, амалий фанлар, мактабгача ва бошланғич таълим йўналишлари бўйича 6 та олий мактаб ташкил қилинмоқда. Фанлар сони оптималлаштирилиб, 20 тадан 15 тага, таълим йўналишлари 31 тадан 17 тага қисқартирилади, ўқув юкламаси эса 20 фоизга камайтирилади. Яқин ҳудудлардаги мактаблар институтнинг амалиёт базаларига айлантирилади. Бу йил институтнинг хорижий тил сертификатига эга бўлган 20 нафар ўқитувчиси Буюк Британия, Германия ва Сингапур каби давлатларда малака ошириш курсларида қатнашади. Келгуси уч йил мобайнида эса барча профессор-ўқитувчилар халқаро малака ошириш курсларидан ўтади. Бу жараёнлар жаҳоннинг "Топ-100" талик университетлари билан тўғридан-тўғри шартномалар асосида ташкил қилинади. Шунингдек, хусусий олийгоҳларда педагогика йўналишлари сифати назорат қилинади ва аниқ фанлар бўйича педагогик кадрлар тайёрланиши йўлга қўйилади. Бу ташаббус мактаблардаги ўқитувчи танқислигини бартараф этишда муҳим аҳамият касб этади. Президентимиз томонидан иқтидорли ёшларни хорижий университетларда ўқитиш учун “Президент иқтидорли фарзандлари миллий дастури”нинг амалга оширилиши мамлакатимиз иқтидорли ёшлари учун кенг имкониятларни яратиб бериши шубҳасиз. Мактабгача таълимдаги инновацион ёндашувлар, тарбиячилар малакаси ва маҳоратини ошириш борасидаги янгиликлар ҳам келажак авлоднинг соғлом ва ақлан баркамол бўлиб вояга етишини таъминлашда муҳим аҳамиятга эга. ⚖️ “Адолат” социал-демократик партияси ушбу ислоҳотларнинг изчил ва самарали амалга оширилишини ҳар томонлама қўллаб-қувватлайди. Зотан, таълим соҳасига қаратилган эътибор ва бу йўналишдаги ижобий ўзгаришлар халқимиз фаровонлиги ва мамлакат тараққиёти учун стратегик аҳамиятга эга эканини яна бир бор таъкидлаймиз. Партиямиз электорати бўлган ўқитувчилар ва педагогларнинг меҳнати муносиб қадрланиши ва рағбатлантирилиши бу борадаги саъй-ҳаракатларимизни янада кучайтиришимизга илҳом бағишлайди. Adolat.uz | Facebook | Telegram | Instagram