Robaxon Maxmudova

Нафосат ва гўзаллик айёми муборак бўлсин! Муҳтарама онахонлар! Мунис ва қадрли опа-сингиллар! 🔴 Оламга баҳор нафаси кириб келиши билан табиат уйғонгани каби, қалбларимиз ҳам эзгулик ва гўзалликка ошно тутинмоқда. Ушбу онларда барчангизни нафосат айёми — 8 март — Халқаро хотин-қизлар куни билан “Адолат” СДП фаоллари номидан қизғин муборакбод этамиз! Куни кеча Кўксарой қароргоҳида бўлиб ўтган байрам тадбири, давлатимиз раҳбари томонидан хотин-қизларимизга йўлланган самимий табрик ва юксак эътироф ҳар бир юртдошимиз қалбида, айниқса, муҳтарама опа-сингилларимиз юрагида ғурур, ифтихор ва шукроналик туйғуларини янада мустаҳкамлади. Бу эътибор ва эҳтиром, аввало, юртимизда инсон қадрини улуғлаш, аёл шаъни ва бахтини асраш давлат сиёсатининг устувор йўналишига айланганининг ёрқин тасдиғидир. Айниқса, хотин-қизлар таълимига қаратилган алоҳида эътибор барчамизни беқиёс қувонтирди. Олий таълим муассасаларида таҳсил олаётган талабаларнинг катта қисмини қизлар ташкил этаётгани, эҳтиёжманд оилалар қизлари учун грант квоталари кенгайтирилаётгани, магистратура босқичида контракт тўловларининг давлат томонидан қопланиши — буларнинг барчаси илмли, мустақил фикрлайдиган, юрт тақдирига дахлдор аёл-қизлар авлодини вояга етказиш йўлидаги тарихий қадамлардир. Чунки илмли аёл — маърифатли оила, маърифатли оила эса кучли жамият пойдеворидир. Аёл нафақат меҳр ва муҳаббат тимсоли, балки тараққиёт, янгиланиш ва бунёдкорликнинг беқиёс кучидир. У оилага файз, жамиятга тарбия, миллатга маънавият олиб киради. Она алласида халқ руҳи, опа-сингиллар ибратида ҳаё, орият ва нафосат, қизлар орзусида эса эртанги куннинг порлоқ манзараси мужассам. Шу маънода, халқимизнинг шонли тарихида Тўмариснинг жасорати, Бибихонимнинг донишмандлиги, Нодирабегимнинг заковати ва матонати бугунги ўзбек аёли тимсолида давом этаётгани барчамизга чексиз фахр бағишлайди. “Адолат” партияси учун хотин-қизлар ҳуқуқларини таъминлаш, уларнинг шаъни, қадри ва қонуний манфаатларини ҳимоя қилиш — шунчаки сиёсий вазифа эмас, балки адолатли жамият қуришнинг ҳал қилувчи шартидир. Биз аёллар давлат ва жамият бошқарувида, қонун ижодкорлигида, таълим, тиббиёт, илм-фан, тадбиркорлик ва барча соҳаларда фаол ва муносиб иштирок этишини доимо қўллаб-қувватлаймиз. Азиз қизлар! Сиз – юртимизнинг порлоқ эртасисиз. Шундай экан, илм-фан, технология ва санъат чўққиларини забт этишдан асло тўхтаманг. Сизнинг илмингиз – жамиятнинг зиёси, одоб-ахлоқингиз миллатимизнинг юзидир. Коррупция ва адолатсизликка тоқат қилмайдиган, соф қалбли авлодни тарбиялашда айнан сизнинг маънавий кучингизга таянамиз. Хонадонингиздан файзу барака, юзингиздан табассум, қалбингиздан баҳорий кайфият аримасин. Миллионлаб “адолатчилар” сизнинг бахтингиз ва ҳуқуқий ҳимоянгиз учун ҳамиша камарбаста. Яна бир бор байрамингиз муборак бўлсин, мўътабар онахонлар, мунис опа-сингиллар! ⚖️Расмий саҳифаларимиз

Ayollar baxti — barqaror jamiyatning bosh mezoni Davlatimiz rahbarining Xalqaro xotin-qizlar kuni munosabati bilan so‘zlagan nutqi nafaqat bayram tabrigi, balki mamlakatimizda xotin-qizlarning huquq va manfaatlarini ta’minlash, ijtimoiy adolat tamoyillarini mustahkamlash hamda inson kapitalini rivojlantirishga qaratilgan dasturilamal bo‘ldi. 🚨BATAFSIL 🏢Veb-sayt | 📱Telegram | 📱Facebook|📱YouTube | 📱Instagram|📱X | 🔄ParlamentTV_RADIO | ◽Yoshlar parlamenti

🟦🟦🟦🟦 Фармацевтика мустақиллиги — халқ саломатлиги кафолати Инсон қадрини улуғлаш ва унинг ҳаётий манфаатларини таъминлаш ҳақида гап кетганда, энг аввало, сифатли тиббий хизмат ва арзон ҳамда самарали дори воситалари масаласи кун тартибига чиқади. Президентимиз таъкидлаганидек, фармацевтика соҳаси нафақат соғлиқни сақлаш тизимининг ажралмас қисми, балки мамлакатнинг иқтисодий хавфсизлигини белгиловчи стратегик йўналишга айланиб улгурди. Давлатимиз раҳбари раислигида фармацевтика соҳасини ривожлантиришга бағишлаб ўтказилган бугунги видеоселектор йиғилиши эса ушбу тизимни янги босқичга олиб чиқишда муҳим аҳамият касб этади. Сўнгги тўққиз йилда соҳага 1,8 миллиард доллар инвестиция киритилгани, ишлаб чиқариш ҳажми 3,5 бараварга ошиб, 7,3 триллион сўмдан ортгани ислоҳотларнинг амалий натижасидир. Бугун маҳаллий маҳсулотларимиз дунёнинг 55 та давлатига экспорт қилинаётгани ўзбек брендининг халқаро тан олинишидан далолат беради. Бироқ эришилган натижалар тўхтаб қолиш учун асос бўлолмайди. Олдимизда ички истеъмолдаги маҳаллий дорилар улушини 2030 йилгача 70 фоизга етказиш ва экспорт ҳажмини 1 миллиард долларга олиб чиқишдек улкан вазифа турибди. Эндиликда нафақат дори воситалари, балки биологик фаол қўшимчалар (БФҚ) ва косметика ишлаб чиқарувчилари ҳам божхона имтиёзларига эга бўлиши маҳаллийлаштириш кўламини янада кенгайтиради. Афсуски, айрим ҳудудларда яратилган имкониятлардан фойдаланиш даражаси қониқарли эмас. Жиззах ва Бўстонлиқ фармацевтика зоналаридаги бўш турган ерлар, баъзи вилоятларда лойиҳаларнинг сустлиги соҳада ҳали ишга солинмаган имкониятлар кўплигини кўрсатади. Соҳада барқарор ривожланишни таъминлаш учун жорий йилда 1 миллиард доллар инвестиция жалб этилиши белгиланди. Шунингдек, видеоселектор йиғилишида тадбиркорларни қўллаб-қувватлаш бўйича мутлақо янги имтиёзлар пакети эълон қилинди. 1 апрелдан бошлаб янги лойиҳаларнинг 3 йил муддатга ер, фойда ва мол-мулк солиқларидан озод қилиниши, хорижий валютадаги 7 фоизли имтиёзли кредитлар ажратилиши соҳа вакилларини қўллаб-қувватлаш йўлида навбатдаги қадам бўлди. Албатта, маҳаллий ишлаб чиқарувчиларга берилаётган имтиёзлар, энг аввало, дорихоналардаги нарх-навонинг пасайишида ўз аксини топиши лозим. Зеро, фармацевтика соҳасидаги мустақиллик — бу миллат саломатлиги ва эртанги кунга бўлган ишонч, демакдир. ⚖️Adolat.uz | Facebook | Telegram | Instagram

🟦🟦🟦 Амалий ишлар таҳлили ва муҳим натижалар 🔴 Олий Мажлис Қонунчилик палатасидаги “Адолат” СДП фракциясининг йиғилиши бўлиб ўтди. Унда дастлаб жорий йилнинг 24 февраль куни Президентимизнинг ёшлар билан мулоқоти, йигит-қизлар ташаббусларини қўллаб-қувватлаш бўйича илгари сурилган қўшимча имкониятларнинг аҳамияти ҳақида сўз юритилди. Ёшлар билан очиқ мулоқот мамлакатимиз тараққиётида инсон капиталига таянилган стратегик ёндашув изчил давом этаётганини яна бир бор намоён этгани қайд этилди. Давлатимиз раҳбари юртимиздаги 22 миллиондан зиёд ёшларимиз жуда катта иқтисодий, ижтимоий ва сиёсий куч эканини алоҳида таъкидлагани урғуланди. ➡️БАТАФСИЛ ⚖️Расмий саҳифаларимиз

Эътибор ва эъзоз аёл қаддини юксалтиради: Жазо колониясидаги маҳкумалар чуқурлаштирилган тиббий кўрикдан ўтказилди Ҳар бир аёл ижтимоий мавқеи ёки ҳаёт йўлидаги синовларидан қатъи назар, меҳр ва ғамхўрликка муносибдир. У хоҳ жамият равнақи йўлида меҳнат қилаётган бўлсин, хоҳ тақдир ҳукми билан тўрт девор орасида жазо муддатини ўтаётган — унинг қадри ва ҳуқуқлари ҳар қандай вазиятда ҳам дахлсиз ҳисобланади. Зеро, она ва болага кўрсатилаётган бундай эътибор халқимизнинг азалий қадриятлари ҳамда давлатимиз юритаётган инсонпарварлик сиёсатининг амалий ифодасидир. Куни кеча давлатимиз раҳбари томонидан имзоланган аёллар ва болалар ҳуқуқларини ҳимоя қилишга оид Фармон ҳам айнан шундай эзгу мақсадларни ҳуқуқий жиҳатдан мустаҳкамлашга қаратилгани билан аҳамиятли бўлди. Шунингдек, жамиятимизда аёлга фақат ҳурмат ва эҳтиром кўрсатиш лозимлиги, таҳқир ва зўравонликка асло йўл қўйилмаслигини яна бир бор тасдиқлади. Ёдингизда бўлса, Олий Мажлиснинг Инсон ҳуқуқлари бўйича вакили (Омбудсман) фаолиятининг ўтган йилги сарҳисоби партия фракцияси йиғилишида кўриб чиқилганда, депутатлар томонидан она ва бола ҳуқуқларини таъминлаш бўйича ҳамкорликни кучайтириш белгиланганди. Ушбу келишув ижроси доирасида жорий йилнинг 3-4 март кунлари ИИВ Жазони ижро этиш департаменти, Омбудсман, Соғлиқни сақлаш вазирлиги ҳамда “Адолат” СДП ҳамкорлигида 21-сонли жазони ижро этиш колониясида кенг қамровли тиббий тадбир ташкиллаштирилди. “Инсон қадри – олий неъмат” ва “Соғлом аёл – соғлом миллат таянчи” тамойиллари асосида ўтган ушбу кўрикка акушер-гинеколог, онкогинеколог, маммолог, кардиолог ва педиатр каби 10 га яқин тор доирадаги мутахассислар жалб этилди. Муассаса ҳудудига маммограф, УЗД ва замонавий лаборатория билан жиҳозланган махсус мобиль автобуслар олиб келингани маҳкума аёллар ва уларнинг уч ёшгача бўлган фарзандларини диагностикадан ўтказиш имконини берди. Бу каби тадбирлар касалликларни эрта аниқлаш ва ўз вақтида даволаш чораларини кўришда муҳим аҳамиятга эга. Тиббий кўрик жараёнлари тизимдаги инсонпарварлик ислоҳотлари билан уйғунликда кечмоқда. Сўнгги йилларда қонунчиликка киритилган ўзгартишлар, жумладан, жазони енгилроғига алмаштириш механизмининг соддалаштирилгани ва маҳкумларнинг шахсий дахлсизлиги кафолатлангани тизимнинг очиқлашаётганидан далолат беради. Айниқса, 2025 йилдан бошлаб китоб ўқиган маҳкумнинг жазо муддатини қисқартириш тартиби жорий этилгани ҳамда масофавий видео-учрашувлар йўлга қўйилгани маҳкумаларнинг ижтимоийлашувига хизмат қилмоқда. Тадбир доирасида “Адолат” СДП Сиёсий Кенгаши раиси, партия фракцияси раҳбари Робахон Махмудова, Олий Мажлиснинг Инсон ҳуқуқлари бўйича Вакили (омбудсман) Феруза Эшматова, Соғлиқни сақлаш вазири ўринбосари Элмира Боситхонова ҳамда депутатлар колониядаги яшаш шароитлари, болалар уйи ва кутубхона фаолияти билан танишишди. Мутасаддилар маҳкумалар билан юзма-юз суҳбатлашиб, уларнинг мурожаатларини алоҳида назоратга олди. Албатта, бу тақдир синовларига дуч келган ҳар бир аёлга “Сиз давлат эътиборидасиз, жамиятга кераксиз” деган ҳаётий даъватдир. Маҳкума аёлларнинг юз-кўзидаги миннатдорлик, эртанги кунга бўлган ишонч шундан далолат берадики, кўрсатилаётган эътибор уларни тузалиш йўлига қатъий ўтишга, хатолардан хулоса чиқариб, жамиятнинг тўлақонли аъзосига айланишга ундайди. Зотан, меҳр ва қадр кўрган қалбда Ватан равнақига ҳисса қўшиш, оиласи ва фарзандлари бағрига ёруғ юз билан қайтиш истаги ҳар қачонгидан ҳам кучлироқ бўлади. Бу ислоҳотларнинг бош мақсади ҳам битта: инсон қадрини ҳар нарсадан устун қўйиш ва ҳар бир фуқарога янги ҳаёт бошлаш учун маънавий куч беришдир. ⚖️Расмий саҳифаларимиз

🟦🟦🟦 Маҳкума аёллар ҳамда уларнинг фарзандлари учун чуқурлаштирилган тиббий кўрик ташкил этилди Жорий йилнинг 3-март куни ИИВ ҳузуридаги Жазони ижро этиш департаменти, Олий Мажлиснинг Инсон ҳуқуқлари бўйича вакили (омбудсман), Соғлиқни сақлаш вазирлиги ҳамда “Адолат” СДП фракцияси ҳамкорлигида муҳим ижтимоий тадбир ўтказилди. Тадбир доирасида жазо муддатини ўтаётган аёлларнинг саломатлигини муҳофаза қилиш масаласига эътибор қаратилди. Саломатлик акциясига Соғлиқни сақлаш вазирлигининг 10 дан ортиқ малакали мутахассисларидан иборат гуруҳ жалб этилди. Хусусан, тажрибали акушер-гинеколог, онкогинеколог, маммолог, кардиолог, эндокринолог, педиатр ва психиатрлар маҳкумаларни индивидуал тартибда кўрикдан ўтказдилар. Батафсил юқоридаги лавҳада👆 ⚖️Расмий саҳифаларимиз

🟦🟦🟦🟦🟦 ⚖️ ФРАКЦИЯДА МУҲОКАМАЛАР🗣 Adolat.uz | Facebook | Telegram | Instagram |Twitter | YouTube

🟦🟦🟦🟦 Аёл — жамият таянчи, бола — миллат келажаги Ижтимоий адолат барқарор бўлган қудратли келажак барпо этишни мақсад қилган ҳар қандай миллат, аввало, аёллар ва болалар ҳуқуқини кафолатли ҳимоя қилиши зарур. Шу маънода, “Аёллар ва болалар ҳуқуқларининг ҳимоясини кучайтириш ҳамда уларга нисбатан тазйиқ ва зўравонлик ҳолатларининг олдини олиш бўйича қўшимча ташкилий-ҳуқуқий чоралар тўғрисида”ги Президент Фармони мамлакатимизда инсон қадрини улуғлаш, оила институтини мустаҳкамлаш ва ижтимоий адолат тамойилларини амалда таъминлаш йўлидаги навбатдаги муҳим қадам бўлди. Фармон аёллар ва болаларга нисбатан тазйиқ ва зўравонликка мутлақо муросасиз муносабатни шакллантиришга қаратилгани билан аҳамиятлидир. Чунки мамлакатимиз қонунчилигида илк бор аёл ва бола ҳуқуқининг маънавий асослари муфассал белгилаб берилмоқда. Бунда, аввало, эрта никоҳ ва вояга етмаганлар ўртасидаги никоҳ ҳолатларининг олдини олишга қаратилган янги чоралар жорий этилмоқда. Хусусан, никоҳ ёшини пасайтиришга доир истисно ҳолатларини қўллаш тартиби янада қатъийлаштирилади. Бунда ҳар бир ҳолатда ёшларнинг ҳуқуқий, жисмоний ва руҳий манфаатлари устувор мезон сифатида баҳоланади. Эрта никоҳ кўпинча таълимнинг узилиши, ижтимоий ҳимоясизлик, саломатликка хавф ва иқтисодий қарамликка олиб келади. Демак, мазкур чора келажак авлоднинг соғлом ва билимли бўлиб камол топишини таъминлашга хизмат қилади. ➡️ БАТАФСИЛ ⚖️Расмий саҳифаларимиз

#ҲАФТА_ТАҲЛИЛИ 🔴Ўзбекистон “Адолат” социал-демократик партияси ва унинг Олий Мажлис Қонунчилик палатасидаги фракцияси томонидан якунига етган ҳафта давомида ўтказилган муҳим тадбирлар, депутатларимизнинг мамлакатимизда юз бераётган ижтимоий-сиёсий воқеликлар юзасидан муносабатлари бўйича ҳафталик дайжест. 🔴Ўзбекистон “Адолат” СДП Матбуот хизмати 🎞 Бизни кузатиб боринг! ⚖️Расмий саҳифаларимиз

🟦🟦🟦 БОЛАЛАР САЛОМАТЛИГИ — ДОИМИЙ ЭЪТИБОРДА 🔴 Қонунчилик палатасидаги «Адолат» СДП фракцияси раҳбари Робахон Маҳмудова Фарғона шаҳридаги мактабгача таълим ташкилотларида болаларнинг овқатдан заҳарланиши билан боғлиқ вазиятни шахсан ўрганди. Партия етакчиси шифохонада бемор болалар ва уларнинг ота-оналари билан мулоқот қилиб, озиқ-овқат хавфсизлиги ва тиббий хизмат сифати устидан партиявий назорат ўрнатилишини ҳамда соҳадаги камчиликлар юзасидан тизимли чоралар кўрилишини таъкидлади. Маълумотларга кўра, овқатдан заҳарланиш белгилари билан мурожаат қилган 62 нафар боланинг 22 нафари мазкур шифохонага ётқизилган эди. Шифокорларнинг тезкор ва фидокорона ҳаракатлари натижасида қисқа фурсатда 18 нафар бола соғайиб, оиласи бағрига қайтди. Айни дамда қолган 4 нафар беморнинг аҳволи барқарор бўлиб, улар тажрибали мутахассисларнинг қатъий назорати остида зарур муолажаларни олмоқда. Робахон Маҳмудова болалар саломатлиги масаласи «Адолат» СДП учун энг устувор йўналиш эканини алоҳида таъкидлади. Муассасаларда бу каби нохуш ҳолатларнинг такрорланмаслиги учун тизимли чоралар кўриш зарурлиги қайд этилди. Шунингдек, партия етакчиси томонидан қуйидаги таклиф ва тавсиялар илгари сурилди: – Мактабгача таълим муассасаларида озиқ-овқат маҳсулотларини сақлаш ва тайёрлаш устидан жамоатчилик назоратини кескин кучайтириш; – Боғчаларни сифатли маҳсулотлар билан таъминловчи етказиб берувчиларнинг масъулиятини ҳуқуқий жиҳатдан ошириш; – Бирламчи тиббий ёрдам сифатини юқори даражага олиб чиқиш ва профилакторий ишларини жадаллаштириш «Ҳар бир боланинг саломатлиги — жамият келажаги демакдир», — деди Робахон Маҳмудова мулоқотда. ⚖️Расмий саҳифаларимиз

🟦🟦🟦 ФАРҒОНАДА «AДОЛАТ»ЧИ ШИФОКОРЛАР САФИ ЯНАДА КЕНГАЙДИ 🔴 Фарғона шаҳар болалар шифохонаси қошидаги бошланғич партия ташкилоти вилоятдаги энг йирик ва намунали жамоалардан бири саналади. Илгари 100 нафардан зиёд аъзони бирлаштирган ушбу ташкилот сафига бугун яна 25 нафар фидойи тиббиёт ходимлари қўшилиб, «Адолат» СДП аъзосига айланди. Таъкидлаш жоизки, 170 ўринга мўлжалланган мазкур шифохонада бугунги кунда 38 нафар шифокор ва 214 нафар ҳамшира болажонлар саломатлиги йўлида туну кун хизмат кўрсатмоқда. Жарроҳлик, неврология, анестезиология ва реанимация каби 10 та бўлим энг замонавий тиббий жиҳозлар билан таъминлангани касалликларни эрта аниқлаш ва самарали даволаш имконини бермоқда. Фидокорона меҳнат қилаётган ушбу жамоанинг сиёсий фаоллиги ҳам таҳсинга лойиқ. Шифохона бош шифокори Ҳокимжон Ибрагимовнинг таъкидлашича, жамоанинг «Адолат» партиясини танлаши бежиз эмас: «Биз аҳоли саломатлигини муҳофаза қилиш ва тиббиёт ходимларининг қонуний манфаатларини ҳимоя қилишга устувор аҳамият қаратаётган «Адолат» партияси сафида бўлишни мақсад қилдик. Бу бизга нафақат касбий, балки ижтимоий масъулиятни ҳис этишда ҳам куч беради». Янги қабул қилинган аъзоларга гувоҳномаларни топшириш маросими ҳақиқий байрам тадбирига айланди. Ўзбекистон «Адолат» СДП Сиёсий Кенгаши раиси Робахон Маҳмудова тадбир иштирокчиларини қутлар экан, тиббиётчиларнинг партияга бўлган ишончи учун миннатдорлик билдирди. Партия етакчиси янги аъзоларга гувоҳномаларни шахсан топшириб, уларни адолат ва қонунийлик тамойиллари йўлида содиқ хизмат қилишга чақирди. ⚖️Расмий саҳифаларимиз

🟦🟦🟦 ЧЕГАРАОЛДИ МАҲАЛЛАДА ОЧИҚ МУЛОҚОТ 🔴 Фарғона туманининг энг олис ва ўзига хос ҳудудларидан бири — Қирғизистон Республикаси билан чегарадош «Ҳосилот» маҳалласи «Адолат» СДП ишчи гуруҳи диққат марказида бўлди. Мазкур ҳудуднинг ўзига хослиги шундаки, 250 нафардан зиёд фуқаро қўшни давлат ҳудуди ичида жойлашган, бироқ Ўзбекистонга қарашли бўлган эксклав ер майдонларидаги хонадонларда истиқомат қилади. 3000 нафардан ортиқ аҳоли яшайдиган «Ҳосилот» маҳалласи аҳли асосан малина етиштириш ва чорвачилик орқали рўзғор тебратади. Бу ерда деҳқончилик шунчаки машғулот эмас, балки асосий даромад манбаидир. Ҳар бир оила томорқадан унумли фойдаланиб, йил давомида ўртача 10 миллиондан 100 миллион сўмгача даромад олади. Бу эса ҳудуд аҳолисининг меҳнатсеварлиги ва тадбиркорлик салоҳияти юқори эканидан далолат беради. Мазкур маҳаллада ўрганиш олиб борган Қонунчилик палатасидаги «Адолат» социал-демократик партияси фракцияси раҳбари Робахон Маҳмудова маҳалла «еттилиги» вакиллари билан учрашиб, ҳудудни ободонлаштириш ва инфратузилмани яхшилаш масалаларини муҳокама қилди. Мулоқот давомида партия етакчиси февраль ойида ўтказилган «Огоҳ бўлинг, фирибгар!» тарғибот лойиҳасига алоҳида тўхталди. Ахборот технологиялари ривожланган бугунги даврда кибержиноят ва фирибгарлик қурбонига айланмаслик учун аҳолининг ҳуқуқий ва рақамли саводхонлигини ошириш ҳаётий зарурат экани таъкидланди. Очиқ мулоқот тарзида ўтган учрашувда фуқаролар бир қатор масалаларни ўртага ташладилар. Хусусан: – Аҳоли бандлигини таъминлаш ва имтиёзли кредитлар ажратиш; – Болалар нафақаси ва ижтимоий ёрдам тизими; – Электр таъминоти сифатини яхшилаш, янги трансформаторлар ўрнатиш ва эскирган симёғочларни замонавий темир-бетон таянчларга алмаштириш масалалари. Кўтарилган ҳар бир мурожаат юзасидан туман масъулларига тегишли тавсия ва кўрсатмалар берилди. Ушбу тадбир аҳоли муаммоларини бевосита жойида ўрганиш, уларни ҳал этишнинг аниқ механизмларини ишлаб чиқишда муҳим аҳамият касб этди. Зеро, «Адолат» партиясининг мақсади — ижтимоий адолат тамойилларини ҳар бир маҳалла, ҳар бир хонадон ҳаётида қарор топтиришдир. Партия етакчисининг жойлардаги учрашувлари давом этмоқда. ⚖️Расмий саҳифаларимиз